Tag: Barcelona

Rei Manaj tund rrejtën në debutim te Barcelona B, por… (video)

Sulmuesi i kombëtares shqiptare, Rey Manaj tundi rrjetën mbrëmjen e të shtunës me ekipin e Barcelona B, në debutimin e tij.

Megjithatë, gëzimi i sulmuesit nuk zgjati shumë për shkak se goli u anulua për faull në zonë.

Ishte minuta e 73 e takimit, kur Manaj gjeti golin me kokë duke kërcyer mbi mbrojtësit kundërshtar, ekipi i Ejan, dhe shënoi golin e tretë për Barcelona B.

Megjithatë, arbitri i ndeshjes e anuloi golin për faull. Gjithësesi ky ishte një sinjal pozitiv për sulmuesin lushnja, i cili pak ditë pasi u prezantua tek ekipi i dytë i katalanasve, luajti si titullar duke prekur dhe rrjetën.

Rei Manaj bashkohet me Barçën. 50 milionë euro klauzola e largimit

Sulmuesi i Kombëtares Shqiptare, Rei Manaj është bashkuar me Barcelonën. Sulmuesi kaloi me sukses testet mjekësore, duke nënshkruar një kontratë tre vjeçare me klubin katalanas. Ai do të aktivizohet në fillim te Barcelona B.

Ekipit të dytë të katalanasve i kushtoi 700 mijë euro. Mirëpo Barcelona duket se ka parë te Manaj një lojtar perspketive, pasi ka vendosur një klauzolë për largimin e tij që shkon 50 milionë euro. Pra, një shumë e ngjashme me atë të yjeve të ekipit të parë.

Ndërkohë, Albacete do të përfitojë dhe 2 milionë euro shtesë në varësi të performancës së Rei Manajt te Barcelona gjatë dy viteve të ardhshme.

Sulmuesi lushnjar do të mbajë numrin “22” te Barcelona B. Sulmuesit i është dhënë një shans i shkëlqyer për karrierën e tij, pasi ndonëse do të luajë në nivele të ulëta të futbollit spanjoll për momentin, ai do të jetë vazhdimisht nën mbikëqyrjen e trajnerit të ekipit të parë. Barcelona e aplikon shpesh integrimin e lojtarëve të ardhur nga ekipi i dytë për të luajtur me ekipin e parë.

Quique Setién, nga bari lopësh… bëhet trajner i Barcelonës

Pas shkarkimit të Ernesto Valverde, Barcelona emëroi në postin e trajnerit Quique Setien. Ish-mesfushori i disa ekipeve në Spanjë, që më pas drejtoi klube të ndryshme, kishte pak kohë që nuk drejtonte një skuadër futbolli. 61-vjeçari ndiqte dhe adhuronte me kënaqësi Messin me shokë.

Megjithatë, Quique Setien nuk e kishte menduar kurrë se do të vinte dita që ai do të emërohej trajner i Barcelonës. Madje, në çastin që e telefonuan nga “Camp Nou” për t`i bërë ofertën, Setien ishte duke ecur pranë lopëve. “Dje isha duke ecur pranë lopëve dhe sot jam duke stërvitur te Barcelona”, u shpreh trajneri i ri skuadrës katalanase.

Ndërkohë, presidenti i Barcelonës shprehu mirënjohjen për trajnerin Valverde, duke theksuar se “dua ta falënderoj Ernesto Valverden për atë që ai bëri këtu. Marrëdhënia ka qenë shumë e afërt dhe ai na ka bërë të gjithëve të përmirësohemi. Ne jemi të vetëdijshëm se kemi fituar shumë tituj, se rezultatet ishin shumë të mira, por besojmë se dinamika e ekipit duhet të pëmirësohet”, tha Bartomeu.

Ndërkohë, trajneri i ri u shpreh se ka ardhur me qëllimin që fitojë gjithçka që mund të fitohet, ndërsa u thuri elozhe lojtarëve që do të trajnojë. “Qëllimi im është të fitoj gjithçka që mund të fitohet, përveç që të bëjmë lojë të mirë. Më ka pëlqyer të shikoj Messin vitet e fundit. Por jo vetëm atë, ekipin dhe shokët e tij të skuadrës. Ata më kanë bërë të shijoj futbollin dhe unë kam mësuar shumë gjëra nga lojtarët që tani do të kem kënaqësinë e trainimit. Jam i sigurt se do të kemi një marrëdhënie të shkëlqyeshme, sepse unë jam një person i drejtpërdrejtë dhe i sinqertë”, tha Quique Setien.

Mediat katalanase e bëjnë fakt: Rey Manaj te Barcelona në janar

Gazeta e njohur sportive katalanase, “Sport” thotë se sulmuesi shqiptar i Albacete, Rey Manaj në fillim të vitit të ri do të jetë pjesë e Barcelonës. Media sportive pranë klubit Blaugrana shprehet se palët kanë avancuar në arritjen e marrëveshjes, ndërsa njoftimi zyrtar i saj pritet të bëhet në fillim të 2020. Rey Manaj është nën kontratë me Albacete deri në vitin 2024, por aktualisht ai nuk bën pjesë në planet e trajnerit Luis Miguel Ramis.

Në fakt, sulmuesi shqiptar do të transferohet për llogari të ekipit të Bareclonës B. Gjatë merkatos së dimrit, klubi i dytë i Barcelonës që luan në kategorinë e tretë të futbollit në Spanjë, do të përqëndrohet vetëm në gjetjen e një sulmuesi qendre. Aktualisht, tre sulmuesit e Barcelona B, Abel ruiz, pritet të jetë në tregun e transferimeve, ndërsa Ansu Fati dhe Carles Perez tashmë janë në planet e trajnerit Ernesto Valverde për ekipin e parë të Barcelonës.

Për Rey Manajn ky është sezoni i dytë me Albacete. 22-vjeçari, që erdhi nga Interi i Milanos, luajti në sezonin e parë 30 ndeshje dhe shënoi 7 gola. Ndërsa në 10 ndeshje të luajtura këtë sezon ai ka shënuar 2 gola, por ka humbur besimin e trajnerit për shkak të sjelljes së tij. Megjithatë, kalimi te Barecelona B, nëse do të kryhet, do të ishte një hap pas për sulmuesin, por edhe një shans që nëse shkëlqen mund të luajë me ekipin e parë të Barcelonës në të ardhmen.

Barcelona ndalet nga Slavia Prague, por rri në krye

Barcelona është ndalur në barazim 0-0 në sfidën e raundit të katërt të Champions League kundër Slavia Prague në “Camp Nou”. Katalanasit kanë dominuar në gjithçka takimin, duke shkuar plot 14 herë në portën kundërshtare, me 6 raste të pastra për gol, por të gjitha të shpërdoruara.

Ishte në fakt mbrojtja mike ajo që u tregua e kujdesshme duke ndalur gjithçka dhe në fund duke dalë me një pikë, e cila në fakt ishte pika e dytë në katër ndeshje për ekipin çek.

Pas barazimit të së martës, Barcelona mbetet në vendin e parë me 8 pikë në Grupin F, ndërsa Slavia Prague ndodhet në vend të fundit në grup me 2 pikë.

Në takimin tjetër të pasdites, Zenit u mund nga RB Leipzig me rezultatin 0-2, për takimin e javës së katërt në Grupin G. Golat e shënuar nga Demme dhe Sbitzer (45` dhe 63`), i dhanë fitoren skuadrës gjermane, e cila kryeson grupin me 9 pikë, duke lënë pas Lyon me 7 pikë dhe Zeniti me 4 pikë.

Barça-Real Madrid fut në “luftë” Spanjën

“El Clasico” e shtyrë mes Barcelonës dhe Real Madrid do të luhet në 18 dhjetor. Ky është vendimi përfundimtar i Sektorit të Garave në Federatën Spanjolle të Futbollit. Të mërkurën ky sektor njoftoi se ndeshja “El Clasico” mes Barcelonës dhe Real Madrid, e shtyrë për shkak të protestave në Barcelonë, do të luhet në 18 dhjetor. Ky vendim del kundër asaj që kërkon shefi i La Liga, Javier Tebas, që propozoi që ndeshja të zhvillohej në datën 4 ose 7 dhjetor.

Ndeshja u shty për shkak të trazirave civile në rajonin e Katalonjës pasi Gjykata Supreme Spanjolle burgosi figura të shquara politike katalanase. Pas protestave dhe përplasjeve të forcave të sigurisë, u vendos që të merrej një vendim për ndeshjen. La Liga propozoi një variant që ndeshja të zhvillohej në 26 tetor, por asnjë nga klubet nuk ishte dakord me datën e propozuar.

Ndërkohë, La Liga pritet të apelojë vendimin për datën 18 dhjetor, pasi sipas Tebas, në këtë datë janë parashikuar të zhvillohen ndeshje të Copa del Rey si dhe ndeshjet e Botërorit të Klubeve. Sipas tij, kjo zhvillimi i ndeshjes në atë datë, jo vetëm që do të duhet të zhvlerësojë Kupën e Spanjës, por njëkohësisht do të ndikojë negativisht në arkëtimin financiar i “El Clasico”.

Barça e Real Madrid “skuqen” në 9 javë të La Liga

“Gjithmonë ka një herë të parë”, është një fjalë e urtë popullore që përdoret shpesh. Brcelona dhe Real Madrid mund ta kenë konsumuar shpesh këtë shprehje në historinë e tyre të futbollit deri në detaj. Por jo, për të dyja klubet, për herë të parë në historinë e La Ligas, nëntë javët e para të kampionatit kanë nisur me “skuqje”. Sipas AS, Barcelona dhe Real Madrid, për herë të parë në historinë e kampionatit spanjoll të futbollit, i kanë mbyllur nëntë javët e para të La Liga me nga tre kartonë të kuq për secilin ekip.

Skuadra e Zinedine Zidane, nuk u mjaftua me humbjen turpëruese të së shtunës në fushën e Mallorca, por në të 73` Odiozola doli më karton të kuq nga fusha e lojës. Më herët, ishte Modriç dhe Gareth Bale, që pësuan të njëjtin fat në takimet kundër Celt Vigo dhe Vollareal. Kështu ka ndodhur dhe me Barcelonën në nëntë javët e para të La Liga. Lenglet u ndëshkua në sfidën kundër Getafe, ndërsa Araujo dhe Dembele në atë kundër Sevilla të disa javëve më parë.

Kështu, të dyja ekipet që aktualisht kryesojnë La Liga, Barça me 19 pikë dhe Real me 18, për herë të parë në historinë e këtij kampionati, i mbyllin nëntë javët e para me nga 3 kartona të kuq. Gjashtë kartonë të kuq ndaj Real Madrid dhe Barcelonës në nëntë javë kampionat, tregon rritjen e konkurrencës së brendshme, por duket se edhe arbitrat kanë marrë mësim, duke mos bërë diferencime: ca të nënës e ca të njerkës.

Disiplina në Spanjë, “fal” Barcelonën me gjobë

Komisioni i Disiplinës në Federatën Spanjolle të Futbollit, gjobiti Barcelonën me 300 euro. Shkaku për këtë gjobë është sulmuesi i ardhur nga Atletico Madrid te Barcelona, Antoine Griezmann. Klubi katalanas hyri në negociata me sulmuesin francez, përpara se të njoftonte klubin e madrilen, gjë që ndalohet nga rregulloret e FIFA. Atletico kërkoi hetim dhe më pas dënim për Barçën, pasi i ka shkaktuar dëme financiare klubit.

Barcelona, sipas Atletico Madrid, arriti një marrëveshje me lojtarin në kohën që klauzola e tij ishte 200 milion euro. Por, transferimi u krye vetëm pasi klauzola e Griezmann shkoi në 120 milion euro. Në këto kushte, Atletico humbi 80 milion euro, ndërsa Barcelona i kurseu këto para.

Barcelona rrezikonte të zhvillonte një ndeshje pa tifozë në stadiumin “Camp Nou”, e cila praktikisht do të kishte  një kosto të konsiderueshme. Por, disiplina është treguar “bujare” me klubin katalanas, duke i vendosur një gjobë prej 300 eurosh, shumë e papërfillshme për Barcelonën.

Në fakt, “bujaria” e Federatës Spanjolle të Futbollit, buron nga rregullorja e Kodit të Disiplinës, e cila parashikon shuma të vogla të gjobës në rast të shkeljes së neneve 88 dhe 126. Ky vendim nuk duhet ta ketë kënaqur Atletico Madrid, pasi jo vetëm që humbi një nga lojtarët më të mirë të klubit, por nuk arriti të përfitonte aq sa do të dëshironte nga shitja e tij te Barcelona.

Barcelona, rrezikon të mbyllet “Camp Nou”, për 300 euro

Rasti i negociatave mes Barcelonës dhe Griezmann, pa dijeninë e Atletico Madrid, ka bërë që Federata Spanjolle e Futbollit të mendojë ndëshkimin e klubi katalanas. Të mërkurën më 18 shtator pritet të merret një vendim për këtë rast, ku mësohet se si masë ndëshkimore është parashikuar mbyllja e stadiumit Camp  Nou për një ndeshje. 

Atletico Madrid ka kërkuar që të merren masa kundër Barcelonës, pasi argumentoi se klubi Blaugrana kishte arritur marrëveshje me lojtarin e tyre, ndërkohë që klauzola e lojtarit ishte 200 milion euro. Por Griezmann dhe Barça kishin rënë dakord për një marrëveshje, e cila do të publikohej në momentin që klauzola e lojtarit të ulej, nga 200 në 120 milion euro, në korrik të këtij viti.

Atletico Madrid pretendon se Barça i ka shkaktuar klubit 80 milion euro dëm. Mbyllja e stadiumit, si masë ndëshkimore ndaj Barcelonës, nuk është e detyrueshme nga Komisioni i Garave.

Megjithatë, në rast se nuk mbyllet stadiumi, është propozuar që Barcelona të gjobitet me 300 euro, për shkelje të neneve 88 dhe 126 të Kodit Disiplinor të Federatës së Futbollit Spankoll. Shuma e vogël e gjobës duket se është në përputhje me rregulloret, të cilat lejojnë që gjobat financiare të jenë gjithmonë të vogla.

Suarez kthehet me dopietë, Barça shikon kreun

Barcelona ka mundur 5-2 Valencian në ndeshjen e javës së katërt të La Ligas. Katalanasit e kanë nisur me gol nga “tuneli” në Kamp Nou. Ishte Fati që realizoi një gol të bukur në minutën e 2-të takimit nga brenda zonës pas një asisti të bukur nga De Jong. 5 minuta më vonë, Fati i kthen reston mesfushorit holandez, kur i pason një top nga e majta që shndërrohet në gol nga De Jong në minutën e 7.

Ndërkohë, në të 27 Valencia ngushton shifrat në 2-1, pas një goli të shënuar nga Grameiro, i cili përfitoi ga një gabim në mbrojtjen e Barcelonës. Në të 51`, Pique gjeti rrjetën pasi përfitoi nga një kontroll i gabuar i topit nga portieri mik. I kthyer nga dëmtimi, Suarez la gjurmën e tij në ndshjen e së shtunës pasi realizoi golin e katërt për Barcelonën në minutën e 61 të sfidës, ndërsa pesëfishoi në të 82`, duke i dhënë fitoren ekipit të tij.


Megjithatë, Valencia ngushtoi shifrat në minutën e 90+2` me Gomez, me rezultatin përfundimtar 5-2. Pas fitores Barcelona ngjitet në vendin e 4 të renditjes me 7 pikë, 1 më pak se Real Madrid dhe Athletico Bilbao që ndajnë vendin e 2-të. Ndërkohë, Atletico Madrid është mundur në fushën e Real Societad me rezultatin 2-0, duke shpërdoruar një mundësi të mirë për të ruajtur distancën me ndjekësit në renditje. Pas humbjes të së shtunës, Atletico Madrid mbetet në vendin e parë me 9-të pikë, që më shumë se rivalët e Realit.

Skip to toolbar