Opozita ka vazhduar edhe sot me protesta dhe
bllokim rrugësh.
Një grup mbështetësish të PD-së janë vendosur
sot në hyrje të qytetit të Elbasanit, tek rrethrrotullimi në Bradashesh për të
bllokuar kalimin e kryeministrit, i cili sot është nisur drejt Elbasanit në
kuadër të turit “Bashkia që duam”.
Një ditë më parë përfaqësues të opozitës bllokuan
rrugët hyrëse të qytetit të Shkodrës, duke djegur goma makinash.
Më vonë Rama postoi një mesazh në twitter ku
shkruante se ndihej i keqardhur nga kjo orvatje e një pakicë që duan të çojnë
Shqipërinë në qorrsokak.
Një situatë aspak e zakontë dhe tepër emergjente është shfaqur në institucionin e Fondit të Detyrueshëm të Kujdesit Shëndetësor në Elbasan. 4 punonjës janë prekur nga tuberkulozi, ndërsa pjesa tjetër e stafit i është nënshtruar ekzaminimeve për shkak të përhapjes së kësaj sëmundje ngjitëse përmes frymëmarrjes.
Sekretarja e institucionit është një ndër të prekurat , e cila është transportuar në Sanatoriumin në Tiranë, ndërsa tre të tjerët janë specialistë.
Policia e Shtetit ka arrestuar një person, i cili konsiderohet me rrezikshmëri të lartë shoqërore. Si rezultat i operacionit, nga agjentët e Antiterroit u bë e mundur kapja dhe arrestimi me qëllim ekstradimin i shtetasit shqiptar B. I., 28 vjeç, banues në Elbasan.
Arrestimi i këtij shtetasi u bë për arsye se Interpol Roma në datë 15.04.2019 e ka shpallur në kërkim ndërkombëtar për veprën penale “Pjesëmarrje në organizatë terroriste”.
28-vjeçari më parë është deportuar nga Italia si person i rrezikshëm për rendin dhe sigurinë publike në Itali, pasi dyshohet të jetë i përfshirë me organizata terroriste në Itali dhe Egjipt.
Policia e ShtetitOperacion për kapjen e personave me rrezikshmëri të lartë shoqërore, të shpallur në kërkim ndërkombëtar.Operacioni nga Drejtoria e Antiterrorit në bashkëpunim me Interpol Tirana dhe DVP ElbasanKapet dhe arrestohet me qëllim ekstradimi, një 28 – vjeçar i kërkuar nga Drejtësia Italiane.Në vijim të punës për parandalimin e terrorizmit, si dhe për kapjen e personave të shpallur në kërkim ndërkombëtar për terrorizëm, strukturat e Drejtorisë së Antiterrorit në Policinë e Shtetit, si rezultat i informacioneve të marra dhe punës investigative, organizuan dhe finalizuan në bashkëpunim me Interpol Tirana dhe Drejtorinë Vendore të Policisë Elbasan, operacionin për kapjen e një personi me rrezikshmëri të lartë shoqërore.Si rezultat i operacionit, nga agjentët e Antiterroit u bë e mundur kapja dhe arrestimi me qëllim ekstradimin e shtetasit shqiptar B. I., 28 vjeç, banues në Elbasan. Arrestimi i këtij shtetasi u bë për arsye se Interpol Roma në datë 15.04.2019 e ka shpallur në kërkim ndërkombëtar, mbi bazën e vendimit të arrestit të lëshuar nga Prokuroria e Republikës Italiane në mars 2019, për veprën penale “Pjesëmarrje në organizatë terroriste, parashikuar nga neni 270 i Kodit Penal italian. Ky person më parë është deportuar nga Italia si person i rrezikshëm për rendin dhe sigurinë publike në Itali, pasi dyshohet të jetë i përfshirë me organizata terroriste në Itali dhe Egjipt. Materialet në ngarkim të këtij shtetasi, i kaluan Prokurorisë për veprime të mëtejshme.
Autopsia ka zbuluar arsyet që çuan në vdekjen e 25 vjeçares një orë pas lindjes në maternitetin e Elbasanit.
Sipas autopsisë nëna e re vdiq si pasojë e koagulimit ose siç quhet ndryshe mpiksja e gjakut duke bllokuar venat që çon gjakun në mushkëri. Kjo ka sjell vdekjen e menjëhershme të 25 vjeçares.
Familjarët kanë akuzuar mjekët për neglizhencë të rastit, ndërsa autopsia tregoi se nëna e re ka pasur një komplikacion dhe vdekja e saj nuk ka ardhur nga pakujdesia.
Më herët policia ka arrestuar edhe dy mjekët që merreshin me rastin, mjekun reanimator Nikollaq Thana dhe mjekun Kardiolog Mehmet Ibaj.
Pas akuzave të familjarëve për pakujdesi të mjekëve, ka reaguar edhe Spitali i Elbasanit lidhur me vdekjen e 25-vjeçares një orë pas lindjes.
Sipas spitalit 25-vjeçarja me iniciale R.D. është shfaqur me një shtatzëni të vonuar 42 javësh dhe në gjendje urgjente. Sipas spitalit gjatë lindjes gjithçka ka shkuar mirë, ndërsa komplikacionet janë shfaqur më pas.
Përmes një deklarate spitali sqaron se: “Duke shprehur ngushëllimet familjarëve për humbjen e 25-vjeçares R.D, Spitali rajonal Elbasan sqaron opinionin publik në lidhje me humbjen e jetës së saj. Pacientja R.D. u paraqit në spital më datë 22.04.2019 në orën 10:25 paradite. Pacientja ka ardhur me urgjencë në spital, me barrë të vonuar 42 javëshe dhe është futur në sallë, ku mjekët asistuan lindjen e fëmijës, i cili erdhi në jetë në 11:50. Foshnja u reanimua dhe gëzon shëndet të mirë. Stafi mjekësor ka dhënë trajtimin e duhur mjekësor, por nëna e re dyshohet se pësoi komplikacion postoperator trombemboli pulmonare, e papajtueshme me jetën. Aktualisht priten rezultatet e ekspertizës mjeko-ligjore për shkakun e vdekjes së nënës.”
Një 25-vjeçare ka humbur jetën në momentin që pritej të ishte më i bukuri pët të. Një orë pasi solli në jetë fëmijën e saj, 25-vjeçarja ka vdekur si pasojë e një ataku kardiak. Ngjarja e rëndë ka ndodhur në maternitetin e Elbasanit.
Sipas mjekëve, pas lindjes janë vënë re probleme me zemrën dhe është kërkuar ndihmë nga reparti i kardiologjisë. Familjarët kanë akuzuar mjekët, pasi sipas tyre u paraqitën me vonesë duke mos arritur ta shpëtonin në kohë 25-vjeçaren.
Çështja ka kaluar nën hetimin e policisë për përcaktimin e plotë të shkaqeve të vdekjes.
Kreu i grupit parlamentar të PS, Taulant Balla ka zhvilluar një takim me koordinatorët dixhitalë të qarkut të Elbasanit, për organizimin e strukturave elektorale në zgjedhjet lokale të 30 qershorit.
Me një postim në Facebook, Balla tha se qytetarët tashmë dinë të bëjnë diferencën e qeverisje së bashkive nga PS dhe nga ato që qeverisen nga PD dhe LSI, duke e cilësuar 30 qershorin si ditën e çlirimit për bashkitë që drejtohen nga Luli e Monika.
“Më 30 Qershor zgjedhjet do të zhvillohen dhe në këtë datë çdo shqiptar ka të drejtën të votojë Kryetarin e Bashkisë. Shqiptarët dinë të bëjnë shumë mirë dallimin mes bashkive që drejtohen nga PS dhe bashkive që drejtohen nga Luli dhe Monika, e të cilat ka ardhur koha t’i çlirojmë nga kapja prej tyre. Zgjedhja është aq e thjeshtë sa ne jemi të sigurt se edhe po të garonte në zgjedhje i vetëm, Lulzim Basha sërish do të humbte, pasi shqiptarët e refuzojnë Bashën, partinë e tij pa ide dhe alternativën e tij të dhunës, politikën e tij të baltës dhe gënjeshtrës. Lulzim Basha mendon vetëm për veten e tij e për asgjë tjetër. 100% për Bashën, 0% për Shqipërinë.” – shkruan Balla
Gjatë takimit në Elbasan, Balla ka diskutuar për komunikimin dixhital, që krijon një marrëdhënie korrekte dhe të vazhdueshme me mediat gjatë fushatës zgjedhore. Balla njoftoi gjithashtu se në portalin e ri “Bashkitë që duam” do të publikohen axhendat e çdo kandidati duke i dhënë mundësinë mediave dhe shoqërisë civile të njihen më mirë.
Edhe 70 ditë na ndajnë nga zgjedhjet vendore të 30 Qershorit dhe për këtë qëllim kemi nisur tashmë organizimet e të…
Disa ditë pas arrestimit të tyre, kanë dalë para Gjykatës së Elbasanit, 6 të arrestuarit gjatë operacionit të koduar “Shënkolli”.
Të arrestuarit janë njohur me masën e sigurisë ‘arrest me burg”, pasi akuzohen për trafikimi të lëndëve narkotike në doza të vogla në qytetin e Elbasanit.
Gjatë operacionit u sekuestrua 550 gr kokainë, ndërsa u arrestuan shtetasit:
Klaudjo Trungu, 31 vjeç, banues në Elbasan
Agron Qafa, 45 vjeç, banues në Tiranë, me precedent kriminal në fushën e krimeve ndaj personit
-Skënder Pëllumbi, 23 vjeç, banues në Elbasan
-Lavdosh Demaj, 35 vjeç, banues në Elbasan
-Lorencio Gjini, 25 vjeç, banues në Elbasan
-Klajdi Gjeçi, 32 vjeç, banues në Elbasan me precedent kriminal në fushën e krimeve ndaj personit
Dy makina janë shkrumbuar gjatë natës në
Elbasan, ndërkohë që policia ka identifikuar autorin që është një person me
precedent penal. Ai quhet Mario Toçi, 38 vjeç. Ndërkohë makinat e djegura ishin parkuar përpara
Drejtorisë Vendore të Policisë Elbasan.
Bëhet e ditur se është djegur plotësisht
automjeti tip Volsvagen me Targë, AA 595 KP në pronësi të Hysen Hasekiut. Pjesërisht është djegur mjeti tip Skoda me Targë AA 702
DL, në pronësi të Bledar Hoxhës.
Policia e Elbasanit ka finalizuar me sukses operacionin e koduar “Shënkolli”, ku është goditur një grup kriminal i tregtimit të drogave të forta, kryesisht kokainë.
Në operacion u përfshinë strukturat e Drejtorisë Vendore të Policisë Elbasan, Drejtoria e Forcës së Posaçme Operacionale, Reparti RENEA dhe Drejtoria Vendore e Policisë Tiranë, ku u bë i mundur arrestimi i 6 shtetasve:
K. Gj., 32 vjeç, banues në Elbasan me precedent kriminal në fushën e krimeve ndaj personit;
A. Q., 45 vjeç, banues në Tiranë, me precedent kriminal në fushën e krimeve ndaj personit;
S. P., 23 vjeç, banues në Elbasan;
L. D., 35 vjeç, banues në Elbasan;
L. Gj., 25 vjeç, banues në Elbasan;
K. T., 31 vjeç, banues në Elbasan.
Si dhe ndiqen në gjendje të lirë dy shtetasit A. Q., dhe K. Gj., si organizatorë të grupit kriminal, siguronin lëndën narkotike dhe pjesëtarët e tjerë të grupit kryenin shpërndarjen e lëndës narkotike në doza të vogla në qytetin e Elbasanit.
Policia gjatë kontrollit fizik të krerëve të grupit, por edhe kontrollit në banesat e tyre, gjeti dhe sekuestroi në cilësinë e provës materiale një sasi prej rreth 550 gramë lëndë narkotike të dyshuar kokainë.
Operacioni është ende në vijim, për identifikim dhe kapjen e personave të tjerë të implikuar në këtë veprimtari kriminale.
ElbasanFinalizohet operacioni "Shënkolli".Operacioni i ndjekur me metoda speciale të hetimit nga Sektori për Narkotikët në DVP Elbasan, në bashkëpunim me Prokurorinë e Rrethit Gjyqësor Elbasan.Goditet një grup i strukturuar kriminal në fushën e tregëtimit të drogave të forta, kryesisht kokainë.Finalizimi i operacionit nga Drejtoria Vendore e Policisë Elbasan në bashkëpunim me Prokurorinë, Drejtorinë e Forcës së Posaçme Operacionale, Repartin RENEA dhe DVP Tiranë.Në pranga 6 persona.Sekuestrohen 550 gramë lëndë narkotike e dyshuar kokainë.Gjatë ditës së sotme, në funksion të procedimit penal të vitit 2018 të Prokurorisë së Rrethit Gjyqësor Elbasan, është zhvilluar dhe finalizuar me sukses operacioni policor antidrogë i koduar "Shënkolli".Në operacion u përfshinë strukturat e Drejtorisë Vendore të Policisë Elbasan, Drejtoria e Forcës së Posaçme Operacionale, Reparti RENEA dhe Drejtoria Vendore e Policisë Tiranë, ku u bë i mundur arrestimi i shtetasve:K. Gj., 32 vjeç, banues në Elbasan me precedent kriminal në fushën e krimeve ndaj personit;A. Q., 45 vjeç, banues në Tiranë, me precedent kriminal në fushën e krimeve ndaj personit;S. P., 23 vjeç, banues në Elbasan;L. D., 35 vjeç, banues në Elbasan;L. Gj., 25 vjeç, banues në Elbasan;K. T., 31 vjeç, banues në Elbasan.Si dhe ndiqen në gjendje të lirë dy shtetase.Shtetasit A. Q., dhe K. Gj., si organizatorë të grupit kriminal, siguronin lëndën narkotike dhe pjesëtarët e tjerë të grupit kryenin shpërndarjen e lëndës narkotike në doza të vogla në qytetin e Elbasanit. Policia gjatë kontrollit fizik të krerëve të grupit, por edhe kontrollit në banesat e tyre, gjeti dhe sekuestroi në cilësinë e provës materiale një sasi prej rreth 550 gramë lëndë narkotike të dyshuar kokainë.Operacioni është ende në vijim, për identifikim dhe kapjen e personave të tjerë të implikuar në këtë veprimtari kriminale.
