Një shqiptar dhe një italian kanë rënë në prangat e policisë pasi janë kapur me një sasi të madhe droge.
Plot 100 kg drogë e llojit marijuanë është sekuestruar nga policia italiane, që po të dilte në treg kapte vlerën e 1 milionë eurove.
Një 38-vjeçar shqiptar dhe një 44-vjeçar italian u pikasën nga policia dhe u vunë në ndjekje të tyre. Arrestimi ndodhi pranë shtëpisë së shqiptarit, ndërsa drogën e kishin fshehur në sediljen e pasme të makinës dhe ishte paketuar në thasë të kuq.
Policia vazhdon hetimet për zbulimin e bashkëpunëtorëve të tjerë.
