Një person ka humbur jetën ndërsa gruaja, me të cilin bashkëjetonte, ndodhet në spital jashtë rrezikut për shkak të aksidentit të një makine, e cila pasi ka përfunduar jashtë rruge ka shpërthyer në flakë. Ngjarja e rëndë ka ndodhur në aksin Sarandë-Delvinë, në vendin e quajtur Karahaxh, ku për pasojë, shoferi është djegur i gjallë brenda në makinë, ndërsa gruaja që ishte në mjet, bashkëjetuesja e tij, ka shpëtuar për mrekulli.
Policia tha se ngjarja ndodhur rreth orës 20:40, në aksin rrugor pranë vendit të quajtur “Karahaxh”, ku automjeti tip “Renault Megane” që drejtohej nga shtetasi A. C., ka dalë nga rruga dhe ka marrë flakë.
Si pasojë e flakëve të shpejta është djegur rëndë dhe ka ndërruar jetë brenda në mjet drejtuesi A.C. me banim në Fier. “Ndërsa bashkëjetuesja e tij shtetasja M. M., ndodhet në Spitalin e Sarandës, jashtë rrezikut për jetën”, deklaroi policia, e cila shtoi grupi hetimor ndodhet në vendngjarje dhe po punon për zbardhjen e rrethanave të ngjarjes.