Autoriteti kombëtar i Ushqimit do të nis aksionet në të gjitha zonët bregdetare, baret, restorantet dhe marketet për të kontrolluar cilësinë ushqimore që tregtohet.
AKU tha se kontrollet do të jenë 20 % më të shumta këtë sezon turistik për të siguruar cilësinë ushqimore për banorët dhe turistët që hyjnë në Shqipëri.
AKU ka nisur inspektime në Fier ku ka marrë masa për bllokimin e ushqimeve të skaduara dhe vendosjen e gjobave për subjektet që kanë shkelur ligjin.
Autoriteti Kombëtar i Ushqimit njofton se ka bllokuar në kufi 762 kg produkte ushqimore të skaduara. Me ndryshimet më të fundit të Kodit Penal personat përgjegjës dënohen me burg pasi janë ashpërsuar nenet që lidhet me sigurinë ushqimore. AKU njofton se produktet e bllokuara ishin majonezë, ketchup dhe xhel karameli.
Ngarkesa me këto produkte ishte nisur nga Kosova dhe pretendohej per ri-eksport në Shqipëri.
Inspektorët e AKU-së gjatë kontrollit në kufi kanë konstatuar këto mangësi:
1.Produktet nuk përputheshin me dokumentacionin që shoqëronte këtë ngarkesë, konkretisht raport-analizat nuk i përkisnin këtyre produkteve. 2.Në çertifikatën e cilësisësë ri-eksportit origjina ishte shkruar Kosovë. 3.Produktet e ngarkeses (majonezë, ketchup, xhel karameli) nuk kishin të shënuara në etiketë numrin e Lott-it dhe datën e prodhimit dhe skadencës 4. Produkti yndyrë gatimi në etiketë kishte të shënuar “preferohet të përdoret para datës 30.03.2016” nderkohe qe në ambalazh (kapaku i kutise plastike) kishte të shënuar datën 11.06.2019.
Në bazë të legjislacionit në fuqi, AKU nuk lejoi futjen e këtyre produkteve në territorin e Republikës së Shqipërisë. Ngarkesa me produktet ushqimore të skaduara u kthye në vendin nga ishte nisur. Me ndryshimet në Kodin Penal që do të miratohen së shpejti masat ndëshkuese ndaj kujtdo që abuzon me sigurinë ushqimore do të jenë tejet të ashpra dhe parashikojnë dënim me burg.
Lajmet se perimet dhe frutat rriteshin me hormone, pesticide dhe me materiale ndërtimi bëri që Autoriteti Kombëtar i Ushqimit të kryente kontrolle në fermat dhe serat e Beratit dhe Fierit.
Sipas AKU-së janë kryer verifikime magazinat që ushtrojnë aktivitet për shitjen e fruta-perimeve me shumicë dhe janë kryer teste nga mostra të ndryshme të marra në laborator. AKU tha se të gjitha kanë dalë brenda normave të përdorimit të pesticideve.
“Për rastet kur është konstatuar mos përmbushje e kërkesave ligjore, inspektorët kanë marrë masa administrative ndaj subjekteve. Shkeljet e konstatuara kishin të bënin kryesisht me mangësi në dokumentacionin për gjurmueshmërine e produktit. Perimet e prodhuara nga fermerët e Myzeqesë dhe kudo në vend janë brenda parametrave të sigurisë dhe standardeve ushqimore bashkëkohore. Për rrjedhojë edhe të kërkuar nga vendet e BE-së dhe kjo vërehet nga rritja e eksporteve të fruta-perimeve drejt vendeve si Greqia, Italia dhe vende të tjera evropiane etj. Pothuajse çdo ditë nga Shqipëria dalin produkte (fruta, perime) me destinacion vendet e BE-së.” – thuhet në njoftimin e AKU