Vijon edhe këtë të mërkurë (17 dhjetor) bllokimi për 3 orë i aksit rrugor Kakavijë-Janinë. Policia Kufitare e Kakavijës ka bërë me dije se si pasojë e protestës së fermerëve grekë, do të bllokohet edhe sot nga ora 19:00 deri në 22:00 aksi Kakavijë-Janinë.
Do të lejohet vetëm kalimi për automjetet që do të kenë emergjenca shëndetësore.
“Policia Kufitare Kakavijë, nëpërmjet qendrës së përbashkët të shkëmbimit të informacionit Kakavijë, është njoftuar nga Policia Kufitare Greke se ditën e sotme, nga ora 19:00 deri në orën 22:00 (me orën greke), aksi rrugor Kakavijë–Janinë, në kryqëzimin e fshatit Kallpaq, do të jetë i bllokuar për shkak të protestës që do të zhvillojnë fermerët Do të lejohen të qarkullojnë vetëm automjetet që do të kenë emergjenca shëndetësore.
Policia Kufitare Kakavijë kërkon mirëkuptimin e qytetarëve dhe sugjeron planifikimin e udhëtimeve me automjete, në orare të tjera të ditës”, thuhet në njoftim.