IKMT rrafshon 33 objektet në “Astir”, 26 të shoqëruar për dhunë ndaj policëve

Fadromat e IKMT-së kanë shembur të 33 objektet në zonën e “Astirit”, mes përplasjeve të banorëve dhe efektivëve të policisë. Aksioni i IKMT-së filloi herët mëngjesin e të martës dhe përfundoi rreth orës 18:00. Nga operacioni u shembën 15 objekte një katëshe, 11 objekte 2 katëshe, 6 objekte 3 katëshe dhe 1 objekt katër katesh.

Gjatë paradites IKMT dhe forcat e policisë që ndodheshin në “Astir” hasën në kundërshtimet dhe rezistencën e banorëve, të cilët prej një viti protestonin për mosprishjen e tyre, të mbështetur edhe nga ish deputetë të Partisë Demokratike. Banorët e “Astirit” sulmuan punonjësit e policisë me gurë, bomba molotov dhe sende të tjera të forta nga ku mbetën të plagosur 7 protestues dhe 5 efektivë policie, të cilët morën ndihmën mjekësore dhe ndodhen jashtë rreziku për jetën. Në lidhje me dhunën e shkaktuar ndaj policisë janë shoqëruar edhe 26 banorë të “Astirit”.

Një pjesë e banorëve, të cilët zotëronin dokumentacionin e duhur të objekteve, kanë marrë dëmshpërblim nga qeveria, por sërish ndodheshin në protestë me arsyetimin se nuk ishin dëmshpërblyer në vlerën e tregut.

Në lidhje me situatën e tensionuar pati reagime të shumta edhe nga krerët e politikës. Presidenti Meta e cilësoi të papranueshme dhunën e përdorur nga autoritet shtetërore ndaj banorëve, ndërsa kryetari i PD-së, Lulzim Basha, edhe pse nuk ishte i pranishëm te zona e ‘Astirit’, zgjodhi të shkonte në spital për të vizituar banorët e lënduar. Nga spitali i Traumës, Basha premtoi se kur PD të vijë në pushtet do të dëmshpërblejë të gjithë banorët me vlerën e tregut.

Ndërsa kryebashkiaku i Tiranës, Erion Veliaj u shpreh se objektet që u shembën janë ato të personave që kanë përfituar kompensim, ndërsa u bëri thirrje banorëve të mos sabotojnë Tiranën.

Prishja e objekteve i hap rrugë zbatimit të projektit të zgjerimit të Unazës së Re.

“Astiri”, IKMT nis prishjen e banesave. Banorët përplasen me policinë, 10 të lënduar

Të paktën 6 banorë të zonës së Astirit dhe 4 efektivë policie mbetën të plagosur mëngjesin e të martës në Tiranë. Banorët e Astirit, që janë kundër prishjes së banesave dhe ndërtimeve që preken nga projekti i “Unazës së Re”, janë përplasur me policinë rreth orëve të para të mëngjesit. Të martën, rreth orës 06:00, fadromat e IKMT nisën punën për të shembur ndërtimet që i hapin rrugë projektit të “Unazës së Re” në zonën e Astirit.

Por inspektorët u përballën me rezistencën e banorëve, që prej më shumë se një viti protestojnë kundër shembjes së objekteve të tyre. Banorët e ndërtesave që do të shemben, kaluan natën zgjuar duke pritur fadromat e IKMT, ndërsa forca të shumta policie shkuan në zonë.

Sapo fadromat e IKMT kanë nisur shembjen e objekteve, banorët janë kundërvënë duke i sulmuar. Sipas raportimeteve paraprake, banorët goditën me bomba molotov dhe sende të forta punonjësit e policisë. Ndërkohë, efektivët Blu, kanë përdorur gaz lotsjellës për të shpërndarë qytetart që nuk lejonin prishjen e ndërtesave ku kalon gjurma e projektit të “Unazës së Re”.

Më herët IKMT kishte vendosur një afat për banorët që të lironin banesat e tyre në mënyrë vullnetare, por një një e tillë nuk ndodhi. Në këto kushte, Inspektorati Kombëtar Mborjtjes së Territorit shkoi mëngjesin e të martës për të prishur banesave në “Astir” duke i hapur rrugën projektit të “Unazës së Re”.

IKMT pastron bregdetin nga ndërtimet pa leje

Inspektorati Kombëtar i Mbrojtjes së Territorit ka nisur këtë të premte aksionin për prishjen e 60 ndërtimeve në vijën bregdetare nga Vlora në Orikum. Lajmin e ka bërë të ditur vetë IKMT në rrjetet sociale, ku njofton se aksioni do të shtrihet në të gjithë vijën bregdetare të vendit.

“Inspektorati Kombëtar i Mbrojtjes së Territorit nis sot një aksion të gjerë që do të shtrihet në gjithë vijën bregdetare të Shqipërisë. Operacioni fillon përgjatë shëtitores bregdetare të Vlorës (Lungomare) deri në Orikum, ku do të prishen mbi 60 objekte një dhe dy katëshe dhe struktura të ndryshme me funksion shërbimi. Objektet e planifikuara për t’u prishur janë të paligjshëm, ndaj IKMT u bën thirrje qytetarëve për mirëkuptim dhe bashkëpunim, pasi ligji dhe e drejta e shumicës së qytetarëve për hapësirat publike do të zbatohet”, shkruan IKMT.

Ky aksion i IKMT-së vjen disa javë pasi në Sarandë u prish restoranti “Panorma” i Mihal Kokëdhimës, autorit të dhunës ndaj disa turistëve spanjollë. Restoranti i këtij shtetasi, pas aktit të dhunës, u zbulua se ishte i ndërtuar pa leje në një nga zonat më të rëndësishme turistike në vend. Ndaj IKMT e shkatërroi atë, duke e rikthyer zonën e zaptuar në shërbim të turistëve.

Aksioni për rikthimin e normave dhe normalitetit në Porto-Palermo…
Gepostet von Inspektorati Kombëtar i Mbrojtjes së Territorit – IKMT am Mittwoch, 21. August 2019

Frani i Lezhës sërish nën hetim për shpërdorim detyre

Kryetari i Bashkisë së Lezhës, Fran Frokaj është paditur penalisht nga inspektorati Kombëtar i Mbrojtjes së Territorit, i akuzuar për shpërdorim Detyre

IKMT ka dorëzuar ditën e enjte kallëzimin penal në Prokurorinë e Lezhës, pasi ka gjetur parregullsi në lejet e dhëna për të ndërtuar në vijën bregdetare të Shëngjinit. I kallëzuar penalisht është edhe drejtori i Drejtorisë së Planifikimit te Territorit, Sokol Toma.

Të dy këta persona duke vepruar në kundërshtim të hapur me ligjin, kanë dhënë leje për kryerje ndërtimesh në vijën bregdetare te Shëngjinit, objekte që nga vetë Inspektorati Mbrojtjes i Territorit janë konstatuar të paligjshme. Leje janë dhënë edhe për të ndërtuar në vende ku më parë janë prishur objekte të jashtëligjshme nga IKMT.

Edhe më parë Fran Frokaj ka përfunduar në gjykatë si i pandehur me akuzën e shpërdorimit të detyrës me tjetërsimin e pronave në zonën e Shëngjinit, por që janë mohuar në mënyrë kategorike nga ai.

Basha e quan sulm politik, kallëzimin penal ndaj kryebashkiakut

IKMT kallëzoi penalisht një ditë më parë, kryetarin e Bashkisë së Kavajës, Isa Sakja, por sipas kryetarit të PD-së, Lulzim Basha ky është një sulm politik i Ramës.

Sipas IKMT-së, Sakja së bashku me dy persona të tjerë në bashkinë e Kavajës kanë dhënë 7 leje ndërtimi në kundërshtim të hapur me ligjet.

Por Basha thotë se ky është një sulm i pastër politik i Ramës, i cili “mbron Vangjush Dakon që pasurinë publike ua dha kriminelëve”.

DEKLARATA E BASHËS

Kallëzimi penal kundër Kryetarit të Bashkisë së Kavajës, Isa Sakja, është sulm politik kundër kundërshtarit politik, i parathënë nga Edi Rama disa javë më parë. Ky sulm politik është i orkestruar nga një kryeministër hakmarrës, që nuk e pranon dot se qytetarët në Kavajë nuk drejtohen më nga një përdhunues dhe trafikant droge apo grabitës pronash në bregdet.

Kallëzimi politik penal kundër Isa Sakjas vjen nga i njëjti kryeministër i korruptuar dhe i lidhur me krimin që vazhdon të mbrojë Vangjush Dakon, i cili betonizoi Durrësin dhe plazhin e tij, duke u dhënë pasuri publike kriminelëve me të cilët bleu votat. Kallëzimi është urdhëruar nga kryeministri i Qazim Sejdinit, që komandon trafikun e drogës në Elbasan dhe e ka bërë qytetin plaçkë betoni të bandave. Sulmi politik ndaj kryebashkiakut të Kavajës vjen nga i njëjti kryeministër që, bashkë me shërbëtorin e tij, Erion Veliaj, kanë betonizuar Tiranën, duke e shndërruar në lavatriçen më të madhe të pastrimit të parave në Ballkan.

As kallëzimet politike, as gazi lotsjellës, as propaganda nuk e ndihmojnë dot më Edi Ramën. Kryeministri më i korruptuar sot në Europë e ka humbur Kavajën dhe, shumë shpejt, ka për të humbur gjithë Shqipërinë!

IKMT kallëzon penalisht kryetarin e Bashkisë Kavajë

Inspektoriati Kombëtar i Mbrojtjes së Territorit ka depozituar tre kallzime penale për zyratrët e Bashkisë Kavajë, për shpërdorim të detyrës. Sipas IKMT-së, zyrtarët e Bashkisë Kavajë kanë cënuar interesin e publikut dhe ttë territorit publik në të paktën shtatë (7) objekte shumëkatëshë të ngritura në territorin e kësaj bashkie.

Konstatimet janë bërë gjatë inspektimeve që IKMT ka ushtuar në bazë të ligjit në Bashkinë e Kavajës, prej të cilave ka rezultuar se Kryetari i Bashkisë Isa Sakja, Drejtoresha e Drejtorisë së Kontrollit, Zhivllimit Urbanisitk dhe Pronave, Dëshira Qato si dhe Kryeinspektori i Inspektoriatit të Mbrojtjes së Territorit, Dritan Kazazi, duke vepruar ose mos vepruar në dhënien e lejve të ndërtimit, kanë cënuar terroritin e publik.

Përmes njoftimit për publikun, IKMT shprehet e vendosur në mbrojtjen e territorit kundër abuzimeve të paligjshme, apo “të kopsitura” nga zyrtarë që shkelin ligjet dhe besimin e qytetarëve.