Presidenti i UEFA merr pjesë në hapjen zyrtare të “Arenës Kombëtare”

UEFA njoftoi të premten se Presidenti i saj, Aleksandër Ceferin do të marrë pjesë në ndeshjen e parë të Shqipërisë në Arenën Kombëtare ditën e diele. 17 Nëntori do të përfaqësojë një moment historik për futbollin shqiptar me Arenën Kombëtare në Tiranë, stadiumi i ri i caktuar për zhvillimin e ndeshjes së parë zyrtare, ndërkohë që pritësit mirëpresin me entuziazëm kampionët e Kupës së Botës, Francën.

Stadiumi, me një kapacitet prej 21.690 personash, do të jetë stadiumi më i madh në vend dhe do t’u japë tifozëve të futbollit, si të klubeve ashtu edhe të kombëtares, mundësinë për të parë ndeshjet në një mjedis modern. Përurimi zyrtar i stadiumit ka tejkaluar imagjinatën e mbështetësve të futbollit në të gjithë vendin, me biletat që u shitën me shpejtësi brenda pak ditëve.

Presidenti i UEFA-s, Aleksander Čeferin do të jetë një nga të ftuarit e nderit për ndeshjen e parë zyrtare të Arenës, dhe ai shprehet i lumtur që Tirana tashmë ka një stadium që publiku shqiptar e meriton vërtet.

“Në mënyrë që fubollit të mbetet popullor dhe të tërheqë sa me shumë të rinj në stadiume, është e domosdoshme që tifozët të kenë mundësinë që ti shikojnë ndeshjet në një ambjent të sigurtë dhe të rehatshëm. Stadiumi Air Albania është një xhevahir i vërtetë dhe do të doja t’i shprehja përgëzimet e mia Federatës Shqiptare të Futbollit dhe aktorëve të tjerë që janë përfshirë në mbikëqyrjen dhe përfundimin e kësaj arene të mrekullueshme” u shpreh Z. Čeferin.

“Gjatë viteve të fundit, Shqipëria ka shënuar një progres të jashtëzakonshëm si brenda dhe jashtë fushës në drejtim të zhvillimit të futbollit. Tashmë të rinjtë në të gjithë vendin mund të ëndërrojnë që një ditë të përfaqësojnë Shqipërinë në këtë stadium të mrekullueshëm”, shton më tej Cerfin, citohet nga deklarata e UEFA.

Gjatë viteve të fundit, “Elbasan Arena” dhe “Loro Boriçi” në Shkodër janë rikonstruktuar plotësisht dhe kanë pritur ekipin kombëtar. Ndërkohë, stadiumi “Zeqir Ymeri” në Kukës është duke u rikonstruktuar, sipas projektit të financuar bashkërisht nga FSHF dhe UEFA, nën udhëheqjen e organit drejtues evropian të futbollit që mbulon pothuajse 50% të kostove totale që vijnë nga programi i ndihmës HatTrick i UEFA-s.

“Ndeshja e së dielës do të jetë një moment historik për futbollin në Shqipëri, pasi më në fund mbështetësit nga i gjithë vendi do të mund të ndjekin Kombëtaren tonë të luajë në një arenë fantastike dhe moderne. Do të dëshiroja të shprehja mirënjohjen time ndaj UEFA-s për mbështetjen financiare që ata kanë dhënë si edhe për mbikëqyrjen e projektit, duke na ofruar ekspertizë tejet të vlefshme”, tha presidenti i FSHF dhe njëkohësisht anëtar i Komitetit Ekzekutiv të UEFA-s, Armand Duka.

“Arena Kombëtare” gati, luhet ndeshja testuese Vllaznia-Apolonia

Një javë para ndeshjes Shqipëri-Francë është zhvilluar ndeshja e parë në impiantin e ri “Arena Kombëtare”. Vllaznia-Apolonia për ferma ishte ndeshja testuese e stadiumit të ri, që pret të marrë konfirmimin e UEFA për ndeshjen zyrtare të së dielës së ardhshme.

Në tribunën kryesore janë bërë përshtatjet e kërkuara nga UEFA duke krijuar platformën për mediat dhe gazetarët. Janë përshtatur vendet e kamerave, ndërsa ambientet e brendshme gjithashtu duket se kanë mbetur vetëm disa detaje të vogla. Ndërkohë, në ndeshjen testuese të stadiumit të ri kombëtar, ishte i pranishëm presidenti i FSHF Armand Duka si dhe zyrtarë të tjerë të federatës. Interes të lartë më shumë për të parë stadiumin e ri sesa për ndeshjen, ka pasur dhe nga tifozët. Ata kanë shfrytëzuar mundësinë për t’u futur falas në stadium, duke mbushur me një numër të konsiderueshëm tribunat e stadiumit të ri.

Vlen për t’u theksuar se në ndeshjen e së dielës janë të pranishëm dy inspektorë të UEFA-s, të cilët kanë parë nga afër çdo detaj, për të dhënë më pas “ok” përfundimtar për licencimin e stadiumit. Arena Kombëtare ka kaluar me sukses provën e ndriçimit, audios, akustikës së tifozëve etj. Gjithashtu fusha duket në kushte optimale ndonëse është hera e parë që mbi të luhet futboll. Tashmë pritet drita jeshile që në stadiumin e ri të luhet ndeshja zyrtare pas një jave.

Foto/ “Arena Kombëtare” drejt fundit. Dy inspektorë të UEFA të dielën në Tiranë

Ditët e fundit është folur shumë nëse “Arena Kombëtare” do të liçensohet nga UEFA për të zhvilluar ndeshjen Shqipëri-Francë, e cila përmbyll turneun eleminator të Euro 2020. Realstory.al pyeti UEFA-n nëse ka marrë një vendim apo jo për të lejuar Shqipërinë të luajë në “Arena Kombëtare”. Në përgjigjen e saj, UEFA shprehet: “Ne po monitorojmë nga afër punën në stadium, i cili është në fazën e tij të fundit. Miratimi përfundimtar pritet në kohën e duhur”, tha qeveria europiane e futbollit. Në fakt, duket se për vendimin zyrtar do të duhet të presim edhe disa ditë.

Dy inspektorë të UEFA-s do të jenë të dielën në Tiranë, për të ndjekur ndeshjen testuese në stadiumin e ri kombëtar. Realstory.al mësoi ekskluzivisht se inspektorët e UEFA-s do të jenë ata që do të thonë fjalën e fundit nëse në “Arenën Kombëtare” do të luhet në 17 nëntor. Anëtari i Komitetit Ekzekutiv të FSHF-s, Arben Dervishaj, që është marrë drejtpërdrejt me mbikëqyrjen e punimeve për ndërtimin e stadiumit të ri kombëtar, i tha Realstory.al se nga pala shqiptare janë përmbushur të gjitha kërkesa e lëna nga UEFA. Ai konfirmoi se të dielën dy inspektorët do të ndjekin ndeshjen Apolonia-Vllaznia për femra, e cila do të shërbejë për testimin e stadiumit.

“Do vijnë dy inspektorë të UEFA-s të dielën në ndeshjen testuese. Ata do vijnë të shohin për veten e tyre. Ne e konsiderojmë të marrë sepse detyrat që ka lënë UEFA janë plotësuar. UEFA kishte: kamerat i kemi rregulluar, problemin e gazetarëve e kemi zgjidhur. Problemin e kalimit të kabullave e kemi zgjidhur. UEFA thoshte që nuk është gati dhoma e kontrollit, tashmë ajo është gati. Ne në këtë fazë jemi duke bërë mobiluar dhe pastrojmë stadiumin. Do zhvillojmë ndeshjen. Deri te kuzhina jemi marrë. Sheshi është duke përfunduar”, tha ai.

Më tej, Arben Dervishaj tregoi edhe një detaj, që sipas tij, UEFA parimisht ka konfirmuar se ndeshja do të luhet në “Arena Kombëtare”. “UEFA nuk ka thënë që nuk do luhet ndeshja. Ajo ka thënë që ndeshja do luhet në Tiranë. Por ato nuk e bëjnë publike që ne të jemi në presion për ta mbyllur sa më shpejt. Ne i kemi çuar foto, video. Kemi bërë testin e dritave, të zjarrit, të energjisë. Është 99.9% që do luhet”, tha Dervishaj.

Ai që duket se ishte një nga problemet kryesore për UEFA-n, pozicionimi i kamerave dhe krijimi i fushëpamjes për të kapur gjithçka nga ndeshja, sipas Arben Dervishajt është përmbushur. Ai shprehet se për këtë janë krijuar platforma të veçanta, ndërsa janë bërë dhe prova filmike të cilat i janë dërguar UEFA-s, dhe ajo i ka miratuar.

“Jemi në fazën e mbylljes të të gjitha gjërave që të zhvillohet ndeshja me Francën. Të dielën është ndeshja testuese, ndërsa të dielën tjetër ëshë ndeshja me Francën. Jemi duke diskutuar me UEFA. Ne kemi aprovuar nga UEFA pozicionin e kamerave, janë në L2. Ne bëmë provë me një nga kompanit që ka të drejtën e transmetimit në Shqipëri. Erdhi këtu solli kameran, filmoi ia dërguam UEFA-s dhe është aprovuar. Është mbyllur problemi i pozicionit të kamerave në L2. Janë bërë dhe platformat e kamerave. Jo vetëm kornen, por sheh gjithçka”, shtoi Arben Dervishaj për Realstory.al.

Një mrekulli! Pamje me dron të “Arenës Kombëtare”

Më 3 nëntor “Arena Kombëtare” do të pres ndeshjen e parë të saj, ku do testohet në prag të inaugurimit zyrtar në datën 17 nëntor. Por si duket stadiumi i ri kombëtar vetëm pak ditë përpara ndeshjes testuese? Kryetari i Bashkisë së Tiranës Erion Veliaj publikoi të shtunën pamje të filmuara me dron, ku shihet “Arena Kombëtare” nga lart.

“Një mrekulli”, e quan Veliaj stadiumin e ri kombëtar, i cili do të jetë më moderni në Ballkan, duke plotësuar të gjitha kushtet e kërkuara nga UEFA. “Arena Kombëtare” do të ketë rreth 22.000 vende, dhe do të jetë në dispozicion jo vetëm për ndeshje futbolli, por edhe evente të ndryshme artistike dhe kulturore.

Pas vendosjes së stolave në tre tribunat kryesore të stadiumit, shtrimit të tapetit të blertë, sistmit të ndriçimit dhe audios, si dhe të gjitha pajisjet e tjera që plotësojnë ndërtimin e stadiumit, firma ndërtuese është duke vendosur dhe stola në tribunën VIP, e cila për ndeshjne me Francën do të jetë e gjitha për personalitetet e ftuar në ceremoninë inauguruese të stadiumit.

Mirëmëngjes nga stadiumi "Arena Kombëtare" 🇦🇱Një mrekulli! 😍
Gepostet von Erion Veliaj am Samstag, 26. Oktober 2019

Foto/ “Arena Kombëtare, bizhu e Tiranës”, punimet drejt fundit

Më 3 nëntor stadiumi i ri “Arena Kombëtare” do të hap dyert për tifozët në ndeshjen testuese, për të provuar gjithçka përpara inaugurimit zyrtar. Të dielën paradite, stadiumin e ri kombëtar e vizitoi kryetari i bashkisë së Tiranës, “Erion Veliaj”. Kryebashkiaku tha se ky stadium është një bizhu për Tiranën dhe Shqipërinë. “Kombëtarja ka shëtitur në disa qytete, ka qenë diçka shumë e mirë sepse ka inkurajuar shpirtin e futbollit edhe në qytetet e tjera, ama shtëpia e vërtetë është Tirana. Por, stadiumi i ri është një bizhu; arkitektët, kolegët e federatës, kolegët ndërtues dhe konstruktorë, kanë bërë një punë të jashtëzakonshme”, tha ai.

Duke marrë si shembull stadiumin, Erion Veliaj është shprehur se edhe Teatri i ri Kombëtar dhe Kopshti Botanik, do të jenë bizhutë e reja të kryeqytetit. “Për ata që gjithashtu kanë dyshime për Teatrin Kombëtar apo për Kopshtin Botanik, ato do të jenë bizhutë e tjera të Tiranës. Kjo është një pikë graviteti jo vetëm për të luajtur futboll, por edhe për kulinarinë, turizmin, për hotelin fantastik, elegant. Na duhet të kapim ritmin e Tiranës për shumë projekte të tjera që na presin, duke filluar nga Teatri Kombëtar, nga Kopshti Botanik e shumë ndryshime”, deklaroi Veliaj.

Arkitekti i njohur italian, Marco Casamonti, i cili ka realizuar projektin e stadiumit, e cilësoi atë një vepër të jashtëzakonshme. “Jemi shumë të gëzuar sepse rezultati, edhe nga këndvështrimi teknologjik, është i jashtëzakonshëm, një stadium me të vërtetë avantgard, me arkitekturë që stabilizon të gjithë këtë pjesë të qytetit, një ide e re urbanizimi. Stadiumi nuk është thjesht një vend futbolli, por edhe një vend ku qytetarët mund të vinë për pazar, për shëtitje, ka një portik të madh”, tha Casamonti.

Kryetari i komisionit të infrastrukturës në FSHF, si dhe anëtari i Komitetit Ekzekutiv, Arben Dervishi, deklaroi se po bëhen kontrollet e fundit dhe se gjithçka do të jetë gati për inaugurimin e stadiumit me ndeshjen Shqipëri-Francë më 17 nëntor. Të martën në datën 22 tetor do të dalin në shitje dhe biletat për dy ndeshjet e fundit kualifikuese të kombëtares, atë ndaj Andorrës që do të luhet në “Elbasan Arena” dhe atë ndaj Francës do të luhet në “Arena Kombëtare”.

“Arena Kombëtare” ndez dritat, Shulku: Gati për Francën

“Arena Kombëtare” do të inaugurohet në datën 17 nëntor, ditën kur Shqipëria do të përballet me Francën në ndeshjen e fundit eleminatore të Euro 2020. Ky është vendimi i marrë nga Komiteti Ekzekutiv në Federatën Shqiptare të Futbollit, që ka zgjedhur sfidën e fundit në grupe për kualifikueset e europianit, për të hapur zyrtarisht stadiumin e ri kombëtar.

Ndërkohë, të hënën në mbrëmje është bërë testi final i sistemit të ndriçimit në stadium. Pamjet e publikuara nga FSHF tregojnë një “spektakël” dritash në “Arenën Kombëtare”, të cilat do të garantojnë cilësi maksimale për zhvillimin e ndeshjeve dhe transmetimet televizive.

Stadiumi është në fazën e fundit të punimeve, me tapetin e blertë të shtruar tashmë, 21.750 ulëset e vendosura në të gjitha tribunat dhe të gjitha facalitetet e tjera. Skeretari i Përgjithshëm i FSHF-së, Ilir Shulku, është shprehur se stadiumi i ri kombëtar është në të njëjtat parametra si stadiumi i Juventusit, Shalkes, Liverpoolit, etj.

“Stadiumi i ri kombëtar është investimi më i madh i FSHF. Jemi krenar për të. Tani jemi në fazën finale të punimeve. Vendosja e stolave ka përfunduar, tapeti gjithashtu, po punohet me ambientet e tribunës. E veçanta e sistemit të ndriçimit është se veç ndeshjeve të futbollit mund të përdoret dhe për koncerte, apo spektakle të ndryshme”, tha Shulku.

FSHF ka nxjerr në shitje emrin e stadiumit të ri kombëtar, që për momentin quhet “Arena Kombëtare”. Ashtu si shumë stadiume të botës, FSHF kërkon që të përfitojë nga marketingu i shitjes së emrit të stadiumit, me të ardhurat e përfituara, do të përdoren për mirëmbajtjen e tij, pasi ka një kosto të lartë.

Stadiumi i ri kombëtar 🔴⚫ teston ndriçimin, Sekretari i Përgjithshëm i FSHF, Ilir Shulku: "Jemi në fazën finale të punimeve".#Tiranë #FSHF#Zhvillim 💪 ⚽ 🇦🇱️ #UEFA
Gepostet von Federata Shqiptare E Futbollit am Montag, 23. September 2019

“Arena Kombëtare” del në “dritë”, bëhet prova e parë (foto)

Mbrëmjen e të premtes është bërë prova e parë e ndriçimit të stadiumit të ri kombëtar që po ndërtohet në vend të ish-stadiumit “Qemal Stafa”. Anëtari i Komitetit Ekzekutiv të FSHF, Arben Dervishaj, ka publikuar foto nga impianti i ri i futbollit ku shihet sistemi i ndriçimit. Impianti i ndriçimit është vendosur përreth strehës së tribunave dhe në brendësi të tyre.

Ai duhet të plotësojë standardet e liçensimit të UEFA-s, me qëllim për të garantuar ndriçim të bollshëm për të transmetuar ndeshjet në cilësi maksimale, por edhe për të ofruar pamje sa më të mirë të tifozëve. Ndërkohë, fusha e blertë ka përfunduar së shtruari, ndërsa për një muaj ajo pritet të jetë gati për të zhvilluar një ndeshje testuese futbolli.

Megjithatë, inaugurimi zyrtar i stadiumit do të bëhet në muajin nëntor, ndërsa ndeshja e fundit eliminatore ajo mes Shqipërisë dhe Francës, është parashikuar të jetë ndeshja e parë zyrtare që do të luhet në stadium. Impianti i ri i futbollit në vend ka rreth 21750 ndenjëse, pa përfshirë vendet për gazetarët, ndërkohë që pritet të jetë një nga stadiumet më të mirë në Ballkan.

Video: Nis shtrimi i tapetit të blertë në “Arenën Kombëtare”

Punimet për ndërtimin e stadiumit të ri kombëtar të futbollit, kanë kaluar në një tjetër stad. Prej dy ditësh ka nisur shtrimi i tapetit të blertë të fushës në stadiumin e ri kombëtar. Federata Shqiptare e Futbollit ka publikuar një video nga ecuria e punimeve, ku duket qartë se gjithçka në shtëpinë e re të futbollit po shkon drejt përfundimit.

Sipas një njoftimi të mëhershëm të anëtarit të Komitetit Ekzekutiv të FSHF-së, Arben Dervishaj, mësohet se puna për shtrimin e tapetit të blertë do të përfundojë brenda një jave. Ndërkohë, ai ka bërë të ditur se fusha do të jetë gati për të pritur skuadrat pas një muaji.

Megjithëse, sqaron Dervishaj, pritet që inaugurimi zyrtar të bëhet në muajin nëntor, kur Shqipëria do të luajë dhe dy ndeshjet e fundit eliminatoret të Euro 2020, ndaj Andorrës dhe Francës. Ndërkohë, nga pamjet e publikuara nga FSHF, shihet se vendosja e 22 mijë stolave në tribunat e stadiumit të ri kombëtar të futbollit, gjithashtu po shkon drejt fundit.

Stadiumi i Ri, ka filluar shtrimi i fushës ⚽ me tapetin e gjelbërt 👏#Tiranë #FSHF#Zhvillim 💪 ⚽ 🇦🇱️ #UEFA
Gepostet von Federata Shqiptare E Futbollit am Mittwoch, 11. September 2019

Emri i stadiumit, FSHF i përgjigjet Braçes: Do sigurojmë të ardhurat për mirëmbajtjen

Federata Shqiptare e Futbollit ka bërë një deklaratë publike ku sqaron arsyet pse e ka nxjerr në shtije emrin e stadiumit të ri kombëtar, që është duke u ndërtuar dhe pritet të inaugurohet në nëntor. Federata jep disa shembuj në botë, ku stadiume të mëdha kanë emra komercial të markave të ndryshme botërore. “FSHF, duke mirëkuptuar ndjeshmërine e publikut në lidhje me këtë proces dëshiron të bëjë me dije se vendimi i saj, për gjetjen e një sponsori për stadiumin e ri nuk është një shpikje shqiptare. Vetëm dy-tre stadiume në “Premier League” nuk kanë emra tregtarë: Liverpool, Old Trafford dhe Tottenham. Ekspertët vlerësojne që arsyet që këta të fundit nuk kanë bërë marrëveshje për “shitjen” e emrit lidhen me faktin që historia e emrit tyre, “shet” më shumë se sa emri i një sponsori”.

“Shumica e stadiumeve me histori dhe tradita, qindra vjeçare kanë emra tregtare. Ja disa shembuj në Europë dhe SHBA: Amex Stadium- Brighton, Etihad Stadium – Manchester, Emirates Stadium – London, Allianz Arena – Munich, Mercedes-Benz Arena – Stuttgart, Orange Velodrome -Marseille, MetLife Stadium – Neë Jersey USA, FedExField – Maryland USA, Bank of America Stadium – North Carolina USA, AT&T Stadium – Texas, Gillette Stadium – Massachusetts USA”, shkruan FSHF.

Të martën, Erion Braçe reagoi përmes rrjeteve sociale për emrin e ri të stadiumit kombëtar, duke u shprehur kundër shtijes së tij. Një ditë më pas, të mërkurën, federata sqaron zëvendëskryeministrin, duke u shprehur se shitja e emrin bëhet me qëllim për të siguruar të ardhura të mjaftueshme, që do të përdoren për mirëmbajtjen e stadiumit.

“Stadiumi i ri ka kushtuar shumë. Mirëmbajtja dhe menaxhimi i tij, do të kushtojë gjithashtu shumë. FSHF nuk ka qëllim tjetër veçse të garantojë të ardhmen e këtij impianti. Dhe kjo është një rrugë e njohur dhe jo një “shpikje shqiptare”, siç e sqaruam me shembujt e mësipërm. Shqetësimi publik i segmenteve të cakturara “tifozo-pushtetare”, në lidhje me çështjen e emrit, s’ka të bëjë me thelbin e çështjes marketing ose jo, madje as me problemin e emrit. Është thjesht, përsiatje dhe këndvështrim i një personi, që në edicionin e rradhës së përbaltjes, ende nuk e ka të qartë se si prononcohet: Si pushtetar? Apo si tifoz “i shqetësuar”, apo si politikan që kërkon kredo politike. Por pavarësisht kësaj ne garantojmë opinionin publik, tifozët, madje edhe ata që nuk mendojnë si ne, se i gjithë ky proçes do të zhvillohet, për të menaxhuar dhe mirëmbajtur sa më mirë, një impiant modern dhe me vlera si Stadiumi i Ri”.

“Arena Kombëtare”, Duka: Shpresoj të jetë gati në shtator, por dyshoj

Pasditen e kësaj të hëne Fedartën Shqiptare të Futbollit e ka vizituar homologu i Armand Dukës në Çeki, Martin Malik. Ky i fundit ka ardhur në Shqipëri së bashku me dy inspektorë të UEFA-s, ku kanë parë nga afër punimet për ndërtimin e stadiumit të ri, “Arena Kombëtare”. Gjatë një prononcimi për mediat, Armand Duka u shpreh se i ka vënë objektiv kompanisë që stadiumi të jetë gati për ndeshjet zyrtare, që kombëtarja do të luajë në shtator.

“Ne i kemi vënë objektiv kompanisë që duam të luajmë në shtator dhe vërtetë e kemi shumë të nevojshme që të luajmë në shtator në këtë stadium. Jo vetëm sepse duam ta shijojmë stadiumin e ri, duam të kemi më shumë kushte për spektarorët, por edhe se mund të arrijmë më shumë rezultat me pranijnë e shumë spektarorëve dhe amtosferën akoma më të mirë. Kështu që do të bëjmë të gjitha përpjekjet, por edhe kompania po bën të gjithçka mundet. Ka spektikë ka optimist, por nuk mund të jemi shumë të sigurtë për shtatorin”, ka thënë Duka.