Mediat televizive dhe Partia Demokratike njofton se kanë nisur sërish përplasjet tek Bregu i Lumit, mes banorëve të zonës dhe policisë.
Fadromat kanë nisur të shembin shtëpitë në mënyrë që të hapet rruga për zgjatimin e mëtejshëm të bulevardit të ri të Tiranës. Por banorët e zonës janë ngritur në protestë duke kundërshtuar shembjen e shtëpive.
Madje PD njofton se forca të shumta të policisë i kanë konfiskuar banorëve telefonat me të cilët filmonin ngjarjen.
Për të ndërtuar bulevardin do të shemben 38 banesa, por Bashkia e Tiranës ka siguruar strehim social për këto familje.