Pjesëmarrja në votime ka qenë beteja e ditës së zgjedhjeve, e cila ka shënuar vetëm disa incidente të papërfillshme, ndërsa rezulton se deri në orën 17:00, nga shifrat paraprake ka pasur një pjesëmarrje të kënaqshme në Tiranë, ndërsa Divjaka ka tejkaluar pjesëmarrjen e vitit 2017.
Sipas të dhënave nga Partia Socialiste, rezulton se deri në këtë orë, në Tiranë kanë marrë pjesë në votime 142 732 zgjedhës. Kjo shifër është komentuar nga Arbjan Manziku, i ftuar në emisionin maratonë të Real Story në Vizion Plus, ku sipas tij, krahasuar me vitin 2017, kjo shifër është në nivelet e pritshme të PS, e cila në vitin 2017 ka marrë 164 mijë vota.
Po ashtu, në Divjakë, ku i dërguar për fushatën ka qenë zëvendëskryeministri Erjon Braçe, rezulton se pjesëmarrja ka tejkaluar vitin 2017. Edhe në Berat, sipas ministrit Blendi Klosi është arritur numri i votave të 2017-s.
Pjesëmarrja e qytetarëve me të drejtë vote në qendrat e votimit deri në orën 18:00 në disa qytete vijon si më poshtë:
Bashkia Kukës, 9300 numri i votuesve nga 44 362 që është në total
Bashkia Korçë deri në orën 17:00, ka në total 20400 votues
Bashkia Durrës, 35150 zgjedhës nga 251 457 gjithsej
Bashkia Tepelenë, 4231 votues
Bashkia Libohovë, 1161 votues
Bashkia Sarandë, 8090 votues
Bashkia Dropull, 2390 votues
Bashkia Kavajë, 6000 votues
Bashkia Përmet, 4238 votues
Fier, 23.1%
Roskovec, 28%
Divjakë, 28.6%