Polonia ka nënshkruar një kontratë 735 milionë dollarësh me Shtetet e Bashkuara për furnizimin me raketa JASSM-ER, tha këtë të martë Ministri i Mbrojtjes Wladysław Kośniak-Kamiz, pasi vendi shpenzon shumë për të forcuar forcat e saj të armatosura pas pushtimit rus të Ukrainës.
Varshava po shpenzon rreth 4 për qind të PBB-së së saj për mbrojtjen këtë vit dhe javën e kaluar njoftoi një marrëveshje me SHBA-në për të ofruar një sistem zbulimi të hapësirës ajrore prej 960 milionë dollarësh për të monitoruar kufirin e saj verilindor.
“Sot ne nënshkruam një kontratë me vlerë 735 milionë dollarë, një tjetër kontratë shumë milionëshe, për blerjen e raketave ajër-tokë”, tha Kosiniak-Kamiz në një konferencë për shtyp.
Raketat kanë një rreze veprimi prej rreth 1000 kilometrash, sipas ministrisë së mbrojtjes./abcnews.al