Berisha shfaqet entuziast me muxhahedinët iranianë

Dalin pamjet ku Ish kryeministri Sali Berisha shfaqet në 13 korrik në fshatin e muxhahedinëve iranianë në periferi te Tiranës, të quajtur Ashraf (si ai në Irak) ku mori pjesë në takimin vjetor të tyre. Përpjekja amerikane për të sjellë në Shqipëri, muxhahedinët MEK ka nisur me qeverinë Berisha, i cili ka dhënë miratimin e parë për këtë. Por gjithë procesi ka përfunduar gjatë qeverisjes së parë të Ramës.

Berisha u shfaq më 13 korrik me një pamje entuziaste përballë muhaxhedinëve iranianë ndërkohë që edhe në takimet vjetore të mëparëshme kanë marrë pjesë përfaqësues të Partisë Demokratike.

Në takimin e të shtunës së 13 korrikut merrnin pjesë personalitete të rëndësishme nga të dy krahët e politikës në Shqipëri, por edhe nga të dy anët e Atlantikut si nga Lindja e Mesme ashtu edhe nga SHBA.

#RealStory | Konferenca e Përvitshme Liri per Iranin në Qendrën e MEK në Shqipëri
Konferenca e Përvitshme Liri per Iranin në Qendrën e MEK në Shqipëri. Ish-Kryeministri Sali Berisha eshte shfaqur entuziast perballe muxhahedineve iranian. #RealStory
Gepostet von RealStory.al am Samstag, 20. Juli 2019

Mes folësve në këtë event ishin avokati personal i Presidentit amerikan Donald Trump, Rudy Giuliani, Senatori Joseph Lieberman, ish Sekretari i Sigurisë Kombëtare Tom Ridge, anëtarë aktualë dhe të mëparshëm të Kongresit, ligjvënës europianë, ish-komandantë të ushtrisë amerikane, dhe një delegacion personalitetesh politike nga anë të ndryshme të politikës. Përveç Berishës si përfaqësuesi më i lartë i PD-së, qeveria përfaqësohej nga ministri Pandeli Majko. I pranishëm ka qenë dhe kreu i PR, Mediu.

Në fjalën e tij Berisha vlerësoi luftën për demokraci të muxhahedinëve, ndërsa theksoi se Shqipëria duhet të përjashtojë çdo përfaqësues zyrtar të mullahëve.

“Është kënaqësi dhe nder i madh për mua t’ju përshëndes. Jeni njerëz që keni luftuar për shumë vite, për të drejtat e njeriut dhe për demokraci. Njerëz që jeni përballur me vështirësi për shumë vite por keni qëndruar më këmbë. Ju frymëzoni çdo qenie njerëzore me betejën tuaj.

Dy vite më parë isha në Paris në takimin tuaj. Në atë kohë, fuqitë e mëdha po negocionin me regjimin iranian dhe mendoja se sa vështirësi do të krijonte kjo për betejën tuaj kundër regjimit iranian. Por pak vite më vonë u vërtetua që kishit të drejtë. Ju jeni shpresa e kombit tuaj. Shqipëria duhet të përjashtojë dhe do të përjashtojë çdo përfaqësues zyrtar të mullahëve. Ju e përfaqësoni Iranin.

Plani me dhjetë pika i Maryam Rajavi-t është një plan i frymëzuar nga 100,000 martirët tuaj. Është një plan bazuar në vlerat universale. E mbështes plotësisht triumfin tuaj. Mullahët e kanë treguar se nuk kanë besim.

Herët a vonë mullahët do të përballen me atë që meritojnë. Kalifati i mullahëve nuk do të triumfojë kurrë në rajon”, u shpreh Berisha në takimin e komunitetit MEK në Shqipëri.

Këtë vit ajo që është vënë re ndryshe është se disa prej mediave, portaleve dhe analistëve pranë opozitës kanë kritikuar ashpër praninë e kampit të muxhahedinëve iranianë pranë kodrave të Ishmit në Tiranë. Për këtë arsye prania e Berishës në takimin vjetor të mekëve, të paktën mbyll çdo lloj goje: praninë e tyre në Shqipëri e mbështet edhe PD.

Ndërsa Majko vlerësoi faktin se pavarësisht debateve politike në Shqipëri, të gjitha partitë bashkohen në mbështetjen e komunitetit MEK në Tiranë.

“Kohët e fundit në Shqipëri, politikanët kanë patur debate të forta me njëri-tjetrin, por nuk ka asnjë debat për qëndrimin tuaj këtu në Shqipëri. Ju jeni në zemrat tona. Nëse regjimi iranian ka ndërmend t’ju prekë, ata duhet ta dinë se u kemi thënë pushtuesve nazistë, ‘arin po, hebrenjtë jo.’ Ambasadori i Iranit është dëbuar nga Tirana. Kështu që mos na vini në provë… ‘Arin po, Muxhahedinët jo'”, theksoi Majko.

Qeveria Berisha-Meta, me vetëm 25.6% të votave të shqiptarëve

Nga Eduard Zaloshnja

Në vitin 2009, në listën e zgjedhësve ishin 3,084,946 shtetas shqiptarë. Atë vit koalicioni i i madh i PD-së mori 707,089 vota, ose vetëm 22.9% të votave të shqipëtarëve në lisat zgjedhore. Koalicioni i i vogël i LSI-së mori 83,763 vota, ose 2.7% të votave të shqipëtarëve në lisat zgjedhore.

Pas zgjedhjeve, këto dy koalicione formuan një qeveri të përbashkët, me Berishën kryeministër dhe Metën zv.Kryeministër. Për këtë qeveri kishin votuar vetëm 25.6% e shqiptarëve në listat zgjedhore. Ndërsa pothuaj treçereku i shqiptarëve nuk e kishin votuar atë qeveri, e cila i qeverisi për katër vjet…

Basha, urdhër për të kontrolluar partinë. (Frikë nga Berisha?)

Mbajtja e zgjedhjeve më 30 qershor ka sjellë çorientim dhe panik në radhët e opozitës. Ndërsa vetëm 3 ditë na ndajnë nga 30 qershori, për të mbajtur situatën nën kontroll, kreu i PD, Lulzim Basha ka shpërndarë një urdhër të ri për të gjitha degët e partisë Demokratike për organizmin e punës për periudhën 28 qershor-2 korrik. Në letrën e dërguar kryetarëve të bashkisë që drejtohen nga opozita dhe krerët e degëve të PD në qytetet e vendit, Basha kërkon ngritjen e Shtabit Qendror të Koordinimit që do të ketë si detyrë organizmin e strukturave të partisë demokratike dhe dokumentimin e informacioneve në bazë të detyrave të caktuara. Për çfarë i duhen Bashës këto Shtabe të reja në terren?

Zgjedhjet do të mbahen më 30 qershor dhe aksioni i protestave disa mujore të opozitës për moslejimin e tyre ka përfunduar keq. Kjo sigurisht ka nxitur pakënaqësi jo vetëm tek militantët por edhe vetë bazën e tij. Në këto kushte, Lulzim Basha është duke u përpjekur për të mbajtur nën kontroll partinë. Sipas burimeve, baza është e irrituar dhe e mërzitur për një tjetër aksion të përfunduar keq të Lulzim Bashës. Kjo mund të bëjë që situata në 30 qershor të dalë jashtë kontrollit të strukturave dhe të shkaktojë incidente për të cilat ndërkombëtarët kanë thënë se do mbajnë përgjegjësi jo vetëm zbatuesit por edhe organizatorët.

Por duket se Basha me këtë urdhëresë shpreh ankthin se çfarë mund të ndodhë më 1 korrik. Shumë drejtues dhe ish deputetë shprehen thuajse hapur me njeri tjetrin tepër kritikë ndaj Bashës dhe aksionit të tij të nxituar për djegien e mandateve dhe mosmarrjen pjesë në zgjedhje. Gjendjen e rëndon dhe heshtja e Berishës prej disa javësh dhe zërat e një klime të ndere mes tij dhe beniaminit të dikurshëm dhe hija e Bujar Nishanit si mëkëmbës i Berishës sa vjen dhe rritet. A është kjo shkrese fillimi i një përplasje mes Berishës dhe Bashës? Shpeshherë i është thënë se nëse nuk “vret” babën politikisht, partia s’mund të jetë kurrë e Bashës. Por nëse dështon dhe në këtë përplasje, lideri i PD rrezikon realisht fundin pa lavdi të karrierës së tij politike. Përballë Amerikës edhe mund të mbijetosh, por përballë Berishës? Historia flet tërësisht ndryshe /realstory.al

Lexoni urdhërin e plotë:

URDHËR I KRYETARIT TË PARTISË

PËR ORGANIZIMIN E PUNËS PËR PERIUDHËN 28 QERSHOR – 2 KORRIK

Në mbështetje të nenit 51 të Statutit të Partisë Demokratike të Shqipërisë,

U R D H Ë R O J:

1. Ngritjen e Shtabit Qendror të Koordinimit të situatës në vend në periudhën 28 Qershor – 2 Korrik 2019, me detyra dhe ndarje si më poshtë:

I. Organizimi i strukturave;

II. Dokumentimi i informacioneve;

III. Përpunim informacioni;

IV. Media.

2. Secili grup i Shtabit Qendror të Organizimit harton strategjinë e tij të punës në përmbushje të detyrave që mbulon, i cakton detyrat dhe udhëzon strukturat lokale të partisë mbi veprimet që duhet të ndërmerren rast pas rasti në varësi të situatës, kërkon dhe mbledh informacion nga strukturat, si dhe raporton në mënyrë periodike gjatë gjithë periudhës tek Kryetari i Partisë.

3. Me përjashtim të anëtarëve të Shtabit Qendror që njoftohen me urdhër të veçantë të Kryetarit të Partisë, anëtarët e Kryesisë së PDSH, anëtarët e Grupit Parlamentar dhe anëtarët e Këshillit Kombëtar, nga data 28 Qershor – 2 Korrik 2019, qëndrojnë pa ndërprerje në zonat që mbulojnë, sipas ndarjeve të njoftuara edhe më parë gjatë periudhës 16 Shkurt 2019 e deri më tani. Ato koordinojnë veprimet, në varësi të tematikës, me Shtabin Qendror të Koordinimit.

4. Pranë çdo Degë të Partisë, në nivel bashkiak, ngrihet menjëherë Shtabi Lokal i Punës, që në koordinim me Shtabin Qendror, organizon punën në terren, sipas të katër fushatave që përfshihen në pikën 1. Në Degët ku Partia Demokratike drejton bashkinë, drejtues i Shtabit është Kryetari i Bashkisë dhe Kryetari i Degës. Në Degët e tjera, drejtues i Shtabit është Kryetari i Degës.

5. Shtabet bashkërendojnë veprimet me të gjitha partitë e Koalicionit Opozitar, në nivel qendror dhe lokal.

6. Ky urdhër hyn në fuqi menjëherë.

KRYETARI

LULZIM BASHA

Berisha njofton cunam në Tiranë, po kush e kontrollon protestën ai apo Basha?

Ndërsa kreu i PD-së, Lulzim Basha zbuti tonet të enjten në mbrëmje teksa garantoi se protesta e së premtes do të jetë paqësore, ndryshe thotë Berisha.

Ai shkruan në facebook se “një cunam i jashtëzakonshëm po i afrohet Tiranës”, duke përdorur një gjuhë tjetër nga Basha, i cili tha se në protestë do të vijë me gruan dhe me vajzat për të siguruar se nuk do të lejojë akte dhune.

“Cunami i jashtëzakonshëm po afron. Tirana dhe Shqipëria çajnë sheshet dhe rrugët e Tiranës! Rama i lemeritur drejt vrimës së miut!”, shkruan Berisha i cili e shoqëron komentin me një video nga protestat e kaluara, ku pavarësisht yjeve të flamurit të BE dhe flamujve amerikanë, nuk kanë munguar shashkat e molotovët.

Megjithatë orët e protestës së mbrëmjes së të premtes do të vërtetojnë nëse ajo është nën kontrollin e Bashës apo të Berishës.

Cunami i jashtezakonshem po afron. Tirana dhe Shqiperia cajne sheshet dhe rruget e Tiranes! Rama i lemeritur drejt vrimes se miut! sb
Gepostet von Sali Berisha am Freitag, 21. Juni 2019

Kontribute për Kosovën, Thaçi shpërndan 50 dekorata në Tiranë, përjashton Berishën

Presidenti Hashim Thaçi ka shpërndarë të premten në Tiranë 50 dekorata për personalitete të jetës politike dhe publike shqiptare që kanë dhënë kontribute për Kosovën. Thaçi i ka nderuar personalitet me dekoratën presidenciale “Urdhëri i Lirisë” me rastin e 20-vjetorit të çlirimit të Kosovës.

Ndër figurat që janë nderuar janë Fatos Nano, Bashkim Fino, Sabit Brokaj, Skënder Gjinushi, Aleksander Meksi, Fatos Klosi, Blendi Klosi, Kiço Blushi, Gazment Demi, Luan Hajdaraga (familja), Artur Zheji, Petro Koçi etj.

Ajo që bie në sy në këtë listë është përjashtimi i Sali Berishës. Kujtojmë se Majko e Meta e kanë marrë shumë kohë më parë, vetëm Berisha nuk ka arritur ende.

Pak muaj më parë dy politikanët janë përplasur ashpër me njëri tjetrin duke hedhur akuza të rënda. Berisha e cilësoi tradhti ndaj Kosovës propozimin e Thaçit për korrigjimin e kufijve.

“Serbët kanë dashur vetë ta heqin Preshevën. Serbët luftojnë për linja të pastra etnike, argati (Hashim Thaçi) lufton po për vija etnike. Ai për lëkurën e tij po copëton Kosovën, dosjen që ka në Hagë. Sepse ka një dosje të madhe në Hagë, ajo dosje është e tërë me origjinë nga Beogradi”, tha Berisha.

Thaçi duke ironizuar me deklaratat e Berishës kundër ndarjes së Kosovës, tha se ai është i sëmurë psikik duke kërkuar madje të trajtohet.

“Nuk dëshiroja të involvohem në debatet e politikës elektorale në Shqipëri duke marrë parasysh çështjen e Kosovës që kjo çështje të jetë atribut i çështjeve elektorale në Shqipëri. Roli i Shqipërisë për Kosovën ka qenë jetik dhe historik dhe sa i përket s’dua t’ia përmend emrin, Sali Ram Berishës, ndiej keqardhje dhe një ndjenjë jo të mirë kur e shoh në këtë gjendje, në këtë fund politik që ka mbetur si një gërmadhë politike. Sali Ramë Berisha është një argat i Millosheviçit. Më shumë ju ftoj ta trajtoni me një kolegjium mjekësh si një pacient”, deklaroi Thaçi pak muaj më parë.

Dekorimi i personaliteteve të shquara në Tiranë (Drejtpërdrejt)
Gepostet von Hashim Thaçi am Freitag, 14. Juni 2019

Veliaj vazhdon fushatën, apel të rinjve: Distancohuni nga Saliu dhe Luli

E ndërsa presidenti i Republikës ka anuluar datën e zgjedhjeve, kjo nuk e ka penguar aspak kryebashkiakun e Tiranës të vijojë me takimet e tij elektorale. Ai është takuar me të rinjtë e Freshit, nga ku i ka bërë thirrje të gjithë të rinjve që të distancohen nga Berisha dhe Luli, duke thënë se ata janë të lodhur dhe të rënë nga vakti.

“Politikanë të rënë vakti ky vend ka pare shumë, por qytetet që shkrumbohen mezi e marrin veten. Një parti e lodhur, e dëbuar, e përbuzur, e mosvotuar, e merr veten sepse do vijë një brez tjetër dhe do të thotë gjëra më të mençura dhe do të distancohet nga Saliu dhe Luli me shokë. Por, një qytet mezi e merr veten sepse ka shumë punë për të ndryshuar. Një qytet nuk është vetëm infrastrukturë, por është kryesisht mentalitet”, deklaroi Veliaj.

Ai theksoi se koha për të marrë vendime të rëndësishme për rininë është tani, ndërsa u shpreh se tregues i saj është se 30% e kandidatëve të PS në Këshillin Bashkiak janë të rinj dhe të reja.

“Në 30 vite, të njëjtët politikanë dogjën dy breza dhe tani po përvëlojnë të tretin”

“Në 30 vite të njejtët politikanë dogjën dy breza dhe tani po përvëlojnë të tretin”. Kështu nis postimin e së martës i Erion Braçes në Instagram, duke sulmuar ashpër si Berishën, si Metën, ashtu dhe Bashën. Erion Braçe nuk kursehet hiç kur shkruan se këta njerëz që janë në krye të dy partive vjedhin bashkë, dhunojnë bashkë, vrasin bashkë dhe ua marrin jetën brezave në Shqipëri, po bashkë.

Por 30 vjet janë shumë, – shkruan Braçe, tani është koha të themi boll më!

“Nuk ka asnje arsye qe brezi i femijeve te sotem te pervelohet ne zjarrin e ketyre!”, shkruan zëvendës kryeministri i cili thekson se zgjedhjet do të mbahen në 30 qershor.

Postimi i Braçes:

NE #30VITE, TE NJEJTET POLITIKANE, DOGJEN DY BREZA DHE, PO PERVELOJNE TE TRETIN! Ne fillim brezin e babait, pastaj brezin e djalit, tani te nipit/mbeses! Jane te njejtet shkaterrues, te njejtet zjarrevenes, te njejtet hajdute, te njejtet dhunues e vrases!

Kaq te lire e kemi jeten ne shqiptaret sa, cdo dhjetevjecar falim nga nje brez tek politika e te njejteve terminatore? Kane dy partite e tyre, por gjithnje vjedhin bashke, dhunojne bashke, vene zjarrin bashke, vrasin bashke, Marrin jeten e brezave po bashke!

Jo me!

#30VJET, #3BREZA JANE SHUME!

Boll me!

Nuk ka asnje arsye qe brezi i femijeve te sotem te pervelohet ne zjarrin e ketyre! Perkundrazi, ky duhet te jete brezi qe #BENDREJTESI per dy te tjeret-prinderve e gjysherve! #DREJTESIAERE eshte per ta, e ardhme per ta e per cdo brez qe do i pasoje. Kurre nuk do jene te barabarte pa #DrejtesineeRe! Nje vend pa kete #Barazi kurre nuk do te kete nje brez tjeter, te ri dhe garanci per kete vend! #TeBarabarte tani, #DrejtesiaeRe eshte mundesia, garanti per te drejtat themelore, nisur nga e drejta e votes-sulmuar kriminalisht dje, aksesi i drejte dhe perfshires ne arsim e shendetesi, pjesmarrja ne punesim, prodhim, te ardhura!

#TeBarabarte tani!Me vote, ne #30Qeshor.

View this post on Instagram

NE #30VITE, TE NJEJTET POLITIKANE, DOGJEN DY BREZA DHE, PO PERVELOJNE TE TRETIN! Ne fillim brezin e babait, pastaj brezin e djalit, tani te nipit/mbeses! Jane te njejtet shkaterrues, te njejtet zjarrevenes, te njejtet hajdute, te njejtet dhunues e vrases! Kaq te lire e kemi jeten ne shqiptaret sa, cdo dhjetevjecar falim nga nje brez tek politika e te njejteve terminatore? Kane dy partite e tyre, por gjithnje vjedhin bashke, dhunojne bashke, vene zjarrin bashke, vrasin bashke, Marrin jeten e brezave po bashke! Jo me! #30VJET, #3BREZA JANE SHUME! Boll me! Nuk ka asnje arsye qe brezi i femijeve te sotem te pervelohet ne zjarrin e ketyre! Perkundrazi, ky duhet te jete brezi qe #BENDREJTESI per dy te tjeret-prinderve e gjysherve! #DREJTESIAERE eshte per ta, e ardhme per ta e per cdo brez qe do i pasoje. Kurre nuk do jene te barabarte pa #DrejtesineeRe! Nje vend pa kete #Barazi kurre nuk do te kete nje brez tjeter, te ri dhe garanci per kete vend! #TeBarabarte tani, #DrejtesiaeRe eshte mundesia, garanti per te drejtat themelore, nisur nga e drejta e votes-sulmuar kriminalisht dje, aksesi i drejte dhe perfshires ne arsim e shendetesi, pjesmarrja ne punesim, prodhim, te ardhura! #TeBarabarte tani! Me vote, ne #30Qeshor

A post shared by Erion Brace (@erionbrace) on Jun 11, 2019 at 2:15am PDT

Fushatë më tezën e maturantëve, MASH rrëzon akuzën e Berishës

Maturantët dhanë të premten provimin e parë, atë të gjuhës angleze. Ish kryeministri Berisha postoi një akuzë në facebook sipas të cilës teza është shpërndarë në këmbim të votave si pjesë e fushatës elektorale.

“Narkodrejtoret e shkollave shperndajne tezen e provimit! Lexoni mesazhin dhe shikoni fotot e nxenesit dixhital!

Pershendetje Dok Berisha! Sot eshte provimi i pare i matures ne Kukes gjuha angleze, dhe drejtoresha e gjynazit Havzi Nela Vjollca Gashi antare e kryesise se PS vegel e Safet Gicit dhe drejtorit te drejtorise arsimore Skender Ahmeti, po shperndajne tezen e provimit ne shkembim te votave,per femijet e nenes parti!” shkruan Berisha.

Por ministria e Arsimit ka reaguar duke përgënjeshtruar Sali Berishën. “Periudha e maturës shtetërore përballet çdo vit me lajme të rreme për keqadministrim të testit nga ana e MASR. Këto dezinformime dalin kryesisht nga anëtarë të PD duke e përshirë edhe këtë proces plotësisht teknik, por të rëndësishëm për nxënësit, në betejën e ulët politike të opozitës.

Kjo nuk është aspak një gjë e re! Sa më rigoroz është testi dhe administrimi nga ana e MASR, aq edhe më të shpeshta janë dezinformimet e tyre, të cilat i dënojmë fuqishëm! MASR nënvizon se do të vazhdojë të përmirësojë testin dhe administrimin e procesit deri në digjitalizimin e plotë të tij.

Ky vit ka ardhur me risi sepse një pjesë e testeve do të vlerësohen për herë të parë elektronikisht duke shmangur gabimet njerëzore që mund të jenë bërë në vitet e kaluara, ndërkohë që janë shtuar edhe penalitetet për ata që do të mundohen të kopjojnë. Njëkohësisht, falënderojmë edhe Policinë e Shtetit për ndihmën e saj në ruajtjen dhe shpërndarjen e testeve dje dhe sot. Suksese të gjithë maturantëve në vijim për provimet e rradhës”, thotë ministria.

Për të monitoruar mbarëvajtjen e provimit të Maturës Shtetërore policia e Shtetit ka angazhuar në terren 560 efektivë policie.

Këshilltari i Bashës: PD duhet të ndahet nga e shkuara. Basha të vendosë për Berishën

Anëtari i Këshilli Kombëtar të PD, ish koordinator i PD-së për ekonominë, Dritan Shano ka deklaruar në një intervistë për A2 CNN, se “Partia Demokratike duhet të ndahet nga e shkuara e saj sado e lavdishme”.

“Programi i Partisë Demokratike duhet të jetë i vërtetë dhe i besueshëm dhe shtoi se PD-ja duhet të ndahet nga e shkuara e saj sado e lavdishme”, tha Shano.

Kur u pyet nëse ndarja nga e shkuara do të thotë që Sali Berisha të mos jetë më në listën e deputetëve, Shano u përgjigj kështu: “Kryetari i partisë është mandatuar që t’i japë zgjidhje kësaj gjëje. Nëse është e nevojshme dhe nëse njerëzit e përcjellin qartë këtë mesazh, atëherë ai duhet t’u bindet njerëzve”.

Më tej, analisti theksoi se “nuk është e thënë që po iku Rama do të vijë Luli dhe Monika”.

“Po iku Rama, do të ketë zgjedhje. Shqiptari duhet të mundohet të thotë me votën e tij se nuk dua që të vijë Luli. Ka ardhur koha që shqiptarët të mendojnë për alternativa të tjera. Është e qartë që klasa politike shqiptare duhet të rinovohet”, u shpreh Shano.

Rama sulmon Berishën: Për 30 vjet mbjell urrejtje, flakë e tmerr se ka frikë drejtësinë

Në fjalën e tij në takimin me kandidatët për kryetarë bashkish, Rama foli hapur kundër kundërshtarit të tij politik, Sali Berishës, megjithëse emrin nuk ia përmendi asnjëherë. Rama e akuzoi Berishën si përgjegjës në 30 vjet për mbajtjen peng të këtij vendi dhe për krijimin e trazirave herë pas herë.

“30 vjet janë mjaft për të thënë boll në 30 qershor. 30 vjet që mbahet peng nga një individ që po plaket si mos më keq. Ai ka masakruar çdo norme sjellje. Janë boll 30 vjet që ky vend thith gazin e prodhuar nga i njëjti individ që urrejtjen klasore të partisë së punës e eksportoi në PD dhe e përcolli në çdo formë në jetën politike të Shqipërisë. Ai ende çudit planetin me djegie mandatesh parlamentare. Janë boll 30 vjet që i njëjti lider politik i cili si president dogji Shqipërinë, si shef opozite dogji kryeministrisë duke e sulmuar me tank, si kryeministër vrau me armë zjarri protestues dhe vazhdon sot të kërcënojë me zjarr dhe me flakë këtë popull nga tmerri se më shpejt i vjen bileta e takimit me drejtësisë sesa ajo me takimin me Shën Pjetrin”, tha Rama.