Gashi takon Rakitiç në Barcelonë, i dhuron fanellën e Shqipërisë (foto)


Shkëlzen Gashi është pa klub aktualisht, pasi prishi kontratën me Colorado Rapids në SHBA aty ku luajti për tre sezone. Ish-sulmuesi i Kombëtares tonë, ka kohë të lirë mjaftueshëm, aq sa ka zgjedhur të vizitojë një mik të vjetër të tijin, Ivan Rakitiç.

Sulmuesi i Barcelonës dhe Kombëtares së Kroacisë, që ka dhe pasaportën zvocerane, njihet me Shkëlzen Gashin që prej viteve të rinisë në shtetin helvet ku kanë lindur të dy fitbollistët.


Tani, Rakitiç është pjesë e Barcelonës dhe po shijon sukseset me klubin, pas atij të arritur në Kupën e Botës me Kroacinë, duke arritur deri në finalen e madhe, që e humbën kundër Francës.

Sakaq, Shkëlzen Gashi ka zgjedhur t’i ofrojë mbështetje nga afër “vëllait” të tij, që nesër luan kundër Levantes në kampionat dhe shpreson te fitorja, e cila do t’i jepte Bracelonës titullin kampion në La Liga për këtë sezon.

Gashi dhe Rakitiç kanë pasur një takim shumë miqësor mes tyre, ku mes të tjerash kanë shkëmbyer dhe fanellat (të Shqipërisë dhe Barcelonës) me autografet përkatëse, ndërsa për ndjekësit në rrjetet sociale sulmuesi i kombëtares tonë ka publikuar disa foto dhe një urim për Rakitiç, ku shkruan:

“Faleminderit shumë vëlla. Të uroj vetëm të mira nesër dhe në Champions League”, shkruan Shkëlzen Gashi në urimin e tij për Rakitiç.

View this post on Instagram

Special guest.😎 Grande bro @s_gashi 👍🔝

A post shared by Ivan Rakitic (@ivanrakitic) on


Barcelona kalon Alaveshin, titulli më afër tani (video)


Barcelona nuk ka rivalitet në kampionatin spanjoll këtë sezon. Katalanasit kanë fituar sfidën e mesjavës ndaj Alaveshit, duke hedhur një tjetër hap të rëndësishëm drejt totullit kampion.

Skuadra mike e ka dominuar ndeshjen nga fillimi deri në fund, duke shënuar dhe dy gola që vlejnë tre pikë për katalanasit.


Pas një pjese të parë të dominuar në çdo aspekt, vetëm goli i ka munguar Barça-s e cila e nisi pa Leo Messi-n sfidën.

Trajneri Ernesto Valverde ka bërë rotacion dhe ishte pikërisht një nga rezervat ai që ka zhbllokuar rezultatin në minutën e 55’.

Pas një aksioni model nga miqtë, Alena ka dërguar topin në rrjetë me një goditje të bukur.

Pak minuta më pas erdhi goli që vulosi fitoren e Barcelona-s. Luis Suarez shënoi nga pika e bardhë duke dyfishuar rezultatin.

Messi u fut në fushë për minutat e mbetura, por nuk arriti të ndikonte në rezultatin. Barça vazhdon rrugën drejt titullit kampion.


Mesi çon Barcelonën në “planetin” tjetër (video)


Barcelona nuk e ka diskutuar kualifikimin në gjysmëfinalen e Champions League mbrëmjen e sotme ndaj Manchester United. Katalanasit kanë fituar 3-0 në “Camp Nou” ndaj “Djallit”, duke prerë një biletë për në gjysmëfinale.

Ka qenë i zakonshmi Lionel Messi ai që ka zhbllokuar rezultatin për Barcelonën në minutën e 16`.


Argjentinasi ka bërë një lëvizje spektakolare jashtë zone, duke kaluar disa mbrojtës kundërshtar dhe më pas ka gjuajtur drejt rrjetës duke mposhtur De Gean.

Katër minuta më vonë “pleshti” ka dhuruar spektaklin e radhës, i ndihmuar këtë herë dhe nga gafa e portierit të United, De Gea.

Messi rrëmben një top dhe afrohet në kufijt e zonës kundërshtare, teksa gjuan me të djathtën. De Gea  e kap topin por nuk e kontrollon si duhet, duke e lënë të shkojë drejt rrjetës.

Kështu do të mbyllej pjesa e parë e takimit, teksa skuadra e Ole Gunnar Solskjaer nuk arriti të krijonte rrezik në portën kundërshtare. Madje vendasit do të trefishojnë me Coutinho në minutën e 61`, duke vulosur fitoren e Barcelonës 3-0.


Barcelona “ok”, United bën gafën e pafalshme (video)


Barcelona ka fituar 1-0 përballjen e parë çerekfinale të Champios League në transfertën ndaj Manchester United.

Skuadra katalanase kaloi në avantazh në minutën e 12 të takimit, pasi Suarez detyron rivalët të shënojnë në portën e tyre.


Një aksion i lojtarëve të Barcelonës, përfundon me Suarez që tenton të gjejë golin me kokë, por para se topi të shkonte në rrjetë, devijohet nga mbrojtësi Shaw i United.

Kështu skuadra mike kalon në avantazh me autogol të vendasve dhe hedhë një hap të rëndësishëm për ndeshjen e kthimit.

Ndeshja ka qenë e luftuar nga të dyja ekipet deri në fund, me raste të cilat nuk janë konkretizuar si duhet nga sulmuesit e skuadrave respektive.

Kështu katalansit kalojnë në avantazh duke e ruajtur atë deri në përfundim të ndeshjes, ndërsa fitorja e sotme vlen shumë, pasi në kthim Barcelona e pret Manchester United në “Camp Nou”.

Kështu kualifikimi për në gjysmëfinalen e Ligës së Kampionëve tashmë varet nga katalanasit, ndërsa United do të duhet të bëjë një tjetër mrekulli për kualifikimin, si ajo ndaj PSG-së.