Tag: Edy Reja

Reja flet për gjithçka, para Andorrës dhe Francës

Trajneri i ekipit kombëtar Edy Reja, foli në konferencë për mediat të dielën. Në prag të dy sfidave të fundit eleminatore, Reja foli për lojtarët e grumbulluar, rinovimin e kontratës por dhe stadiumin e ri. Duke vlerësuar maksimalisht dy ndeshjet e fundit të grupit, Reja u shpreh se ndeshja ndaj Andorrës është më shqetësuese për të, për shkak të motivimit.

Megjithatë ai kërkoi që lojtarët të ruajnë përqëndrimin. Mungesa e Cikalleshit është evidente në skuadër, por trajneri tregon se grupi që ka grumbulluar krijon alternativa. Florian Kamberi është një nga lojtarët e rinj që pret të debutojë me kombëtaren, shans që sipas trajnerit do ta ketë. Lidhur me “Arenën Kombëtare”, trajneri u shpreh se është shumë motivuese, madje do të bëhet xheloz De Biassi dhe Panucci. Për më tepër lexoni të plotë konferencën e trajnerit.

KONFERENCA E REJËS

Mungesa e Cikalleshit dhe objektivat e Kombëtares për këto ndeshje?

Për Cikalleshin më vjen keq, pasi që kur kam qenë këtu ka qenë një lojtar deciziv. Mendoj se kemi një kontigjent të përshtashëm, kemi alternative. Kemi pritshmëri të larta për të vëzhguar Kamberin. Kam gjithmonë për ndërrime, pasi kam disa lojtarë për të bërë atë që më duhet. Kemi bërë një rritje shumë të rëndësishme për sa i përket edhe lojës.

Sa e vështirë është të merrni rezultatet, dhe të motivoni lojtarët?

Dua që të krijojmë mentalitetin e të luajtur gjithmonë në maksimum. Nuk dua që në ndeshjen e parë të bjerë përqendrimi dhe të luajmë nënë atë që është e mjaftueshme në fushë. Nëse duam të rritemi si skuadëër, duhet të japin shumë vëmendje ë ndeshjen me Androrrën. Duhet të tregojmë rritje mentale dhe profesionalizmë. Ndeshja me Andorrën është më e rëndësishme për mua, pasi me Francën motiovohen lojtarët edhe nga stadiumi i ri . Andorra është ndeshja më e vështirë nga ana e motivacionit.

Rinovimi i skuadrës?

Objektivi jonë i parë është të arrijmë në kuotën e 18 pikëve. Pak nga pak kemi futur në këtë grup lojtarë të rinj, si Kumbulla apo Selahi. Kemi lojtarë të tjerë që janë nën vëzhgim. Kamberi mund të debutojë, por do ta shohim. Duhet të rinojmë grupin pak nga pak, nëse do të vazhdojë këtu do të bëhet rinovimi ngadalë. Kemi një strategji për lojtarët e rinj dhe ata që kanë lindur në 2001, janë nën vëzhgim. Ndeshja me Androrrën është më rëndësishme për momentin. Do të flas me presidentin dhe do të marrim vendimet që duhen.

Ndeshja e parë në stadiumin e ri…

Është një emocion mjaft i bukur për mua dhe të kem fatin të debutoj unë këtë stadium. De Biazi dhe Panuçi do të jenë xhelozë për këtë fakt. Kam ftuar vajzën dhe gruan për këtë sfidë. Do të na japë një stimul të madh për të marrë rezultatet. Shpresoj që ky stadium të jetë kartëvizita jonë, për të dhënë një imazh të Shqipërisë së re dhe rritjes.

Kamberi?

Çështja e Kamberit është çështje dokumentacioni. Po presim një përgjigje pozitive dhe shpresoj ta aktivizojë dhe ta shoh nga afër. Kemi alternative të tjera, si Seferi, Uzuni, që nuk ishte herën e kaluar, pasi doja të jepja hapësira për lojtarët e tjerë. Do të vendos gradualisht për kontingjentin përfundimtar që do të futen në fushën e lojës dhe në pankinë. Kemi dy rikthime si Xhaka dhe Ndoj, i cili ishte i dëmtuar dhe këtë herë mund të luajë. Mavraj dhe Memushaj, edhe pse janë disi më të mëdhenj në moshë, luajnë rregullisht në skuadrat e tyre, pro duhet të gjejmë alternative për ta.

Çështja e rinovimit dhe projekti për të ardhmen…

Nuk ka probleme për rinovimin dhe kemi folur me presidentin. Jemi në një mendje,. Federata po punon për të ardhmen, si stadiumi, departamentet dhe kërkon të afrohet me federatat e huaja. Ne aktualisht po ndjekim të rinj shqiptarë që luajnë në Europë nga prindër shqiptarë. Dua të përmend që për sa i përket këtij grupi, ne në Turqi patëm mundësi të vendosnim në diskutim këtë grup. Nëse do të kishim marrë një rezultat do të kishte një grup tjetër, do të ishin disa ekipe në kuotën e 21 pikëve. Humbëm për fatin e keq, dhe na duhej një mrekulli por nuk ndodhi. Në ndeshjen me Andorrën, kam një apel që tifozët të vijnë të na mbështesin. Pa tifozë nuk ka futboll. Na ndihmoni që të marrim rezultat të mirë, pasi është ndeshje shumë e rëndësishme.

Rinovimi i skuadrës…

Kemi një kontingjent lojtarësh, të ndërthur të rinjtë me të vjetrit.  Rinovim ka pasur dhe ideja është të fusim lojtarët e rinj pak nga pak. Kemi disa lojtarë të dëmtuar që na kondicionojnë. Kemi lojtarë që rrezikojnë nga kartonët. Nesër do të takoj lojtarët që kanë luajtur dje dhe do të luajnë sot, do të vlerësojë gjendjen e tyre. Mua me intereson të luajnë lojtarët që kanë gjendjen më të mirë. Nuk ka eksperimente për mua, lojtarët e rinj do të inserohen dalë nga dalë.

Ndeshjet ndaj “te voglave”…

Shpresoj dhe uroj që të mos gabojmë në këtë ndeshje, siç kemi bërë në të kaluarën. Impakti psikologjik ndikon jo vetëm të humben ndeshje, por edhe kampionate. Nuk duhet të gabojmë në asnjë moment në impaktin psikologjik. Duhet të jemi të përgatitur nga ana mendore për këto ndeshje.

Andorra…

Andorra luan me modulin 4-4-2. Mbyllet shumë në mbrojtje dhe ka lojtarët tepër agresivë. Kemi ndjekur ndeshjet e tyre ndaj Moldavisë dhe Turqisë, ata mbyllen në mbrojtje dhe nuk të japin mundësi t’i çash nga qendra dhe nga krahët e sulmit. Duhet shumë durim dhe do t’i sulmojmë nga dy krahët e sulmit për të arritur te fitorja. Duhet shumë durim, e përsëris,  pasi mund të kapemi dhe në kundërsulm.

Reja, me kontratë të re para Andorrës e Francës?

“Tani duhet të ulemi për të folur me trajnerin Reja për projektin e së ardhmes”, tha ndër të tjera presidenti i FSHF-së Armand Duka pas fitores 4-0 të kombëtares ndaj Moldavisë. “Unë dëshiroj të vazhdoj punën këtu. Skuadra më jep sinjale pozitive për të vazhduar”, tha trajneri Edy Reja, para së njëjtës ndeshje. Deklaratat e dhëna në publik, tashmë janë futur në rrugën e bisedimeve zyrtare.

Një burim i Realstory.al pranë Federatës Shqiptare të Futbollit, konfirmoi se trajneri i kuqezinjve, Edy Reja do të vijë në Shqipëri në datën 7 nëntor, që përkon dhe me nisjen e përgatitjeve të dy ndeshjeve të fundit të kombëtares, atë ndaj Andorrës në 14 dhe Francës në 17 nëntor.

Megjithatë, para këtyre dy ndeshjeve, pritet që kreu i FSHF-së Armand Duka dhe trajneri italian Edoardo Reja, të ulen e të diskutojnë projektin e ri Kuq e Zi. Palët pritet të diskutojnë rreth detajeve të kontratës për termat financiar, dhe kohëzgjatjen e saj. Trajneri Edy Reja është shprehur më herët se në jetën e tij kurrë nuk firmos kontratë më të gjatë se një sezon, ndaj mbetet për tu parë se si do të jetë ky bashkëpunim.

Ndërkohë, nga deklaratat publike të Presidentit të FSHF-së, pritet që bashkëpunimi me trajnerin Reja të përfshijë kualifikueset e Botërorit të vitit 2022, si dhe Nations League. Shqipëria nën drejtimin e trajnerit Reja ndryshoi rrenjësisht ekipin tonë kombëtar. Reja debutoi në krye të stolit të kombëtares në qershor të këtij viti, në takimin ndaj Islandës ku kuqezinjtë u mundën me rezultatin 1-0 në transfertë.

Më pas fitoi në Elbasan ndaj Moldavisë me rezultatin 2-0, ndërsa në shtator u mundëm nga Franca 4-1 dhe fituam ndaj Islandës 4-2. Në dy ndeshjet e fundit, kuqezinjtë treguan një përmirësim të dukshëm në lojë, pasi pavarësisht se u mundëm 1-0 për një gabim të portierit, skuadra bëri një ndeshje të mirë. Ndërsa në ndeshjen ndaj Moldavisë, Shqipëria shënoi katër gola duke fituar bindshëm, e njëkohësisht, duke treguar se grupi i krijuar është premtues për të ardhmen.

Video/ Reja, fjalim emocionues para lojtarëve: Kemi zemër

Trajneri Edy Reja mbajti një fjalim emocionues përpara lojtarëve, në fund të takimit kundër Moldavisë, që Shqipëria e fitoi me rezultatin 4-0. Tekniku italian nuk mban asnjë meritë për vete, ndonëse është dora e tij që riktheu shpresën te kuqezinjtë, por motivon lojtarët duke u thënë se “jeni ju ata që keni arritur të ndërtoni një grup kaq të mirë”.

“Jeni ju ata që e keni arritur të ndërtoni këtë grup kaq të mirë. Si ju këtu edhe stafi që punon mbas trajnerit. Ju përgëzoj dhe ju falenderoj të gjithëve. Merita është vetëm e juaja. Unë kam 35 vite që e bëj këtë punë, nuk kam nevojë të marr merita apo të më lavdërojë dikush”.

“Merita është gjithmonë e juaja sepse keni bërë një punë të shkëlqyer. Nëse do kishim fituar ndaj Turqisë, do shkonim në Europë. Duhet të kishim 4 pikë më shumë. 3 me Turqinë dhe 1 me Islandën. I kemi bërë të gjitha ndeshjet mjaft të mira, Turqisë i treguam se kush jemi, ndërsa Franca është Francë, nuk ka vend për diskutim. Kemi zemër,”-u shpreh Reja.

Fjalim mjaft motivues për futbollistët e kombëtares, që në fakt duket se kishte munguar gjatë në ambientin kuqezi. Trajneri Edy Reja, pas fitores të së hënës, pritet të marrë si shpërblim zgjatjen e kontratës me kombëtaren tonë.

Sinjalet i dha presidenti Armand Duka, i cili pas “pokerit” në Moldavi, u shpreh se do të ulet me trajnerin për të folur për projektin e së ardhmes. Vetë tekniku italian, në konferencën për mediat të dielën, deklaroi hapur se dëshironte të vijonte punën me kombëtaren tonë.

Fjala e trajnerit #Reja, pas fitores me Moldavinë.

Gepostet von Federata Shqiptare E Futbollit am Dienstag, 15. Oktober 2019

Memushaj: Duhet të përmirësohemi

Kapiteni i Kombëtares së futbollit, Ledian Memushaj foli në konferencë për shtyp një ditë para ndeshjes me Moldavinë. Mesfushori u shpreh se ishte zhgënjyer nga humbja me Turqinë, por sipas tij, skuadra duhet ta harrojë atë ndeshje. Memushaj tha se ajo ndaj Moldavisë është shumë e rëndësishme.

“Normale që ndeshja me Turqinë na ka zhgënjyer shumë, por besoj se duhet ta harrojmë sa më shpejt sepse nesër kemi një ndeshje tjetër të rëndësishme dhe do ta përgatisim sa më mirë. Duhet të rikuperohemi shpejt pasi kemi një ndeshje të rëndësishme. Duhet ta harrojmë shpejt ndeshjen me Turqinë”, tha Memushaj.

Më tej, mesfushori u shpreh se duhet të përmirësohet e gjithë skuadra, ndërsa shtoi se sulmuesit duhet të ndihmohen edhe nga pjesa tjetër e skuadrës. “Duhet të përmirësohemi si ekip, me Turqinë  treguam se nga ana taktike jemi përmirësuar shumë, dhe këtë duhet ta tregojmë edhe nesër. Këto janë nga ato ndeshje që janë shumë të vështira nga njëra anë, por nga ana tjetër tregojnë sa është pjekur ky ekip. Në fazën ofenzive nuk është vetëm puna e sulmuesve, por duhet të punojmë të gjithë shumë”, tha Memushaj.

Rinovimi, Reja bie në “dashuri” me Shqipërinë

Trajneri i ekipit kombëtar, Edy Reja foli në konferencë për shtyp një ditë para ndeshjes me Moldavinë. Tekniku 74-vjeçar u shpreh se skuadra pati nervozizëm pas ndeshjes me Turqinë, për shkak të rezulatit, por sipas tij, e rëndësishme është që të ruajë intensitetin. “Ishim pak nervozë pas ndeshjes me Turqinë. Më shumë për rezultatin se sa për ndeshjen. E rëndësishme është që të mbajmë këtë intensitet. Rezultatet do vijnë. Kemi nevojë që të vijojmë edhe me rezultatet, jo vetëm me lojën”, tha Reja.

Ndaj Moldvisë nuk pritet të ketë shumë ndryshime në formacion. Megjithatë, trajneri paralajmëroi se do të vendoset të hënën. “Më duhet akoma pak më shumë kohë për 11-shen titullarë. Nuk mendoj se do bëj ndërrime domethënëse, do bëj pak ndërrime. Nëse i kam të gjithë në formën optimale, nuk do lëviz shumë. Do vendosim nesër. Dua të shoh këtë vazhdimësi për ndeshjen me Moldavinë”.

Pyetjes nëse Moldavinë do e nënvlerësojë, trajneri Reja iu përgjigj se ekipet që ai drejton nuk nënvlerësojnë asnjë kundërshtar. “Skuadrat e mia nuk nënvlerësojnë asnjë kundërshtar. Moldavia është një ekip i mirë. Edhe në Elbasan na vuri në vështirësi. Luajnë topin mirë. Do futemi me të njëjtën vendosmëri në fushë për të bërë maksimumin. Edhe Moldavia mund të na vërë në vështirësi. Ne e dimë që të luash këtu nuk është e thjeshtë për ne. Ndeshjen e parë na vunë në vështirësi. Shënuam vetëm në fund. Ne do studiojmë si do vendosen në fushë ata, dhe do i përgjigjemi më pas”, tha Reja.

Çështja e rinovimit mbetet ende një dilemë. Edy Reja, gjatë konferencës për shtyp, deklaroi hapur se dëshrion të vazhdojë punën me Shqipërinë, duke ia lënë në dorë kreut të FSHF-së Armand Duka të vendos. “Do më pëlqente të vazhdoja punën me Shqipërinë, por duhet të mbyllim këtë cikël tani. Duhet të studiojmë si shkuan gjërat në këto eliminatore, të shohim dhe pikët. Është një pyetje ku duhet të përfshihet edhe presidenti. Do isha i lumtur për të vazhduar me Shqipërinë. Skuadra më jep stimul dhe përgjigje pozitive. Do doja të vazhdonim këtë rritje dhe vazhdimësi, për të parë se deri kur do arrijmë me këtë ecuri”, tha tekniku.

Në fund të fjalës së tij, ndonëse shanset për të kapur vendin e dytë janë në limite, Edy Reja u shpreh se Shqipëria do të luftojë deri në fund për kualifikimin. “Të përballem me një trajner me eksperiencë si e imja, normale që është e vështirë. Edhe ai do na ketë studiuar, dhe do na ketë ngritur ndonjë grackë. Me rëndësi është që të mos biem në grackë. Nëse jemi këtu në këto pozicione, do të thotë se jemi duke bërë mirë, sepse përndryshe nuk do interesohej kush për ne. Objektivi ynë është vendi i dytë, do luftojmë çdo ndeshje për pikët maksimale. Ai mbetet objektivi ynë primar”, u shpreh Reja.

Video/ Para ndeshjes, kombëtarja heq dorë nga dieta

Trajneri i kombëtares shqiptare të futbollit, Edy Reja, festoi të enjten, një ditë para ndeshjes me Turqinë, 74 vjetorin e lindjes. Tekniku kuqezi është surprizuar nga stafi i kombëtares shqiptare dhe presidenti Armand Duka në hotelin ku po qëndron kombëtarja në prag të ndeshjes me Turqinë. Ishte vetë kreu i FSHF-së, që shkoi në ambientet e restorantit të hotelit me një tortë, që mbante sipër dy qirinj të ndezur me numrin 74.

Ndërkohë, vetë trajneri Edy Reja, lojtarët dhe pjestarët e tjerë të stafit, kënduan “Happy birthday to you” për trajnerin kuqezi, që feston plot 74 vite të tjetës së tij. Kështu, lojtarët dhe stafi “thyen” dietën përpara ndeshjes, duke shijuar torëtn e ditëlindjes së trajnerit. Ndërkohë, si dhuratë për ditëlindjen, lojtarët paralajmëruan se do të jetë fitorja ndaj Turqisë.

Ndërkohë, pasi fiku qirinjtë e tortës, trajneri mbajti një fjalim emocionues përpara lojtarëve duke treguar sekretin e rinisë së tij. “Fizikisht, jam akoma mirë, por e dini cili është sekreti? Qëndroj gjithmonë me të rinjtë, pasi jam i ri në kokë. Më dhatë një kënaqësi të jashtëzakonshme në ndeshjen kundër Islandës. U rritëm, dhe kjo gjë më lumturoi pa masë”.

“Është shumë e rëndësishme të mbërrish në moshën time dhe të jesh në gjendje të japësh, por unë gjithashtu edhe marr. Nesër në mbrëmje do të doja dhe një dhuratë të vogël, nëse është e mundur. Do ta doja këtë kënaqësi të vogël, jo për vete, por për ju. Nuk po them që po arrijmë majën, sepse është rrugë e gjatë, por jemi afër. Jemi në rrugën e duhur, do ta shikoni që do të ketë kënaqësi për të gjithë, sidomos për mua, meqë kam ditëlindjen”, tha Reja.

Edoardo Reja është lindur në datën 10 tetor të vitit 1945,  në Luicino të Italisë. Reja e nisi karrierën e tij me ekipin e të rinjëve të SPAL, e drejtuar nga trajneri Paolo Mazza. Ai luajti si mesfushor sëbashku me Fabio Capellon, një shok i tij, dhe me lojtarë të tjerë si Louis Pasetti dhe Adriano Zanier. Ata ndihmuan ekipin të fitonte kampionatin e të rinjëve në sezonin 1963–64. Në vitin 1965, Reja j’u bashkangjit Capellos në Serie A, duke u bashkuar me ekipin e parë të SPAL-it; paraqitjet e mira bënë që ai të luante një herë edhe me kombëtaren italiane nën-23.

Në pjesën tjetër të karrierës së tij, Reja luajti me dy ekipe të tjera, Palermon dhe Alessandrinë. Ai e mbylli karrierën e tij në vitin 1975, duke zhvilluar gjithsej 124 ndeshje në elitë, ndërsa më pas ai nisi karrierën si trajner, duke drejtuar ekipe si Lazio, Napoli, Atalanta, Hajduk Split, ndërsa kombëtarja shqiptare është eksperienca e parë e Edy Rejës si trajner i një përfaqësuese.

Gëzuar ditëlindjen 🎂 Mister #REJA.U bëfsh 100 vjeç! 💪🇦🇱 ⚽

Gepostet von Federata Shqiptare E Futbollit am Donnerstag, 10. Oktober 2019

Debutime nga stoli. Reja: Dua përqëndrim, ndryshe humbasim

Trajneri i Kombëtares Edy Reja foli të enjten pasdite në konferencën për shtyp, në prag të ndeshjes kundër Turqisë. Tekniku i kuqezinjve tregoi fillimisht se skuadra është e përgatitur për këtë ndeshje, ndërsa kundërshtarin e ka studiuar me hollësi. “Grupi po fuksionon mirë. Po punojmë mirë në të gjitha aspektet. Kemi konsideratë për Turqinë, për lojtarë Burak Jilmaz, Calahanglu dhe Tosun. Po përmend sulmuesit sepse dalin më shpesh para portës. Janë lojtarë që i njoh. E ndjek kampionatin italian. Ne na duhet të jemi në kondicionin më të mirë të mundshëm. Duhet të shprehim potencialin në fushën e lojës, ndryshe do ta humbim këtë sfidë. Duhet të bëjmë një përfaqësim sa më dinjitoz për këtë ekip sepse e meriton”, tha Reja.

Mungesat do të jenë një problem për trajnerin italian të kuqezinjve. Të paktën mbrojtësi Elseid Hysaj, që u dëmtua disa ditë më parë me Napolin. Megjithatë, ai beson se çdo futbollist që do të luajë do të bëjë mirë. “Hysajn e dimë mirë rëndësinë që kishte, por kush do të luajë, do të bëjë mirë. Ky është një test i rëndësishëm për ne sepse përmes kësaj ndeshje mund të bëjmë vlerësime, nëse po përmirësohemi në aspektin individual dhe kolektiv. Do të na japë përgjigje, uroj pozitive që ka ndodhur rritja, duhet të marrim në konsideratë se kemi ndryshuar gjëra, kanë ardhur lojtarë të rinj edhe muajt e kaluar. Pres përmirësime të tjera dhe nëse do të jenë, do të thotë që kemi marrë rrugën e duhur”, shprehet Reja.

Në fjalën e tij, Reja tregoi se Turqinë e njeh mirë si ekip, pasi ka studiuar çdo ndeshje të saj. Sipas tij, kundërshtari ëshë i rrezikshëm në disa aspekte. “Nuk kam parë vetëm atë ndeshje, kam parë Turqinë edhe në ndeshje të tjera, kur ka luajtur në shtëpi si me Francën që e ka mundur, që nuk është  lehtë, ka bërë mirë edhe në Shkodër duke fituar 2-0. Qartësisht që kjo është një ndeshje që duhet përballuar me vendosmëri, duhet të jemi të aftë taktikisht, janë të fortë fizikisht e teknikisht, kanë bërë gol me goditje standarde e janë të rrezikshëm, por këto janë vëmendjet nesër në darke dhe nëse do të jemi të vëmendshëm do të jetë më e lehtë të bëjmë një paraqitje të mirë, bëjmë edhe rezultat”, tha Reja.

Nga skuadra pret të shoh përmirësime në krahasim me ndeshjen e fundit ndaj Islandës, ndërsa tregoi se nga lojtarët e grumbulluar rishtaz nuk do të debutojnë direkt. Sipas tij, të paktën dy lojtarë të rinj, do ta nisin nga stoli.  “Ajo që më intereson në mënyrë të veçantë është që të shoh përmirësimet në krahasim me ndeshjen e fundit, pres një paraqitje të mirë gjatë 90 minutave, se nuk duhet të ulim asnjëherë vëmendjen, se bëhet e rrezikshme se janë të aftë. Jo debutues jo. Në pankinë do të ketë 2 lojtarë, që po presin shansin e tyre dhe mund të futen në fushë si zëvendësues”, përfundoi Reja.

Trashi “i kërkon nder” Rejës: Më aktivizo, që të largohem

Mbrojtësi i Partizanit Lorenc Trashi doli të mërkurën në koferencë për shtyp. I grumbulluar nga trajneri Edy Reja për dy ndeshjet e radhës eleminatore, Trashi shprehet se është përshtatur me trajnerin.  “Është e vërtetë, është grumbullimi im i tretë me Kombëtaren. Jam përshtatur dhe njohur mirë me epokën e trajnerit që ndodhem tani. Panuccin nuk e njoh shumë dhe s’mund të flas më shumë për të. Trajneri Reja nuk është nevoja të them unë kush është”, u shpreh Trashi.

Më tej, mbrojtësi foli për atomsferën në skuadër, duke treguar se çdo gjë është mirë, ndërsa për aktivizimin e tij pret vendimin e trajnerit. “Atmosfera është pozitive. Nuk jam i mendimit që ka pasur shumë probleme krahu i majtë. Por, njëherë lojtari është në formën e duhur dhe njëherë jo. Unë jap maksimumin në ekipin tim, por vendos trajneri. E ndjej veten shumë mirë, ndaj trajneri më thirri. Shpresoj të kem minuta”, shprehet mbrojtësi.

Por, Trashi lë të kuptohet se do minuta, jo vetëm për të treguar veten në skuadër, por aktivizimin në kombëtare e sheh si një mundësi për të luajtur në ekipe jashtë vendit. “Normalisht çdo lojtar në kampionatin shqiptar kërkon të ketë një eksperiencë në një kampionat më të lartë. Mendoj që Kombëtarja më shërben më mirë për këtë pjesë. Por, disa minuta në këmbë do të më bënin të provoja veten, pse jo të provoj edhe veten në një ekip më të lartë në Europë. Unë personalisht s’kam pasur asnjëherë probleme me trajnerin. Ai ka qenë i pari që më ka mbështetur dhe më ka përqafuar”, përfundoi mbrojtësi.

Cikalleshi futet “mik” te FSHF për Rejën

Sokol Cikalleshi doli në konferencë për shtyp, në prag të ndeshjes ndaj Turqisë, që do të luhet në datën 11 tetor. Sulmuesi i kombëtares, u shpreh se Turqia është favorite në përballjen e të premtes, por sipas tij, kuqezinjtë do të kërkojnë fitoren në këtë takim. “Normalisht, për një sulmues golat janë ato që na motivojnë e na bëjnë që të luftojmë e te punojmë më shumë në ndeshjet në vazhdim. Jam i gatshëm të bëj maksimumin tim tani me kombëtaren. Sigurisht është një nga ndeshjet më të vështira pasi Turqia vjen favorite sepse luan në fushën e saj por shkojmë për të bërë lojën tonë. Ndihemi mirë dhe do ta përgatisim ndeshjen në mënyrën më të mirë. Do të shkojmë në Turqi për të fituar ndeshjen edhe pse do të jetë e vështirë. Morali është i mirë pas asaj fitoreje me rezultat të mirë. Këtë ndeshjen e Turqisë kemi të njëjtën situatë që pa njërën nuk vlen tjetra”, tha Cikalleshi.

Sulmuesi, që në dy ndeshjet e fundit të kombëtares shënoi dy gola ndaj Francës dhe Islandës, shprehet se me ardhjen e trajnerit Edy Reja, skuadra ka ndryshuar për mirë. “Jemi në rrugën e duhur, me ardhjen e Rejës gjërat kanë ndryshuar për mirë dhe flas edhe në aspektin personal pasi kam arritur të shënoj. Është një rrugë e gjatë dhe hap pas hapi hedhim themelet për Botërorin e ardhshëm por jemi edhe në garë për këtë europian. Futbollistët po marrin minuta dhe kjo është nga më të rëndësishmet dhe do të jemi mirë. Po shënojmë jo vetëm ne sulmuesit dhe kjo është diçka e mirë e shpresoj të na ndihmojë. E njoh Turqinë sepse kam luajtur me shumicën prej tyre”, u shpreh Cikalleshi.

Më tej, ai foli dhe për dëmtimin e Elseid Hysaj, duke konfirmuar mungesën e tij në dy takimet e ardhshme. “Fola pak me Hysajn por mund të mungojë. Është humbje e madhe pasi Hysaj është lojtar kryesor dhe do të jetë humbje e madhe. Edhe ndaj Islandës, bëri një nga ndeshjet më të mira duke shënuar edhe gol. Mendoj se në atë pozicion ka lojtarë të tjerë si Roshi që e bën shumë mirë dhe uroj të mos e ndjejmë mungesën”, shtoi Cikalleshi.

Cikalleshi, në fund të fjalës së tij, i bëri dhe një kërkesë Federatës Shqiptare të Futbollit. Trajneri Edy Reja, të vijojë të drejtojë kombëtaren edhe pas nëntorit, periudhë kur atij i përfundon kontrata. “Me trajnerin Reja në aspektin personal jam ndjerë mirë dhe po gjej vetveten e këtë e kam shfaqur në fushë duke shënuar. Kam marrëdhënie të mirë dhe jam i lumtur nëse vazhdon këtu si trajner por mendoj se edhe shumë të tjerë mendojnë këtë gjë. Është Federata ajo që vendos në fund por ne duam të vazhdojë”, tha sulmuesi.

Mavraj dhe Sadiku jashtë! Publikohet lista e lojtarëve me Turqinë e Moldavinë

Mërgim Mavraj dhe Armando Sadiku mbeten jashtë listës në ndeshjet që pritet të luhen me Turqinë dhe Moldavinë.

Trajneri i Kombëtares, Edi Reja, ka publikuar listën me lojtarët , ku ajo që vihet re është mungesa e Mavrajt dhe Armando Sadikunt, ndërsa ka prurje të reja si Liridon Selahi dhe Taulant Seferi.

Ndeshjet që pritet të luhen më 11 tetor me Turqinë dhe 14 tetor me Moldavinë janë pjesë e Euro 2020.

Skip to toolbar