Samiti i NATO-s, i cili mban 70-vjetorin në Londër duket se nuk ka shkuar shumë mirë për presidentin amerikan Donald Trump, i cili zgjodhi të largohej prej saj më herët. Shkak u bë një video ku liderët botëror si kryeministri kanadez, Justin Trudeau, kryeministri britanik Boris Johnson, kryeministri holandez Mark Rutte dhe presidenti francez Macron duket se tallen me Trump gjatë një pritje në Pallatin Buckingham.
Kjo sigurisht shfaqja e videos në media nuk i ka pëlqyer aspak Trump, i cili shpërtheu ndaj kryeministrit kanadez Justin Trudeau duke e cilësuar me “dy fytyra”.
Gjatë një konference me kancelaren gjermane Angela Merkel, Trump tha se “Trudeau është një djalë i mirë, por e vërteta është se unë e thirra atë me faktin se ai nuk paguan 2 % (në shpenzime ushtarake) dhe mendoj se ai nuk është i lumtur për këtë.”