Numrat e telefonit të 2 princeshave të Dubait, raportohet se janë pjesë në softuerin e spiunazhit, Pegasus.
BBC shkruan, se bëhet fjalë për Princeshë Latifa, të bijën e kreut të Dubait, dhe bashkëshorten e tij Haya Bint al-Hussain.
Në shkurt të këtij viti, BBC-ja publikoi një video sekrete të princeshës Latifa, në të cilën ajo thoshte se po mbahej peng dhe se kishte frikë për jetën e saj.
Ndërkohë princesha Haya kishte ikur nga Dubai më 2019 duke thënë se kishte frikë për jetën e saj.
Autoritetet e Emirateve të Bashkuara Arabe i kanë mohuar pretendimet e të dyja grave.
Numrat e tyre janë në listën e rreth 50 mijë numrave të personave që besohen se ishin me interes për klientët e kompanisë me bazë në Izrael, NSO Group, e cila e ka zhvilluar softuerin për spiunim, Pegasus.
Organizata për mbrojtjen e të drejtave të njeriut, “Amnesty International”, ka lëshuar një deklaratë duke pretenduar se këto gjetje e përfshijnë kompaninë NSO Group në katalogun e shkeljeve të të drejtave të njeriut në rastin e dy princeshave.
Megjithatë, kompania izraelite ka thënë se nuk ka bërë asgjë të gabuar dhe se softueri i saj përdoret kundër kriminelëve dhe terroristëve si dhe në të kanë qasje vetëm agjencitë ushtarake, inteligjenca dhe forcat e sundimit të ligjit.