Gjimshiti flet si lider: Për Elsin do japim maksimumin

Mbrojtësi Berat Gjimshiti është duke bërë një sezon të mirë te Atalanta në Serie A. Futbollisti është, gjithashtu, një nga pikat kyçe të mbrojtjes së kombëtares. Në konferencën për shtyp të martën, Gjimshiti u shpreh se në dy ndeshjet radhës, duhet të shmangen gabimet individuale.

“I kemi dy ndeshje shumë të vështira, sidomos kundër Turqisë, por besoj se kemi shanse të vërteta. Në ndeshjen e kaluar kemi bërë gabime individuale. Do ta shikojmë si një shans të ri dhe do të japim maksimumin”, tha mbrojtësi. Mungesa e Hysajt është një problem më vete në kombëtare, por mbrojtësi i Atalantës, shprehet se këto dy ndeshje, lojtarët do të luajnë dhe për Elsin.

“Më vjen keq për Hysajn që u lëndua para Kombëtares, pasi ishte dhe kapiten kur nuk ishte Mërgimi. Besoj do na mungojë, por do luajmë edhe për Elsin. Kam më shumë se 5 vite që jam këtu dhe kam kaluar eksperienca të mira dhe të këqija. Do të marr përgjegjësi më të mëdha dhe do vazhdojmë të shikojmë përpara. U pa dhe në ndeshjen e fundit me Islandës që u ndryshua diçka, pasi luajmë më të sigurt”, tha Gjimshiti.

Në fund, mbrojtësi kuqezi tregon se me sistemin e trajnerit Reja, skuadra luan më mirë. “Ka pasur shumë ndryshime në skuadër dhe jemi mirë me sistemin e ri që luan trajneri Reja. Mund të kemi një shans të vërtetë. Mund të them që është një moment shumë i bukur. Gjërat që i kemi arritur me Atalantën, dua t’i bëj edhe me Kombëtaren. Vetëbesimin që e kam te Atalanta dua ta transmetoj edhe këtu në ekipin Kombëtar”, përfundoi Berat Gjimshiti.

Edy Reja: Rrugë e gjatë deri në Europian. Gjimshiti? do të operohet

Trajneri i ekipit tonë kombëtar të futbollit Edy Reja ka publikuar paraditen e të martës listën e lojtarëve të grumbulluar për dy ndeshjet zyrtare të muajit qershor. Pak minuta pasi u bë publike lista, Edy Reja ka dalë në konferencë për shtyp për të qartësuar zgjedhjet e bëra me lojtarët e grumbulluar. Fillimisht ai u shpreh se ka thirrur në grumbullim lojtarë që më herët ishin grumbulluar nga Gianni de Biasi, por edhe nga Christian Panucci.

“Kam kthyer lojtarë të De Biasit, dhe kam lojtarë të tjerë Panuccit, por më duhet kohë t’i njoh. Kam parë të rinj dhe 4 lojtarë të Partizanit dhe janë lojtarë të tjerë që kam parë dhe më pas i kam kthyer. Kam listë me 35 lojtarë”, ka thënë Reja.

Më pas i pyetur për objektivat, trajneri i kuqezinjve ka thënë se duhet të punojmë të gjithë për të shkuar në Europian. “Ne duhet të punojmë që të shkojmë në Europian. Ne duhet të punojmë më shumë me mbrojtjen dhe më pas të zgjidhim anën e sulmit. Kemi patur probleme me mbrojtjen. Lojtarët duhet të japin maksimumin kur vijnë dhe këtu. Shqiptarët që jetojnë jashtë e ndjekin shumë këtë skuadër“.

Edy Reja ka treguar se lojtarët janë në gjendje të mirë psikologjike, ndërsa është shprehur se nga sot nisj stërvitja e vërtet. “Kam folur me lojtarët dhe kam udhëtuar shpesh për të takuar lojtarët. Ka dëshirë, entuziazëm dhe dëshirë pozitive që unë e ndjej. Futbollistët duan të bëjnë më të mirën e mundshme. Lojtarët që kishin përfunduar kampionatin i afrova për t’i mbajtur në aspektin e duhur fizik. Stërvitja e vërtetë do të fillojë sot“, është shprehur trajeri.

Trajneri italian, që do të ketë debutimin për herë të parë si drejtues i një ekipi kombëtar në karrierën e tij, ëshë shprehur se skuadra më parë kishte mungesë ekuilibri, ndërsa ka zbuluar dhe mënyrën e lojës në ndeshjen e parë.

“Mendoj se mungonte ekuilibri i skuadrës me Panuccin. Lojtarët duhet të bashkëpunojnë me njëri-tjetrin”. “Do të luajë me dy sulmues me Islandën. Do të mundohemi të bëjmë presion që lart me dy sulmues. Nuk do të thotë që do të bëjmë një ndeshje shumë ofensive”.

Gazetarët e kanë pyetur trajnerin Edy Reja edhe për rikthimin e Lenjanit në kombëtare, ndësa Italiani ka zbuluar edhe arsyet pse mungon Berat Gjimshiti.

“Kam folur me Lenjanin kam qenë në Zvicër. Kemi sqaruar gjithçka. Lenjani është lojtar ofensiv dhe ndoshta nuk ishte pjesë e skemave të trajnerit Christian Panuccit. Gjimshiti do të operohet sot, pasi ka një problem. Ai ka luajtur i dëmtuar, pasi Gasperini kishte mungesa. Më vjen keq, pasi Gjimshitin e kam marrë unë tek Atalanta dhe nuk do të jetë. Vrioni do të largohet që sot, pasi ka një dëmtim”, ka thënë ndër të tjera Edy Reja.

Kombëtarja, Lenjani ndërpret “agjërimin”. Gjimshiti mbetet në shtëpi

Ashtu siç ishte paralajmëruar më herët, në listën e trajnerit italian mungon portieri Thomas Strakosha, i cili ka pasur një problem javët e fundit, dhe nuk mund të jetë gati për të luajtur.

Kështu, Reja ka zgjedhur portierin e Laçit, Gentian Selmani, për të zëvendësuar Thomas Strakoshën.

Dy portierët e tjerë janë të përhershmit Etrit Berisha dhe Alban Hoxha. Në mbrojtje Edy Reja ka thirrur për herë të aprë mbrojtësin Marash Kumbulla, ndërsa lojtarët e tjerë janë: Naser Aliji, Elseid Hysaj, Arlind Ajeti, Ivan Balliu, Enea Mihaj, Egzon Binaku, Kastriot Dermaku dhe Mërgim Mavraj.

Surpriza e madhe e Edy Reja është pikërisht lënia jashtë e qendërmbrojtësit të Atalantës Berat Gjimshiti, që është duke kaluar një moment të shkëlqyer me klubin nga Bergamo.

Në mesin e fushës Edy Reja ka thirrur Amir Abrashin, Migjen Bashën, Ledian Memushajn, Ergys Kaçen, Kristi Qosen, Emanuele Ndojin, Taulant Xhakën, Ylber Ramadanin dhe Ermir Lenjanin.

Ndërsa sulmi do të jetë i përbërë nga Myrto Uzuni, Eros Grezda, Odise Roshi, Bekim Balaj, Sokol Çikalleshi dhe Armando Sadiku.

Ndali Ronaldon & Co, Gjimshiti: Donim fitore ndaj Juventist!

Berat Gjimshiti ishte një nga lojtarët më të mirë në fushë për Atalantën në ndeshjen kundër Juventusit një ditë më parë. Mbrojtësi kuqezi arriti të ndalte sulmin e skuadrës së Allegrit, duke u vlerësuar me notë pozitive nga mediat e shtetit fqinj. Pas ndeshjes, qendër mbrojtësi kombëtares kuqezi ka folur për mirkofonët e Sky Sport.

Gjimshiti është shprehur se Atalanta ishte pregatitur për fitore ndaj Juventusi, megjithëse, sipas tij, kjo mund të ishte arritur nëse ekipi do kishte qenë më i bashkuar në pjesën e dytë.

“Ne shpresonim të merrnim një fitore. Kemi luajtur shumë mirë në pjesën e parë. Patëm disa shanse shënimi, por në pjesën e dytë ishim më të shpërqëndruar. Nuk mendojmë se nuk do r kalojmë Sasuolon. Edhe sot ne donim fitore sepse i njohik cilësitë tona”.

“Tani dolëm me një pikë dhe duhet të mendojmë për ndeshjen e ardhshme kundër Sasuolos. Nuk do të jetë e lehtë, këtë e pamë në ndeshjen ndaj Romës”, ka thënë Berat Gjimshiti për median italiane.

“Ne nuk mendojmë për këtë, madje edhe sot kemi dashur të fitojmë, ne i njohim cilësitë tona. Ne kemi arritur të bëjmë një pikë, tani duhet të mendojmë për ndeshjen kundër Sassuolo, nuk do të jetë e lehtë dhe e pamë atë kundër Romëve. ne “.

Strakosha ndal Gjimshitin, Lazio fiton Kupën e Italisë ndaj Atalantës (video)

Lazio ka triumfuar ndaj Atalantës në finalen e Kupës së Italisë, duke e mbyllur sezonin me njê trofe. Skuadra e Simone Inzaghit fitoi ndaj skuadrës së Gian Piero Gasperinit me rezultatin 2-0, me të dy golat që u shënuan në dhjetë minutat e fundit të ndeshjes. Autor të dy golave ishin Segerj Milinkovic-Savic dhe Correa, të cilë realizuan përkatësisht në minutën e 82′ dhe 90′-të.

Me fitoren e sotme, Lazio koleksionon shtatë trofe në Kupën e Italisë, duke u bërë ekipi i tretë që e ka fituar më shumë herë Kupën e Italisë pas Juventusit me 13 trofe dhe Romës me 9. Sakaq, Atalanta nuk ia doli tê fitonte këtë trofe të rëndësishëm, në finalen e të cilit mungonte prej sezonit 1962-63.

Thomas Strakosha me Lazion dhe Berat Gjimshiti me Atalantën e kanë nisur titullar takimin e sotëm, teksa loja ka qenë e balancuar në përgjithësi. Në një moment Atalanta u ndalë nga shtylla, ndërsa Lazio ka treguar efikasitet në fundin e takimit duke shënuar dy golat që i dhanë trofeun.

Pas fitores së sotme, Lazio do të përfitojë dhe 10 milionë euro nga Lega e Serisë A, që i jep si shpërblim për fituesin e kupës. Gjithashtu skuadra e Inzaghit do të luajë edhe në finalen e madhe të Superkupës së Italisë kundër Juventusit.

Atalanta e Gjimshiti super, kalojnë Interin në renditje (video)

Atalanta nuk ka të ndalur në rrugën e saj drejt Champions League sezonin e ardhshëm, pasi tashmë duket se ky kompeticion është siguruar.

Skuadra bergameze ka fituar ndaj Genoa-s me rezultatin 2-1, duke u ngjitur në vendin e tretë në Serinë A, kur kanë mbetur dhe dy ndeshje nga përfundimi i kampionatit.

Atalatna i ka marrë vendin e tretë në renditje Interit, duke e kaluar me dy pikë më shumë megjithëse zikaltërit kanë ende një ndeshje më shumë për të luajtur. Ndeshja nis mirë për bergamezët, me Berat Gjimshitin që është përsëri titullar në këtë takim.

Gjatë pjesës së parë vendasit dominuan gjithçka duke prekur dhe rrjetën por goli u anulua, ndërsa në të dytën Barrow zhbllokoi rezultatin me nisjen e lojës. Në minutën e 53′ Berat Gjimshiti kthehrt protagonist, duke asistuar golin e dytë për Atalantën, që u shënua nga Castagne.

Goran Pandev ngushtoi diferencat për Genoan, duke ia bëri të vështira katër minutat shtesë, sidoqoftë në fund Atalanta mori tre pikë të arta.

E bujshme: Fiorentina në sulm për Gjimshitin, por mbrojtësi kushton…

Fiorentina interesohet për qendërmbrojtësin shqiptar, Berat Gjimshiti. Ky lajm raportohet nga mediat pranë klubit të Fiorentinës, të cilat pohojnë se klubi pritet të kontaktojë Atalantën për shqiptarin.

Futbollisti i kombëtares shqiptare është duke bërë një sezon të shkëlqyer me Atalantën në Serinë A, teksa bergamezët janë duke realizuar ëndrrën për pjesëmarrjen në Champions League sezonin e ardhshëm.

Gjimshiti është kthyer në shtyllë kryesore në skemën me tre mbrojtësa në qendër të trajnerit Gasperini, duke i dhënë siguri skuadrës së Atalantës në prapavijë. Megjithatë, ai këtë sezon numëron dhe dy gola të shënuar ndaj Interit dhe Lazios, duke i rritur kreditet e tij.

Fiorentina nuk është ekipi i vetëm që interesohet për futbollistin shqiptar, pasi Zenit dhe klube të tjera europiane kanë shfaqur interes.

Por ky transefrim është në mos i pamundur i vështirë, pasi Gjimshiti ka rinovuar me Atalantën dhe klubet e tjera për të prishur kontratën do të duhet të derdhin mbi 20 milionë euro për shqiptarin.

Ky është vlerësimi që i bënte pak ditë më parë Skay Sport kartonit të Gjimshitit, teksa një pengesë tjetër mund të jetë fakti që mbrojtësi shqiptar të llogaritet si pjesë e planit Champions për sezonin e ardhshëm.

Sky Sport: Nëse doni të blini Gjimshitin duhet të paguani 20 mln euro!

Berat Gjimshiti bëhet një nga lojtarët më të shtrenjtë tek Atalanta. Të paktën kështu është sipas “Sky Sport” në Itali, që pas kualifikimit të skuadrës së Gasperinit në finalen e kupës, ka bërë një analizë për vlerën e disa lojtarëve të klubit bergamez.

Ndër ta është dhe Berat Gjimshiti, qendërmbrojtësi që po kalon një sezon të shkëlqyer në aspektin personal, ndonëse në fillim ishte në dilemë vazhdimësia me klubin e Atalantës.

“Berat Gjimshiti (20 milionë euro). Rritja e hierarkike në mbrojtje ka qenë gjithnjë bindëse. 26-vjeçari shqiptar erdhi si një transferim me parametra zero nga Zyriu në janar të vitit 2016. Nëse doni ta blini futbollistin duhet të paguani së paku 20 milionë euro”, shkruhet në komentin e “Sky Sport”.

Atalanta, Lacio dhe Panucci, Gjimshiti tregon gjithçka!

Berat Gjimshiti ishte një nga lojtarët më të mirë në fushën e lojës për Atalantën mbrëmjen e së enjtes kundër Fiorentinës, në gjysmëfinalen e dytë të Kupës së Italisë.

Qendërmbrojtësi i Kombëtares shqiptare ka folur pas kualifikimit të ekipit të tij në finale, duke komentuar disa çështje për mikrofonin e “Rai Sport”.

Fillimisht, gazetarët e kanë pyetur Gjimshitin lidhut me luftën për një vend në Champions League sezonin e ardhshëm. Sipas preshevarit, skuadra e Atalantës e kuptoi se mund ta arrinte këtë objektiv kur po fitonte ndaj ekipeve të mëdha në Serinë A.

“Mendoj se e kuptuam shpejt, sepse po shihnim ndeshjet që po bënim ndaj ekipeve të mëdha. Ndaj tyre po bënim lojëra shumë të mira”, ka thënë fillimisht Gjimshiti.

Më pas mbrojtësi i Atalantës ka komentuar ndeshjen me Fiorentinën dhe kalimin në finalen e Kupës së Italisë.

“Ne e njohim potencialin që kemi. Sot (dje) kemi pasur një kundërshtar të vështirë përballë me sulmues të shpejtë. Në pësimin e golit të parë ishim vendosur gabim, por reaguam mirë, jemi të kënaqur dhe presim me padurim finalen”, ka thënë Gjimshiti.

I pyetur nëse ka frikë nga ndonjë nga sulmuesit e Lacios, Berat Gjimshiti shprehet kështu: “Ne nuk mendojmë për lojtarët e kundërshtarit. Të gjithë sulmuesit në Serinë A janë të mirë. Milinkovic, Imobile apo dhe të tjerët janë të mirë, por ne kemi ekip të fortë dhe çdo ndeshje e luajmë për ta fituar”, është shprehur qendërmbrojtësi.

Në fund, gazetarët e kanë pyetur Gjimshitin edhe për ish-trajnerin e Kombëtares Christian Panucci. “Nuk kam folur shumë rreth Italisë me të, vetëm për ekipin kombëtar. Ne kemi një marrëdhënie të mirë së bashku. I uroj Panuccit më të mirat për të ardhmen”, ka përfunduar mbrojtësi i Kombëtares.

Atalanta finalistja e dytë e Kupës së Italisë (video)

Italia ka mësuar mbrëmjen e së enjtes edhe finalisten tjetër të kupës. Është Atalanta ajo që do të përballet me Lacion, pasi mundi në gjysmëfinale Fiorentinën me rezultatin 2-1.

Mund të cilësohet një sezon i jashtëzakonshëm ky për skuadrën bergameze. Trajneri Gasperini ka ditur t’i marrë më të mirën një grupi lojtarësh këtë sezon, të cilët e kanë çuar Atalantën në vend të katërt në kampionat dhe tani në finalen e Kupës së Italisë.

Fiorentina e zhbllokoi rezultatin e ndeshjes pas 3 minutash lojë me Muriel, që vendos një rekord personal, pasi ka shënuar në të treja ndeshjet e luajtura kundër Atalantës.

11 minuta pasi u ndëshkuan vendasit reagojnë me Ilicic, që ka shënuar nga pika e bardhë e penalltisë, duke vendosur barazpeshën ne fushë.

Gomez në minutën e 69′ ka shënuar golin e avantazhit për Atalantën, i ndihmuar edhe nga devijimi i portierit Lafont.

Atalanta e ka siguruar kualifikimin në finale me rezultatin e përgjithshëm 5-4. 90 minuta për Gjimshitin, ndërsa Berisha nuk i ndahet stolit.

Atalanta do të përballet me Lazion në finalen që do të luhet 15 majin e ardhshëm në Romë dhe që do të vërë përballë njëri-tjetrit Berat Gjimshitin dhe Thomas Strakoshën.