Qeveria
vendosi të pezullojë nga detyra e anëtarit të Këshillit Mbikëqyrës të Bankës së
Shqipërisë, Arben Malaj. Gjithashtu, Këshilli i Ministrave i kërkon Kuvendit
shkarkimin nga detyra të zotit Malaj. Pak pas publikimit të njoftimit në
Fletoren Zyrtare, reagoi Arben Malaj. Ai shprehet se tani do ta ketë më të lehtë
të përballet publikisht dhe ligjërisht me shpifsit dhe abuzuesit me pushtetin.
Të
dashur miq, sapo më njoftuan se qeveria ka vendosur pezullimin tim si anëtarë i
Këshillit Mbikqyrës së Bankës së Shqipërisë. Tani do ta kem më të lehtë të
përballem publikisht dhe ligjërisht me shpifsit dhe abuzuesit me pushtetin”.
“Falenderoj
të gjithë ata që më kanë mbështetur dhe inspiruar që vendit tim ta shërbej me
dashuri, profesionalizëm dhe imtegritet. Sfidat më të paaftët dhe shpifsit i
kam fituar përherë moralisht dhe ligjërisht. Asnjë karrike ministrore apo
partiake nuk më ka penguar në angazhimet e mia profesionale, shkencore dhe
politike”, shkruan Arben Malaj.
Qeveria ka pezulluar nga detyra anëtarin e Këshillit Mbikëqyrës të Bankës së Shqipërisë, Arben Malaj dhe i ka propozuar Kuvendit shkarkimin e tij. Vendimi është marrë nga mbledhja e Këshillit të Ministrave në datën 3 dhjetor, ndërsa të enjten është botuar në Fletoren Zyrtare.
“Në mbështetje të nenit 100 të Kushtetutës, dhe ligjit për Bankën e Shqipërisë, me propozimin e Kryeministrit, Këshilli i Ministrave vendosi: që Arben Malaj, anëtar i Këshillit Mbikëqyrës të Bankës së Shqipërisë, të pezullohet nga kjo detyrë. Qeveria i propozon Kuvendit të Republikës së Shqipërisë shkarkimin e Arben Malaj nga detyra e anëtarit të Këshillit Mbikëqyrës së Bankës së Shqipërisë. Ky vendim hyn në fuqi menjëherë”, thuhet në vendimin e publikuar në Fletoren Zyrtare.
Ky veprim i Qeverisë vjen disa muaj pasi maxhoranca kërkoi shkarkimin e Arben Malajt në Kuvend me arsyetimin se ai kishte shkelur Kodin e Etikës së Bankës së Shqipërisë.
28 deputetë të maxhorancës kërkuan shkarkimin e Arben
Malajt, duke dorëzuar dhe kërkesën në parlament. Por, në seancën e datës 18
korrik të këtij viti, kryetari i Kuvendit Gramoz Ruçi e ktheu pas këtë kërkesë.
Ai sqaroi se Kuvendi kishte mos kompetencë për shkarkimin e Arben Malajt, duke
ia kaluar Këshillit të Ministrave këtë vendim.
Sipas Ruçit, në arsyetimin e dhënë në 18 korrik, hapin e parë për shkarkimin e Arben Malajt duhet ta bënte pikërisht Këshilli i Ministrave, dhe më pas i drejtohej Kuvendit. Ndaj, Qeveria konfirmon se i qëndron mendimit për shkarkimin e Arben Malajt, duke hedhur hapin e parë të shkarkimit të tij. Tashmë, ky vendim i Këshillit të Ministrave i kalon Kuvendit për miratim përfundimtar. /Realstory.al/
Shkarkimi i Arben Malajt nga posti i anëtarit të Këshillit Mbikqyrës të Bankës së Shqipërisë është shtyrë për sesionin e ardhshëm parlamentar që nis në vjeshtë. Kërkesa e 28 deputetëve të maxhorancës që kërkojnë shkarkimin e Malajt është hequr nga rendi i ditës i punimeve të kuvendit në seancën e së enjtes, e cila është edhe seanca e fundit për këtë sesion parlamentar.
Kërkesa e deputetëve ishte parashikuar të miratohej në seancën e së enjtes, por siç duket është vendosur të miratohet në nisje të sesionit të ri parlamentar.
Këtë ndryshim e ka sqaruar kreu i Kuvendit, Gramoz
Ruçi i cili sqaroi se Kuvendi ka moskompetencë për shkarkimin e Malajt nga
posti i anëtarit të Këshillit Mbikqyrës të Bankës së Shqipërisë dhe se nismën për
këtë e merr Këshilli i Ministrave “Lidhur me këtë cështje njoftoj nismëtarët
dhe kuvendin se kërkesa nga ana ime i është përcjellë Këshillit të Ministrave
për kompetencë, pasi në zbatim të nenit 47/1 të ligjit për BSH Këshilli i
Ministrave është ai që nis procedurën dhe nëse ai e nis vihen në lëvizje
procedurat e tjera sipas rregullores së Kuvendit, komisionet dhe mandej seanca
e Kuvendit”, u shpreh Ruçi.
Kujtojmë se Ruçi ka një miqësi të vjetër me
Arben Malajn dhe për shumë vite kanë qenë kolegë në Partisë Socialiste.
28 deputetë socialistë firmosën dy ditë më herët
një kërkesë përmes të cilës kërkonin shkarkimin e Arben Malajt nga Këshilli i
Mbikqyrjes së Bankës së Shqipërisë me argumentin se ai ka shkelur kodin e etikës
përmes qëndrimeve dhe deklaratave politike që ka mbajtur në media. Në kërkesë
shkruhet se qëndrimet politike të Malajt bien në kundërshtim me kërkesat që
parashikon Kodi i Etikës i Bankës së Shqipërisë. Edhe institucioni i Bankës së
Shqipërisë përmes një reagimi publik pohoi shkeljen e pretenduar nga
socialistët.
Banka e Shqipërisë thekson se në përcaktimin e parimeve bazë të sjelljes së anëtarëve të Këshillit Mbikëqyrës, Kodi i Etikës sanksionon detyrimin e tyre për të qenë të ndërgjegjshëm për rëndësinë e detyrave dhe të përgjegjësive të tyre, pasi përfaqësojnë organin më të lartë vendimmarrës dhe mbikëqyrës të Bankës së Shqipërisë.
Vetë Malaj e cilësoi një vendim politik kërkesën e deputetëve socialistë për ta shkarkuar, që rezultojnë të jenë po të njejtët deputetë që e propozuan për këtë post.
Një votim për shkarkimin e Malajt në Kuvend,
mund të krijonte probleme të panevojshme për maxhorancën në votim të fshehtë.
Votat miqësore kundër shkarkimit, lehtësisht mund të interpretoheshin si vota
brenda mazhorancës kundër qeverisë. Kështu që Ruçi duket ka gjetur rrugën e
duhur: edhe ruan qeverinë, edhe ruan veten dhe parlamentin, nga ndonjë përçarje
e panevojshme.
Pas publikimit të një njoftimi të Bankës së
Shqipërisë, e cila theksonte rastet kur një anëtar i Këshillit Mbikqyrës
shkelte Kodin e Etikës, ka reaguar dhe Arben Malaj, i cili të enjten pritet të
shkarkohet nga detyra që mban aktualisht. BSH shkruante se Kodi i Etikës u kërkon
anëtarëve të saj të bëjnë kujdes gjatë përfshirjes në debate publike, duke mos
shprehur qëndrime politike që dëmtojmë imazhin e Bankës. Arben Malaj ka bërë dy
reagime të ndryshme në pak orë lidhur me këtë deklaratë të BSH. Në të parin qëndrim,
anëtari i KMBSH shprehet se nuk është i përfshirë në asnjë strukturë partie apo
aktivitet politik, duke e cilësuar këtë si një ngatërrëesë me keqdashje.
“Për këtë debat nuk shprehet Banka e Shqipërisë
si institucion, por vetëm Këshilli Mbikëqyrës. Kam respektuar në maksimum Kodin
e Etikës, nuk marr pjesë në asnjë strukturë të asnjë partie, këtë kërkon ligji
i Bankës, nuk jam i angazhuar në asnjë aktivitet politik, sapo mbaruan
zgjedhjet vendore kjo konstatohet lehtë. Po ngatërrohet me keqdashje dallimi
midis angazhimit apo aktiviteteve publike me angazhimet dhe aktivitetet
politike”, shkruan ndër të tjera Malaj.
Ndërkohë, në një reagim të dytë, Arben Malaj,
tregon se i është dashur të përdorë Kodin e Etikës së Bankës Qendrore
Evropiane, për shkak se në Kodin e Etikës së BSH, nuk ka qenë i parashikuar një
rregull. “Bile bazuar në Kodin Etik të Bankës Qendrore Evropiane edhe pse nuk është
në Kodin Etik të BSH, kam respektuar rregullin e tyre që një anëtar i Këshillit
Mbikëqyrës nuk shprehet në media 7 ditë përpara mbledhjes së këshillit, ku
merret vendimi për politikat monetare, për normën bazë të interesave dhe
instrumenta të tjerë”, shkruan Malaj.
Një pjesë e deputetëve të Parlamentit kanë
firmosur kërkesën drejtuar Kuvendit, ku kërkojnë që në seancën e radhë të
shkarkohet anëtari i Këshillit Mbikëqyrës të Bankës së Shqipërisë, Arben Malaj,
pasi ka shkelur rëndë Kodin e Etikës. Kërkesa është futur në axhendën e
Kuvendit, dhe të enjten pritet që të hidhet në votim.
Banka e Shqipërisë ka mbështetur qëndrimin e mazhorancës
në lidhje me shkarkimin e Arben Malajt, nga detyra e anëtarit të Këshillit Mbikëqyrës
të Bankës së Shqipërisë për shkelje të etikës.
Në një deklaratë, Banka e Shqipërisë ka
treguar rezerva në lidhje me qëndrimet politike të mbajtura kohët e fundit nga
Malaj, që në fakt dënohen edhe nga Kodi i Etikës i miratuar në 2003. Sipas BSH qëndrimi individual që bie ndesh me
karakterin publik të rolit të anëtarëve të Këshillit Mbikëqyrës dhe detyrimin e
tyre për të promovuar besimin publik në integritetin, paanësinë dhe
efektivitetin e Këshillit Mbikëqyrës, duhet detyrimisht të trajtohet si
jopërfaqësues i institucionit dhe në kundërshtim me rregullat e Kodit të
Etikës.
“Kodi i Etikës i kërkon zyrtarëve publikë të
kujdesen që gjatë përfshirjes në debate politike apo publike, të mos dëmtojnë
besimin e publikut në aftësinë e tyre për t’i përmbushur detyrat me paanësi dhe
besnikëri. Banka e Shqipërisë u ka bërë të ditur, në vazhdimësi, të gjithë
anëtarëve të Këshillit Mbikëqyrës detyrimin për të mbajtur parasysh se, që nga
momenti i emërimit, deri në përfundim të mandatit, ata përfaqësojnë, në çdo
situatë, organin më të lartë drejtues të institucionit dhe se me deklarimet apo
veprimet e tyre mund të dëmtojë imazhin e tij.” – thuhet në deklaratën e BSH
Banka e Shqipërisë sqaroi edhe rastet përjashtuese
të Kodit të Etikës që lidhen vetëm më publikimin e artikujve shkencorë, apo
akademikë, ku në të cilën sërish anëtari duhet të qartësojë se artikulli nuk
përfaqëson qëndrimin zyrtar të Këshillit Mbikëqyrës apo të Bankës së
Shqipërisë.
“Kodi i Etikës përcakton shprehimisht se çdo
veprimtari tjetër e anëtarit të Këshillit Mbikëqyrës, e cila kryhet jashtë
detyrave të tij të përcaktuara në Ligjin për Bankën e Shqipërisë, nuk duhet të
ketë ndikim negativ mbi detyrimet që ai ka ndaj Bankës së Shqipërisë dhe nuk
duhet të dëmtojë imazhin e saj. Kodi i Etikës parashikon vetëm një rast kur
anëtarit të Këshillit Mbikëqyrës i lejohet të ndajë qëndrimet e veta nga ato të
Bankës së Shqipërisë. Në publikimin e artikujve shkencorë, apo akademikë,
anëtari mund të qartësojë se artikulli mund të mos përfaqësojë qëndrimin zyrtar
të Këshillit Mbikëqyrës apo të Bankës së Shqipërisë.” – thuhet në deklaratë.
Realstory.al ka mësuar ekskluzivisht se 28
deputetë i kanë bërë një kërkesë Kuvendit të Shqipërisë, ku kërkojnë shkarkimin
e Arben Malajt, nga detyra e anëtarit të Këshillit Mbikqyrës të Bankës së Shipërisë.
Mësohet se kërkesa është depozituar tashmë në Kuvend, dhe shkarkimi i Malajt
pritet të bëhet në seancës plenare të së enjtes. Argumenti i paraqitur nga
deputetët për shkarkimin e Arben Malajt, është shkelja e etikës.
Kërkesa për shkarkimin e Arben Malajt është
firmosur nga një pjesë e deputetëve të cilët në 2018 e propozuan: Taulant
Balla, Antonela Mema, Ervin Bushati dhe Ervin Skuqi. Arben Malaj u zgjodh si anëtar
i Këshillit Mbikqyrës të Bankës së Shqipërisë në dhjetor të vitit 2018, i
propozuar nga Partia Socialiste dhe i mbështetur në Kuvend. Megjithatë, Malaj,
gjatë javëve dhe muajve të fundit, ka lënë mënjanë detyrën e tij si anëtar i Këshillit
Mbikqyrës në BSH, dhe është rikthyer në ‘zanatin’ e vjetër, politikën.
Ai shpesh ka folur kundër kryetarit të
Bashkisë Erion Veliaj, duke e cilësuar edhe “arrogant”, apo kundër Partisë
Socialiste. “Është rritur arroganca e qeverisjes ndaj shqiptarëve. Rritja e
arrogancës fillon nga Bashkia e Tiranës. Kam kundërshtuar moslejimin e shitësve
në rrugë. Nuk po flas për qumështin, por si mund të sillesh me arrogancë për
atë që nxjerr dy tufa presh, një arkë domate, disa qepë për të blerë një palë
këpucë, për të dërguar djalin në shkollë apo për të shkuar diku”.
“Ne qeverisim me gjoba, jo me zemër. Dhe pastaj harxhon mijëra orë në TV duke mbjellë pemë për të përmirësuar imazhin. I gatshëm të përballem me Veliajn për këto çështje. Nuk kthehem në politikë nëpërmjet kësaj PS-je. PS e vërtetë janë njerëzit e thjeshtë, jo ato që vodhën pushtetin” , u shpreh në maj të këtij viti Arben Malaj. Ndaj, për këtë arsye, deputetët socialistë kanë vendosur të kërkojnë shkarkimin e Arben Malajt, i cili në fakt, më herët, ka qenë pjesë e kësaj organizate politike duke mbajtur gjithmonë poste të larta drejtuese.
“A do të ndikojnë zgjedhjet europiane në procesin e integrimit të Shqipërisë?’, ishte tema në emisionit e sotëm në “Real Story” i gazetarit Sokol Balla në Vizion Plus. Paneli i të ftuarëve të sotëm përbëhej nga Teuta Vodo, Gerti Bogdani, Arben Malaj, Henri Çili dhe Skënder Minxhozi, ndërsa në lidhje direkte nga Greqia ka folur kandidatja shqiptare e PASOK-ut për Parlamentin Europian, Ed Gemi.
Analisti Skënder Minxhozi gjatë fjalës së tij theksoi se zgjedhjet, që do të mbahen të dielën, nuk janë të ngjashme me ato të kaluarat në Bashkimin Europian. “Këto janë zgjedhje që nuk i ngjajnë zgjedhjeve të mëparshme të Bashkimit Europian”, tha Minxhozi, teksa shtoi se Shqipëria ende nuk është gati për anëtarsim në union. “Shqipëria nuk është gati për të qenë vend i BE-së. Përgjegjëse është e gjithë klasa politike ndër vite”.
Në këtë linjë qëndron dhe analisti tjetër Henri Çili, i cili u shpreh se vendi ynë ka vite që nuk bën progres për anëtarsim drejt BE-së. “Shqipëria këto 6 vite nuk ka bërë asnjë avancim drejt Bashkimit Europian. Shqipëria dhe shqiptarët i kanë provat që jane pro europian. Duhet të rishikohen marrëveshjet tregëtare. Ne e hapëm ekonomine prej rrugë drejt BE.”, tha Çili.
Duke folur rreth zgjedhjeve në BE, Gerti Bogdani u shpreh se ekstremistët janë duke e shfrytëzuar fushatën për zgjedhjet paralmentare të BE-së. “Ekstremistët po shfrytëzojnë fushatën për tu fuqizuar përmes deklaratave radikale. Ata mund të marrin 80 vota në Parlamentin Europian”, tha Bogdani, ndërsa shtoi se shumë vende në BE po shprehen kundër Shqipërisë: “Reklama Sllovene? Nuk qëndron. Por realiteti shqiptar është problem. Vende të BE-së po shprehen kundër Shqipërisë”, tha ndër të tjera Bogdani.
Ndërkohë, Sekretarja për Marrëdhëniet me Jashtë në PS, Teuta Vodo u shpreh se Liberalët pritet të triumfojnë në zgjedhjet Parlamentare Europiane. “Sot janë dy grupime që rrezikojnë shumë. Liberalët pritet të triumfojnë në zgjedhjet e PE-së”, tha Vodo, ndërsa duke komentuar situatën politike në vend, ajo tha: “PD duhet të dilte me propozime konkrete në formë alternative dhe jo të aplikonte politika bllokuese” .
Arben Malaj u shpreh e Bashkimi Europian është në “borxh” me rajonin e Ballkanit: “BE-ja është në borxh me rajonin e Ballkanit. Ne do bëhemi gradualisht pjesë e saj. Ka tre fusha ku BE-ja e godet Ballkanin; Arsimi, Tregtia dhe Kohezioni Social”, tha Malaj.
