Qëlluan këshilltarët me shishe uji, arrestohet kreu i FRPD Shkodër

Pas përfundimit të protestës së zhvilluar nga Partia Demokratike, gjatë kohës që zhvillohej mbledhja për konstituimin e këshillit bashkiak në Shkodër, policia e këtij qyteti ka arrestuar kreun e Forumit Rinor të Partisë Demokratike të këtij qyteti, Arvit Bushati. Arrestimi i Bushatit ka ardhur pas përplasjeve dhe tensioneve të krijuara mes protestuesve dhe policisë së Shkodrës.

Në fund të protestës, militantët e Partisë Demokratike kanë gjuajtur me shishe uji deputetin Tom Doshi dhe anëtarët e këshillit të ri bashkiak të Shkodrës. Ndërkohë, gjatë arrestimit të Arvit Bushatit, ish-deputeti i Partisë Demokratike, Bardh Spahia ka pasur një debat verbal me punonjës të Policisëm duke u kërkuar të mos e arrestonin Arvit Bushatin. “Ndalimi i Arvit Bushatit është i paligjshëm. Ishte i paligjshëm nga policë pa mandat dhe shenja dalluese” ka thënë ndër të tjera Bardh Spahia.

Gjatë paradites të së hënës në bilbliotekën e universitetit të Shkodrës u bë konstituimi i i këshillit të ri bashkiak të Shkodrës. Ndërkohë, prej nisjes së konstituimit të këshillit deri në përfundim të mbledhjes, militantët e Partisë Demokratike kanë protestuar duke e cilësuar të “paligjshëm konstituimin e këshillit”.

Spahia mbron Bushatin, që e quante të “paaftë”

Gjatë punimeve të Asamblesë Kombëtare, Edi Rama propozoi disa ndryshime në rang qarqesh dhe ajo që u vu re ishte largimi i Ditmir Bushatit nga Shkodra dhe mbetja e tij pa një post. Ndonëse vetë Bushati nuk shprehu keqardhje për këto ndryshme në parti, për çudi në mbështetje të tij ka ardhur ish deputeti i PD-së në Shkodër, Bardh Spahia.

Spahia hodhi akuza se Rama është duke spastruar partinë dhe po e lë atë në dorën e të besuarve të tij. Ai madje shton se tashmë është në dorë të socialistëve nëse do e pranojnë këtë gjë apo jo.

“85% e zgjedhësve, i dëshmuan se nuk e duan më modelin e tij të korrupsionit, blerjes së zgjedhjeve e dhënien me koncesion të pasurive të këtij vendi duke i lënë borxhe me dekada. Këtë mesazh Edi Rama e ka lexuar e prandaj relativizon fajet e tij të rënda duke i quajtur gabime! Më 30 qershor shqiptarët kanë folur e prandaj Rama po spastron edhe PS, duke ngritur në pozita të besuarit e tij. Por ky është problem i PS nëse do pranojë t’i japë oksigjen njeriut që e tjetërsoj për keq si parti.” shkruan Bardhi.

Nëse Rama i lexoi zgjedhjet e 30 qershorit “si një barrë të madhe dhe përgjegjësi për të treguar se kush është PS dhe se si qeveris ajo” dhe kërkoi më shumë punë nga çdo deputet dhe kryebashkiak i ri për të pasur një komunikim të drejtpërdrejtë me të gjithë qytetarët e tyre, PD ende nuk ka bërë një analizë atë asaj që humbi më 30 qershor. Edhe pse nuk mori pjesë në zgjedhje dhe mbeti pa asnjë lloj pushteti, madje humbni edhe përkrahjen e ndërkombëtarëve, ajo vijon ta lexojë 30 qershorin si një fitore të saj ku “85 % e votuesve refuzuan korrupsionin dhe qeverinë e krimit.”

Në fakt edhe pse sot ju “dhimbs” Ditmir Bushatit, Partia Demokratike e ka sulmuar atë një vit më parë, saktësisht më 5 nëntor të 2018. Në fakt sulmi i ka ardhur pikërisht nga “mbrojtësi i tij” Bardh Spahia, i cili ishte deputet i Kuvendit dhe Bushati ministër për Evropën dhe Punët e Jashtme.

Spahia e quante Bushatin, ministrin më të paaftë, ministrin e pazareve dhe mbrojtës të krimit dhe Shkodra e njeh mirë kush ishte dhe çfarë përfaqësonte.

Ky është reagimi që Bardh Spahia ka publikuar në Facebook-un e tij më 5 nëntor 2018.

Spahia i përgjigjet Topallit për dhunën: Ja vlen çdo sakrificë

Ish-deputeti i PD-së, Bardh Spahia ka mbrojtur aksionin opozitar dhe dhunën e ushtruar në shkollën Shejnaze Juka, ku ishte vendosur një KZAZ në Shkodër. Spahia tha se për demokracinë dhe mbrojtjen e saj ja vlen çdo sakrificë duke iu përgjigjur në mënyrë indirekte, ish-kryetares e Kuvendit, Jozefina Topalli. Spahia tha se demokratët e vërtetë kanë luftuar me diktaturën e egër për të mos lejuar që vendi të rikthehet në votime monopartiake.

“Një demokrat i vërtetë nuk pajtohet me grushtin e shtetit apo me votimet farës. Shkodranët e vërtetë, demokratët e vërtetë i kanë thënë jo 30 vjet përpara janë përball madje me sakrifica të jashtëzakonshme me diktaturën më të egër ndoshta në botë pikërisht për të fituar të drejtën e votës së lirë, të drejtën e zgjedhjes, dhe në këtë kontekst unë mendoj se qytetarët shkodranë janë më të vendosur se kushdo për të mos e lënë vendin të rrëshqasë drejt diktaturës, për të mos e lënë vendin të rikthehet votimeve pa zgjedhje. Edhe një herë po e them asgjë s’ka më të rëndësishme në një shtet demokratik se sa vota e lirë. Për votën e lirë, ia vlen në fakt çdo sakrificë.” -tha Spahia gjatë një interviste televizive.

Pas djegies së shkollës në Shkodër, Topalli pati një reagim mjaft të egër kundrejt veprimeve të PD dhe vetë Luzlim Bashës që e kishte çuar partinë në atë gjendje. “Një demokrat nuk djeg as mandate e as shkolla”, tha Topalli në lidhje me dhunën.

I vuri zjarrin KZAZ-së, fiton lirinë Bardh Spahia

Gjykata e Apelit i ka dhënë lirinë ish-deputetit të Partisë Demokratike, Bardh Spahia. Pasi seanca e paradites u ndërpre, për shkak të mungesës së ish-deputetit të PD-së në seancë, pasdite Gjykata e Apelit në Shkodër e ka liruar ish-deputetin demokrat, duke e cilësuar arrestimin e tij të paligjshëm. Masa që ka caktuar Gjykata është “Detyrim paraqitje”.

Gjatë seancës, fitoi lirinë Bardh Spahia, ka qenë e pranishme dhe kryetarja e Bashkisë Shkodër, Voltana Ademi, ndërsa Spahia është mbrojtur në gjyq nga Ivi Kaso dhe Ledion Nuraj. Bardh Spahia u arrestua para mbajtjes së procesit zgjedhor t ë30 qershorit, pasi mori pjesë në protestën ku u shkatërruan materialet zgjedhore të KZAZ-së në Shkodër, dhe ju vu flaka shkollës “Shenaze Juka”.

Ndaj tij rëndonin akuzat për veprat penale “Kundërshtim i punonjësve të rendit publik”, “Goditje për shkak të detyrës”, Mosbindja ndaj urdhërit të punonjësit të Rendit”, “Shkatërrimi i pronës me zjarr”, “Prishja e qetësisë publike” dhe “Dëmtim me dashje i materialeve zgjedhore”.

Mbrëmjen e 18 qershorit disa militantë të PD bashkë me të cilë ishte dhe ish-deputeti demokrat sulmuan KZAZ nr.3 në Shkodër duke thyer xhamat e saj dhe më pas i kanë vënë flakën me benzinë. Përplasjet vijuan për disa momente dhe u desh ndërhyrja e policisë dhe forcave zjarrfikëse për të neutralizuar situatën e tensionuar.

Bardh Spahinë e shpëton politika. “Të thjeshtët” mbeten në burg

Gjykata e Shkodrës ka vendosur ta dënojë me arrest shtëpie, ish deputetin e PD-së, Bardh Spahia i arrestuar dy ditë më parë për sulmin mbi KZAZ-në nr e në Shkodër dhe djegien e shkollës atje.

Pavarësisht se mbi të rëndonin 7 akuza, gjykata vendosi që Spahia ta vuaj dënimin në shtëpi, mesa duket e ndikuar nga fakti që ai është një figurë qëndrore politike dhe pavarësisht se si ish deputet nuk ka mandat, ai ka “mandat” publik dhe kjo i tremb gjykatësit e zverdhur shqiptarë. Vetë Spahia nga kafazi i të pandehurit tha në gjyq se ai shkoi në Shkodër për të qetësuar protestuesit.

“Protestuesit kanë vepruar sepse nuk mund të lejojnë që të lejojnë që të uzurpojnë një objekt publik në Bashkinë e Shkodrës nga ana e policisë dhe njerëzve të paautorizuar. Morëm informacion se kishte tension, u drejtuam atje për të qetësuar situatën. Materialet ndodheshin në një ambient të pambrojtur dhe të paautorizuar. Arrestimi im ka prapaskenë politike”, u shpreh Spahia në gjyq.

Por ndërkohë disa nga të arrestuarit e tjerë mbeten në burg. Dy punonjës të policisë bashkiake u dënuan arrest me burg ndërsa tre të ndaluar të tjerë me detyrim paraqitje.

Pamjet, Bardh Spahia del në gjyq, por demokratët rrinë urtë

Gjatë mbledhjes së të premtes në darkë në PD, u tha se Basha kishte urdhëruar të gjithë deputetët të shkojnë në Shkodër dhe të kërkojnë lirimin e Bardh Spahisë. Megjithëse ai akuzohet për 7 vepra penale, për sulmet në KZAZ dhe djegien e shkollës në Shkodër, PD thotë se ai është një i dënuar politik.

Por pavarësisht kësaj para gjykatës së Shkodrës janë mbledhur militantë dhe simpantizantë të PD-së, por situata është e qetë.

Ata po protestojnë në mënyrë paqësore ndryshe nga pamjet e disa ditëve më parë që pamë nga Shkodra.

Madje në një moment janë parë protestues duke i ofruar ujë, policive që disa ditë më parë i gjuatën me gurë.

Bardh Spahia del sot para gjykatës, PD “zbarkon” në Shkodër

Ish deputeti i PD-së, Bardh Spahia pritet të dalë sot para gjykatës së Shkodrës për t’u njohur me masën e sigurisë. Ai u arrestua nga policia për shkak të sulmeve në KZAZ dhe djegies së shkollës në qytetin e Shkodrës, ndërkohë që PD e cilëson këtë arrestim politik.

Seanca është parashikuar të nisë në orën 9:30 në Gjykatën e Shkodrës. Por ndërkohë pritet që PD të mos qëndrojë duarkryq.

Në mbledhjen e së premtes në mesnatë, të ish grupit parlamentar të PD-së u vendos që ish-deputetët të jenë sot në Gjykatën e Shkodrës për të protestuar kundër ndalimit të tij.

Kujtojmë se mbrëmjen e së premtes qytetarë nga Shkodra kanë protestuar para Policisë së Tiranës aty ku mbahet ish-deputeti Spahia, i arrestuar pas ngjarjeve në KZAZ në Shkodër. Protestuesit kërkuan lirimin e Spahisë dhe personave të tjerë të arrestuar dhe paralajmëruan protesta të përditshme.

Secili në spital, për të plagosurit e vet, sherr mes Spahisë dhe Lleshajt

Në përfundim të protestës së opozitës, mbrëmjes e së dielës, ministri i Brendshëm Sandër Lleshaj ka vizituar në spital 10 efektivët e plagosur të policisë, të cilët u lënduan për shkak të fishekzjarrëve dhe shashkave të hedhura në drejtim të tyre nga protestuesit e opozitës.

I pranishëm në spital ka qenë ish deputeti i PD-së, Bardh Spahia i cili ka vizituar 3 protestuar të lënduar.

Gjatë kohës që ministri do të fliste për mediat, ish-deputeti demokrat i ka dal përpara duke e akuzuar për atë se çfarë ka ndodhur në protestën e fundit të opozitës.

Debati

Spahia: Ministri e ka mbushur spitalin me policisë dhe civile dhe ka largu mjekët, ish deputetë përfaqëues të opozitës. Ky është pushteti i sotëm, fytyra e shtetit të ministrit në fjalë, i kanë ditët e numëruara

Lleshaj i drejtohet të largohet

Spahia: Puna ime është t’u pengoj ju të trajtoni shqiptarët si serbë, kjo është puna ime.

Lleshaj: T’ju vijë turp

Spahia: Turp tu vijë ju, shko shifi plagët atyne njerëzve, shko shifi e ke mbushur spitalin me policë

Lleshaj: Me çfarë statusi ke ardhur këtu

Spahia: Me statusin e përfaqësuesit të opozitës, jo me atë opozitë që keni bërë ju. Kur u bëre ti ministër imagjino cfarë statusi duhet, me mu flet ti ashtu, po ik mbaj përgjegjesi. E keni afër fundit, edhe serbët nuk sillen kështu, shiko si i keni bërë

Lleshaj: Kush i ka bërë kështu, dorën tënde të zezë, që ua ke bërë edhe qytetarëve edhe policëve, more i pafytyrë

Spahia: Edhe policët që i lini pa mbrojtje, ca doni mos me protestu njerëzit

Gepostet von Bardh Spahia am Sonntag, 2. Juni 2019