15 biznesmenë në pranga dhe 35 në kërkim. Skema, si mashtronin me fatura fiktive

15 biznesmenë janë arrestuar nga policia gjatë të enjtes dhe 35 të tjerë janë shpallur në kërkim për veprën penale të mashtrimit me TVSH-në.

Report TV ka zbuluar se si ka funksionuar skema e mashtrimit përmes faturave fiktive që realizoheshin nga 5 kompani fantazmë, ndërkohë që të përfshirë në grabitje janë 50 kompani gjithsej.

Këta biznesmenë, akuzohen se prodhonin fatura fiktive shit-blerjesh me qëllim përfitimin e TVSH-së duke i shkaktuar shtetit një dëm prej rreth 25.7 mln lekësh, shifër kjo e përllogaritur nga faturat që ka arritur të sigurojë policia si provë. Megjithatë, sipas burimeve të informacionit mendohet se shifra është më e madhe dhe mund të shkojë nga 25-30 mln euro.

Hetimet për këtë skemë kanë zgjatur prej dy vitesh, nga ku e gjitha është kryer nga 5 kompani fiktive , BTI; Bani/ 5 shpk; E.B.A Ndërtim; Uniservice shpk; Konstruksion Aieni.

Të arrestuarit

1.Paqsor Buzi, aksioner me 50% i G.P.G Company

2.Besnik Pelivani, kompania e ndërtimit A.B.BE

3.Astrit Lala, kompania Leksi Security 1

4.Haxhi Sala, kompania Leksi Security

5.Ilia Dimo, kompania IBS sh.p.k

6.Fatmir Firi, kompania Arb &Trans Sh.p.k

7.Shkëlqim Prodani, kompania Red Black

8.Ardian Bejko, kompania “Babeko Trans”

9.Shpresa Joanidhi, kompania “Shpresa” sh.p.k

10.Mhill Ndreca, kompania “Kombeas”

11.Rabi Kurti, kompania “Kurti Construction”

12.Riza Roshi, kompania “Dorgen” sh.p.k

13.Rrapo Baduni, kompania “Bani/s”

14.Vasil Korita, kompania “Medi Pharma”

15.Vangjush Mbriçe, kompania C.E.C Group

Hetim në gjendje të lirë

1.Përparim Hasani

2.Albert Ahmeti

Nga Komando në Irak, grabitës banke në Librazhd

Policia ka vënë në pranga të mërkurën Lenci Kazazin, i akuzuar se ka tentuar të grabisë filialin e një banke në qytetin e Librazhdit.

Ngjarja ka ndodhur në orët e para të mëngjesit të mërkurës. Rreth orës 01.00 Kakazi ka tentuar që të grabisë një banke në Librazhd, por është arrestuar nga policia.

Mediat televizive raportojnë se Kazazi ka punuar edhe si Efektiv i Batalionit Komando, ku ka marrë pjesë edhe në një mision ushtarak në Irak.

Policia po vijon hetimet e mëtejshme rreth ngjarjes në fjalë, ndërsa burimet policore thanë se dyshohet se Kazazi e ka kryer këtë veprim për shkak të gjendjes ekonomike.

Policia nxjerr pamjet, si i vidhte 27 -vjeçari me armë marketet në Tiranë

Policia e Tiranës ka arrestuar 27-vjeçarin E.B. banues në Tiranë i cili përmes kërcënimeve me armë vidhte marketet dhe pikat e rimbushjes së telefonave.

Arrestimi i tij u realizua përmes operacionit policor të koduar ‘Maskimi”.

Policia ka siguruar nga hetimet pamje filmike sesi 27-vjeçari nën kërcënimin e një arme zjarri pistoletë ka kryer disa vjedhje si: një market në rrugën “Naim Frashëri”, një pike rimbushje telefonike në rrugën e Durrësit, si dhe dyshohet edhe në një pikë dhënie kredie në zonën e Zogut të Zi.

Në momentin e arrestimit, gjatë kontrollit iu gjet dhe sekuestrua në cilësinë e proves materiale, një armë zjarri pistoletë me të cilën dyshohet të ketë kryer vjedhjet si dhe rrobat që kishte përdorur në realizimet e vjedhjeve bashkë me kapelet.

Policia njofton se vijon puna hetimore për zbardhjen dhe dokumentimin e ngjarjeve të tjera kriminale ku ky shtetas mund të jetë i implikuar.

Tiranë Finalizohet operacioni policor i koduar 'Maskimi" i realizuar me metoda proaktiveVidhte me armë markete dhe pika rimbushje telefonike, vihet në pranga 27 vjecariSekuestrohet arma e zjarrit pistoletë që dyshohet se e përdorte për vjedhjet Në vijim të punës hetimore për zbardhjen vjedhjeve të ndodhura më parë si dhe kapjen dhe vënien para përgjegjësisë ligjore të autorëve të dyshuar, forcat policore të Komisariatit të Policisë Nr.2 në bashkëpunim me Prokirorinë e Rrethit Gjyqësor Tiranë dhe me forcat policore të Komisariatit të Policisë Nr. 3 , finalizuan operacionin policor "Maskimi", duke arrestuar shtetasin E.B, 27 vjeç, banues në Tiranë.Nga veprimet hetimore të kryera, të dokumentuara edhe me pamje filmike, dyshohet se ky shtetas, nën kërcënimin e një arme zjarri pistoletë ka kryer disa vjedhje si: një market në rrugën "Naim Frashëri", një pike rimbushje telefonike në rrugën e Durrësit, si dhe dyshohet edhe në një pikë dhënie kredie në zonën e Zogut të Zi. Në momentin e arrestimit, gjatë kontrollit iu gjet dhe sekuestrua në cilësinë e proves materiale, një armë zjarri pistoletë me të cilën dyshohet të ketë kryer vjedhjet si dhe rrobat që kishte përdorur në realizimet e vjedhjeve bashkë me kapelet. Vijon puna hetimore për zbardhjen dhe dokumentimin e ngjarjeve të tjera kriminale ku ky shtetas mund të jetë i implikuar. Materialet procedurale iu referuan Prokurorisë pranë Gjykatës Shkallës Parë Tiranë për veprime të mëtejshme për veprën penale "Vjedhja me armë".
Gepostet von Policia e Shtetit am Samstag, 17. August 2019

Arrestohet 72-vjeçari, tentoi të vriste me granatë dy vëllezër në Pogradec

Policia e Pogradecit ka arrestuar në flagrancë një 72 vjeçar i cili tentoi të vriste me granatë dy vëllezër pas një sherri për rrugën. Ngjarja ka ndodhur mbrëmjen e së enjtes në fshatin Dardhas të Pogradecit. Dy vëllezërit B.F 42 vjeç dhe D.F. 40 vjeç, kërkonin të kalonte faroma për të hapur rrugën, por 72 vjeçari R.F. nuk lejonte kalimin e saj duke pretenduar se po i cenonte pronën.

Ai ka hedhur një granadë në drejtim të vëllezërve. Si pasojë e shpërthimit njëri nga vëllezërit është plagosur lehtë, ndërsa 72 vjeçari është arrestuar nga policia.

Materialet i kaluan Prokurorisë pranë Gjykatës së Shkallës së Parë Pogradec për veprat penale “Vrasja në rrethana të tjera cilësuese”, mbetur në tentativë, si edhe “Mbajtja pa leje dhe prodhimi i armëve, armëve shpërthyese dhe i municionit”.

Vrasja e Komisarit Artan Cuku, kapet në Greqi i treti

Policia greke ka vënë në pranga shtetasin Kristaq Leci i cili akuzohet si bashkëpunëtor në vrasjen e ish komisarit të policisë Artan Cuku.

Kristaq Leci së bashku me Mikel Shallarin akuzohet se kanë ekzekutuar me armë zjarrri në derën e pallatit ku banonte ish-komisari Artan Cuku në 8 Prill të 2017.

Porositësi i vrasjes së tij është Bledar Jambelli, i arrestuar po ashtu në Greqi. Ndërkaq, është arrestuar më herët vrasësi Mikel Shallari, i cili po vuan dënimin.

Vrasësi, Mikel Shallari i ka treguar hetueseve se Jambelli ka paguar për vrasjen e kryepolicit pasi është arrestuar në 2012 nga Cuku, kohë kur mbante postin e Drejtorit të Policisë së Vlorës.

Jambelli pagoi 3 mijë euro Mikel Shallarin për të vrarë Artan Cukun, ndërkohë që 22 mijë euro do t’ia jepte pas kryerjes së vrasjes.

Bledar Jambelli kishte kontaktuar fillimisht me Kristaq Leçin (që u arrestua sot në Greqi), kushëriri i Mikel Shallarit, i cili kishte marrë përsipër që të kryente vrasjen kundrejt një pagese prej 20 mijë eurosh. Pasi kishte marrë përsipër që të kryente vrasjen, Leçi kontaktoi me Mikel Shallarin për ta ndihmuar në kryerjen e vrasjes. Plani i vrasjes kishte nisur të thurej që në dhjetor të 2016-ës dhe në 26 mars të 2017 kishte nisur zbatimi, fillimisht me survejimin e Artan Cukut në terren.

Atentati ndaj Artan Cuktu do të zbatohej në datën 7 prill 2017 kur në terren kishte shkuar Kristaq Leçi, Mikel Shallari por edhe vetë Bledar Jambelli, i cili survejonte nga distanca dy autorët dhe i shtynte ata që ta vrisnin, duke i komanduar me telefon e duke i dërguar mesazhe. Kristaq Leci dhe Bledar Jambelli 48 orë pas ngjarjes janë larguar në Greqi pa kaluar nëpërmjet sistemit TIMS.

I arrestuari Kristaq Leçi

Leje legalizimi me dokumente false, në pranga ekonomisti i kadastrës së Durrësit, 2 të tjerë në kërkim

Policia e Durrësit ka vënë në pranga të shtunën ekonomistin e kadastrës së këtij qyteti, ndërsa ka shpallur në kërkim zëvendës drejtorin dhe një specialist në institucionit, pasi akuzohen se shpërndanin leje legalizimi me dokumente false.

Policia njofton se arrestimi është bërë pas kryerjes së një hetimi disa mujor, në kuadër të goditjes së veprave penale kundër evazionit fiskal në zonat turistike. Këta persona kanë pajisur me leje legalizimi duke falsifikuar dokumentat dy shtetas për një sipërfaqe 123 metra katror dhe truall 500 metra katror në zonën e plazhit.

Është ndaluar shtetasi R.K., 27 vjeç, banues në Durrës, me detyrë ekonomist pranë Agjensisë Shtetërore të Kadastrës – Durrës.

Gjithashtu janë shpallur në kërkim dhe po punohet për kapjen e shtetasve me iniciale A.J., 42 vjeç, banues në Durrës, me detyrë Zv/Drejtor pranë Agjensisë Shtetërore të Kadastrës – Durrës, si dhe F.R., 28 vjeç, banues në Durrës, me detyrë Specialist pranë Agjensisë Shtetërore të Kadastrës – Durrës.

Tre shtetasit e mësipërm janë proceduar për veprat penale “Korrupsioni pasiv nga persona që ushtrojnë funksione publike”, “Shpërdorimi të detyrës” dhe “Falsifikimi i dokumentave ” parashikuar në nenet 259, 248 dhe 186/3 të Kodit Penal.

Personat më lart kanë pajisur me leje legalizimi duke falsifikuar dokumentat shtetasit Xh.N., 29 vjeç, banues në Durrës dhe E.S., 39 vjeç, banues në Berat, të cilët janë shpallur në kërkim dhe po punohet për kapjen e tyre pasi Prokuroria e Rrethit Gjyqësor Durrës ka nxjerrë urdhër ndalimi për veprën penale ” Vjedhja me pasoja të rënda” parashikuar në nenin 134/3 të Kodit Penal.

Rrëmbeu dhe dogji gjallë dy të rinj në Berat, kapet në Gjermani shqiptari i arratisur

Policia gjermane ka bërë të mundur arrestimin e shtetasit shqiptar Byniamin Hajro, 56 vjeç, i cili kërkohej nga interpoli pasi është i dënuar me 25 vite burg për akuzën e vrasjes me paramendim.

Ai akuzohet për vrasje dhe rrëmbimin e Arjan Avdullait dhe Eduart Pemës.

Dy të rinjtë u rrëmbyen, u torturuan e më pas u dogjën, njëri prej tyre i gjallë në lagjen Vakëf në Berat nga një bandë me të njëjtin emër, pjesë e së cilës ishte edhe Hajro.

Ngjarja në fjalë ka ndodhur në vitin 1997.

Ky shtetas ishte i shpallur në kërkim ndërkombëtar, pasi Gjykata e Apelit Vlorë në vitin 2017 e ka dënuar me 25 vjet burg për veprën penale “Vrasje me paramendim e kryer në bashkëpunim ” parashikuar nga nenet 78/1 dhe 25 të Kodit Penal.

Me datë 17.04.2012, është vendosur rifillimi i hetimeve në lidhje me ngjarjen e datës 22.03.1998 ndodhur në Berat, ku u rrëmbyen dhe më pas u vranë shtetasit E.P. dhe A.A.

Gjykata e Apelit Vlorë në vitin 2017 ka deklaruar fajtor për këtë ngjarje shtetasin Byniamin Hajro duke e dënuar me 25 vite burgim.

Falë bashkëpunimit me policinë gjermane ky shtetas tashmë është në pranga dhe është bërë i mundur ekstradimi i tij në Shqipëri për të vuajtur dënimin me burg.

Në pranga dy inspektorë të tatimores, morën ryshfet nga pronari i hotelit në Velipojë

Dy inspektorë të taksave në Bashkinë e Shkodrës kanë rënë në prangat e policisë pasi dyshohet se kanë favorizuar një biznes për mospagim taksash në zonën e plazhit në Velipojë.

Në pranga kanë rënë Idlir Dibra dhe Gege Nika. Sipas policisë këta shtetas në bashkëpunim me njeri-tjetrin, duke qënë në pozicionin e inspektorëve të zbatimit në Drejtorinë e të Ardhurave në Bashkinë Shkodër, ku me anë të falsifikimit të dokumenteve kanë shpërdoruar detyrën dhe kanë favorizuar në këmbim të marrjes së ryshfetit në një subjekt (hotel) në Plazhin e Velipojës, duke mos deklaruar numrin real të dhomave të këtij hoteli, me qëllim mospagimin e taksës reale që përfiton Bashkia Shkodër.

Në vijim të veprimeve u procedua pronari i hotelit shtetasi K. L. 27 vjeç, banues në Velipojë Shkodër, për veprën penale “Fshehje e të Ardhurave. Materialet i kaluan Prokurorisë Pranë Gjykatës së Shkallës së Parë Shkodër, për veprime të mëtejshme.

Sherri për pronën, 57-vjeçari bën vëllanë për spital

Dy vëllezër në Elbasan janë konfliktuar për ndarjen e pronës, njëri ka përfunduar në spital ndërsa tjetri në polici me pranga në duar.

Specialistët për Hetimin e Krimit në Komisariatin e Policisë Elbasan, kanë arrestuar në flagrancë 57 vjeçarin me inicialet, L.K. ka dhunuar dhunuar vëllanë e tij gjatë një sherri për motive pronësie.

Vëllai të tij, shtetasit P.K. ndodhet nën kujdesin e mjekëve, ndërsa i arrestuari akuzohet për veprën penale “Dhunë në familje”. Materialet hetimore i kalojnë për administrim gjykatës së Elbasanit.

Horrat e vegjël që ngacmuan të miturën dhe pse policia e “fshehu” ngjarjen

Një ngjarje e rëndë ka ndodhur në një shkollë të Durrësit, ku disa adoleshentë kanë dhunuar një vajzë vetëm 8 vjeçe. Ngjarja shokuese në shkollën “Myslim Hida” në Arapaj të Durrësit, është shënuar në përfundim të vitit arsimor. Sipas policisë, disa djem kanë kryer vepra të turpshme me të miturën, vetëm 8 vjeçe. Ata e kanë marrë të miturën, dyshohet se e kanë lidhur dhe më pas në një prej klasave të katit të katërt të shkollës, e kanë ngacmuar seksualisht. E mitura është gjetur në gjendje të tronditur nga mësuesit e shkollës, në katin e katërt.

8-vjeçarja, banuese në Arapaj, në lot u ka treguar mësuesve makabritetin e ndodhur, me aq sa mund të tregojë një fëmijë i kësaj moshe. Menjëherë në vendin e ngjarjes kanë mbërritur forca të policisë, të cilët kanë dokumentuar ngjarjen.

Pas publikimit në media të ngjarjes së rëndë të ndodhur në Shkollën 9 vjeçare në Arapaj të Durrësit, Policia ka dhënë një variant paraprak për ngjarjen. Sipas policisë ngjarja ka ndodhur më datë 4 korrik, ndërkohë që në zbatim të urdhrit të Prokurorisë, efektivët e policisë kanë arrestuar 16-vjeçarin me inicialet A.R. Po ashtu është proceduar penalisht dhe një 13-vjeçar me inicialet N.K. “Në datë 04.07.2019, pranë Komisariatit të Policisë Durrës është paraqitur dhe ka bërë kallëzim një shtetase, e cila ka shpjeguar se rreth një javë më parë vajza e saj është gënjyer nga dy shtetas po të mitur, banorë të lagjes, të cilët kanë kryer vepra të turpshme. Për sqarimin e rrethanave të kësaj ngjarjeje, Policia e Durrësit menjëherë ka kryer të gjitha veprimet e nevojshme hetimore, duke e marrë në pyetje vajzën në prani të psikologes dhe nënës së saj, si dhe është komunikuar me prokuroren e gatshme pranë Prokurorisë së Rrethit Gjyqësor Durrës. Si rezultat i veprimeve të kryera, më datë 05.07.2019, është bërë ndalimi i një të mituri, i moshës 16 vjeç, ndërsa një i mitur tjetër i dyshuar si autor në këtë ngjarje është nën moshën e përgjegjësisë penale dhe është ndjekur në gjendje të lirë”, deklaroi policia.

Ndërsa Drejtoria e Përgjithshme e Policisë së Shtetit e ka cilësuar raportimin e kësaj ngjarje keqpërdorim mediatik. “Në lidhje me këtë ngjarje me impakt në publik dhe me pasoja për shtetasen e mitur dhe familjarët e saj, Policia e Shtetit ka shmangur në maksimum publikimin e këtij rasti, duke e lënë shkurt e pa detaje në uebin zyrtar”, deklaroi Policia e Shtetit, që kërkon mirëkuptimin e medias që të shmangë sa të jetë e mundur publikimin e të dhënave personale të vajzës së mitur apo detaje rreth ngjarjes. Nga ana tjetër, Prokuroria e Durrësit ka kërkuar që kjo ngjarje mos të publikohet.

Pas ngjarjes së rëndë, sociologu Gëzim Tushi ka deklaruar se rastet e kësaj natyre janë shumë më tepër nga sa marrim njoftime. Sipas tij, kjo vjen nga kultura që është në vendin tonë për të mos denoncuar rastet e abuzimeve. Sociologu shton se gjendemi në një situatë alarmante dhe u takon prindërve dhe mësuesve që të injektojnë kulturën e denoncimit tek fëmijët pasi ata janë në përgjegjësinë e tyre për gjatë gjithë ditës.