Farka destinacion turistik, Veliaj: Pas 30 vjetësh do të jetë si Parku i Liqenit

Për të dytin vit, në Liqenin e Farkës, është zhvilluar gara sportive “Triathlon”, një sport që bashkon tre disiplina sportive të ndryshme: not, çiklizëm, vrap. Pjesëmarrës në këtë garë ishin sportistë profesionist dhe amatorë nga Shqipëria dhe vende të tjera të rajonit. Kryetari i Bashkisë Erion Veliaj, u shpreh se investimet e bashkisë e kanë kthyer Farkën në hartën sportive të qyteit.

“Është një aktivitet cilësor, i cili jo vetëm e ka futur Farkën në hartën sportive të qytetit, por e ka bërë Tiranën një vend tërheqës edhe për këtë lloj sporti. Një duartrokitje për të gjithë ata që na kanë ndihmuar, e vlerësojmë shumë”, deklaroi Veliaj.

Veliaj tha se Faraka do të jetë pas 30-40 vjetësh një tjetër park i madh për qytetin, teksa hapat e para për shndërrimin e tij janë hedhur që tani. “Jam i lumtur që një pjesë e itinerarit do të bëhet në këtë investim që kemi bërë për Farkën. Është bërë vetëm gjysma, për të gjithë ju që vraponi tek Liqeni do të shikoni që po hidhet gjurma e një parku që do të jetë si Parku i Liqenit pas 30-40 viteve, kur të jenë rritur kalamajtë tanë. Do të shihni shumë prej pemëve të mbjella dhe me atë rast shpresoj se do të ktheheni edhe në agjentë marketingu të parkut të Farkës”, tha ai.

Në përfundim të “Triathlon”, janë dhënë medaljet për fituesit e garës. Vendet e para për meshkuj dhe për femra u fituan nga dy atletët serbë, Strahinja Trakiç dhe Vida Medic. Përgjatë gjithë itinerarit ishin të pranishëm Policia Bashkiake, ambulanca dhe vullnetarë, të cilët ndihmuan garuesit në sinjalistikë dhe në pikat e shpërndarjes së ujit.

Veliaj: Jo PS-PD, sot zgjedhjet janë mes Rusisë dhe SHBA

Pas deklaratës së fortë të Zëvendës Ndihmës-Sekretar i Shtetit në SHBA, Matthew Palmer, i cili tha se nëse në protestën e së shtunës do të ushtrohet dhunë, përgjegjës do të jenë organizatorët e saj, Kryemadhi dhe Basha, dhe se kush tenton të cenojë zgjedhjet nuk do të shkelë më në SHBA, ka reaguar edhe kandidati i koalicionit të majtë, Erion Veliaj. Nga Shëngjergji, ku vijoi fushatën e tij elektorale për zgjedhjet e 30 qershorit, kandidati i Partisë Socialiste për Bashkinë e Tiranës, Erion Veliaj tha se: “Lajmi i mirë është që Shqipëria nuk është pa miq. Sot ishte një lajm i jashtëzakonshëm deklarata e zyrtarit të lartë të DASH, Palmer, me emër dhe mbiemër, për Monën dhe për Lulin, që nëse shkaktoni dhunë, ta dijë bota mbarë se është faji juaj. Jeni ju përgjegjës, do të shkoni ju para drejtësisë”, tha Veliaj.

Më tej, Veliaj u shpreh se sot në Shtetet e Bashkuara të Amerikës ka një hetim të hapur për financime të pista nga Rusia të Partisë Demokratike. “Një parti që prodhon çadra të personalizuara për secilin protestues nuk është parti fukarenjsh dhe qartazi ka një financim të padeklaruar, por fatmirësisht paratë ruse që financojnë Partinë Demokratike kanë hapur një hetim në Amerikë dhe ka ardhur koha të hapet edhe një hetim në Shqipëri.”, tha Veliaj.

Veliaj theksoi se këto zgjedhje janë edhe një zgjedhje mes Rusisë dhe Shteteve të Bashkuara të Amerikës. “Sot nuk është punë PS-PD, sot është një zgjedhje mes Rusisë dhe Amerikës. Amerika foli qartazi se me kë është dhe kë po mbështet më 30 qershor për zgjedhje të lira dhe të ndershme, për ata që paraqiten në fushë. Nuk po mbështet PS-në, por po mbështet Shqipërinë. Sepse nuk po kandidon vetëm PS, fakti që unë jam numri dy do të thotë që është edhe një tjetër”, tha Veliaj.

PD: “Veliaj 20 vendime fshehtaz”, por opozita mungon prej nje viti

Pas mbledhjes të së premtes të Këshillit Bashkiak të Tiranës, ku janë miratuar disa vendime përfshi dhe dhënien e ndihmës financiare për banorët e prekur nga Tërmeti në Korçë, ka ardhur reagimi i Partisë Demokratike. Kjo e fundit, nëpërmjet përfaqësuesit të këshilltarëve të djathtë në Bashkinë e Tiranës, Kreshnik Çollaku, ka reaguar për mbledhjen duke u shprehur se më shumë se 20 vendime janë miratuar në vetëm 12 minuta.

“Sot Këshilli Bashkiak i Tiranës, Parlamenti i Tiranës ka arritur një tjetër rekord, sa komik aq edhe tragjik. Këshilli Bashkiak i Tiranës, siç publiku ka patur mundësinë ta shohë, ka hapur dhe mbyllur mbledhjen e tij, ka miratuar më shumë se 20 vendime në vetëm 12 minuta. Kjo është tragjike dhe një fyerje e madhe për qytetin e Tiranës dhe qytetarët e tij”.

Në fakt, në rreshtat e deklaratës së PD, evidentohet fakti që këshilltarët e djathtë kanë bërë punën e tyre me ndershmëri për mbrojtjen e qytetit nga vendimet e padrejta, por këshilltarët e PD-së kanë më shumë se një vit që kanë braktisur mbledhjet e Këshillit Bashkiak.

“Në 4 vite Partia Demokratike dhe këshilltarët e saj i kanë qendruar besnik çdo vote të çdo qytetari të Tiranës që na dha besimin. Partia Demokratike dhe këshilltarët e saj, bashkë me opozitën e bashkuar në Këshillin Bashkiak kanë luftuar çdo ditë për të justifikuar këtë votë, për të mos lejuar të ngrihen taksat, të varfërohet qyteti e të vështirësohet jetesa”, thuhet në deklaratën e PD.

Këshilltarët e Djathtë, ndonëse nuk e kanë dhënë dorëheqjen apo siç do ishte ndryshe shembulli i opozitës parlamentare “djegia e mandateve”, nuk marrin pjesë në mbledhjet e Këshillit Bashkiak prej vitit të kaluar, kur nisën diskutimet për Teatrin Kombëtar. Ndaj deklarata e këshilltarëve të djathtë për mbledhjen e të premtes të Këshillit Bashkiak është në kundërshtim me vetë aksionin e tyre, që nga njëra anë thonë i kemi qëndruar çdo ditë besnik çdo vote, dhe nga ana tjetër në mbledhje nuk shkojnë prej më shumë se një viti.

Megjithatë, duke renditur disa nga ato që këshilltarët e djathtë i quajnë qëndresa të këshilltarëve të opozitës, në fund të deklaratës së PD, u bëhet thirrje qytetarëve të Tiranës që të marrin pjesë në protestën e ditës së shtunë datë qershor.

“Fjalët kanë mbaruar. Arsyet i kemi dhënë të gjitha. Njerëzit, qytetarët e Tiranës dhe të gjithë Shqipërisë po e shohin çdo ditë degradimin e këtij pushteti. Prandaj përgjigja, beteja për një Shqipëri pluraliste, të lirë e demokratike, dhe për një Tiranë të shpëtuar nga dhëmbët e oligarkëve, mafies dhe klaneve të pushtetit, është vetëm një: të shtunën me 8 qershor të gjithë në protest për Shqipëqrinë, për pluralizmin, por edhe për një Tiranë jashtë thonjëve të mafies dhe të krimit të organizuar”, përfundon deklarata.

Veliaj: E bëmë Tiranën të jetueshme, opozita mbjell vetëm dhunë

Kryebashkiaku Erion Veliaj ka zhvilluar takimin me banorët e njësisë numër 1 në kuadër të fushatës elektorale për zgjedhjet e 30 qershorit. Pas prezantimit të këshilltarëve bashkiakë, Veliaj tha se Tiranë ka ndryshuar dhe se do të vijojë ndryshimin duke e bërë kryeqytetin më të jetueshëm për të gjithë banorët.

“Ne punojmë përditë për Tiranën tonë. Ne kemi bërë gjelbërim në Tiranë, kemi bërë kryeqytetin më të jetueshëm. Jam i bindur se ka qytete ku ka probleme, por jo Tirana. Ju kujtohet Tirana para 4 viteve? Nuk punonin pusetat, nuk punonte Sahati. Kujtojmë se kopshtet dhe çerdhet ne i kishim si burgjet e asaj kohe. Sot jemi në një situatë ku ndoshta s’jemi prefekt, por kopshtet dhe çerdhet e Tiranës janë model.”

Veliaj tha gjithashtu se opozita di të përdorë vetëm dhunë dhe është shumë larg rrugës së emancipimit dhe zhvillimit, ndërsa është ndalur edhe në deklaratën e kryetares së Bashkisë Shkodër, Voltana Ademi se dëshironte të kishte hedhur një molotov në protestë.

“Dëgjova sot Voltana Ademin dhe tha që po të kisha molotov do e hidhja në Tiranë. E kush e thotë, këta që mezi presin që të pinë kafe në Tiranë e ikin nga Kamza e Shkodra, që kanë degraduar. Ka vetëm një forcë politike që bën shtet: Partia Socialiste e Shqipërisë. Këta nuk kanë respekt për qytetin, për hapësirën tonë të përbashkët. Ata edhe 1997 e bëjnë prapë, edhe Gërdecin, por shumica e njerëzve sot nuk duan dhunë, por pastërti e emancipim.”

Veliaj: Opozita u largua se nuk kishte shans të fitonte

Kryebashkiaku i Tiranës, Erion Veliaj ka zhvilluar një takim me banorët e njësisë nr.2. ku është ndalur për të bërë një rezyme të punëve të tij përgjatë këtyre katër viteve. Nga shkolla “Kosova” Veliaj ftoi qytetarët ta votojnë më 30 qershor për të vijuar me projektet transformuese të qytetit.

Gjatë fjalës së tij Veliaj foli edhe për largimin e opozitës nga zgjedhjet duke djegur mandatet. “Largimi i opozitës është frika nga gara, pasi nuk ka asnjë shans për të fituar në Tiranën që transformohet çdo ditë nga socialistët. Ndryshe nga ta, ne nuk i gjuajmë me vezë dhe as me bojë kundërshtarët, sepse nuk i konsiderojmë armiq.” theksoi Veliaj.

Kryebashkiaku sqaroi edhe pse në bluzën e tij mban nr. 2 ndryshe nga ajo e kryeministrit Rama me nr. 30 duke e lidhur atë me mandatin e tij dhe numrin rendor në fletën e votimit. “Unë po kandidoj për një mandat të dytë në Tiranë dhe janë kandidati i dytë në listën për Bashkinë e Tiranë.” tha Veliaj, i cili i uroi kundërshtarit të tij Arben Skënderi i partisë Bindja Demokratike një fushatë të mbarë dhe qytetare.

Panairi i produkteve bujqësore, Veliaj: Fokusi ynë ekonomia lokale

Këtë të mërkurë në sheshin “Skënderbej” në Tiranë, është çelur panairi tre ditor i produkteve vendase të Tiranës, i organizuar nga bashkia e kryeqytetit. Pjesëmarrëse në këtë panair kanë qenë biznese të vogla nga fshatrat e Tiranës, që merren me agroturizëm, të cilat kanë ekspozuar produktet e tyre.

Kryebashkiaku Veliaj ka vizituar stendat e këtij panairi, ku ka parë nga afër ekspozimin e produkteve të zonave rurale të Tiranës. Veliaj u shpreh se “edhe pse kemi disa tregje shumë të mira si Pazari i Ri apo tregjet e hapura nëpër lagje, por unë besoj se vetëm kur e sjellim në qendër të qytetit bujqësinë, do të thotë se e kemi seriozisht këtë punë, tregojmë që në sheshin tonë kryesor i kushtojmë tre ditë të gjithë atyre që jetojnë me djersë, ndershmëri, duke punuar tokën, duke punuar fermat e tyre, që sot është një realitet krejt tjetër në Tiranë”, tha Veliaj.

Duke pasur parasysh shifrat e INSTAT për ekonominë, Veliaj shtoi se Tirana është motori i ekonomisë së vendit. “Shqipëria po rritet ekonomikisht 4.5-5%. Ama, lajm akoma më i mirë ishte se Qarku i Tiranës po rritet me 8.5%, kurse lajmi i mirë fare është se Bashkia e Tiranës rritet me mbi 10%. Nuk ka asnjë dyshim se Bashkia e Tiranës është motori i ekonomisë, por nëse është motori i ekonomisë për të gjitha fushat, nuk ka asnjë arsye pse të mos jetë motori edhe i ekonomisë bujqësore dhe fermave”, nënvizoi Veliaj, teksa siguroi se bujqësia dhe agroturizmi do të marrin një vëmendje të shtuar.

Fokusi i punës së Bashkisë së Tiranës në këto katër vite ka qenë edhe përmirësimi i infrastrukturës dhe i shërbimeve në zonat rurale. Këto rrugë, jo vetëm kanë lehtësuar lëvizjen e automjeteve, por në të njëjtën kohë kanë afruar edhe më shumë banorët që tregtojnë produktet bujqësore të zonës me tregjet e Tiranës. Përmirësimi i infrastrukturës rrugore në zonat rurale, shoqërohet me rritje dhe diversifikim të prodhimit bujqësor, që në periudhë afatgjatë rrit të ardhurat dhe përmirëson cilësinë e jetës së banorëve të këtyre zonave.

Për t’u ardhur në ndihmë fermerëve, Këshilli Bashkiak i Tiranës mori vendimin për të thyer monopolin e tregut të shumicës. Ndryshe nga shumë vite më parë, tashmë fermerët do të mund të tregtojnë produktet e tyre në tregje që plotësojnë të gjithë standardet.

“Në mbledhjen e fundit të Këshillit Bashkiak morëm vendimin për ta thyer monopolin e tregut të shumicës në Kashar. Nuk mund të kemi një monopol ku çdo fermer i yni duhet të paguajë një taksë shumë të lartë që të hyjë te një privat, që e kishte nga ish-qeveria e kaluar. Kemi vendosur që bashkia, në anën tjetër të qytetit, në zonën e Farkës dhe të Lundrës, të hapim një treg agro-ushqimor të shumicës, për t’i thënë njerëzve që ke dy mundësi: tregun e shtetit dhe atë të privatit. Ndodh që në Bashkinë e Tiranës e bëjmë më mirë dhe më lirë të njëjtën punë që privati e bën shumë më shtrenjtë”, theksoi Veliaj.

Erion Veliaj, opozitës: S`binden qytetarët duke dhunuar qytetin

Kryetari i Bashkisë së Tiranës, që rikandidon për një mandat të dytë, Erion Veliaj, ka prezantuar këtë të hënë kandidatët për këshilltar për bashkinë e Tiranës në zgjedhjet e 30 qershorit. Gjatë fjalës së tij, Veliaj, duke iu referuar protestave të opozitës dhe dhunës së ushtruar gjatë tyre, tha se himni i Tiranës nuk është dhuna, por puna.

“Një nga gjërat që kemi bërë mirë në këtë qytet, është se pavarëisht se kemi tolerancë të madhe ne huk lejojmë kurrë që dhuna, prishja, dhe ndotja të kthehen në himnin e qytetin tonë. Himni i qytetit tonë është puna, puna, puna”, tha Veliaj.

Më pas në fjalën e tij, kryebashkiaku i Tiranës, ka bërë disa falënderime për punonjësit e pastrimit të qytetit, të cilët dje, ndonëse duhet ta kishin pushim, punuan për të pastruar qytetin pas protestës.

“Dua qe edhe sot të falenderoj publikisht të gjtihë ata që në një ditë normale, në një vnd normal, dhe në një qytet normal, dje duhet ta kishin ditë pushimi. Dje nuk do ishim duke pastruar bojën nga muret e Tiranës, nuk do ishin duke pastruar plehrat, apo nuk do ishin duke mbleddhur pemët e shkulura apo çdo gjë që digjet në Tiranë”, u shpreh Veliaj.

Në fund, Erion Veliaj tha se opozita nuk ka aftësi të bind qytetarët për ta votuar, ndaj ka zgjedhur të rekrutojë 200 rrugaçë me kapuç në kokë për të dhunuar Tiranën.

“Kur nuk ke autoritet të bindesh tek kauza jote deputetët që janë te lista në pritje, dhe kur shkojnë i marrin të gjithë mandatet, çfarë fuqie ke me bind dikë tjetër që s’është fare i partisë tënde. Patjetër mund të rekrutosh 200 rrugaçe me tuta në kokë dhe me maska për të dhunuar një qytet. Patjetër këtë mund ta bësh, këtë meritë ta jap. Por kur nuk arrin të bindësh dot”, u shpreh Veliaj.

Lista zyrtare në KQZ

BARDHYLKA VANGJEL KOSPIRI
ORION KOÇO GLIOZHENI
MIRA ZEF KAPISYZI
ADRIAN LEFTER CIVICI
KLODETA SHUAIP DIBRA
LUAN HYSNI BREGASI
SONILA LLAMBI QATO
GAZMEND LUFTAR PAJA
ROMINA ARGAR KUKO
REDI BASHKIM JUPI
ARTA KOSTANDIN DOLLANI
ALDRIN HAXHI DALIPI
DAJNA EDMOND SORENSEN
TONI JORGAQ GOGU
TEUTA KRISTAQ VODO
ALBERT PJETER NIKOLLA
ORNELA VILSON ÇUÇI
ARTUR REFIK SULA
FRIDA ASTRIT KRIFCA
ERIDIAN BAJRAM SALIANJI
ERMIRA IRAKLI GJECI
ETJEN VULLNET XHAFAJ
VJOLLCA SHUAIP BRAHO
BESFORT ADRIATIK LAMALLARI
AIDA FADIL LLAZANI
KOLI LEONIDHA BELE
GENTA PETRIT MEZINI
ERVIN BILBIL METE
DORINA NOVRUZ KUKA
PLARENT PJETËR NDRECA
JOLEZA JORGO KOKA
OLTION FATOS RRUMBULLAKU
KLODIANA ISLAM BESHKU
JULIAN BARI HODAJ
MAURA LAZER LINADI
AGIM DAUT KRAJA
BLERINA ILIR DORACAJ
HANTIN JEAN BONATI
GERTA SEFEDIN PËLLUMBI
PETRIT LEKË DESKAJ
BORA ATHIM PANAJOTI
REDI NAZIM SHTINO
ALBINA MYSTEHAK NANAJ
GLINXHET BESIM MADHI
LUIZA GAQO GRAZHDANI
ENIS FLAMUR HOXHA
IVA PETRIT BEHARAJ
GENC BERAM DUKA
ALKETA MUHARREM HILA
BAJRAM ALI SHERA
KATERINA NIKOLIN MARKU
EGERT AGIM VARGU
SARA DRITAN SHAMETI
NAIM LUTFI HALILI
XHENI NAMIK HATILLARI
ROY ILIR BASHAJ
GREJSI LULZIM BIXHI
TEDI SELAMI DERAJ
LIRI COL JANI
FATMIR ISMAIL HETI
OLSA YLLI ULQINAKU
ENI SADIK BISTRI
LAURETA KASTRIOT SINANAJ
RODOLF LLAMBI XHILLARI
KAMELA FERDINAT BANUSHI
RAMAZAN HALIT BUCI
GRESA FATMIR HOXHA
RASIM MEHMET HIDRI
ANXHELA ILIRJAN BAKIASI
ERALB MYZAFER MARA
VALBONA DITAR ZEKA
YLLI PERTEF ÇANO
RUILDA RRUZHDI LITA
AURAN SEFER XHANI
ARNISA BASHKIM LUSHAJ
KLEVIN FIQIRI LALA

Hapja e fushatës, Veliaj: Të mendojmë për gjeneratën e ardhshme, SHQUP-it i ka mbetur ora

Pasditen e kësaj të shtune, në parkun “Olimpik” në Tiranë, Partia Socialiste nisi zyrtarisht fushatën elektorale për zgjedhjet lokale të 30 qershorit. Gjatë prezantimit të tij, kryetari i bashkisë Tiranës, Erion Veliaj u shpreh se zgjedhjete 30 qershorit janë për gjeneratën e re. “Kjo është Tirana jonë. Kjo është Partia Socialiste e Shqipërisë, kjo është fitorja jonë e madhe, një mirëseardhje për të gjithë miqtë nga Shkodra, Kukësit, Elbasanit dhe të gjitha qarqeve të tjera. Sot është 1 Qershori, PS-ja ka menduar për gjeneratën e ardhshme dhe jo zgjedhjet e ardhshme, gjithmonë. Edhe sot po takohemi në një hapësirë që është për të rinjtë dhe fëmijët. Para katër vitesh bashkisë së Tiranës i kishte ngecur ora, tani i ka ardhur ora, por SHQUP-it i ka mbetur ora”, tha Veliaj.

Më tej, Veliaj u shpreh se pas katër javësh duhet të fitojë Shqipëria dhe fëmijët kudo që janë. Ai tha se më 30 qershor qytetarët shqiptarë e kanë vetë në dorë për ti dhënë fund tranzicionit. “Ne nuk mund tu themi fëmijë se Shqipëria nuk do të ketë zgjedhje dhe do të bllokohet, se një grup fëmijësh të parritur nuk janë gati për betejë. Prandaj në 30 Qershor duhet të fitojë Shqipëria dhe fëmijët kudo që janë. Shqipëria ka bërë progres, ama në 30 qershor e kemi vetë në dorë që ti japim fund tranzicionit dhe të jemi vendi dinjitoz. Gjatë këtyre viteve jemi mundur që ku ka pasur një mundësi dhe nevojë. Me Edi Ramën dhe të gjithë bashkitë atë që kemi bërë në Tiranë do të bëjmë në të gjithë Shqipërinë”, u shpreh Erion Veliaj.

Në fund, ai ftoi dy artistë, Eneda Tarifa dhe Gazmend Paja si dhe dy sportistët, Izmir Smajlaj dhe Luiza Gega, të cilët shrpehën mbështetjen e tyre për kryetarin e bashkisë së Tiranës, Erion Veliaj që kandidon në këto zgjedhje për një mandat të dytë.

“Sot me ne nuk janë vetëm socialistët, pasi besojnë se vetëm PS-ja mund ta qeverisë cdo bashki me dinjitet. Për të gjithë ata për të cilët fëmijë është më i rëndësishëm se partia dhe nuk duan të kthehen në 1997 dhe e duan Shqipërinë si gjithë Europa, është Partia Socialiste. Ka njerëz të cilët mendojnë se vetëm ne socialistët e kemi këtë opinion, por ftoj dy miqtë e mi sportisë dhe artistë. Para se Edi të fillojë, i kemi dëgjuar edhe të tjerët, nuk kanë ide dhe vizion thonë vetëm ‘Rama ik’. Si provë e faktit që i kemi dëgjuar, ca herë jemi dakord, po Rama duhet të ikë përpara fort për të drejtuar Shqipërinë”, përfundoi Veliaj.

Nënkalimi tek ‘Shqiponja’, Veliaj: E nevojshme, por një pakicë zgjedh të bëjë zhurmë

Në një tryezë të përbashkët pune mes Kryetarit të Bashkisë Tiranë, Erion Veliaj me Ministren e Infrastrukturës dhe Energjisë, Belinda Balluku, Drejtoreshën e Përgjithshme të Autoritetit Rrugor Shqiptar, Sonila Qato dhe ekspertët e urbanistikës është prezantuar projekti për nënkalimin tek sheshi ‘Shqiponja’. Gjatë fjalës së tij Veliaj tha se projekti është një zgjidhje më miqësore me mjedisin dhe zhvillimin urban të zonës. Kryebashkiaku theksoi se nënkalimi do të zgjidh trafikun në këtë pjesë të qytetit dhe se një pakicë e vogël kërkon të bëjë zhurmë kot për të penguar zgjidhjen e problemit të shumicës së qytetarëve.

“Lajmi i mirë për dikë që jeton te Astiri dhe që nuk vesh uniforma politike, është se i ka rënë ‘bingo’. Pra, aty kalon nyja që në 10 vitet e ardhshme do të jetë nyja më nevralgjike, me më shumë prioritet për bizneset, për tregtinë, për vendosjen strategjike të çdo ndërtese dhe të çdo shërbimi në hyrje të Tiranës. Është fakt se sot shumë prej ish-protestuesve janë përfitues jo vetëm të Planeve të Detajuara Vendore, për të cilat kanë filluar kantieret e para. Pra, nga një vend komplet i humbur kaloi në një zonë ku jo vetëm merr vlerë, ku një pronar real i atij komuniteti sot do të përfitojë më shumë prej këtij zhvillimi se çfarë përfitonte nga teneqet, zaptimi, kasollet dhe të gjithë improvizimet që ndodhin në këtë territor. Sigurisht, për ata që janë pa asnjë pronë, pa asnjë të ardhur, pa asnjë letër, kemi filluar një trajtim social. Kemi sot familje që jetojnë shumë herë më mirë te banesat sociale, që i kanë me letra dhe që i kanë me gjithë rregullat e shtetit, krahasuar me çfarë i kemi gjetur mbi pusetat dhe kolektorët tek zona e Astirit. Unaza do bëhet, do bëhet me cilësi, do bëhet brenda kostos, do bëhet në kohë rekord, dhe besoj që për Tiranën dhe Shqipërinë që e sheh Tiranën si një kryeqendër ku mbaron edhe punët e veta, është një lajm i jashtëzakonshëm. Ky është momenti ideal që të ndajmë mendjen për investimin që do të bëjmë tek “Shqiponja”, ku falë kontributit të Ministrisë së Transporteve qyteti do të trashëgojë dhe do të marrë si pajë një nga investimet që ndodh një herë në 100 vjet. Ndaj, nuk kemi kohë të lejojmë që një minorancë e zhurmshme partiake të pengojë shumicën e qytetit që do të lëvizë apo edhe shumicën e banorëve aty që, në fund fare, duan zgjidhje.” tha Veliaj

Ministrja e Infrastrukturës dhe Energjisë, Belinda Balluku vlerësoi se ky projekt do të zgjidh trafikun që krijohej në hyrje të qytetit.

“Tiranës nuk i shkon që të ketë një barrikadë në hyrje të saj. Ne jemi një kryeqytet që kemi hapur dyert dhe kërkojmë të ftojmë të gjithë ata që jetojnë jashtë Tiranës apo jashtë vendit, dhe barrikadat e betonit kanë vite që nuk na shkojnë. E parë në syrin e një qytetari që jeton në këtë qytet, që rrit fëmijë në këtë qytet, ky që propozojmë sot është një projekt që i shkon qytetit tim, ku unë jam lindur e rritur, ku rris fëmijët e mi, ku dua të ketë sipërfaqe të gjelbra, por edhe zgjidhje teknike për automjetet që do të vijnë, duke shtuar korsi për biçikletat dhe këmbësorët” u shpreh Balluku.

Gjendja e bulevardit pas protestës

Ajo që mbeti pas protestës në bulevardin “Dëshmorët e Kombit” ishte një katrahurë letrash, banderolash, shishes dhe tymuese e shashka që protestuesit hodhën më herët. Gazetarët e realstory.al në terren raportuan gjendje që protestuesit lanë pas, ku gjithçka duket e qartë në foto.

I menjëhershëm ka qene edhe reagimi i Bashkisë Tiranë, që është vënë në aksion për pastrimin e bulevardit “Dëshmorët e Kombit”. Me një postim në Facebook kryebashkiaku Veliaj falënderon kolegët që e kanë “bërë xixë sërish” bulevardin.

Faleminderit kolegëve, qyteti xixë serish. ✨ #TiranaBackToNormal 👍🇦🇱
Gepostet von Erion Veliaj am Samstag, 25. Mai 2019