Pranga 4 shoferëve të dehur në Tiranë

Policia Rrugore e Tiranës, zhvilloi një aksion gjatë natës duke zbardhur mëngjesi i të dielës në rrugët e kryeqytetit.

Gjatë aksionit, policia kreu testet e alkoolit për drejtuesit e mjeteve në disa akse rrugore. Kontrollet me dragera nisën prej orës 22:00 të së shtunës dhe zgjatën deri në 05:00 të mëngjesit të së dielës.

Në total janë kryer rreth 256 teste alkoli, ku janë konstatuar 11 drejtues mjeti në gjendje të dehur. Atyre do të dalin në komision dhe rrezikojnë pezullimin e patentës nga 6 deri në 12 muaj.

Ndërkohë, 4 drejtues mjetesh u arrestuan për drejtim mjeti në gjendje të dehur, për shkak të konsumit të lartë të alkoolit.

Policia jep dhe një mesazh për drejtuesit e mjeteve, ku shprehet: “Stop drejtimit të mjetit nën efektin e alkoolit apo në gjendje të dehur. Alkooli mpin trurin dhe je i destinuar për të bërë aksident”, shkruan në një njoftim Policia e Shtetit.

Skip to toolbar