Tag: Kmsh

KMSH liron nga detyra Myftiun e Tiranës, Ylli Gurra. Emërohet myftiu i ri

Komuniteti Mysliman i Shqipërisë ka liruar nga detyra Myftiun e Tiranës Ylli Gurra, ndërsa në vendin e tij ka emëruar Lauren Lulin. Kryetari i Komunitetit Mysliman të Shqipërisë  Bujar Spahiu zhvilloi një takim në selinë e Komunitetit Mysliman me imamët e xhamive të Tiranës, ku prezantoi myftiun e ri të Tiranës, Lauren Luli. Gjatë takimit kreu i KMSH-së vuri theksin në dhënien e një impulsi të ri institucionit të myftinisë.

Ish Myftiu i Tiranës Ylli Gurra pas lirimit nga detyra do të mbajë postin e Këshilltarit të Kryetarit të Komunitetit Mysliman të Shqipërisë.

Gurra ishte kandidat për kreun e KMSH-së në zgjedhjet që u zhvilluan pak muaj më parë, ndërsa nuk arriti që të fitonte përballë Bujar Spahiut.

Myftiu i ri i Tiranës,  Lauren Luli është teolog. Ai ka kryer studimet e larta në Fakultetin e Shkencave Islame në Bursa të Turqisë dhe më pas masterin shkencor në Shkencat e Hadithit në KU Bedër, Tiranë. Ai ka ushtruar detyrën e tij si imam dhe myfti si dhe prej dy vitesh mbante postin e nënkryetarit të KMSH-së.

Myslimanët festojnë Fitër Bajramin, Bujar Spahiu: Kjo festë na fton për më shumë solidaritet me njëri-tjetrin!

Besimtarët myslimanë në të gjithë vendin kanë festuar këtë të martë Fitër Bajramin, që mbyll muajim e shenjtë të Ramazanit. Për një muaj besimtarët myslimanë në të gjithë botën u përkushtuan më shumë ndaj adhurimit të Zotit, duke agjëruar. Agjërimi është një nga shtyllat kryesore të besimit islam.

Në qytetin e Tiranës falja e Namazit të Fitër Bajramit u bë në sheshin “Skënderbej”, aty ku drejtues të Komunitetit Mysliman Shqiptar kanë mbajtur ligjërata dhe hutbe për besimtarët. Pas faljes së namazit, ka qenë kryetari i KMSH-së, Bujar Spahiu ai që ka mbajtur një ligjëratë për besimtarët, ku ka shpërndarë mesazhe paqeje dhe bashkimi mes tyre.

Ndërkohë, kreu i KMSH në një deklaratë për RealStory.al u shpreh se muaji i Ramazanit dëshmon qartë përkushtimin ndaj Zotit. “Sot është festa e Fitër Bajramit. Muslimanët përgjatë një muaji, një përkushtimi të madh, duke agjëruar treguan përkushtimin dhe besnikërinë ndaj Zotit. Sot e kurorëzuan me këtë ditë feste siç është dita e Bajramit, e cila dëshmon qartë se Zoti na ka urdhëruar që të gëzojmë sot”, u shpreh Spahiu.

Më tej, ai tha se ky Bajram i fton besimtarët dhe shqiptarët që të jenë më solidar me njëri-tjetrin. “Ky Bajram i fton besimtarët të jenë më solidar me njerëzit, të jemi në mbështetje të tyre, t’i mjekojmë plagët e tyre. Ramazani dhe çdo festë tjetër janë gjithmonë një shtysë themelore që njeriu e ngren dhe e lartësojnë për të krijuar raporte të drejta shumë të mira me Zotin”, tha Bujar Spahiu.

Skip to toolbar