Meta “rrëzohet” 4 herë në Kuvend

Kuvendi ka rrëzuar dekretet e presidentit Meta për kthimin mbrapsht të 4 ligjeve të miratuara nga parlamenti. Komisioni Parlamentar i Ekonomisë ka marrë në shqyrtim gjatë mbledhjes së të martës dekretet e presidentit Meta për “Për privatizimin dhe dhënien në përdorim shoqërive tregtare” dhe ligjin për Koncesionet dhe PPP-të.

Që të dy këto dekrete janë rrëzuar nga Komisioni i Ekonomisë. Për ligjin për privatizimin, deputetja e Evis Kushi tha se argumentet e Presidentit janë të pa bazuara, duke propozuar që ky dekret të mos miratohej.

“Ligji që në miratuam thjesht i përgjigjet një problematike. Argumenti i presidentit lidhet me pretendimin se është në kundërshtim flagrant me linjën e vitit 2001 dhe kështu mund të bëjë rrezik për konflikt institucional. Ligji i vitit 2001 e përmban këtë gjë. Ligji që ne miratuam është ligj i veçantë dhe në këtë aspekt plotësohet kushti i dytë se tjetërsimi i pronave përcaktohet nga këshilli bashkiak. Ky komision ka bërë ndryshimet përkatëse ku përcaktohet se pjesa shtetërore nuk duhet të jetë më shumë se 20%”, është shprehur deputetja Kushi.

Ndërsa deputeti i opozitës Korab Lita i cili ishte i vetmi që votoi kundër për rrëzimin e këtij dekreti tha se opozita nuk duhet të bëhet pjesë e aferave.

“Ka argumente sa të duash për të kthyer ligje. E përshëndes veprimin e presidentit. Por deri dje i ka lejuar se ka qenë me ju. Jo se besoj tek vendosmëria e presidentit për të luftuar korrupsionin por gjithsesi ftoj kolegët e opozitës të mos bëhen pjesë e këtyre aferave dhe të votojnë pro dekretit të presidentit”, është shprehur Lita.

Në përfundim komisioni vendosi ta rrëzojë dekretin e Metës me 11 vota pro dhe 1 kundër.

Komisioni gjithashtu ka marrë rrëzuar edhe dy dekretet e tjera të Metës për kthimin mbrapsht të ligjit për ndërtimin me koncesion të segmenteve rrugore Orikum – Dukat dhe Milot- Balldren.

Gjatë muajve të verës presidenti Meta i përdori dekretet si një armë të ftohtë për të luftuar qeverinë dhe maxhorancën duke kthyer së paku 9 ligje të miratuara nga kuvendi.

Realstory bëri një fact-checking dhe rezultoi se presidenti Meta ka thyer rekord me dekretet, pasi në 2 vjet ka kthyer më shumë se Nishani në 5 vjet.

Realstory ka shkruar më herët se dekretet e Metës do të rrëzohen me nisjen e sesionit të ri parlamentar pasi maxhoranca i ka votat e mjaftueshme për të votuar kundër tyre dhe për të zhvlerësuar vendimet e presidentit që pritet të shkarkohet së shpejti. Pikërisht këtë e vërtetuan vendimet e Komisionit të Ekonomisë që vendosi të rrëzojë 4 dekrete të presidentit Meta.

FACT CHECKING/ META THYEN REKORD ME DEKRETET, NË 2 VJET KTHEN MË SHUMË SE NISHANI NË 5 VJET

LUFTA NUL E DEKRETEVE, META I RRËZON RAMËS LIGJIN PËR KONCESIONET DHE PPP

LUFTA E METËS ME DEKRETET, KTHEN KONCESIONIN MILOT-BALLDREN

NË DY SEANCA RRËZOHEN NËNTË DEKRETE: KALENDARI ANTI-META

Shkurtohen afatet, maxhoranca në shtator rrëzon dekretet e Metës

Vetëm brenda javës së fundit presidenti Meta në luftën që i ka shpallur maxhorancës përmes dekreteve ka kthyer mbrapsht në Kuvend 5 projektligje të hartuara nga qeveria dhe të miratuara nga Kuvendi duke u përpjekur të bllokojë qeverinë në nismat e saj.

Konkretisht Ilir Meta, ka vendosur të rikthejë për rishqyrtim në Kuvend ndryshimet në Kodin Penal, ligjin për koncesionet dhe PPP-të, ligji për miratimin e kontratës për rrugën Milot-Balldren, ligjin për miratimin e kontratës për rrugën Orikum-Llogara dhe ligjin për Akademinë e Shkencave.

Por që të gjitha këto dekrete të Metës do të rrëzohen shumë shpejt në Kuvend sapo të nisë punimet në shtator. Madje për të mos u vonuar në seancën e fundit të parlamentit janë miratuar disa ndryshime në Rregulloren e Kuvendit të cilat përgjysmojnë afatin për të rrëzuar një dekret presidencial. Nga 8 javë që ishte parashikuar në rregulloren e vjetër, në nenin e ndryshuar dhe të miratuar në seancën e fundit parlamentit i duhet vetëm 4 javë për ta shqyrtuar në komision dekretin dhe për ta rrëzuar më pas në seancë parlamentare, raporton Shqiptarja.com

Në seancën e fundit të sesionit të kaluar, 19 korrik 2019, u miratuan me 106 vota pro ndryshimet në Rregulloren e Kuvendit. Mes 75 neneve të ndryshuara u amendua edhe neni 86, për shqyrtimin e dekreteve të kreut të shtetit për kthimin e ligjeve. Varianti i ri i miratuar parashikon që dekreti i Presidentit për rishqyrtim ligji futet automatikisht në programin e punës së Kuvendit dhe se komisioni përgjegjës përgatit raportin për seancën plenare me propozimin për pranimin ose rrëzimin e dekretit të Presidentit brenda 4 javëve nga data e depozitimit të tij në Kuvend. Ndërkaq, varianti i mëparshëm parashikonte që komisioni përgjegjës e shqyrton dekretin vetëm për çështjet e paraqitura nga Presidenti i Republikës dhe brenda 8 javëve nga data e fillimit të shqyrtimit paraqet raportin e tij. Pra, ndryshimi i miratuar përgjysmon afatin brenda të cilit komisioni përgjegjës duhet të paraqesë në Kuvend raportin për miratimin apo rrëzimin e dekretit të kreut të shtetit. Edhe njëherë konfirmohet ajo që realstory ka shkruar më herët se dekretet e presidentit janë nul dhe se ai i përdor ato vetëm për protagonizëm politik, pasi nuk arrin asgjë me to. Kjo për faktin se dekretet e tij rrëzohen në seancë nga maxhoranca vetëm me fuqinë e kartonit përmes votave që i ka të garantuara.

Meta bllokon rrugët me dekrete molotov. Kthen mbrapsht Orikum-Dukat

Presidenti Ilir Meta po e tregon çdo ditë se jo vetëm është bërë nxitës i krizave dhe i konfliktit në vend por edhe pengesë për zhvillimin e vendit dhe ndërtimin e rrugëve të reja. Meta ka kthyer të premten në kuvend ligjin për ndërtimin me koncesion të rrugës Orikum –Dukat.

Në argumentet e tij presidenti shkruan se kontrata Koncesionare është nënshkruar në dhe miratuar në kundërshtim me parimin e shtetit të së drejtës, në shkelje të parimit të konkurrencës së lirë dhe përbën rrezik për cenimin e interesit publik. Po kështu Meta vëren se kontrata është formalizuar përmes një procesi jo transparent.

“Ky ligj miraton një Kontratë Koncesionare ku vullneti i Qeverisë Shqiptare në këtë proces është formuar në kundërshtim të hapur me rregullat që normojnë këtë proces, në shkelje të parimit të konkurrencës së lirë dhe të barazisë përpara ligjit, duke krijuar rrezik për cenim të interesit publik;

Kontrata e lidhur mes autoritetit kontraktor dhe operatorit ekonomik është formalizuar përgjatë një procesi jotransparent ndaj publikut dhe pa një bazë ligjore konkrete për negocimin e kushteve materiale të saj; Mungesa e një vlerësim të qartë ekonomik, krijon rrezik për cenim të financave të shtetit dhe interesin publik; Nuk rezulton të ketë një studim fizibilteti të plotë dhe objektiv të hartuar dhe të miratuar nga institucionet shtetërore përgjegjëse të ngarkuara me ligj me këtë detyrë; Nuk është dhënë miratimi i këtij projekti nga Ministria e Financave dhe Ekonomisë, konform kërkesave të aktit që rregullon këtë proces;

Rriskon seriozisht buxhetin e shtetit dhe ekonominë e familjeve shqiptare, pasi nuk ka një përllogaritje të saktë të efekteve të saj në ekonominë e vendit; Qëllimi i miratimit me ligj të kësaj kontrate është vetëm mbulimi i paligjshmërisë së bërë nga autoriteti kontraktor dhe qeveria shqiptare, me qëllim mosevidentimin e përgjegjësisë në këtë proces dhe mbulimin e çdo paligjshmërie nëpërmjet ligjit”, shkruhet në argumentet e presidentit i cili i kërkon Kuvendit ta rishqyrtojë ligjin në fjalë.

Edhe në argumentet e renditura lexohet qartë sulmi që presidenti i bën qeverisë duke e kthyer çdo akt të tij si qëllim në vetvete për të penguar dhe akuzuar qeverinë.

Në këtë vazhdë një ditë më parë, të enjten ai kthehu mbrapsht ndërtimin e rrugës Milot-Balldren. Që të dyja këto projektligje janë miratuar nga kuvendi i Shqipërisë, por janë akuzuar nga opozita jashtë parlamentare dhe si kryeopozitar që e ka shpallur së fundi veten, Meta ia ka vënë qëllim vetes të pengojë qeverinë duke i përdorur dekretet si Volatana molotovin.

Koncesioni për rrugën Milot-Balldren ka marrë 79 vota pro në Kuvend, ndërsa aksi rrugor Orikum-Dukat është miratuar me 77 vota pro. Që të dyja këto akse janë premtime të qeverisë dhe synojnë përmriësimin e ndjeshëm të infrastrukturës rrugore dhe nxitjen e zhvillimit ekonomik dhe turistik të këtyre zonave.

Lexoni të plotë këtu argumentet e Metës

Lufta nul e dekreteve, Meta i rrëzon Ramës ligjin për koncesionet dhe PPP

Presidenti Ilir Meta ka kthyer mbrapsht në Kuvend ligjin për koncesionet dhe PPP-të, duke e çuar në 19 numrin total të ligjeve që i ka kthyer mbrapsht qeverisë, duke thyer çdo rekord të paraardhësve të tij në postin e presidentit.

Një ditë më herët, presidenca duke iu përgjigjur maxhorancës pas akuzave të Taulant Ballës i cili e quajti Metën “president në detyrë”, e paralajmëroi që të martën se maxhoranca i druhej më shumë ligjit që do të kthente të mërkurën.

Koncensionet dhe PPP-të janë cilësuar nga maxhoranca qeverisëse si mënyra më e mirë për të investuar në vepra madhore në Shqipëri, por presidenti ashtu sikurse dhe opozita nuk ndajnë të njëjtin mendim. Prej kohësh Basha ka sulmuar qeverinë për koncesionet duke i cilësuar ato korruptive dhe ka thënë se kur ai të vijë në pushtet do t’i anulojë të gjitha.

Në argumentet e dhëna nga presidenti për kthimin mbrapsht të ligjit thuhet se “ndryshimet cënojnë interesin publik dhe dy nene janë të dyshimta dhe klienteliste”.

Miratimi i ndryshimeve në ligjin e koncesioneve vlerësohet nga Meta si një nisëm pozitive, por tepër e vonuar e Kuvendit të Shqipërisë, dhe me pasoja negative për ekonominë e vendit.

“Ligji nr. 50/2019, i përcjellë për dekretim i duhet kthyer Kuvendit me qëllim rishikimin e neneve 17 dhe 18 të tij, pasi këto dy nene shtyjnë subjektivisht hyrjen në fuqi të kufizimeve që vendosen në dhënien e kontratave koncesionare/PPP, që po ky ligji i ri parashikon.

Presidenti i Republikës, kërkon rishikimin tërësor të këtyre dy neneve, sepse ato kompromentojnë qëllimin e të gjithë pjesës tjetër të ligjit, pasi këto dy dispozita krijojnë hapësirën e nevojshme për të prodhuar sërish pasoja dhe qëllime klienteliste”, shkruhet në argumentet e Presidentit.

Referuar dokumenteve të kuvendit, Meta vëren se vetëm 24 orë përpara se seanca plenare e Kuvendit, do të votonte ligjin për të kufizuar dhënien me koncesion të sektorëve të ndryshëm të ekonomisë, deputeti socialist Arben Ahmetaj ka paraqitur një kërkesë për ndryshimin e dy neneve (17-18), me qëllim që këto kufizime të shtyhen për një periudhe kohe edhe me 3 muaj të tjerë.

“Edhe pse kërkesa e deputetit nuk ishte e justifikuar, sa i takon qëllimit real dhe objektiv se përse kërkohen realisht këto amendamente, sërish Kuvendi e pranoi këtë kërkesë dhe me votimin e neneve të ndryshuara u hap edhe një herë rruga që koncesionet të aplikohen pa kufizim edhe për 3 muaj të tjerë.

Pra me ndryshimet që pësuan nenet 17-18 të ligjit, kontratat koncesionare do të vazhdojnë të jepen pa kufizim, për çdo lloj fushe, pasi afati u shty nga data 1 korrik 2019 që ishte planifikuar, u shty për të hyrë në fuqi në datë 1 tetor 2019.

Duke shtyrë afatin e kufizimeve që vendos ligji i ri, për një datë të mëvonshme 1 tetor 2019, Kuvendi në kundërshtim me interesin publik krijon një mundësi të re që çdo kërkese për koncesion, që paraqitet deri në 1 tetor 2019, të shqyrtohet dhe të pranohet nga qeveria shqiptare, pa asnjë kufizim sërish me ligjin e vjetër”, argumenton presidenti, i cili i kërkon Kuvendit përmirësimin e këtyre dy neneve “në mënyrë të atillë që të pengojë mënjeherë dhënien me koncesion të pronës publike dhe pasurisë shtetërore jashtë kritereve”.

Ditën e martë presidenti nuk dekretoi ndryshimet në Kodin Penal që synonin ashpërsimin e dënimeve për veprat e dhunës ndaj policit, mjekut, sportistit, arbitrit, dhe trajnerit, funksionareve publike dhe të zgjedhurve, apo atyre që shërbejnë në shërbimin publik.

Gjithsesi, presidenti e di shumë mirë se dekretet e tij janë nul, nuk kanë fuqi ligjore, kjo për faktin e ata zhvlerësohen shumë lehtë nga maxhoranca me forcën e kartonit. Nuk duhet as shumicë e cilësuar për të rrëzuar një dekret presidencial, mjafton një shumicë normale, vota të cilat PS i ka të garantuara. Pra Meta i përdor dekretet thjeshtë për protagonizëm politik pasi sapo të mblidhet kuvendi, dekreti i tij do të rrëzohet nga maxhoranca./Realstory.al

FACT CHECKING/ META THYEN REKORD ME DEKRETET, NË 2 VJET KTHEN MË SHUMË SE NISHANI NË 5 VJET

Fact Checking/ Meta thyen rekord me dekretet, në 2 vjet kthen më shumë se Nishani në 5 vjet

Kushtetuta i njeh presidentit të drejtën për t’u shprehur përmes dekreteve. Pra nëse presidenti bie dakord me propozimet e kryeministrit apo projektligjet e qeverisë ai vendos t’i dekretojë ato dhe nëse nuk bie dakord vendos t’i kthejë mbrapsht për rishqyrtim në Kuvend. Shpeshherë Kryeministri Rama kohët e fundit thotë shprehjen se “u desh të bëhej Ilir Meta president, që të na dukej Bujar Nishani burrë shteti”. Ndoshta kryeministri i referohet sjelljes së presidentit në raport me dekretet. Për të mos i hyrë në hak as Metës dhe askujt, Realstory bëri një kontroll të fakteve për të parë se sa projektligje kanë kthyer mbrapsht presidentët ndër vite dhe si ka qenë raporti i tyre me maxhorancën në fuqi në këtë drejtim.

Ajo që zbuluam konfirmon “luftën” që Meta i ka shpallur maxhorancës qeverisëse. Në dy vjet të qëndrimit të tij në postin e Presidentit ka kthyer mbrapsht më shumë projektligje se sa ka kthyer ish presidenti Bujar Nishani në 5 vjet.

Kështu në dy vjet Meta ka kthyer mbrapsht 17 dekrete, ndërsa Nishani në 5 vjet ka kthyer 15 dekrete.

Referuar webit zyrtar të presidentit të republikës, në arkivën e dekreteve ka të dhëna të plota për presidentin Meta dhe paraardhësin e tij Bujar Nishani, ndërsa puna e presidentëve të tjerë përveç një jetëshkrimi të shkurtër është fshirë. Krahasuar me gjetjet tona për ish presidentin Bamir Topi dhe Alfred Moisiu, dekretet e kthyera nga Meta janë shumëfish më shumë se ata.

Ajo që bie në sy është se shumica e dekreteve të Metës janë kthyer më shumë gjatë muajve të fundit, një tjetër fakt se dekretet janë përdorur prej tij si armë e ftohtë kundër qeverisë. Kështu nga nëntori i vitit 2017 e deri në korrik të 2018 është kthyer vetëm një projektligj, ai për Noterinë. Ndërsa në korrik të 2018 presidenti vendosi të kthejë mbrapsht projektligjin për shembjen e godinës së Teatrit Kombëtar. Këtë projektligj e ka kthyer edhe më vonë, ndërsa së fundi u bë palë me opozitën dhe për herë parë një presidenti shkoi në Gjykatën Kushtetuese duke kërkuar shpalljen antikushtetues të këtij drafti të qeverisë.

Por “lufta” mes Metës dhe qeverisë ka nisur me dekretet e ministrave, fillimisht me Sandër Lleshajn dhe më pas me Gent Cakajn. Kjo ishte pikënisja e përdorimit “të fuqisë”së dekreteve. Fillimisht Meta nuk e firmosi propozimin e Ramës për Sandër Lleshajn ministër të Brendshëm me argumentin se ai nuk kishte hequr dorë nga gradat ushtarake. Por më pas u bind dhe e dekretoi. Dhe rasti i dytë ishte me Gent Cakajn të cilin refuzoi ta dekretonte në kundërshtim të hapur me Kushtetutën, pasi në dispozitat e saj thuhet qartë dhe prerë që presidenti duhet të dekretojë propozimet e Kryeministrit për ministrat dhe nuk ka asnjë nen që t’i japë të drejtë presidentit që të mos dekretojë ministrat. Kjo hapi një debat të gjërë dhe u soll në vëmendje qëndrimi i ish presidentit Nishani në dekretimin e Fatmir Xhafajt në postin e Ministrit të Brendshëm, i cili në argumentet e tij përdorimi pikërisht këtë arsyetim që Kushtetuta nuk i njeh kompetencë presidentit që të mos dekretojë propozimet e kryeministrit për ministrat e kabinetit të tij.

Pastaj “qershia mbi tortë” e konfliktit president-qeveri ka qenë dekreti i famshëm për anulimin e zgjedhjeve të 30 qershorit. Një akt i paprecedentë i presidentit Meta që nuk gjen të ngjashëm, në asnjë qëndrim të paraardhësve të tij në atë post.

Në bazë të Kushtetutës presidenti dekreton datën e zgjedhjeve por nuk ka të drejtë ta anulojë atë, aq më tepër pa asnjë marrëveshje me partitë politike dhe përtej afateve kushtetuese.

Por Meta nuk ndalet me kaq, vetëm tre ditë para zgjedhjeve lokale të 30 qershorit ai del me një tjetër dekret, atë të shpalljes së zhvillimit të 3 palëve zgjedhjeve në 13 tetor. Dekret ky i shpallur kryekëput në kundërshtim me Kushtetutën, afatet dhe kompetencat e tij si president.

Nëse bëjmë një krahasim me presidentët e tjerë mund të themi se Meta i ka përdorur dekretet për të hapur konflikte me qeverinë dhe pse jo për të nxitur kaos, siç ndodhi në rastin e dekretit për anulimin e zgjedhjeve. Dekreti i cili megjithëse është cilësuar nul nga Kolegji Zgjedhor, vazhdon ende sot të prodhojë konflikte, dhe të përdoret nga kryebashkiakët e djathtë si argument për të mos liruar zyrat.

Gjithsesi, presidenti e di shumë mirë se dekretet e tij nuk kanë fuqi ligjore, kjo për faktin e ata zhvlerësohen shumë lehtë nga maxhoranca me forcën e kartonit. Nuk duhet as shumicë e cilësuar për të rrëzuar një dekret presidencial, mjafton një shumicë normale, vota të cilat PS i ka të garantuara. Pra Meta i përdor dekretet thjeshtë për protagonizëm politik.

Më poshtë kemi listuar projektligjet e kthyera mbrapsht në vite nga presidentët Meta, Nishani dhe shumë më pak Topi e Moisiu./Realstory.al

Presidenti Meta kthen 17 dekrete:

23 korrik 2019

Presidenti Meta dekreton kthimin për rishqyrtim në Kuvend të ligjit nr. 42/2019 – Arsyet e kthimit për rishqyrtim të ligjit:

D E K R E T “PËR KTHIMIN E LIGJIT NR. 42/2019 ‘PËR DISA SHTESA DHE NDRYSHIME NË LIGJIN NR. 107/2014 “PËR PLANIFIKIMIN DHE ZHVILLIMIN E TERRITORIT”, TË NDRYSHUAR”’

15 korrik 2019

Presidenti Meta dekreton kthimin e ligjit për rezervat materiale të shtetit nr. 36/2019

D E K R E T “PËR KTHIMIN E LIGJIT NR. 36/2019 “PËR NJË NDRYSHIM NË LIGJIN NR. 9900, DATË 10.4.2008, “PËR REZERVAT MATERIALE TË SHTETIT” Në mbështetje të neneve 85, pika 1 dhe 93, të Kushtetutës, D e k r e t o j Kthimin për rishqyrtim në Kuvend…

15 korrik 2019

Presidenti Meta dekreton kthimin e ligjit për vetëqeverisjen vendore nr. 38/2019

D E K R E T “PËR KTHIMIN E LIGJIT NR. 38/2019 “PËR DISA SHTESA DHE NDRYSHIME NË LIGJIN NR. 139/2015 “PËR VETËQEVERISJEN VENDORE”” Në mbështetje të neneve 85, pika 1 dhe 93, të Kushtetutës, D e k r e t o j Kthimin për rishqyrtim në Kuvend të…

15 korrik 2019

Presidenti Meta dekreton kthimin e ligjit nr. 37/2019

D E K R E T “PËR KTHIMIN E LIGJIT NR. 37/2019 “PËR DISA SHTESA NË AKTIN NORMATIV, ME FUQINË E LIGJIT, NR. 4, DATË 9.7.2008, TË KËSHILLIT TË MINISTRAVE, “PËR PRIVATIZIMIN DHE DHËNIEN NË PËRDORIM SHOQËRIVE TREGTARE DHE INSTITUCIONEVE SHTETËRORE TË NDËRMARRJEVE APO OBJEKTEVE TË VEÇANTA,…

12 korrik 2019

Presidenti Meta dekreton refuzimin e emërimit të akademikut Skënder Gjinushi si kryetar i Akademisë së Shkencave.

D E K R E T “PËR REFUZIMIN E EMËRIMIT TË AKADEMIKUT SKËNDER GJINUSHI SI KRYETAR I AKADEMISË SË SHKENCAVE” Në mbështetje të neneve 57 pika 7, 92/g, 93, të Kushtetutës, neneve 3, 6 paragrafi 6, 6/1 germa “c”, 11 të ligjit nr. 9655, datë 11.12.2006 “Për Akademinë…

26 qershor 2019

Presidenti Meta ka dekretuar kthimin për rishqyrtim në Kuvend të ligjit nr. 26/2019 – Arsyet e kthimit për rishqyrtim të ligjit

D E K R E T PËR KTHIMIN E LIGJIT NR. 26/2019 “PËR SHËRBIMIN PËRMBARIMOR GJYQËSOR PRIVAT”. Në mbështetje të neneve 85, pika 1 dhe 93, të Kushtetutës, D e k r e t o j Kthimin për rishqyrtim në Kuvend, të ligjit nr. 26/2019, “Për Shërbimin Përmbarimor Gjyqësor Privat”,…

10 qershor 2019

Presidenti Meta dekreton shfuqizimin e dekretit nr. 10928, datë 05.11.2018 të Presidentit të Republikës “Për caktimin e datës së zgjedhjeve për organet e qeverisjes vendore”-Arsyet e shfuqizimit

D E K R E T PËR SHFUQIZIMIN E DEKRETIT NR. 10928, DATË 05.11.2018 TË PRESIDENTIT TË REPUBLIKËS “PËR CAKTIMIN E DATËS SË ZGJEDHJEVE PËR ORGANET E QEVERISJES VENDORE” Në mbështetje të nenit 1/3, 3, 4/2, 15, 45, 86/1, 92 shkronja “gj” dhe 93 të Kushtetutës së Republikës…

6 maj 2019

Presidenti Meta dekreton rrëzimin e propozimit të Ministrit të Arsimit, Sportit dhe Rinisë për shkarkimin nga detyra të Rektorit të Universitetit të Tiranës, z. Mynyr Koni-Arsyet e rrëzimit të propozimit

D E K R E T PËR RRËZIMIN E PROPOZIMIT TË MINISTRIT TË ARSIMIT, SPORTIT DHE RINISË PËR SHKARKIMIN NGA DETYRA TË REKTORIT TË UNIVERSITETIT TË TIRANËS, Z. MYNYR KONI Në mbështetje të neneve 57 pika 7, 92/g, 93, të Kushtetutës, nenit 39, pika 8, 10 të ligjit…

19 prill 2019

Presidenti Meta dekreton kthimin për rishqyrtim në Kuvend të ligjit nr. 20/2019 – Arsyet e kthimit për rishqyrtim të ligjit

D E K R E T PËR KTHIMIN E LIGJIT NR. 20/2019 “PËR DISA NDRYSHIME NË LIGJIN NR. 12/2018, “PËR VLERËSIMIN KALIMTAR DHE PERIODIK TË PUNONJËSVE TË POLICISË SË SHTETIT, GARDËS SË REPUBLIKËS DHE SHËRBIMIT PËR ÇËSHTJET E BRENDSHME DHE ANKESAT NË MINISTRINË E BRENDSHME”. Në mbështetje të neneve…

15 janar 2019

Presidenti Meta dekreton kthimin për rishqyrtim në Kuvend të ligjit nr. 111/2018 “Për kadastrën” – Arsyet e kthimit për rishqyrtim të ligjit

D E K R E T PËR KTHIMIN E LIGJIT NR. 111/2018 “PËR KADASTRËN” Në mbështetje të nenit 85, pika 1 dhe nenit 93 të Kushtetutës, D e k r e t o j Kthimin në Kuvend të ligjit nr. 111/2018 “Për kadastrën”, me qëllim rishqyrtimin e tij, sipas arsyetimit…

14 janar 2019

Presidenti Meta dekreton kthimin për rishqyrtim në Kuvend të ligjit nr. 110/2018 “Për noterinë” – Arsyet e kthimit për rishqyrtim të ligjit.

D E K R E T PËR KTHIMIN E LIGJIT NR. 110/2018 “PËR NOTERINË” Në mbështetje të nenit 85, pika 1 dhe nenit 93 të Kushtetutës, D e k r e t o j Kthimin për rishqyrtim në Kuvend të ligjit nr. 110/2018 “Për noterinë”, me qëllim rishqyrtimin e neneve…

20 dhjetor 2018

Presidenti Meta dekreton kthimin për rishqyrtim në Kuvend të ligjit nr. 94/2018 – Arsyet e kthimit për rishqyrtim të ligjit.

D E K R E T PËR KTHIMIN E LIGJIT NR. 94/2018 “PËR DISA NDRYSHIME DHE SHTESA NË LIGJIN NR. 8438, DATË 28.12.1998, “PËR TATIMIN MBI TË ARDHURAT”, TË NDRYSHUAR” Në mbështetje të neneve 85, pika 1 dhe 93, të Kushtetutës, D e k r e t o j Kthimin…

13 dhjetor 2018

Presidenti Meta dekreton kthimin për rishqyrtim në Kuvend të ligjit nr. 99/2018 “Për buxhetin e vitit 2019” – Arsyet e kthimit për rishqyrtim të ligjit

D E K R E T PËR KTHIMIN E LIGJIT NR. 99/2018 “PËR BUXHETIN E VITIT 2019”. Në mbështetje të neneve 85, pika 1 dhe 93, të Kushtetutës, D e k r e t o j Kthimin për rishqyrtim në Kuvend të ligjit nr. 99/2018 “Për buxhetin e vitit 2019”. Nr….

11 tetor 2018

Presidenti Meta dekreton kthimin për rishqyrtim në Kuvend të ligjit nr. 37/2018, datë 20.09.2018 – Arsyet e kthimit të ligjit

D E K R E T PËR KTHIMIN E LIGJIT NR. 37/2018, DATË 20.09.2018 “PËR PËRCAKTIMIN E PROCEDURËS SË VEÇANTË PËR VLERËSIMIN, NEGOCIMIN DHE LIDHJEN E KONTRATËS ME OBJEKT “PROJEKTIMI DHE REALIZIMI I PROJEKTIT URBAN DHE GODINËS SË RE TË TEATRIT KOMBËTAR””. Në mbështetje të neneve 85, pika…

31 korrik 2018

Presidenti Meta dekreton kthimin për rishqyrtim në Kuvend të ligjit nr. 39/2018 – Arsyet e kthimit të ligjit.

D E K R E T PËR KTHIMIN E LIGJIT NR. 39/2018 “PËR DISA NDRYSHIME DHE SHTESA NË LIGJIN NR. 8438, DATË 28.12.1998, “PËR TATIMIN MBI TË ARDHURAT”, TË NDRYSHUAR”. Në mbështetje të neneve 85, pika 1 dhe 93, të Kushtetutës, D e k r e t o j Kthimin

27 korrik 2018

Presidenti Meta dekreton kthimin për rishqyrtim në Kuvend të ligjit nr. 37/2018

D E K R E T PËR KTHIMIN E LIGJIT NR. 37/2018 “PËR PËRCAKTIMIN E PROCEDURËS SË VEÇANTË PËR NEGOCIIMIN DHE LIDHJEN E KONTRATËS ME OBJEKT “PROJEKTIMI DHE REALIZIMI I PROJEKTIT URBAN DHE GODINËS SË RE TË TEATRIT KOMBËTAR”. Në mbështetje të neneve 85, pika 1 dhe 93,…

22 nëntor 2017

Presidenti Meta dekreton kthimin për rishqyrtim në Kuvend të ligjit nr. 98/2017

D E K R E T PËR KTHIMIN E LIGJIT NR. 98/2017 “PËR TARIFAT GJYQËSORE NË REPUBLIKËN E SHQIPËRISË”. Në mbështetje të neneve 85, pika 1 dhe 93, të Kushtetutës, D e k r e t o j Kthimin për rishqyrtim në Kuvend të ligjit nr. 98/2017 “Për tarifat gjyqësore…

Presidenti Bujar Nishani kthen 15 projektligje:

19 tetor 2016

Presidenti Nishani dekreton kthimin për rishqyrtim në Kuvend të ligjit nr. 93/2016

D E K R E T PËR KTHIMIN E LIGJIT NR. 93/2016 “PËR DISA SHTESA DHE NDRYSHIME NË LIGJIN NR. 9640, DATË 9.11.2006, “PËR DHOMAT E TREGTISË DHE INDUSTRISË”, TË NDRYSHUAR”. Në mbështetje të neneve 85, pika 1 dhe 93, të Kushtetutës, D e k r e t o…

14 tetor 2016

Presidenti Nishani dekreton kthimin për rishqyrtim në Kuvend të ligjit nr. 92/2016

D E K R E T PËR KTHIMIN E LIGJIT NR. 92/2016 “PËR DISA SHTESA DHE NDRYSHIME NË LIGJIN NR. 10463, DATË 22.09.2011, “PËR MENAXHIMIN E INTEGRUAR TË MBETJEVE”, TË NDRYSHUAR. Në mbështetje të neneve 85, pika 1 dhe 93, të Kushtetutës, D e k r e t o…

6 maj 2016

Presidenti Nishani dekreton kthimin për rishqyrtim në Kuvend të ligjit nr. 43/2016

D E K R E T PËR KTHIMIN E LIGJIT NR. 43/2016 “PËR MARRËVESHJET NDËRKOMBËTARE NË REPUBLIKËN E SHQIPËRISË”. Në mbështetje të neneve 85, pika 1 dhe 93, të Kushtetutës, D e k r e t o j Kthimin për rishqyrtim në Kuvend të ligjit nr. 43/2016 “Për marrëveshjet ndërkombëtare…

4 prill 2016

Presidenti Nishani dekreton kthimin për rishqyrtim në Kuvend të ligjit nr. 19/2016

D E K R E T PËR KTHIMIN E LIGJIT NR. 19/2016 “PËR MASAT SHTESË TË SIGURISË PUBLIKE”. Në mbështetje të neneve 85, pika 1 dhe 93, të Kushtetutës, D e k r e t o j Kthimin për rishqyrtim në Kuvend të ligjit nr. 19/2016 “Për masat shtesë të…

1 prill 2016

Presidenti Nishani dekreton kthimin për rishqyrtim në Kuvend të ligjit nr. 22/2016

D E K R E T PËR KTHIMIN E LIGJIT NR. 22/2016 “PËR DISA SHTESA DHE NDRYSHIME NË LIGJIN NR.97/2013,”PËR MEDIAT AUDIOVIZIVE NË REPUBLIKËN E SHQIPËRISË””. Në mbështetje të neneve 85, pika 1 dhe 93, të Kushtetutës, D e k r e t o j Kthimin për rishqyrtim në Kuvend…

29 dhjetor 2015

Presidenti Nishani dekreton kthimin për rishqyrtim në Kuvend të ligjit nr. 133/2015

D E K R E T PËR KTHIMIN E LIGJIT NR. 133/2015 “PËR TRAJTIMIN E PRONËS DHE PËRFUNDIMIN E PROCESIT TË KOMPENSIMIT TË PRONAVE”. Në mbështetje të neneve 85, pika 1 dhe 93, të Kushtetutës, D e k r e t o j Kthimin për rishqyrtim në Kuvend të ligjit…

14 gusht 2015

Presidenti Nishani dekreton kthimin për rishqyrtim në Kuvend të ligjit nr. 80/2015

D E K R E T PËR KTHIMIN E LIGJIT NR. 80/2015 “PËR ARSIMIN E LARTË DHE KËRKIMIN SHKENCOR NË INSTITUCIONET E ARSIMIT TË LARTË NË REPUBLIKËN E SHQIPËRISË”. Në mbështetje të neneve 85, pika 1 dhe 93, të Kushtetutës, D e k r e t o j Kthimin për…

10 gusht 2015

Presidenti Nishani dekreton kthimin për rishqyrtim në Kuvend të ligjit nr. 93/2015

D E K R E T PËR KTHIMIN E LIGJIT NR. 93/2015 “PËR TURIZMIN” Në mbështetje të neneve 85, pika 1 dhe 93, të Kushtetutës, D e k r e t o j Kthimin për rishqyrtim në Kuvend të ligjit nr. 93/2015 “Për turizmin”. Nr. Dekretit 9205 Tiranë, më 07.08.2015 PRESIDENTI I REPUBLIKËS BUJAR…

11 prill 2015

Presidenti Nishani dekreton kthimin për rishqyrtim në Kuvend të ligjit nr. 23/2015

D E K R E T PËR KTHIMIN E LIGJIT NR. 23/2015 “PËR SHËRBIMIN E JASHTËM TË REPUBLIKËS SË SHQIPËRISË” Në mbështetje të neneve 85, pika 1 dhe 93 të Kushtetutës, D e k r e t o j Kthimin për rishqyrtim në Kuvend të ligjit nr. 23/2015 “Për…

16 janar 2015

Presidenti Nishani dekreton kthimin për rishqyrtim në Kuvend të ligjit nr. 181/2014

D E K R E T PËR KTHIMIN E LIGJIT NR. 181/2014 “PËR DISA NDRYSHIME DHE SHTESA NË LIGJIN NR. 9665, DATË 18.12.2006, “PËR HUAMARRJEN SHTETËRORE, BORXHIN SHTETËROR DHE GARANCITË SHTETËRORE TË HUAS NË REPUBLIKËN E SHQIPËRISË” Në mbështetje të nenit 85, pika 1 dhe nenit 93…

9 janar 2015

Presidenti Nishani dekreton kthimin për rishqyrtim në Kuvend të ligjit nr. 177/2014

D E K R E T PËR KTHIMIN E LIGJIT NR. 177/2014 “PËR DISA SHTESA DHE NDRYSHIME NË LIGJIN NR. 8588, DATË 15.3.2000, “PËR ORGANIZIMIN DHE FUNKSIONIMIN E GJYKATËS SË LARTË TË REPUBLIKËS SË SHQIPËRISË”, TË NDRYSHUAR Në mbështetje të nenit 85, pika 1 dhe nenit 93…

19 dhjetor 2014

Presidenti Nishani dekreton kthimin për rishqyrtim në Kuvend të ligjit nr. 154/2014

D E K R E T PËR KTHIMIN E LIGJIT NR. 154/2014 “PËR ORGANIZIMIN DHE FUNKSIONIMIN E KONTROLLIT TË LARTË TË SHTETIT”. Në mbështetje të neneve 85, pika 1 dhe 93, të Kushtetutës, D e k r e t o j Kthimin për rishqyrtim në Kuvend të ligjit nr. 154/2014…

22 gusht 2014

Presidenti Nishani dekreton kthimin e ligjit nr. 115/2014

D E K R E T PËR KTHIMIN E LIGJIT NR. 115/2014 “Për ndarjen administrativo – territoriale të njësive të qeverisjes vendore në Republikën e Shqipërisë” Në mbështetje të neneve 85, pika 1 dhe 93, të Kushtetutës, D e k r e t o j Kthimin për rishqyrtim në Kuvend të…

16 maj 2014

Presidenti Nishani dekreton kthimin e ligjit nr. 45/2014

D E K R E T PËR KTHIMIN E LIGJIT NR. 45/2014 “PËR DISA NDRYSHIME DHE SHTESA NË LIGJIN NR. 9049, DATË 10.4.2003, “PËR DEKLARIMIN DHE KONTROLLIN E PASURIVE, TË DETYRIMEVE FINANCIARE TË TË ZGJEDHURVE DHE TË DISA NËPUNËSVE PUBLIKË”, TË NDRYSHUAR””. Në mbështetje të neneve 93…

8 nëntor 2013

Presidenti Nishani dekreton kthimin e ligjit nr. 161/2013

D E K R E T PËR KTHIMIN E LIGJIT NR. 161/2013 “PËR MIRATIMIN E AKTIT NORMATIV ME FUQINË E LIGJIT, NR. 5, DATË 30.9.2013, TË KËSHILLIT TË MINISTRAVE, “PËR DISA NDRYSHIME NË LIGJIN NR. 152/2013 “PËR NËPUNËSIN CIVIL””. Në mbështetje të neneve 93 dhe 85, pika…

Dekreti i parë 7 gusht 2012

Në 24 korrik 2012, zoti Bujar Nishani betohet në Kuvendin e Shqipërisë si President i Republikës.

Presidenti Bamir Topi:

10/02/2008

D E K R E TPËR KTHIMIN PËR RISHQYRTIM TË LIGJIT NR. 9895, DATË 10.04.2008 “PËR DISA NDRYSHIME DHE SHTESA NË LIGJIN NR. 9482, DATË 03.04.2006 “PËR LEGALIZIMIN, URBANIZIMIN DHE INTEGRIMIN E NDËRTIMEVE PA LEJE”, TË NDRYSHUAR.

02.12.2008

Presidenti Topi dekreton kthimin dhe shqyrtimin edhe njëherë në Kuvend të ligjit nr.10 019, datë 18.11.2008 “Kodi Zgjedhor i Republikës së Shqipërisë”.

13/08/2010

Presidenti Bamir Topi nuk dekreton per ligjin per pronat dhe e kthen atë për rishqyrtim në kuvend.

14.04.2011

Presidenti i Republikës, Bamir Topi ka refuzuar dje që të dekretojë ndryshimet e bëra nga mazhoranca në ligjin për akcizat

Gusht 2011

Topi nuk dekreton ligjin për Piramidën

14.10.2011

Topi nuk dekreton ligjin për mbetjet

Presidenti Alfred Moisiu

Presidenti Moisiu nuk dekreton ligjin për legalizimet e ndërtimeve pa leje

17/03/2006 Presidenti Moisiu nuk dekreton ligjin per legalizimet e ndertimeve pa leje. E rikthen ne parlament per rishqyrtim