Zhgënjim në Europë, Kukësi largon Ernest Gjokën

Pas dështimit në turin e parë të Europa League, Kukësi ka vendosur të shkarkojë trajnerin Ernest Gjoka. Me një deklaratë publike, skuadra verilindore shkruan se “trajneri Ernest Gjoka nuk do të jetë më në krye të skuadrës së Kukësit. Vendimi është marrë pas rezultateve zhgënjyese të ndeshjeve kualifikuese të Europa League. Klubi ynë trajnerit Gjoka i ka dhënë gjithë mbështetjen e mundshme, sidomos pas rikthimit të tij në krye të pankinës së skuadrës nënkampione të Shqipërisë”.

“Kukësi falenderon trajnerin Gjoka për punën e bërë në krye të ekipit. Shumë shpejt, klubi do të njoftojë për emrin e trajnerit të ri, i cili objektiv kryesor do të ketë fitimin e titullit Kampion, Kupës së Shqipërisë si dhe përfaqësim sa më dinjitoz në Kupat e Europës”, shkruhet në komunikatën e ekipit Verilindor.

Megjithatë, pas publikimit të këtij lajmi, mësohet se trajneri që pritet të marrë drejtimin, është emri i Ilir Dajës. Mësohet, se ish-trajneri i disa ekipeve në Superligë, sezonin e fundit me Flamurtarin, ka pasur një takim me presidentin e Kukësit Safet Gjici, por klubi ende nuk ka konfirmuar asgjë. Kukësi u eliminua nga Debrecen, pasi humbi në ndeshjen e parë dhe barazoi në kthim, në turin e parë të Europa League.

Largimi i Gjokës, Kukësi: Janë lajme të pavërteta, duan të na shpërqëndrojnë

Kukësi ndodhet në një moment delikat të sezonit, teksa skuadra verilindore ende nuk e ka siguruar vendin e dytë në renditje dhe si rrjedhojë pjesëmarrjen në kupate e europës sezonin e ardhshëm. Ndëkohë, një tjetër objektiv që mbetet për tu realizuar është fitorja e Kupës së Shqipërisë në finale në Tiranë, trofe që do të zbuste disi tensionin sezonal në skuadrën verilindore.

Megjithatë, ende pa u mbyllur kampionati dhe pa u luajtur finalja e Kupës së Shqipërisë, mediat kanë shkruar se skuadra verilindore do të ndryshojë trajner. Ky lajm ka trazuar disi qetësinë në shtëpinë e “Bluve”, të cilët kanë reaguar zyrtarisht duke përgënjeshtruar gjithçka.

Njoftim i Klubit!FK Kukësi i konsideron të pavërteta lajmet e përhapura sot në media, sikur në bankinë do jetë një nga…

Gepostet von F.K Kukësi Albania am Donnerstag, 23. Mai 2019

Kukësi i konsideron të pavërteta lajmet e përhapura sot në media, sikur në bankinë do jetë një nga trajnerët aktualë që drejton për momentin një tjetër ekip të Superligës. Presidenti dhe klubi i kanë dhënë dhe po i japin mbështeje maksimale ekipit dhe trajnerit Ernest Gjoka, për të kapur dy objektivat, që janë: Vendi i dytë në Superligë dhe fitimi i Kupës së Shqipërisë”, thuhet ndër të tjera në komunikatën e Kukësit.

Më tej, klubi shprehet se deklarata të tilla kanë si synim shpërqëndrimin e ekipit, duke konfirmuar se pas sezonit, vëmendja do të përqëndrohet te faza përgatitore me qëllim paraqitje dinjitoze në kupat europiane.

“E gjithë vëmendja është përqëndruar te këto dy sfida dhe aspak në ndryshimin e stafit. Lajme të tilla, perveçse të pavërteta, synojnë të sjellin shpërqëndrim te ekipi, por përvoja e lojtarëve dhe stafit bëjnë që përgjegjësia të jetë tepër e madhe. Ekipi është përqëndruar maksimalisht te stërvitja dhe objektivat, dhe me pas te faza përgatitore dhe përfaqësimi dinjitoz në Europë, duke ruajtur bazën e ekipit dhe stafin”, përfundon deklarata e Kukësit.

Ernest Gjoka: Për mua vendos Gjici, disa lojtarë do qëndrojnë dhe për sezonin tjetër!

Ernest Gjoka ka folur në konferencë për shtyp një ditë para ndeshjes së radhës në kampionat. Trajneri i Kukësit ka folur për disa tema, përfshi dhe të ardhmen e tij dhe të disa lojtarëve, që janë ende në dyshim për sezonin tjetër. Ai tha se klubi ka rënë dakord që disa lojtarë të qëndrojnë edhe për sezonin tjetër. Ndërsa ka konfirmuar se Reginaldo do të jetë në planet e klubit për të ardhmen, Gjoka u shpreh se për të ardhmen personale do të ulet të bisedojë me Safet Gjicin.

Dyshimet dhe akuzat – “Nuk kam koment dhe nuk më pëlqen të futem në jetë vorbull fjalësh. Jemi mësuar që problemet janë aty, edhe kur fitojmë, edhe kur humbasim”

Të huajt, kontratat dhe finalja në qershor – “Nuk e kemi bërë ne kërkesën për afrim të finales, ishte propozim i FSHF-së. Ne dhamë OK, që finalja të luhej në 31 maj. Më vonë doli që disa klube refuzuan dhe nuk u ndryshua asgjë. Për lojtarët dhe kontratat, në duam që të vijojmë me këtë grup lojtarësh. Presidenti është OK me këtë ide, sepse grupi aktual ka cilësi dhe vitin tjetër do jetë edhe më cilësor. Ky vit shërbeu për konsolidim dhe asimilim mentaliteti, vitin e ardhshëm do të synojmë titullin”

Reginaldo? – “Është pjesë e planeve të klubit edhe për sezonin e ardhshëm. Sigurisht, flas për pjesën e klubit, pastaj çdo lojtar vendos në varësi të interesit dhe ofertave. Për ne është shumë i rëndësishëm. Në datën 2 për finalen ai do jetë në dispozicion, absolutisht”.

Fokusi te finalja – “Jo, duhet të bëjmë mirë këto 3 javë për të ruajtur vendin e dytë dhe për të mbajtur ekipin në formë perfekte. Skënderbeu ka synimet e veta, por edhe ne kemi synime dhe kjo e bën ndeshjen shumë interesante”.

Skuadra – Deri tani jam shumë i kënaqur, ekipi ka reaguar mirë, edhe pse kemi pasur shumë dëmtime. Kemi luajtur shumë ndeshje në pak kohë, me shumë mungesa, ndaj po bëjmë mirë mendoj”.

Shkurtaj e Shameti – “Shkurtaj u dëmtua në Gjirokastër dhe nuk do jetë nesër. Është në terapi të vazhdueshme, do jetë gati pas një jave. Shameti ka ndjerë sërish dhimbje dhe nuk do jetë i gatshëm”.

Merkato – “Së pari, nuk shohim dot aq larg, sepse kemi objektiva shumë madhore përpara. Së dyti, ky grup ka cilësi, ka pasur nevojë për pak koordinim dhe shumë qetësi”.

E ardhmja – “Në futboll nuk ka asgjë të sigurt. Unë varem nga rezultatet, natyrisht. E kam gjetur ekipin në një moment jo të mirë psikologjik, kemi punuar shumë dhe duam të arrijmë synimet që kemi, para se të flasim për vazhdimësinë me presidentin”.

Kupa, Gjoka: Me Skënderbeun vendos përvoja, mungesat janë problem!

Kukësi do të përballet me Skënderbeun në gjysmëfinalen e Kupës së Shqipërisë, duke synuar përsëritjen e suksesit të disa sezoneve më parë.

Ernest Gjoka ka folur në konferencën për shtyp një ditë para ndeshjes, duke theksuar se skuadra është penalizuar nga mungesat e shumta.

Megjithatë, ai shprehet optimist dhe beson shumë në kualitetet e skuadrës, përfshi sulmuesit, që sipas Gjokës, ka dyshen më të mirë të kampionatit.

Ndeshja më e rëndësishme? – E vërtetë, shumë e rëndësishme për objektivat e klubit. Vendi i parë në kampionat është larg, ndaj kupa merr rëndësi të dyfishtë. Do të mundohemi të bëjmë mirë dhe të vazhdojmë përpara.

Mungesat? – Problem shumë i madh, Shameti, William Cordeiro, Valdet Rama, Dzaria, Maliqi, Musolli. Jemi të penalizuar, kaq shumë mungesa do i krijonin probleme kujtdo. Gjithsesi, kam besim, sepse këto ndeshje janë përmbledhja e një viti më sakrifica. Janë të gjithë lojtarë titullarë, janë shumë mungesa dhe e pranoj që na prishin shumë punë. Kam shpresë të madhe se nëse do jemi kompaktë pas, duke pasur lojtarët që kemi përpara mund të shënojmë gjithnjë.

Marrëdhënia me Gjicin? – E dini që ai kërkon gjithnjë sukses dhe na kërkon të kualifikohemi. Ai priste të luftonim për titull, është i bindur se duhet të luftojmë deri në fund edhe në kampionat. Pak zhgënjim ka pasur, por nëse fitojmë Kupën kjo skuadër ka të ardhme të rëndësishme dhe pak përforcime do i duhen.

Kupa? – Duhet kujdes, për të mos pësuar gol në radhë të parë, sepse janë ndeshje specifike, duhet të mendojmë edhe për kthimin.

Ndryshimet në skemë? – Do të bëjmë, jemi të detyruar, por kam besim tek të gjithë lojtarët.

Skënderbeu? – Klub i madh, me skuadër cilësore dhe eksperiencë e mentalitet fituesi, por edhe ne nuk mbetemi pas në këtë drejtim.

Skënderbeu me i dobët? E vërtetë, por ka ende disa lojtarë me eksperiencë e shumë cilësi. Këto janë ndeshje ku vendos përvoja, ndaj duhet vlerësim maksimal.

Luhet në Kamzë? – Sigurisht kam folur me ekipin dhe skuadrën. Na duhet shtëpi, Kamza është zgjedhja ideale. Tifozët nuk vijnë dot në Elbasan e Shkodër, Kamza është e vetmja alternativë ku kemi tifozët më vete. Natyrisht, fusha nuk është super, por do ta kompensojnë tifozët.

Presioni mbi ekipin? – Trajneri këtë detyrë ka, të bëjë urën lidhëse mes ekipit e presidentit. Unë e kam për detyrë të ul presionin mbi ekipin, sepse jo gjithnjë mund të fitohet në futboll. Unë jam i hapur të përballem me presidentin për çdo diskutim, pa lënë që skuadra të përballet me kritikat. Te Kukësi luhet për titull, këtë e di unë dhe e dinë mirë edhe lojtarët, që nuk kanë qetë të qetë, por janë përshtatur shumë shpejt me atë që dua.

Rexhinaldo e Shkurtaj, çfarë ka ndryshuar? – Unë kërkoj të luaj me 2 sulmues. Është fat i madh që kam gjetur këtu Rexhinaldon, që e doja që kur isha herën e fundit të Kukësi, dhe Shkurtaj, dy sulmuesit më të mirë në Shqipëri. Janë lojtarë me tipare të ndryshme, dinë të përshtaten dhe do mundohem t’u marr maksimumin, duke luajtur bashkë. Janë dy shënuesit më të mirë, janë sulmuesit më të mirë, më thoni kush janë mbi ta. Do ta shihni që shumë shpejt do kemi një sulm edhe më të fortë.

Garancia për të ardhmen? – Vetëm suksesi, çdo trajner është me çantën gati dhe varet nga rezultatet.

Reginaldo: Gjoka na ndryshoi, ai flet shumë me ne!

Artur Reginaldo ka shoqëruar trajnerin Ernest Gjoka në konferencën për shtyp, mbajtur një ditë para ndeshjes së parë gjysmëfinale të Kupës së Shqipërisë kundër Skënderbeut.

Reginaldo është pyetur nga gazetarët për shumë tema, ndërsa sulmuesi mozambikas ka treguar situatën në skuadêr, duke theksuar faktin se ardhja e Ernest Gjokës në krye të Kukësit ka ndryshuar mabientin në ekip.

Sezoni me Kukësin?- “Kam luajtur me Luftëtarin, më pas me Laçin dhe tani jam në një ndër ekipet më të mëdha në Shqipëri. Kukësi do të fitojë gjithçka, por tani titulli është i vështirë, ndaj duhet të përqendrohemi sidomos të kupa.

Ardhja e Ernest Gjokës?- Jam i lumtur, mentaliteti ka ndryshuar dhe skuadra është shumë kompakte. Trajneri flet shumë me ne, çdo lojtar po jep maksimumin e vet dhe jemi të e kënaqur.

Rinovimi me Kukësin?- Së pari duhet të mendojmë për Kupën, duam sukses dhe më pas do të mendojmë për të ardhmen.

Golat e shënuar? – Shënova me shumë vjet, por ndihem mirë, po mundohem të jap maksimumin dhe duam Kupën.

Ardhja e Shkurtaj? – Futbolli është garë, secili mundohet të japë maksimumin dhe duam fitore, duke ndihmuar gjithë ekipin, nuk ka rëndësi kush pason e kush shënon. Rëndësi ka të fitojë Kukësi.

Përballja me Skënderbeun?- Ekip i fortë, dihet, por unë dua të fitoj diçka në Shqipëri dhe trajneri është fitues, ndaj do të japim maksimumin.

Goli me Kukësin vjet?- Unë jap maksimumin për çdo ekip ku luaj, tani jam i Kukësit dhe dua të bëj të njëjtën gjë, duke shpresuar këtë radhë ta fitojmë trofeun dhe unë të dal golashënuesi më i mirë

Gjoka flet para Tiranës: Detyrë të mbajmë vendin e dytë!

Ernest Gjoka e mori drejtimin e Kukësit në një moment delikat, kur skuadra verilindore doli nga objektivi për fitoren e titullit kampion dhe shfaqi rrezik për pozitat në vendin e dytë të renditjes. Megjithatë, ndeshjet e mbetura janë të gjitha në dorë të Kukësit dhe qëndrimi në vendin e dytë varet po nga skuadra verilindore. Gjatë konferencës së sotme për shtyp, trajneri Ernest Gjoka, ka analizuar skuadrën e tij në prag të sfidës me Tiranën. Ai ka theksuar se ekipi tani ka për detyrë të ruajë vendin e dytë në renditje.

Gara në javët e mebtura- “Sa po vijnë e vështirësohet gjërat. Ne objektivat tona i kemi përcaktuar më përpara. Tashmë duhet të blindojmë vendin e dytë dhe të shkojmë deri në finalen e Kupës së Shqipërisë”.

Tirana kundërshtari i radhës- “Tirana është në një moment të vështirë dhe kjo e bën edhe ndeshjen mjaft të vështirë. E dimë që do jenë agresive nesër dhe do kërkojnë gjithçka. Kjo do të rrisë më shumë adrenalinën e ndeshjes. Edhe ne kemi objektivat tona, na duhen patjetër rezultate pozitive për të arritur objektivat që kemi. Nesër shkalla e vështirësisë është maksimale”.

Humbja me Flamurtarin- “Futbolli prandaj është i bukur, pasi është i paparashikueshëm. Kur menduam se e kishim ndeshjen nën kontroll, kur po luanim mirë, po krijonim dhe po humbnim raste, atëherë na goditi kundërshtari në një moment që loja ishte nën kontrollin tonë. Në analizën që kemi bërë me ekipin u kam thënë djemve që ajo ndeshje duhet të na bëhet mësim. Duhet të jemi më cinikë. Nëse shënonim, ndoshta do ishte ndryshe. Pësuam një humbje që nuk duhej, pasi do i shërbente skuadrës për moralin. Do kishim bërë nja hap më të sigurt për vendin e dytë. Shohim përpara”.

Kalendari – “I kam thënë skuadrës që këto tetë javë janë sa një vit për objektivat. Kështu që për ne nuk ka më e diel e mërkurë. Të gjitha janë ndeshje të rëndësishme. Problemi janë dëmtimet, madje të parikuperueshme dhe që zgjatin. Kështu që do shtrëngohem dhe kam besimin që çdo lojtar që do të jetë në fushë do të japë maksimumin”.

Mungesa e rezultateve – “Edhe kur isha jashtë Kukësit, thuhej që kjo skuadër ka cilësi. Kjo pranohet nga të gjithë. Një nga faktorët që ka ndikuar është stadiumi, ekipi ka luajtur ashtë. Akoma nuk kanë gjetur një ekuilibër për të luajtur. Ky është një nga problemet. Skuadra kurrë nuk ka dhënë maksimumin për cilësitë që ka. Ka pasur kohë shumë, por edhe pak. Në janar prurjet nuk e kapën mentalitetin e Kukësit. Ata duhet ta kuptojnë që janë skuadra elitare. Kur vjen te Kukësi, vjen për të dalë kampion. Këtu nis presioni dhe kush nuk e kupton bie moralisht seria të kape ritmin. Disa nga këto faktorë kanë ndikuar që Kukësi të bëjë disa hapa fals. Sigurisht edhe Partizani ka bërë një kampionat shumë të mirë, por edhe Kukësi e ka ndihmuar pa dashje të shkëputet kaq shumë”.

Stadiumi – “Sigurisht që do të jetë e vështirë. Presidenti po mundohet që tani që të sigurojë një shtëpi për Kukësin, që të jetë një stadium i përhershëm për gjithë vitin tjetër. Kjo gjë do të ishte shumë pozitive për Kukësin. Një vend që po mendohet nga presidenti të marrë stadium me qira është një stadium që ka shumë banorë nga Kukësi. Në Kamëz? Sigurisht.”

Ernest Gjoka prezantohet te Kukësi

Trajneri i ri kryen stërvitjen e parë me ekipin

Ernest Gjoka ka nisur zyrtarisht punën te Kukësi, duke përgatitur ndeshjen e radhës të kampionatit kundër Laçit.

Pas shkarkimit të Ramzan Ndreut, Gjoka ka marrë drejtimin e skuadrës verilindore, ekip të cilin e ka drejtuar më herët, duke u shpallur dhe kampion i vendit.

Fillimisht, trajneri i ri është prezantuar me futbollistët dhe pjesën e mbetur të stafit teknik, ndërsa më pas ka vijuar stërvitjen.

Së bashku me Ernest Gjokën është prezantuar dhe ndihmësi i tij i ri Fatjon Tafaj, që do të jetë trajner i dytë bashkë me zëvendës trajnerin tjetër Rrahman Hallaçi.

Ndonëse matematikisht Kukësi ende nuk e ka dalë nga gara për të fituar titullin kampion, skuadra verilindore e ka të vështirë të bëjë një mrekulli.

Gjoka debuton nesër, Kukësi me mungesa ndaj Laçit

Mbrojtësi Gëzim Krasniqi ka këputur tendinën

Kukësi do të përballet me Laçin në takimin e parë të fazës së katërt të kampionatit. Tashmë në stolin e skuadrës verilindore është ulur Ernest Gjoka, trajner që zuri vendin e Ramazan Ndreut, pasi ky i fundit u shkarkua në fund të takimit të humbur me Kastriotin.

Mirëpo lajmet nuk janë shumë të mira për skuadrën verilindore, pasi një nga mbrojtësit kryesor të ekipit, Gëzim Krasniqi, nuk do të jetë më i gatshëm për skuadrën deri në fund të sezonit.

Krasniqi u dëmtua gjatë ndeshjes me Kastriotin, duke lënë fushën e lojës me barrelë. Pas vizitave mjekësore është mësuar se Krasniqi ka këputur tendinën dhe nuk mund të luajë për disa kohë.

Foto: Gëzim Krasniqi duke dalë me barrelë nga fusha e lojës në takimin Kastrioti Kukësi!

Mediat raportojnë se dhe disa futbollistë të tjetër në ekipin e Kukësit kanë probleme, siç është rasti i Irakli Dzarias, që sipas “Vipsport”, ka shfaqur probleme shëndetësore. Për këtë arsye gjeorgjiani ende nuk dihet nëse do të jetë gati për trajnerin Gjoka.

Ernest Gjoka rikthehet në krye të Kukësit pas dy vitesh, që nga koha kur ekipin verilindor e shpalli kampion të vendit në sezonin 2016-2017. Tashmë, trajneri kryeqytetas, merr përsipër një aventurë të re, për të mbajtur Kukësin në kupat e Europës, mision i cili do të jetë i vështirë deri në fund të kampionatit.

Çështja e titullit kampion duket e mbyllur, pasi skuadra verilindore është 9 pikë larg Partizanit kryesues. Në nëntë javët e mbetura të Superligës do duhej një mrekulli që gjërat të ndryshonin, ndonëse matematika lejon gjithçka.

Gjoka: Flamurtari ekip i madh, por fitojmë ne!

Ernest Gjoka debutoi me fitore pak ditë më parë ndaj Laçit si trajner i Kukësit. I rikthyer në këtë detyrë tek ekipi verilindor pas dy sezonesh, Gjoka synon që të përsërit një tjetër sukses këtë javë. Kukësi do të përballet me Flamurtarin, ekip që ka fituar dy ndeshjet e fundit dhe vjen tepër i motivuar. Megjithatë, Ernest Gjoka, ka analizuar situatën në ekipin e tij, gjatë konferencës për shtyp të dhënë ditën e sotme, teksa është shprehur optimist për fitore.

Flamurtari, ekip që ka befasuar…

E vërtetë, ndeshje shumë e vështirë, ndaj një rivali më emër të madh dhe më lojtarë cilësorë dhe trajner kampion. Gjithsesi, duam rezultat pozitiv, pa e parë shumë renditjen.

Ndryshimi te Kukësi, a ka nisur që nga ndeshja me Laçin?

Një nga gjërat kryesore është se këtu kisha lënë një mentalitet dhe ide që për të arritur sukses duhet luajtur mirë. Grupi u përshtat shumë mirë, ndoshta kanë ndikuar edhe lojtarët që kanë qenë këtu në kohën time. Nuk kam ndryshuar dot shumë gjëra, kam punuar sidomos në aspektin psikologjik, aty duhej punë.

Ngërçi në ekip, a është kaluar?

Nuk është aq e lehtë, por lojtarët që kam drejtuar edhe më herët ndikojnë shumë në futjen e frymës së duhur në grup.

Musolli, a është gati të luajë titullar?

I ka kaluar testet, mendoj se është gati. Testi në Laç, me 30 minuta, shërbeu për të kuptuar sa gati është dhe e kaloi, ndaj është gati të luajë titullar. Për mua është shumë i rëndësishëm, ashtu si Shameti e Rrumbullaku, që ma njohin mirë mënyrën e punës. Është një nga liderët te ky Kukës.

Rexhinaldo e Shkurtaj…

I vlerësoj shumë, janë lojtarë cilësorë dhe që mund të japin shumë. Mendoj e duhet të punojmë dhe të gjejmë mënyrën për t’i bërë të funksionojnë shumë mirë së bashku.

Presioni për trofe dhe deklarata e Gjicit që trajnerët duhet të arrijnë rezultate menjëherë…

Është normal, presidenti Gjici ka investuar shumë dhe kërkon trofe, si çdo president. Kushtet janë, besoj se i kemi të gjitha mundësitë për ta mbyllur sezonin me trofe.

Grupi, a do të ruhet edhe sezonin e ardhshëm?

Duhet ruajtur ky grup për një periudhë afatgjatë, për të ndërtuar diçka serioze. Uroj që grupi të ruhet, sepse është shumë cilësor.

Flamurtari një deja vu, e ke drejtuar edhe vetë në krizë totale dhe ke fituar kupë…

Po, e kam përjetuar atë situatë, mes vështirësish pa fund kemi fituar edhe kupën në Vlorë. Kjo më bën ta vlerësoj edhe më shumë punën e trajnerit Daja në Vlorë. Edhe skuadrës i kam kërkuar ta vlerësojë në maksimum ndeshjen e nesërme, sepse sfida të tilla janë shumë të vështira. Skuadra si Flamurtari, që nuk kanë presion të madh mbi vete, japin më të mirën dhe shpesh marrin rezultate shumë të mira.

Titullin e fituat me stadiumin plot në Kukës, tani do luash në stadiume bosh…

E vërtetë, është ndryshim i madh dhe është shumë e vështirë të luash pa tifozët. Jam i bindur se këtë sezon Kukësi do kishte shumë më tepër pikë nëse do luante në Kukës. Gjithsesi, presidenti Gjici edhe për këtë arsye ka ndërtuar një ekip të kompletuar, që të kalohen edhe këto pengesa. Natyrisht uroj që sezonin e ardhshëm Kukësi të ketë stadiumin e vet.

Kukësi plangprishës kthen Gjokën

Verilindorët ndryshojnë përsëri trajner pas humbjes me Kastriotin

Kukësi është mundur dje nga Kastrioti me përmbysje në fushën e këtyre të fundit me rezultatin 2-1. Skuadra e drejtuar nga trajneri Ramazan Ndreu nuk arriti të mbrone rezultatin pozitiv të pjesës së parë, me gol të shënuar nga shtatlarti Vasil Shkurtaj. Dy gola të krutanëve të shënuar në pjesën e dytë, kanë bërë që trajneri i Kukësit, Ramazan Ndreu, të largohet nga drejtimi i skuadrës. Menjëherë pas përfundimit të ndeshjes, kur trajneri ishte ende duke folur për mediat për analizën e takimit, Kukësi njoftoi zyrtarisht ndërprerjen e bashkëpunimit më trajnerin Ndreu. Sipas klubit verilindor, trajneri krutan nuk arriti të menaxhonte si duhet ndehjen.

FK Kukësi njofton se, pas humbjes sot në Fushë Krujë me rezultatin 2 – 1 ndaj KS Kastriotit, shkarkohet Ramazan Ndreu . Trajneri nuk menaxhoi si duhet lojën dhe ishte shumë inaktiv në pankinë. Numri një i pankinës kuksiane ka patur mbështetje maksimale nga klubi dhe Presidenti, por humbja e sotme e ngarkon me përgjegjësi të plotë. Në vijim do kemi komunikime të tjera me publikun”-shkruhet në njoftimin e klubit të Kukësit.

Pak orë më pas, klubi verilindor i vendit reagon përsëri me një tjetër komunikatë të publikuar në faqen zyrtare në Facebook. Në njoftimin e dytë të klubit, mësohet emri i ri i trajnerit që do të drejtojë Kukësin në nëntë ndeshjet e mbetura të kampionatit. Safet Gjici ka zgjedhur ish-trajnerin Ernest Gjoka, që  shpalli Kukësin kampion të vendit dy sezone më parë, për të drejtuar skuadrën.

Ernest Gjoka rikthehet në pankinën e Kukesit në vend te Ramazan Ndreut , i larguar sot pas humbjes me Kastriotin. Gjoka ka dalë Kamipon me Kukësin për herë të parë dhe njeh mirë ekipin dhe klubin e Kukësit. Objektiva te Klubit dhe të trajnerit të ri mbeten loja e fortë dhe mos heqja dorë nga titulli Kampion derisa e lejon matematika dhe fitimi Kupës së Shqipërisë”-thuhet në njoftimin e klubit.

Skip to toolbar