AKU mbyll restorantin dhe marketin në Kamëz, shkelje të rënda të sigurisë ushqimore

Autoriteti Kombëtar i Ushqimit ka mbyllur në mënyrë të menjëhershme një restorant dhe një market në Kamëz, duke i gjobitur gjithashtu me një gjobë me vlerë totale prej 5.3 milion lekësh. Sipas AKU, subjekti “Mexhit Hoxha”, i cili kishte një restorant në Kamëz, ka ushtruar aktivitetin në mënyrë të paligjshme pa pasur liçensën përkatëse, e njëkohësisht, gjatë kontrolleve në këtë subjekt janë gjetur shkelje të rënda të sigurisë ushqimore.

Gjatë kontrolleve, është gjetur se firgoriferët e këtij restoranti ishin të amortizuar dhe me prani ndryshku, mungonte analiza e ujit ndërsa lavamani ka qenë i dëmtuar. Në këto kushte, AKU ka gjobitur me 2.7 milion lekë këtë biznes, dhe njëkohësisht duke mbyllur aktivitetin.

Gjithashtu, subjekti “Tahir Buci” me aktivitet “Market” po në Kamëz, ushtronte veprimtarinë i papajisur me licencën përkatëse, pa manualin/sistemin e vetëkontrollit HACCP (nuk mbante regjistra për monitorimin e temperaturave në ambientet frigoriferike, nuk mbante regjistra pastrimi dhe dezinfektimi etj.), si dhe nuk posedonte sistemin e gjurmueshmërisë për produktet që tregtonte. Ndaj këtij biznesi, AKU ka vendosur një gjobë me vlerë prej 2.6 milion lekësh, njëkohësisht duke mbyllur edhe aktivitetin tregtar.

Ndryshk, myk dhe produkte të skaduara, AKU mbyll dy biznese, një gjobitet

Dy biznese mbyllen dhe një gjobitet nga AKU pasi nuk përmbushin kërkesat ligjore të sigurisë ushqimore gjatë një kontrolli të zhvilluar në tre qytete kryesore në Fier, Korçë, dhe Shkodër në kuadër të sezonit turistik.

Përkatësisht në qytetin e Korçës është mbyllur një pastiçeri pasi në ambientin e prodhimit kishte prani të papastërtive si dhe prezencë ndryshku tek mjetet e punës të cilat ishin dhe tejet të amortizuara, me ndryshk si dhe tregtonte produkte të cilave u kishte kaluar afati i përdorimit si karamele, çokollata, amita, biskota, kikirika, oriz, pije freskues. Për pasojë, ky biznes u mbyll dhe u gjobit me 300,000 lekë për mungesë të kushteve higjeno-sanitare.

Për të njëjtin motiv, tregtim të mallrave të skaduar është gjobitur edhe pastiçeria në Fier, AKU vendosi ta ndëshkonte me gjobë 300,000 lekë për hedhjen në treg të produkteve me afat të kaluar përdorimi dhe bllokimi i produkteve të konstatuara të pasigurta për konsum me qëllim asgjësimin e tyre.

Ndërkohë, më e rëndë paraqitej situata në një furrë buke e pastiçeri në Velipojë. AKU njofton se në këtë biznes tualeti kishte dalje të drejtpërdrejtë në ambientet e prodhimit, mungonte analiza e ujit, muret kishin prani myku dhe mjetet e punës kishin prezencë ndryshku. Masa ndëshkimore për të është bllokim i menjëhershëm i aktivitetit deri në përmirësimin e kushteve higjeno-sanitare dhe gjobë 300,000 lekë.

5 milion lekë gjoba, AKU ndëshkon restorantet e bregdetit

Autoriteti Kombëtar i Ushqimit ka gjobitur të tjera biznese, të cilat janë gjetur me shkelje në fushën e sigurisë ushqimore. Gjatë kontrolleve të AKU, në Berat, Vlorë dhe Durrës, është bërë gjobitja e disa bizneseve, kryesisht në fushën e bareve dhe restoranteve, por edhe të njësive të tregtimit të produkteve ushqimore, të cilat janë gjetur në shkelje të ndryshme.

Nga kontrolli i ushtruar në subjektin “Suljan Skura” Kuçovë, Berat, me aktivitet “Tregti me shumicë të artikujve të ndryshëm ushqimor”, u konstatua se subjekti ushtronte veprimtarinë pa u pajisur me licensën përkatëse. Gjatë kontrollit të kryer u evidentua se kushtet higjeno-sanitare në ambientet e përpunimit ishin të papërshtatshme, produktet ushqimore nuk ishin të sistemuara dhe një pjesë e madhe e produkteve (pije freskuese, ujë dhe birra) ishin vendosur në ambjentin e jashtëm të ekspozuara ndaj agjentëve atmosferik dhe dëmtuesve të ndryshëm.

U evidentuan gjithashtu një sërë produktesh me afat të kaluar përdorimi (miell) si dhe produkte të papajisuara me etiketë në gjuhën shqipe (oriz, kos frutash dhe pije energjike). Nga shqyrtimi i dokumentacionit u konstatua se subjekti nuk dispononte sistemin e gjurmueshmërisë për produktet që tregtonte, si dhe nuk dispononte planin e vetëkontrollit. Ndaj këtij biznesi AKU ka vendosur disa gjoba, vlera e të cilave shkon në 2.6 milion lekë.

Ndërkohë, ndaj restorantit “Pastarrella” në Vlorë është vendosur gjobë me vlerë 1.1 milion lekë, për shkak se nuk dispononte licensën përkatëse. Gjithashtu, në Dhërmi, ndaj restorant “Piratët”, AKU ka bërë gjobitjen e këtij biznesi pasi ushtronte aktivitet pa pasur licensë.

Nga kontrolli i ushtruar në subjektin “Emiljano Dosku” me aktivitet “Bar-Restorant” Ishëm, Durrës, u konstatua se ambientet e përgatitjes së ushqimeve ishin tërësisht të hapura dhe të ekspozuara ndaj pluhurave, mungonte magazina për mbajtjen e lëndës së parë, si dhe punonjësit nuk ishin të pajisur me libreza shëndetësore. Për shkeljet e konstatuara, AKU mori masën administrative: “Gjobë” me vlerë 300,000 lekë për mungesë të kushteve higjeno-sanitare.

Djath dhe fasule të skaduara, AKU gjobit pesë biznese në Fier dhe Korçë

Autoriteti Kombëtar i Ushqimit ka njoftuar se ka vendosur 14 gjoba, me vlerë totale 3.7 milion lekë të reja, ndërsa ka bllokuar sasi të konsiderueshme djathi dhe produkte të tjera ushqimore, të cilët do të asgjësohen, pasi u kishte kaluar afati i përdorimit.

Gjatë kontrolleve në Korçë dhe në Fier, sipas AKU-së, janë gjobitur disa subjekte, të cilat tregtonin produkte ushqimore jashtë kushteve higjenike, në mungesë të liçensës, apo tregtonin produkte të cilatu kishte kaluar afati i përdorimit.

Në Korçë, Maliq dhe Pogradec, AKU ka gjobitur katër biznese, të cilat ushtronin aktivitet kryesisht në fushën e “përpunimit të qumështit dhe nën produkteve të tij” apo “njësi tregtimi të produkteve me orgjinë shtazore”, të cilat nuk përmbushnin detyrimet ligjore të prodhimit dhe tregtimit të këtyre produkteve. Për rrjedhojë, Autoriteti Kombëtar i Ushqimit, ka gjobitur të katër subjektet me një gjobë në vlerë totale prej 3.4 milion lekë të reja.

Ndaj këtyre subjekteve janë marrë edhe masa të tjera, si bllokim i produkteve të ushqimore, djath dhe produkte të tjera, të cilat më pas janë asgjësuar.

Gjithashtu, ndaj një tjetër subjekti në Fier, në një magazinë ushqimore, AKU ka konstatuar se gjendeshin produkte ushqimore për tregtim jashtë afatit të përdorimit. Në këto kushte, inspektorët e ushqimit kanë vendosur gjobë me vlerë 300 mijë lekë ndaj këtij subjekti, duke bllokuar njëkohësisht edhe një sasi të konsiderueshme malli.

AKU gjoba subjekteve në bregdet, bllokon një prej tyre

Autoriteti Kombëtar i Ushqimit vijon aksionin e saj për të siguruar një jetë më të shëndetshme për konsumatorin dhe të ndalojë abuzuesit. Gjatë kontrollit të kryer në Rrogozhinë dhe Spille, AKU ka gjobitur dy subjekte dhe ka bllokuar me dhjetarë kilogramë produkte ushqimore të skaduara. Gjobat kapin një vlerë prej 3.15 milionë lekë.

“Në momentin e kontrollit në subjekt u konstuan produkte të pa etiketuara në gjuhën shqipe (vaj misri, vaj kikiriku, majonezë, salcë domateje, makarona, miell). Gjithashtu u konstatua një sasi prej 5 kg mocarela pa etiketë dhe pa dokumentacion shoqërues si dhe një sërë produktesh ushqimore me afat të kaluar përdorimi ( çokollatë, mini Croisant etj)”, thuhet në njoftimin e AKU.

Për shkeljet e konstatuara AKU mori masat e mëposhtme:

Gjobë 2,000,000 lekë për ushtrim të aktivitetit pa disponuar licencën përkatëse,

Gjobë 300,000 lekë për hedhjen në treg të produkteve me afat të kaluar përdorimi,

Gjobë 100,000 lekë për mungesë të sistemit të gjurmueshmërisë,

Gjobë 50,000 lekë për etiketim në kundërshtim me ligjin,

U bë bllokimi i produkteve të pasigurta për konsum me qëllim asgjësimin e tyre.

Po ashtu nga kontrolli i ushtruar në një tjetër subjekt në Spille, u konstatua se subjekti ushtron aktivitetin si qebabtore i paregjistruar (pa nipt). Aktiviteti ushtrohej në një ambient të hapur dhe jashtë kushteve higjieno–sanitare. Në momentin e kontrollit në subjekt u konstatuan produkte ushqimore, kryesisht pula e qofte të ambalazhuara pa dokumentacion shoqërues (faturë tatimore dhe raport analiza përkatëse apo certifikatë veterinare)

Për shkeljet e konstatuara AKU mori masat e mëposhtme:

Gjobë 500,000 lekë për mungesë të kushteve higjieno-sanitare,

Gjobë 200,000 lekë për mungesë të sistemit të gjurmueshmërisë,

U mor masa e bllokimit të menjëhershëm të aktivitetit si dhe u bë bllokimi i produkteve të konstatuara si të pasigurta për konsum.

Misër dhe ushqime të skaduara, AKU gjobit dhe mbyll disa biznese në vend

Në disa kontrolle të kryera në qytete të ndryshme të vendit, Autoriteti Kombëtar i Ushqimit njofton se ka bërë bllokimin e disa bizneseve, gjobitjen e tyre si dhe sekuestrimin e qindra kilogramëve produkte ushimore, të cilat nuk kanë qenë të përshtatshme për konsum. Kështu, në Tiranë është bërë bllokimi i një Pastiçerie, e cila tregtonte produkte pa pasur liçensë përkatëse.

Ndaj subjektit “Sami Çerri” që prodhonte produkte të pastiçerisë, është marrë masa me gjobë prej 1.200.000 lekësh, ndërsa është bërë sekuestrimi i 225 kg produkte ushqimore dhe bllokim i aktivitetit. Në qytetin e Lushnjës, AKU ka gjobitur një “Market”, i cili tregtonte produkte ushimore të skaduara.

Ndaj subjektit “Lindita Gjini” është vendosur gjobë me vlerën 300.000 lekë, ndërsa është sekuestruar një sasi e konsiderueshme produktesh ushimore (amareta, djath, kroasan, kek, çajra, çokollata, pije energjike, vafer etj), të cilat kishin kaluar afatin e përdorimit.

Në qytetin e Korçës është gjobotir një subjekt i përpunimit të qumështit, i cili prodhonte djath jashtë kresave ligjoreve për treguesit e sigurisë së ushqimit. Gjithashtu, veç gjobës, subjektit “Petraq Zhidro” dhe “Liço A+B”, i është sekuestruar dhe një sasi prej 500 kg djathi.

Po në qytetin e Korçës, është bërë ndërprerja e aktivitetit për një njësi tregtimi, pasi nuk përmbushte kushtet hijeno-sanitore. Ndaj këtij subjekti është vendosur dhe një gjobë me vlerë 300.000 lekë.

Drejtoria Rajonale e AKU Shkodër, në kuadër të masave administrative të marra gjatë kontrolleve të kryera, ka bërë asgjësimin e rreth 48.7 ton produkti “farë misri” e papërshtatshme për mbjellje. Procesi i asgjësimit u krye me pjesëmarrjen e inspektorëve të AKU, Inspektoriatit Shtetëror të Mjedisit dhe Drejtorisë të Tatimeve.

AKU kthen pas lëngjet serbe dhe “Red Bullin” rumun, e pëson dhe kripa Gjermane

Autoriteti Kombëtar i Ushqimit, në një aksion të orëve të fundit, ka bërë bllokimin e disa tonelatave produkte ushqimore në disa pika doganore të vendit. Sipas një njoftimit të vetë AKU, mësohet se nga kontrollet e kryera në pikat doganore të Morinës, Hani Hotit dhe Durrës, janë bllokuar katër ngarkes produktesh: lëngje frutash, pije energjike dhe kripë.

Kështu, AKU njofton se ka bllokuar në total rreth 23 ton kripë, e importuar nga Gjermania dhe Maqedonia, e cila do të përdorej për konsum human në vendin tonë. Sipas AKU, kjo sasi kripe e ardhur nga dy vende të ndryshme në vendin tonë, ka pasur mungesë dokumentacioni, çka ka detyruar Autoritetin Kombëtar të Ushqimit që të bëjë kthimin në vendin e orgjinës për ngarkesën.

Gjithashtu, në një tjetër kontroll të praktikës së importit, është bërë ndalimi dhe kthimi në vendin e orgjinës për një sasi prej 20.4 ton lëngje frutash që vinte nga Serbia me destinacion tregun shqiptar. Ky produkt, sipas AKU-së, kishte afat përdorimi më pak se gjysmën e jetëgjatësisë, për rrjedhojë është ndaluar të futet në vendin tonë, duke e rikthyer përsëri në vendin e orgjinës.

Në pikën kufitare të Hanit të Hotit është bërë ndalimi i një tjetër ngarkese prej 4043 kg pije energjike “Red Bull”, që importohej nga Rumania nga Bracen Distriubtion shpk. Sipas AKU-së, ky produkt kishte mangësi në dokumentacion. Pas bllokimit të ngarkesës dhe lënies së një afati kohor për plotësimin e mangësive në dokumentacion, në kushtet kur subjekti nuk paraqiti dokumentacionin e nevojshëm për të garantuar sigurinë e produktit, AKU urdhëroi “Kthimin në vendin e origjinës” të produktit.

Brejtës në produktet ushqimore, AKU bllokon një supermarket dhe një baxho në Devoll

Autoriteti Kombëtar i Ushqimit ka sekuestruar një sasi të konsiderueshme produktesh ushqimore në Devoll dhe Korçë, duke gjobitur dhe bllokuar dy biznese. Sipas njoftimit të AKU-së, dega lokale e këtij institucioni në Korçë, ka bllokuar aktivitetin e subjektit “Poli Baçi”, që prodhonte produkte dhe nën produkte të bulmetit jashtë kushteve hijeno-sanitare dhe në mënyrë të paligjshme.

“Nga kontrolli i ushtruar në subjektin “Poli Baci” (Menkulas, Devoll) me aktivitet “përpunim qumështi” u konstatua se: Subjekti ishte objekt i pagimit të TVSH, por zhvillonte aktivitetin e tij pa u pajisur me licencën përkatëse; subjekti nuk dispononte certifikatat veterinare të qumështit si lëndë e parë; mungonte ambjenti për pranimin e lëndës së parë dhe depozitimit të mjeteve të pastrimit; mungonin kartat teknologjike; si dhe nuk ishte rinovuar analiza e ujit”, thuhet ndër të tjera në komunikatën e AKU.

Ndaj këtij subjekti janë marrë dhe disa masa financiare deri në mbylljen e aktivitetit, për shkak të shkeljeve të konstatuara. Kështu, AKU e ka gjobitur këtë subjekt me 1.300.000 lekë gjobë, teksa ka bërë bllokimin e rreth 300 kg djath të bardhë dhe kaçkavall, si dhe bllokim të aktivitetit për ushtrim të tij në kundërshtim me ligjin.

Po në zonën e Devollit, në qytetin e Bilishtit, AKU ka bllokuar gjithashtu ushtrimin e një supermarketi, pasi gjatë kontrollit në magazinat e mallit, janë konstatuar mbetje të brejtësve dhe shepndëve, si dhe një sasi e konsiderueshme produktesh ushqimore, miell, oriz, niseshte, e dëmtuar nga brejtësit. Ndaj subjektit “Aurel Zyryku” është vendosur një gjobë prej 500 mijë lekësh për mungesë të sistemit të gjurmueshmërisë dhe mos plotësim të kushteve hijeno-sanitare, si dhe është bërë bllokim i aktivitetit.

Masa me gjobë janë marrë edhe ndaj një subjekti tjetër në Pogradec, i cili shiste produkte ushqimore pa pasur sistemin e gjurmueshmërisë. Ndaj këtij subjekti janë vendosur 100.000 lekë gjobë.

AKU s`kursen Kosovën, i kthen mbrapsht kafen bashkë me qumështin serb

Autoriteti Kombëtar i Ushqimit ka njoftuar se ditën e sotme është bllokuar dhe kthyer në vendin e orgjinës, 365 kg kafe e ardhur nga Kosova dhe 21.6 ton qumësht pluhur nga Serbia. Sipas njoftimit të AKU, kafja e ardhur nga Kosova kishte destinacion tregtimin në tregun shqiptar. Arsyeja e bllokimit të saj është bërë pasi kafes i kishte mbetur afat përdorimi më pak se gjysma e jetëgjatësisë sa saj.

“Nga kontrolli i ushtruar në një ngarkesë me 375 kg “Kafe Espresso D-CAFFE”, nisur nga Kosova me qëllimin për t’u tregtuar në Shqipëri, inspektorët e AKU-së gjatë kontrollit në kufi kanë konstatuar se produktit “Kafe Espresso D-CAFFE” i kishte mbetur afat përdorimi më pak se gjysma (1/2) e jetëgjatësisë”.

“Për rrjedhojë, nuk plotësonte kërkesat ligjore të parashikuara në pikën 2 të Urdhërit Nr.250, datë 29.07.2011 “Mbi disa masa për hyrjen në territorin e Republikës së Shqipërisë të produkteve ushqimore” dhe si e tillë nuk ishte e përshtatshme për konsum. Në bazë të legjislacionit në fuqi, AKU nuk lejoi futjen e këtyre produkteve në territorin e Republikës së Shqipërisë, ngarkesa me këtë produkt ushqimor u kthye në vendin e origjinës”, thuhet në njoftimin e AKU.

Gjithashtu, në njoftimin e AKU mësohet se është bërë kthimi në vendin e orgjinës i një sasie prej 21.6 ton qumësht pluhur, i nisur nga Serbia me destinacion tregun shqiptar.

“Nga kontrolli i ushtruar në praktikën e importit të një ngarkesë me 21,600 kg qumësht pluhur, nisur nga Serbia me qëllimin për t’u tregtuar në Shqipëri, inspektorët e AKU-së në kufi kanë konstatuar se importuesi “ITAL GEL” nuk është i licencuar për shitje me shumicë të ushqimeve me origjinë shtazore për konsum human (nuk ka licencën përkatëse për aktivitetin me Kod II-1B)”.

“Në bazë të legjislacionit në fuqi, AKU mori marrën masa administrative “Bllokim” të sasisë prej 21.6 ton qumësht pluhur, me urdhër kthimin e produktit në vendin e origjinës”, thuhet në njoftimin e AKU.

“Zgjohet” AKU: Bllokon 194 kilogramë produkte të skaduara në një market

Autoriteti Kombëtar i Ushqimit ka njoftuar mesditën e të Premtes, se pas denoncimit të një konsumatori në rrjetin Facebook të autoritetit, ka ndërmarrë një kontroll që ka sjellë bllokimin e produkteve të skanduara të tregtuara nga një market në zonën e Kamzës.

Ndryshe nga herët e tjera AKU në njoftimin e saj ka bërë publik jo vetëm produktet bllokuara, afati i përdorimit të cilave u kishte skaduar, por edhe operatorin tregtar “Market Geni”.

Sipas AKU, operatori tregtar nuk ka paraqitur dokumentacionin e nevojshëm për blerjen e produkteve, planin e vetëkontrollit, cfarë sipas këtij aturiteti, ka sjelle konfiskimin e produkteve të skaduara dhe gjobitjen me 800,000 lekë subjektin që i tregtonte ato.

74 litra vaj ulliri të skaudara në Dhjetorin e 2017, 45 kanaçe birre të skaduara në Maj të viti 2018 si dhe produkte të tjera si karamele, çokollata, qumësht, ujë, lëngje frutash dhe bulmete të tjera.

Sipas institucionit që sigurinë ushqimore e vlerëson sfidë të përbashkët me konsumatorët, ndryshimet e ardhshme në Kodin Penal, do të rrisin masat ndëshkimore duke e cilësuar vepër penale trëgtimin e produkteve me afat të skaduar përdorimi, dhe si e tillë do të ndëshkohet.