Refuzimi i Shqipërisë dhe Kosovës për të mos marrë pjesë në samitin Procesit të Bashkëpunimit të Evropës Juglindore (SEECP) organizuar nga Bosnje-Hercegovina, ka sjell reagimin e Serbisë. Shqipëri refuzoi pjesëmarrjen në samit pasi Kosova u trajtua nga organizatorët në mënyrë të pabarabartë dhe të papranueshme. Por Serbia nuk mendon në mënyrë të njëjtë. Ministri i Jashtëm serb, Ivica Daçiç hedh akuza ndaj qeverisë së Tiranës dhe Prishtinës se po punojnë në krijimin e “Shqipërisë së madhe”. Kjo ide tha Daçiç ka nisur që kur të dy vendet arritën një marrëveshje për përfaqësim të përbashkët në politikën e jashtme.
“Pacolli thotë se marrëveshja për politikë të përbashkët të jashtme i paraqet Shqipërinë dhe Kosovën si një komb të vetëm. Çfarë duhet të ndodhë tjetër që të vërtetohet se në prag e kemi krijimin e Shqipërisë së madhe”? Imagjinoni nëse Serbia tani do të nënshkruajë një marrëveshje të tillë me “Republikën Sërbska” (në Bosnje)? A është atëherë një shkelje e integritetit territorial të Bosnje Hercegovinës apo me ndonjë interes? Ndoshta të gjithë do ta dënojnë atë.”- tha Daçiç
