Elbasan e Kavajë, dy të vdekur në aksidente rrugore

Rrugët e vendi u përgjakën përsëri pasditen e të hënës. Dy aksidente, në Elbasan dhe Kavajë, i morën jetën dy personave këtë fillim jave. Konkretisht, një i moshuar rreth moshës 60 vjeç mbeti i vdekur pasditen e të hënës në qytetin e Elbasanit. Ai u përplas nga një mjet në lagjen “28 Nëntori” në qytetin. Identiteti i viktimës ende nuk bëhet i ditur.

Paraprakisht mësohet se i moshuari ishte kalimtar, ndërsa është përplasur nga një mjet tip Volkswagen, që drejtohej nga shtetasi me inicialet L.K. 47-vjeç. Policia po punon për zbardhjen e shkaqeve dhe rrethanave të ngjarjes.

Ndërkohë, rreth orës 17:40 të pasdites, në rrugën dytësore të Malit të Robit, automjeti me drejtues shtetasin B. F përplasi një 52-vjeçar me inicialet G.L., që ishte duke udhëtuar me biçikletë. Si pasojë e përplasjes, drejtuesi i biçkletës ndërroi jetë në vendngjarje.

Drejtuesi i automjetit shtetasi B. F është shoqëruar në komisariat për veprime të mëtejshme hetimore. Grupi hetimor ndodhet në vendngjarje, ku po vijon punën për sqarimin e rrethanave të ngjarjes dhe shkakut të aksidentit.

Bilanci i të dielës, 5 aksidente 12 të plagosur në rrugët e vendit

Rrugët e vendit u përgjakën të dielën, me aksidente që nisën në orët e para të mëngjesit dhe vijuan gjatë gjithë ditës deri në mbrëmje. I fundit nga aksidentet, ishte ai në aksin rrugor Fushë Krujë-Tiranë, ku dy mjete janë përplasur mes tyre në afërsi të Larushkut. Për pasojë mbetën të plagosur rëndë dy persona, të cilët janë dërguar në spitalin e Traumës në Tiranë. Identiteti i të aksidentuarëve ende nuk dihet. Policia shkoi në vendin e ngjarjes dhe po punon për zbardhjen e rrethanave të aksidentit.

Po gjatë mbrëmjes të së dielës, në aksin rrugor Tiranë-Durrës, një mjet, i drejtuar nga shetasja me inicialet D.G., është përplasur me bordurën e rrugës pasi shoferja humbi kontrollin. Pas përplasjes me trafikndarësen e rrugës, mjeti është përplasur dhe me një shtyllë ndriçimi në autostradë, e cila është këputur. Për pasojë janë dëmtuar dy pasagjeret në këtë mjet, shtetaset I.H. dhe M.H.

Ato janë dërguar me urgjencë në spital për të marrë ndihmën mjekësore, ndërsa policia thotë se ndodhen jashtë rrezikut për jetën. Në Elbasan, po gjatë mbrëmjes, një person mbeti i aksidentuar në afërsi të stadiumit “Elbasan Arena”. Nga aksidenti mbeti i plagosur një person, rreth 50-vjeç i cili është dërguar me urgjencë në spitalin e Elbasanit.

Tre persona të tjerë u plagosën si pasojë e përplasjes së dy mjeteve në aksin rrugor Librazhd-Prrenjas. Të plagosurit u dërguan me urgjencë në spitalin e Elbasanit, ku ndodhen për mjekim të specializuar. Ndërkohë, paradite, një mjet doli nga rruga dhe ra në përrua në aksin rrugor Librazhd-Prrenjas. Për pasojë mbetën të plagosur katër persona, ndërsa një prej tyre pasditen e të dielës u dërguar në Tiranë për mjekim të specializuar pasi ishte në gjendje më të rëndë.

Shkaqet e këtyre aksidenteve kanë qenë kryesisht të lidhura me parakalimin e gabuar dhe humbjen e kontrollit të mjtetit nga drejtuesit e tyre. Fatmirësisht, ndonëse të pestë aksidentet kanë pasur persona të lënduar rëndë, deri më tani nuk është raportuar për humbje jetësh. Gjatë ditëve të fundit Policia Rrugore raportoi se po ashpërson masat ndaj drejtuesve të mjeteve që shkelin rregullat e qarkullimit, duke vendosur mijëra masa administrative, pezullim lejesh drejtimi por edhe arrestime të shoferëve që janë gjetur me shkelje të rënda.

Përgjaken rrugët në Tiranë e Elbasan, tre të plagosur nga aksidentet

Një aksident ndodhi të dielën në mbrëmje në aksin rrugor Tiranë-Durrës. Një mjet, i drejtuar nga shetasja me inicialet D.G., është përplasur me bordurën e rrugës pasi shoferja ka humbur kontrollin.

Pas përplasjes me trafikndarësen e rrugës, mjeti është përplasur dhe me një shtyllë ndriçimi në autostradë, e cila është këputur.

Për pasojë janë dëmtuar dy pasagjeret në këtë mjet, shtetaset I.H. dhe M.H. Ato janë dërguar me urgjencë në spital për të marrë ndihmën mjekësore, ndërsa policia thotë se ndodhen jashtë rrezikut për jetën.

Policia rrugore ndodhet në vendngjarje ku po vijon punën për sqarimin e rrethanave të ngjarjes dhe shkakut të humbjes kontrollit të automjetit.

Pak minuta pas këtij aksidenti në Tiranë, një tjetër aksident u raportua në qytetin e Elbasanit, në afërsi të stadiumit “Elbasan Arena”. Nga aksidenti mbeti i plagosur një person, rreth 50-vjeç i cili është dërguar me urgjencë në spitalin e Elbasanit.

Shifrat e frikshme të 2019: një i vdekur nëpër rrugë, çdo dy ditë

Rastësisht në ditën, kur afër Elbasanit vdiqën katër persona në një aksident rrugor, ku u përfshinë tre automjete, Instituti i Statistikave ka publikuar të dhënat zyrtare për aksidentet e ndodhura në tetëmujorin e këtij viti. Tetëmujori i këtij viti ka pasur 11.6% aksidente më pak se një vit më parë. Konkretisht, deri në gusht të këtij viti, në vendin tonë kanë ndodhur 1.014 aksidente, ndërkohë në të njëjtën periudhë të një viti më parë, ndodhën 1.147 aksidente. Gjatë muajit gusht të këtij viti, janë përfshirë në aksidente 230 persona, nga 268 që kishte në të njëjtën periudhë më parë. Ulje, por modeste, ndërkohë që numri i viktimave mbetet i lartë.

Numri i të aksidentuarve në tetëmujorin e vitit 2019, është 1.418 persona nga 1.547 persona, duke u ulur me 8,4 %, krahasuar me të njëjtën periudhë të vitit 2018. Në muajin Gusht 2019, numri i të vdekurve nga aksidentet rrugore është 22 persona nga 27 persona të vdekur në Gusht 2018. Në tetëmujorin e 2019, numri i të vdekurve nga aksidentet rrugore është 137 persona nga 143 persona në të njëjtën periudhë të një viti më parë. Por kjo pak ka ndryshuar mesataren e frikshme: edhe këtë vit, në aksidente ka humbur jetën nëpër rrugë një person çdo dy ditë. Në muajin Gusht 2019, aksidentet rrugore, në 81,6 % të rasteve, kanë ndodhur si pasojë e sjelljes së drejtuesit të mjetit.

Numri më i lartë i aksidenteve në këtë periudhë është kryer nga grup mosha 25 –35 vjeç, duke zënë 34,2 % të numrit të aksidenteve gjithsej. Aksidentet në këtë grup moshë janë ulur me 3,7 %, krahasuar me të njëjtën periudhë të një viti më parë. Në tetëmujorin e 2019, aksidentet rrugore, në 14,2 % të rasteve, kanë ndodhur si pasojë e sjelljes së këmbësorit. Gjatë kësaj periudhe, numri i aksidenteve sipas sjelljes së këmbësorit është ulur 38,5 %, krahasuar me një vit më parë.

E rëndë, katër aksidente, 2 të vdekur dhe 8 të plagosur

Një aksident me pasoja tragjike ka ndodhur mbrëmjen e së dielës në aksin rrugor Pogradec-Korçë, në afërsi të fshatit Leshnicë. Dy mjete, një tip “Golf” dhe një tip “Benz”, janë përplasur mes tyre, ku si pasojë ka mbetur i vdekur në vend drejtuesi i mjetit tip golf, emri dhe mosha e të cilit ende nuk bëhet i ditur.

Ndërkohë, si pasojë e po këtij aksidenti, kanë mbetur të plagosur dhe katër persona të tjerë. Konkretisht, të plagosura kanë mbetur dy gra dhe një fëmijë i mitur, që udhëtonin në mjetin tip “Golf”, si dhe drejtuesi i mjetit tip “Benz”, shtetasi me inicialet D.H., raporton policia.

Sipas informacionit zyrtar, mësohet se të plagosurit ndodhen nën kujdesin e mjekëve, ndërsa policia ka nisur hetimet për zbardhjen e rrethanave të aksidentit tragjik. Ndërkohë, viktima e këtij aksidenti, ka mbetur brenda makinës së aksidentuar për më shumë se një orë.

Ky është aksidenti i katërt që ndodhë brenda një dite në vendin tonë. Paraditen e të dielës, në një aksident në Rrugën e Kombit, mbeti e vdekur një vajzë e mitur, që po udhëtonte me të atin e saj.

Gjithashtu, një kamion është aksidentuar në aksin rrugor Burrel-Milot, por fatmirësisht shoferi është hedhur para kohe nga kabina e mjetit, duke mos pasur lëndime. Ndërkohë, pasditen e të dielës, tre makina mësohet se janë përplasur në aksin rrugor Peqin-Elbasan.

Si pasojë e këtij aksidenti, kanë mbetur të plagosur katër persona, tre shoferët dhe një grua, për të cilën raportohet se është në gjendje të rëndë shëndetësore. Në aksident janë përshirë dy mjete tip “Benz” dhe një “Mitsubishi”. Të gjithë të plagosurit janë transportuar në spitalin e Elbasanit për ndihmë mjekësore. Policia ka shkuar në vendin e ngjarjes pas aksidentit dhe ka nisur punën për zbardhjen e tij.

Ministri e pranon: Aksidentet rrugore vrasin më shumë se kriminelët

Ministri i Brendshëm Sandër Lleshaj thotë se është ulur numri i aksidenteve rrugore, por përsëri numri i viktimave që ata shënojnë është shumë i lartë. Madje sipas Lleshajt aksidentet vrasin më shumë se kriminelët.

Ai thotë se ndërgjegjësimi i përdoruesve të rrugës dhe i opinionit publik në përgjithësi mbetet rruga kryesore për të shpëtuar jetët.

“Megjithëse numri i viktimave nga aksidentet rrugore vijon të ulet (nga 353 në vitin 2010 ka zbritur në 213 në vitin 2018), aksidentet në rrugë vrasin shumë herë më tepër sesa kriminelët. Ndërgjegjësimi i përdoruesve të rrugës dhe i opinionit publik në përgjithësi mbetet rruga kryesore për të shpëtuar jetët njerëzore nga rreziqet e sjelljes së papërgjegjshme në rrugë. Për këtë qëllim, prita me kënaqësi sot ekipin fitues të biçiklistëve të vegjël nga shkolla 9-vjeçare “Pjetër Budi” në Tiranë, të cilët do të përfaqësojnë Shqipërinë në konkursin ndërkombëtar që zhvillohet në Gjenevë javën e ardhshme.

Këta fëmijë janë një model i bukur angazhimi në shërbim të sigurisë në rrugë dhe e ardhmja e tyre është një thirrje e fortë për të gjithë qytetarët dhe shoqërinë për më shumë kujdes dhe përgjegjësi në qarkullimin rrugor. Ministria e Brendshme dhe Policia e Shtetit janë të angazhuara për të shtuar përpjekjet në funksion të rritjes së parametrave të sigurisë rrugore, ndërkohë që bashkëpunimi i qytetarëve mbetet i pazëvendësueshëm”, shkruan Lleshaj.

Bilanci i 2019, Policia: 133 aksidente më pak krahasuar me 2018

Fal angazhimit më të madh të kontrolleve të policisë për të rritur parametrat e sigurisë rrugore ka pasur një ulje të konsiderueshme të numrit të aksidenteve dhe viktimave krahasuar me një vit më parë. Në një deklaratë për mediat, shefi i Sektorit për Sigurinë Rrugore në Drejtorinë e Policisë Rrugore, Skënder Ismaili ka bërë bilancin e 8 m ujorit të parë të 2019, duke rezultuar me 133 aksidente e pa dhe 6 jetë të shpëtuara më shumë, në krahasim me të njëjtën periudhë të vitit 2018. Gjithashtu edhe në drejtim të vendosjes së gjobave dhe masave administrative për shkelje të rregullave të qarkullimit rrugor janë vendosur 20 000 gjoba më pak se në 2018m, duke treguar kështu një rritje të ndërgjeshmërisë në timon të drejtuesve dhe qytetarëve.

Për periudhën janar – gusht 2019, krahasuar me të njëjtën periudhë të vitit 2018, kemi 133 aksidente më pak, 6 jetë më shumë të shpëtuara, 43 të plagosur rëndë më pak dhe 80 të plagosur lehtë më pak. Një rezultat pozitiv vihet re edhe ën uljen e aksidenteve gjatë 3 mujorit turistik korrik – gusht 2019, ku janë 57 aksidente më pak, 4 të vrarë më pak dhe 18 të plagosur rëndë më pak dhe 28 të plagosur lehtë më pak, se e njëjta periudhë e vitit 2018.

Në lidhje me masat administrative për 8 mujorin e parë të 2019 rezultojnë 847 shtetas të arrestuar pasi drejtonin makinë në gjendje të dehur, 840 drejtues të arrestuar pasi nuk kishin patentë dhe janë pezulluar 4 538 leje drejtimi për tejkalim shpejtësie, 1 862 për përdorim të alkoolit dhe 1 774 për shkelje të ndryshme.

Me qëllim parandalimin e aksidenteve rrugore, sidomos gjatë sezonit turistik 2019, policia përforcoi shërbime shtesë në akset kryesore të vendit në zonat turistike të qyteteve Sarandë, Vlorë, Durrës, Kavajë, Lezhë dhe Shkodër, ku fluksi i mjeteve dhe turistëve ka qenë tepër i madh, gati trefish në krahasim me të njëjtën periudhë të vitit të kaluar. Janë monitoruar me shërbime patrullimi rrugor për 24 orë akset:

– Tiranë – Fushë Krujë – Lezhë – Shkodër;

– Tiranë – Gjiri i Lalzit – Durrës;

– Vlorë – Dhërmi – Himarë – Sarandë;

– Rruga e Kombit Milot – Morinë;

Shërbimi i Policisë Rrugore konstaton se ka ndërgjegjësim dhe sjellje më korrekte të drejtuesve të mjeteve gjatë drejtimit të mjetit, por vazhdon të mbetet shqetësues drejtimi i mjetit nën ndikimin e alkoolit, tejkalimi i shpejtësisë, drejtimi i mjeteve nga drejtues të pa pajisur me leje drejtimi, mospërdorimi i kaskave mbrojtëse nga drejtues motomjetesh dhe përdorimi i celularëve gjatë drejtimit të mjeteve.

Katër aksidente në pak minuta, 8 të plagosur, 2 në gjendje të rëndë

Në harkun kohor prej pak minutash janë shënuar katër aksidente në pjesë të ndryshme të vendit duke lënë të plagosur 8 persona, dy prej të cilëve ndodhen në gjendje të rëndë.

Një aksident i ndodhur pasditen e të shtunës në Fushë-Krujë, në afërsi të fshatit Gjormë, ka lënë të plagosur rëndë dy persona. Makina me të cilën udhëtonin ka dalë nga rruga duke shkaktuar plagë të rënda për dy personat që ndodheshin në të. Dy të plagosurit janë dërguar me urgjencë në spitalin e Traumës në Tiranë.

Një aksident tjetër ka ndodhur në autostradën Lezhe-Laç, pranë Fushë Milotit, ku dy automjete janë përplasur së bashku duke lënë të plagosur dy persona. Nuk dihen shkaqet e aksidentit, por të plagosur kanë mbetur drejtuesi dhe pasagjeri i njërës prej makinave të përfshira në aksident.

Në Mamurras është shënuar një tjetër aksident, ku si pasojë e humbjes së kontrollit një makinë ka përfunduar jashtë rrugë. Për pasojë mbetën të plagosur 2 personat që ndodheshin në makinë.

Aksidenti i katërt ndodhi pranë qendrës së qytetit të Elbasanit. Makina për shkak të shpejtësie ka humbur kontrollin dhe ka përfunduar në një kanal jashtë rruge. Drejtuesi i makinës dhe pasagjeri që ndodhej në të kanë marrë plagë të lehta.

Të gjithë të plagosurit kanë marrë trajtimin e duhur mjekësor dhe ndodhen jashtë rreziku për jetën. Në gjendje më të rëndë ndodhen dy të plagosurit e Fushë-Krujës, të cilët janë dërguar në Tiranë për kurim më të specializuar.

INSTAT: Ulet numri i aksidenteve rrugore, shtohen viktimat

Sipas Institutit të Statistikave numri i aksidenteve rrugore gjatë muajit qershor të vitit 2019 ka pësuar ulje krahasuar me një vit më parë, por numri i viktimave ka qenë më i lartë.

Sipas shifrave të publikuara nga INSTAT gjatë qershorit janë bërë gjithsej 131 aksidente rrugore, ndërsa një vit më parë janë shënuar 142 të tilla.

Në pothuajse të gjitha rastet, konkretisht 91,6 % fajtor ka qenë drejtuesi i mjetit, ku grup mosha më e prekur është 25 – 35 vjeç. Megjithatë, ajo që vihet re është se pavarësisht se ka pasur një rënie të numrit të aksidenteve, numri i personave që kanë humbur jetën është më i lartë se në vit më parë.

Kështu gjatë qershorit të këtij vitit kanë vdekur në aksidente rrugore 26 persona ndërsa një vit më parë 20 persona.

Numri i personave të vdekur në gjashtë mujorin i parë të 2019 është 102 persona, ndërsa në vitin 2018 numërohen 98 persona viktima.

Numri më i lartë i aksidenteve në këtë periudhë është kryer nga grup mosha 25 – 35 vjeç, duke zënë 31,3 % të numrit të aksidenteve gjithsej. Aksidentet në këtë grup moshe janë rritur me 10,8 %, krahasuar me të njëjtën periudhë të një viti më parë.

Shifra shqetësuese, 107 të vdekur në aksidente nga janari në korrik

Nga janari në korrik janë regjistruar jo pak por 107 persona të vdekur në aksidentet rrugore dhe rreth 1 mijë të plagosur.

Shifra është bërë publike të enjten në mbrëmje nga Drejtori i Policisë Rrugore Mitat Tola në një emision televiziv. Ndërsa ka publikuar disa video reale nga aksidentet që kanë ndodhur në Shqipëri kohët e fundit, Tola u ka bërë apel drejtuesve të mjeteve por edhe këmbësorëve të zbatojnë rregullat e qarkullimit rrugor sepse sjellin pasoja të paparashikueshme për jetën e tyre.

“107 të vdekur dhe 1 mijë të plagosur nga 1 janari i këtij viti deri më sot janë shifra mjaft të larta për Shqipërinë”.

Sipas Tolës ka një trend ulje të aksidenteve por gjithsesi sipas shifrave situata mbetet shqetësuese. “Nga masat e policisë vlen të theksohen dy shifra për vitin e kaluar. E para është 3500 patenta të bllokuara dhe shifra prej 13 miliardë lekët të vjetra gjobë të vjela vetëm për shkelje të rregullave të qarkullimit rrugor”, tha ai.

Sipas Tolas, shkelja numër një por që ka sjellë edhe pasoja të rënda është përdorimi I celularit gjatë drejtimit të mjetit.