Në 24 orët e fundit në vend u raportuan 82 infektime të reja me koronavirus.
Mësohet se mes tyre është një mjek reanimator në Elbasan, i cili dyshohet të jetë infektuar në punë.
Kjo pasi pak ditë më parë, në repartin e gjinekologjisë rezultuan të prekura me koronavirus dy infermiere.
Ndërkohë krahas mjekut janë infektuar edhe familjarët e tij, bashkëshortja dhe vajza e tij e mitur.
Në orët e fundit si infektime të reja u raportuan 30 raste në Tiranë, 11 në Shkodër, 6 në Kukës, 5 në Elbasan, nga 4 raste në Bulqizë, Krujë, Berat, Malësi e Madhe, nga 3 raste Kavajë, Përmet, 2 në Korçë, nga 1 rast në Pukë, Mirditë, Kamëz, Gjirokastër, Tepelenë, Dibër.
Në vendin tonë aktualisht janë 1273 persona aktivë me Covid-19, dhe 83 viktima të shënuara qysh nga nisja e pandemisë.
Humbjet e jetës janë shënuar në Tiranë 46, Durrës 13, Fier 5, Vlorë 2, Shkodër 12, Kukës 1, Elbasan 2, Lezhë 1 dhe Berat 1.
Sakaq shpërndarja gjeografike e rasteve aktive sipas qarqeve: Tiranë 509; Durrës 215; Shkodër 173; Vlorë 116; Lezhë 64; Fier 41; Elbasan 33; Korçë 32; Kukës 32; Berat 24; Gjirokastër 17 dhe Dibër 17.