Tag: arrestime

7 shtetas shqiptarë kanë përfunduar në prangat e policisë angleze, të akuzuar për kultivim dhe trafikim të lëndëve narkotike. Arrestimi i tyre u bë pas monitorimit të bandës prej disa kohësh. Në pranga ranë shtetasit Metali Shehu, 29, vjeç, Blerim Trota, 34, vjeç, Did Dida, 41 vjeç, Refik Duraku, 36, vjeç, Rigert Papdeja, 21 vjeç, Ermijon Gjuta, 30 vjeç, Ardit Gjuta, 21, vjeç.

Sipas policisë, të arrestuarit, përmes dokumenteve të falsifikuara, kishin marrë me qera 5 shtëpi, në të cilën kryenin kultivimin e lëndës narkotike. Gjatë aksionit u sekuestruan 347 vazo me kanabis gati për korrje si dhe 529 fidanë të gatshëm për mbledhje.

Nëse kjo sasi droge do të dilte në treg, do të kapte vlerën e 500.000 sterlinave.

Dy shtetas shqiptarë kanë rënë në prangat e policisë italiane, pasi u kapën me euro false dhe drogë.  Arrestimi i tyre u bë në një lokal, pas një hetimi të karabinierëve për sjelljet e tyre të dyshimta. Në pranga ranë 26-vjeçari S.M dhe 34-vjeçari S.F., të cilat u kapën me një sasi droge me vete.

Policia ushtroi kontroll edhe në banesën e tyre ku sekuestruan 221 gram hashash, 12 gram kokainë, 70 gram marijuanë, material për paketim dhe peshore. Në banesë u gjetën edhe 247 kartëmonedha me prerje 50 euro false, vlera e të cilave arrinte në 12 mijë e 350 euro.

Një grup kriminal greko-shqiptar që merrej me trafikimin e armëve është shkatërruar duke vënë pranga 6 persona dhe shpallur në kërkim 10 të tjerë në Greqi.

Grupi ishte nën hetim prej më shumë se një viti dhe trafiku i armëve kryhej nga Shqipëria drejt Greqisë, përmes kufirit të gjelbër. Vetëm në një vit ky grup kriminal ka trafikuar 122.566 fishekë dhe 4 armë kallashnikov nga Shqipëria drejt Greqisë. Armët siguroheshin nga shqiptarët dhe shumica datonin nga viti 1997 me hapjen e depove të armëve në periudhën e trazirave.

Grupi funksiononte në dy pjesë me grupin e shqiptarëve prej 5 personash, që siguronin armët nga Shqipëria dhe një grup grekësh që bënin transportin e tyre drejt Greqisë përmes një fuoristrade.

Baza e grupit greko-shqiptar ishte një kapanon që mbante ushqim për kafshët  në ishullin e Kretës. Sipas njoftimit të policisë greke grupi kriminal  ka përfituar  232 mijë euro nga trafikimi i armëve dhe shumica e tyre përfundonte në duart e terroristëve.

Policia e Elbasanit ka parandaluar një vjedhje duke arrestuar në flagrancë dy persona. Të arrestuarit, vëlla e motër me njëri-tjetrin, janë kapur duke vjedhur brenda një magazinë ushqimore në qytetin e Elbasanit në pronësi të shtetasit E.B.

Kanë qenë qytetarët ato që kanë pikasur hajdutët duke telefonuar policinë, e cila ka reaguar në kohë duke i arrestuar në flagrancë brenda magazinës.

Policia ka arrestuar shtetasit NJ.H.,52 vjeç dhe S.H., 41 vjeçe (vëlla e motër) banues në Elbasan, ndërsa gruaja ka shfaqur rezistencë dhe dhunë në komisariat. Ajo ka thyer  xhamat e dritares së dhomës së shoqërimit.

Materiale hetimore i kaluan Prokurorisë pranë Gjykatës së Shkallës Parë Elbasan për veprat penale, “Vjedhja” ,  “Shkatërrim i pronës” dhe “Mosbindja ndaj urdhrit të punonjësit të policisë së rendit publik”.

Policia e Shtetit ka nisur një aksion të madh në disa qytete të vendit, për të luftuar trafikimin e lëndëve narkotike. Aksioni ka nisur me urdhër të  Prokurorisë së Krimeve të Rënda, e cila ka leshura 20 disa urdhër-arreste në drejtim të personave që po hetohen prej më shumë se një vit.

Operacioni i RENEAS është zhvilluar në Korçë, Pogradec, Vlorë, Gjirokastër, Tepelenë dhe Elbasan, ndërsa deri më tani janë dhënë 20 urdhër arreste. Policia ka vënë në pranga 8 persona, janë shoqëruar 2 gra, ndërsa janë ende në kërkim edhe 10 të tjerë.

Aksioni ka nisur për të goditur grupet kriminale që veprojnë në fushën e trafikut të lëndëve narkotike dhe që mbahen nën hetim nga policia për më shumë se 1 vit.

Operacioni ka nisur në Korçë, Pogradec, Vlorë, Gjirokastër, Tepelenë dhe Elbasan, por kontrolle po zhvillohen edhe në qytetet e tjera.

Në Tepelenë janë arrestuar 8 persona, mes të cilëve janë identifikuar Edi Ballia, Arbër  Brahimi, Shpëtim Brahimi, Agron Manka dhe Bilbil Shqalashi. I arrestuari Arbër Brahimi është një person me precedent të tjrë penal në polici, ku në 2014 është arrestuar në Pogradec me 50 kg kanabis.

Gjatë aksionit në Lazarat është bërë shoqërimi edhe i dy grave, Shkëlqime Rabaj dhe Bajame Toto, pasi në banesat e tyre janë gjetur dhe sekuestruar 40 rrënjë kanabis.

Të gjithë personat e arrestuar akuzohen për prodhim dhe trafik droge dhe grup të strukturuar kriminal. Pritet që të ketë të tjerë të arrestuar dhe detaje nga operacioni i cili ka nisur prej ditës së mërkurë dhe është ende në zhvillim.

Policia e Shtetit ka arrestuar dy persona dhe ka shpallur një tjetër në kërkim pasi akuzohen se kanë ndihmuar refugjatët sirianë për t’i dërguar në vende të Bashkimit Europian. Në pranga kanë përfunduar shtetasit E. M., 26 vjeç dhe E. H., 33 vjeç, të dy banues në Zemblak të Korçës. Gjithashtu është bërë shpallja në kërkim e shtetasit K. H., 39 vjeç. Arrestimi i tyre u bë gjatë operacionit të koduar  “Itinerari”, ndërsa janë sekuestruar 2 automjete dhe 12 aparate celularë.

Këta shtetas në bashkëpunim me njëri-tjetrin, dyshohet se me mjetet e tyre private, kundrejt shpërblimit monetar kanë marrë 8 shtetas (emigrantë klandestinë) të kombësisë siriane në qytetin e Bilishtit, në afërsi të kufirit të gjelbër me Greqinë, për t’i sjellë në Tiranë, të cilët më pas do merreshin nga persona të tjerë me qëllim dërgimin e tyre në kufirin e gjelbër me Malin e Zi, me destinacion final vendet e Bashkimit Europian. Po punohet intensivisht për identifikimin dhe kapjen e personave të tjerë të implikuar në këtë veprimtari kriminale.

Materialet procedurale do t’i kalojnë Prokurorisë pranë Gjykatës së Shkallës së Parë Tiranë, për veprën penale “Dhënie ndihme për kalim të paligjshëm të kufirit, e kryer në bashkëpunim”.

Arrestohet një 28-vjeçar, i cili ishte kthyer në makthin e shoferëve, pas vjedhjeve të shumta të makinave që kishte kryer. Në pranga ka rënë shtetasi Genc Logu, 28 vjeç, i cili ishte në kërkim pasi ishte dënuar nga Gjykata e Tiranës me 4 vite burg në mungesë.

28-vjeçari, në bashkëpunim me tre persona të tjerë kanë vjedhur në zonën e Don Boskos dhe në rrugën “Artan Lenja” dy automjete, ndërsa po punohet për dokumentimin e rasteve të tjera. Ndërkohë që ai rezulton me precedentë të hershëm penal jo vetëm për vjedhje por edhe për përdhunimin e  një 16-vjeçare në 2009.

Në vitin 2017 ka vuajtur dënimin për vjedhje edhe në Gjermani.