Salihi: Turqia e mirë, por i njohim pikat e dobëta

Zëvendëstrajneri i ekipit tonë kombëtar, Hamdi Salihi foli para nisjes së ndeshjes kundër Turqisë. Ai u shpreh për TVSH, se kundërshtari është rritur nga ndeshja në ndeshje, por sipas tij, kuqezinjtë do mundohen të bëjnë mirë duke shfrytëzuar pikat e dobëta të Turqisë.

 “Kemi një kundërshtar të vështirë, janë rritur nga ndeshja në ndeshje. I kemi marrë masat mirë dhe do përballemi denjësisht. Janë disa pika të forta të Turqisë, por ne kemi gjetur disa pika të dobëta ku do mundohemi të bëjmë mirë. Me goditjet standarde besojmë se do i shfrytëzojmë”, tha Salihi.

Ai shtoi se kombëtarja, pavarësisht dëshirës për kualifikimin në Euro 2020, nuk e ka luksin për një sfidë aventure. “Nuk e kemi luksin të shkojmë në aventurë, do jemi të ekuilibruar, do mundohemi ta fitojmë lojën”, përfundoi ish-sulmuesi i kombëtares, që tashmë është numri dy i saj.

Tirana-Kastrioti për mbijetesë, Edy Reja në stadium me laps e letër (foto)

Kur kanë mbetur vetë dy ditë nga nisja e grumbullimit të ekipit tonë kombëtar në Durrës, trajneri Edy Reja, i shoqëruar nga ndihmësit e tij, Ervin Bulku dhe Hamdi Salihi, ka zgjedhur të ndjekë një nga ndeshjet e Kategorisë Superiore, që po luhet këtë të shtunë.

Derbi i mbijetesës mes Tiranës dhe Kastriotit, që është luajtur në “Selman Stërmasi”, ka pasur pikërisht spektatorin VIP, trajnerin e ekipit kombëtar, Edy Reja.

Trajneri ka qenë aktiv gjatë gjithë ndeshjes, duke u konsultuar për futbollistët e të dyja ekipeve. Gjithashtu, 73-vjeçari ka mbajtur shënime gjatë kohës që ishte duke u luajtur takimi në “Selman Stërmasi”.

Nuk dihet me siguri nëse Edy Reja ka pasur ndonjë mision të veçantë për të parë ndonjë nga lojtarët e dy ekipeve, dhe më pas për t’i nisur ftesë për grumbullim. Gjithashtu, si ish-futbollist i Tiranës, në “Selman Stërmasi” ka qenë i pranishëm dhe mesfushori i Kombëtares, Andi Lila.

Skip to toolbar