Mëngjesin e të premtes një trup i pajetë është gjetur në fshatin Maricaj në Tepelenë.
Trupi është i një mashkulli rreth moshës 50 vjeç.
Dyshohet se trupi është i një çobani që jetonte në këtë zonë. Viktima është gjetur i mbytur në lum.
Trupi i gjetur i pajetë ende nuk është identifikuar.
Në vendin e ngjarjes shkuan forca të policisë dhe po punojnë për zbardhjen e plotë të rrethanave të ngjarjes.
Është gjetur trupi i pajetë i një personi pranë një ure në lumin e ndodhur në fshatin Skuraj të Kurbinit.
Raportohet se bëhet fjalë për shtetasin Luigj Gjeloshi, i cili dyshohet të jetë mbytur në lumë.
Ende nuk dihen rrethanat e ngjarjes, ndërkohë ambulanca dhe forcat zjarrfikëse kanë mbërritur në vendngjarje dhe kanë bërë të mundur nxjerrjen e trupit të 54-vjeçarit
Sakaq, policia ka hapur hetimet për zbardhjen e plotë të rrethanave.
Pas tre ditësh i zhdukur në det, gjendet trupi i pajetë i 18-vjeçarit, emri i të cilit jepet vetëm me inicialet E.M. Tre ditë më parë, 18-vjeçari u fut për tu larë në plazhin e quajtur “Rana e Hedhun” në Shëngjin, dhe prej atij momenti nuk u gjet.
Familjarët denoncuan në policinë e Lezhës humbjen e të afërmit të tyre, ndërsa menjëherë pas këtij momenti, polumbarët e forcave RENEA nisën kërkimet.
Ndonëse angazhimi për të gjetur trupin e 18 vjeçarit në ujërat e detit Adriatik ishte maksimal, trupi i tij është gjetur mbrëmjen e së mërkurës nga disa peshkarexha peshkimi, të cilat kanë lajmëruar më pas autoritetet e policisë lokale të Lezhës.
Gjatë ditëve të fundit në ujërat e bregdetit tonë kanë humbur jetën disa persona, të cilët pasi janë futur për tu larë, nuk kanë mundur të dalin më prej ujit.
Bilanci tragjik i të mbyturve mund të kishte qenë edhe më i lartë, nëse gjatë fundjavës nuk do të ishte bërë shpëtimi i tre pushuesve në plazhin e Velipojës, të cilët gjithashtu rrezikuan të mbyten. Ishin pueshuesit që u erdhën në ndihmë, duke i shpëtuar nga mbytja.