Kryemadhi zbut tonet: Protesta, jo rëndësi politike, Shqiptarët të tregohen të zotët e vetes

Monika Kryemadhi u ka bërë thirrje qytetarëve për t’u bashkuar në protestën e opozitës ditën e hënë më 8 korrik. Përmes një postimi në rrjetet sociale, Kryemadhi ka ftuar të gjithë qytetarët që ndihen të shtypur nga kjo qeveri dhe që kërkojnë një të ardhme më të mirë të bashkohen me opozitën para kryeministrisë. Si rrallë herë Monika u shfaq mjaft e butë në tone duke thënë se këtë herë shqiptarët të mos protestojnë kundër partive politike, por të bëhen të zotët e vetes dhe të kërkojnë të drejtat e tyre.

“Nesër protesta në orën 20.00 në bulevardin “Dëshmorët e Kombit” ka rëndësinë e saj, por nuk ka rëndësi politike sesa ka rëndësi për të treguar që shqiptarët më shumë se kurrë, sot kanë vendosur të jenë zot të vetes. Ftohen të gjithë ata që ndihen të shtypur dhe të grabitur nga qeveria e Edi Ramës. Ftohen të gjithë ata të rinj dhe të reja që ndiejnë pasiguri dhe nuk shikojnë asnjë të ardhme këtu në vend për shkak të qeverisë së Edi Ramës.

Ftohen të gjithë ata pensionistë, të cilët me pensionin e tyre nuk kanë mundësi të paguajnë ilaçet dhe jo më dritat dhe ujin që kanë shkuar me fatura në stratosferë me rritjen e çmimeve të Edi Ramës.

Ftohen të gjitha ato biznese të cilat mezi po mbijetojnë për shkak të taksave të larta të Edi Ramës, ftohen të gjitha ato biznese që falimentuan për shkak të politikave të Edi Ramës, pra ftohen të gjithë ata që duan një Shqipëri të vërtetë Europiane dhe ftohen të gjithë ata të rinj dhe të reja të cilët aspirojnë për të ndërtuar jetën e tyre Europiane në shtëpinë e tyre, në Shqipëri.

Shqipërinë e ka bekuar Zoti, prandaj të tregojmë që dhe ne jemi një popull i bekuar nga Zoti. Faleminderit, shikohemi të gjithë nesër në Bulevardin “Dëshmorët e Kombit” në orën 20:00”, tha Kryemadhi.

Kryemadhi zeron Berishën: Protesta të hënën, paqësore

Ndryshe nga thirrja për kryengritje e Berishës, kryetarja e LSI-së, Monika Kryemadhi garantoi se protesta e 8 korrikut e opozitës do të jetë paqësore. Deklaratën kryemadhi e bëri nga selia e PD-së pas takimit që zhvilloi me Bashën.

“Protesta e ditës së hënë do të jetë protestë paqësore si gjithë protestat e tjera. Provokatorët e Ramës e Sandër Lleshit nuk mund të provokojnë më opozitarët”, tha Kryemadhi.

Ndërsa vetëm pak minuta më herët nga e njëjta seli Berisha bëri thirrje për kryengritje të fuqishme popullore dhe për vazhdimin e betejës.

Përsa i përket lirimit të zyrave nga kryebashkiakët e djathtë, Kryemadhi tha se ata janë legjitim deri më 13 tetor, data e re që caktoi presidenti Ilir Meta për zhvillimin e zgjedhjeve.

“T’i japë shqiptarëve atë që meritojnë, është më e rëndësishme se karriget e kryetarëve të bashkive. 30 qershori është ilegjitim, kemi një dekret presidenti kemi një datë tjetër zgjedhjesh. Sot bëhet fjalë për shqiptarët që kërkojnë bukë për familjet e tyre. Nuk diskutojmë çështjen e zyrave, kryebashkiakët janë legjitim deri në 13 tetor”, u shpreh Kryemadhi.

Kryebashkiakët e PD-së thanë të mërkurën se nuk do t’i lirojnë zyrat e tyre për të zgjedhurit e rinj vendorë, në kundërshtim me thirrjen e ambasadës amerikane dhe faktorit ndërkombëtarë në Shqipëri.

Kryemadhi: Përgjimet e Bild, vërtetuan 100 % akuzat e opozitës

Përgjimet e publikuara nga Bild, Monika Kryemadhi i cilësoi si provën që akuzat e opozitës janë të vërteta. U provuar vjedhja dhe manipulimi i zgjedhjeve tha Kryemadhi gjatë mbledhjes së kryesisë së LSI. Ajo kërkoi dorëheqjen e kryeministrit Rama duke e konsideruar atë ilegjitim. “Shkaku i vetëm i një krize të tillë të shumanshme është Rama dhe rilindja. U provua hapur se Rama është kryeministër ilegjitim. U provua totalisht se zgjedhjet janë ilegjitime. U provua 100% vjedhja dhe manipulimi i zgjedhjeve. Edi Rama personalisht në krye të masakrës zgjedhore. Dorëheqja e menjëhershme e Ramës e pashmangshme. Përfshirja e krimineleve u faktua katërcipërisht. Blerja e votave damka e pashlyeshme e rilindjes. Kërcënimet me vendin e punës për votat praktike e pisët e rilindjes. Edi Rama kurrë më nuk mund të administrojë zgjedhje.”

Përgjimet e reja të BILD provojnë:

Kryemadhi tha se protestat do të vazhdoj në deri sa të sigurohet vota e lirë dhe vendi të pastrohet nga trafikantet dhe korrupsioni duke e cilësuar qëndresën e opozitës si të vetmin shpëtim përball qeverisë së krimit.

Gazeta gjermane Bild publikoi ditën e hënë 16 audio-përgjime, ku japin indicie për ndërhyrje dhe manipulim të zgjedhjeve.

“Vetëm fëmijët mund të na detyrojnë të ngrihemi mbi interesat partiake”. Urimi me politikë i Kryemadhit

Kryetarja e LSI-së, Monika Kryemadhi ka postuar në facebook urimin e saj për fëmijët me rastin e e qershorit, ku sigurisht jep dhe mesazhe politike.

Kryemadhi shkruan se vetëm fëmijët mund të detyrojnë që liderët të ngrihen mbi interesat partiake. Ajo shkruan se shumë familje e kanë mbyllur muajin vetëm me 5 dollarë në ditë pa patur mundësinë t’i blejnë një dhuratë fëmijëve, ndërsa kujton se shumë fëmijë janë nxjerrë me dhunë jashtë banesave të tyre të Bregu i Lumit apo te Astiri. Kryemadhi gjithashtu përmend edhe integrimin evropian, si një aspiratë të cilët fëmijët shqiptarë e meritojnë, por shton se për hir të fëmijëve ia vlen të luftosh deri në fund

Postimi i Kryemadhit në Facebook:

1 Qershori është dita kur jeta merr kuptimin real, kur gjithsecili nga ne kupton se ia vlen të luftosh deri në fund, për të ardhmen e asaj pjese të shoqërisë që me sinqeritetin më të madh meriton mbështetje, siguri dhe dashuri të pakursyer!

Sot është dita e parë e muajit, nuk e di se si e kanë mbyllur muajin që lamë pas 300,000 mijë familje shqiptare të cilat jetojnë me vetëm 5 dollarë në ditë. A e kanë pasur të mundur ti blejnë një dhuratë sa do të vogël fëmijëve për ti sjellë një shkëlqim lumturie në sytë e tyre?

Është dita e fëmijëve që na kujton sesa pak kemi kthyer sytë nga realiteti, sa kemi gabuar për t’i besuar njerëzve që abuzojnë çdo ditë në emër të tyre. Kemi lejuar dhe kemi qenë dëshmitarë të dhunës së ushtruar ndaj fëmijëve tanë, të nxjerrjes nga shtëpitë me dhunë të dhjetëra fëmijëve te “Astiri”, “Bregu i Lumit” dhe në gjithë Shqipërinë. Lejuam të hidhej gaz mbi fytyrat e ëmbla të dhjetëra fëmijëve në protestë, duke u përballur me urrejtjen e këtij pushteti të krijuar nga ne!

Shifrat alarmante të UNICEF për minorenët shqiptarë të braktisur në dyert e Europës, pamundësia që kanë prindërit sot për të strehuar fëmijët e tyre, për t’i ushqyer, ngrohur, arsimuar e për t’u kujdesur për shëndetin e tyre, tregon qartë qeverisjen e paskrupullt dhe të paaftë që i bëhet një kombi dhe të ardhmes së tij!

1 Qershori është dita e ndërgjegjësimit, e zgjimit të çdo nëne dhe çdo babai për fëmijën e tij. 1 Qershori është dita e integrimit europian që aspirojmë aq shumë, sepse vetëm fëmijët janë ata që mund të na detyrojnë të lëmë me një anë interesat e ngushta partiake dhe të pushtetit për interesat kombëtare!

Gëzuar 1 Qershorin të gjithë fëmijëve të çdo shqiptari kudo që ata ndodhen. Dua ti uroj 1 qershorin veçanërisht të gjithë atyre fëmijëve qe baballarët e tyre i kanë të burgosur nga ky regjim për të vetmen arsye sepse kanë protestuar për të ardhmen e fëmijëve të tyre!

1 Qershori nuk mund dhe nuk duhet të jetë dita e zhgënjimit të fëmijëve sepse duke zhgënjyer ata, kemi zhgënjyer të gjithë kombin! Kjo duhet dhe do të jetë dita e shpresës për fëmijët dhe të rinjtë shqiptarë se Shqipëria do të ngrihet, do të forcohet sepse brenda saj ka një brez plot jetë, plot energji te i cili shpresa nuk vdes kurrë! Zoti i bekoftë fëmijët e shqiptarëve dhe familjet e tyre. Zoti e bekoftë Shqipërinë!

1 Qershori është dita kur jeta merr kuptimin real, kur gjithësecili nga ne kupton se ia vlen të luftosh deri në fund,…
Gepostet von Monika Kryemadhi am Samstag, 1. Juni 2019

Kryemadhi për raportin e KE: Arsye për të mos u tërhequr nga kauza jonë

Kryetarja e LSI-së Monika Kryemadhi ka reaguar përmes një postimi në facebook lidhur me progres raportin e KE për Shqipërinë, duke deklaruar se është një arsye më shumë për të mos u tërhequr nga kauza e tyre.

“Progres Raporti i Shqipërisë është një arsye më shumë për opozitën dhe gjithë qytetarët shqiptarë të mos tërhiqen në kauzën e tyre, të drejtën legjitime ku vlerat europiane fillojnë me votën e lirë dhe mundësinë për të zgjedhur! Rekomandimi pozitiv është pjesë e statusit të Shqipërisë që prej vitit 2016 dhe askush nuk e mendonte 3 vite më parë, se ne do të endeshim kaq gjatë, në pritjen e pafundme të çeljes së negociatave dhe zvarritjes në keqqeverisje të një qeverie që është dehur nga pushteti!” shkruan Kryemadhi ndërsa thekson se e vlerëson këtë raport më shumë se çdo raport tjetër.

“E vlerësoj këtë raport më shumë se çdo raport tjetër, pasi më në fund risjell në vëmendje shtyllën kryesore të ekzistencës së një shteti, ekonominë. Në fund të fundit integrim do të thotë një ekonomi më e fortë dhe më konkurrente, do të thotë më shumë investime dhe vende pune. Por vizioni i cunguar i një artisti nuk mundet kurrë të kuptojë nevojën ulëritëse që ka çdo familje shqiptare për të ndjerë siguri, për të ushqyer fëmijët e për t’i dhënë frymëmarrje biznesit. Për të dhe qeverinë e tij, koncesionet dhe PPP janë e vetmja alternativë, për të falimentuar shqiptarët dhe për të pastruar paratë e pista. Unë jam e bindur se të gjithë bashkë do ta fitojmë integrimin, kur të largojmë një herë e mirë, atë që sot mban peng këtë aspiratë të madhe, atë që mban peng të ardhmen e të rinjve tanë.LSI ka qenë dhe mbetet partia e integrimit europian. Historia e ka bërë tashmë atë pjesë të pandarë të këtij procesi që në arsyen pse u krijua, në liberalizimin e vizave dhe në statusin e vendit kandidat. Ne mbetemi të vendosur t’i japim vendit mundësinë e çeljes së negociatave, por jo në partneritet me krimin, por vetëm me shqiptarët! Era e ndryshimit është shumë pranë dhe bashkë me të, edhe Shqipëria Europiane!”, deklaron Kryemadhi.

Progres Raporti i Shqipërisë është një arsye më shumë për opozitën dhe gjithë qytetarët shqiptarë të mos tërhiqen në…
Gepostet von Monika Kryemadhi am Donnerstag, 30. Mai 2019

Tirana nën rrethim, palët larg dialogut. Basha: “Protestë e madhe”. Por pritet paqësore.

Opozita dhe mazhoranca mbeten larg dialogut, ku edhe pas tre letrave publike të Kryeministrit Rama, kryeopozitari Basha është i vendosur në kauzën e tij. Sot pasdite, opozita zhvillon protestën e radhës, ku vetë Basha e ka cilësuar protestë kombëtare. Edhe pse aleatja kryesore e PD, liderja e LSI, Kryemadhi bëri thirrje 24 orë para protestës që protestuesit të distancohen nga dhuna, Basha nuk ka bërë thirrje kundër dhunës.

E kjo duket se i ka frikësuar forcat e rendit, pasi që të premten, në institucionet kryesore, Kryeministria, Parlamenti dhe Ministria e Brendshme janë vendosur barrierat metalike. Shtyllat e ndriçimit janë lyer me graso në mënyrë që protestuesit mos të hipin në to, ndërsa Policia dhe Garda e Republikës kanë kaluar në gatishmëri.

Nga drejtuesit e policisë mësohet se rreth 1500 policisë do të angazhohen për ruajtjen e sigurisë, ndërkohë që masat janë të dukshme që mëngjesin e së shtunës, ku postblloqe janë ngritur në të gjitha rrugët hyrëse të Tiranës, ndërkohë që protesta pritet të fillojë në orën 19:00 dhe leja është marrë deri në mesnatë.

Protesta e opozitës të shtunën

Barriera te vendosura për ndalimin e qarkullimit të automjeteve në rrugën pas Piramidës

Postblloqe nuk janë ngritur vetëm në Tiranë, por edhe në rrugët kryesore, që bashkojnë Jugun, Veriun dhe Juglindjen me Tiranën. Kontrolle ushtrohen kryesisht në autobusë, ose në makina personale të mbushura me të rinj. Megjithatë, gjatë zhvillimit të protestës, forcat më shumta të policisë pritet të përqendrohen pranë kryeministrisë, ku do të dislokohen forcat speciale RENEA dhe Garda e Republikës. Sipas policisë, grumbullimet mendojnë të fillojnë pas orës 16:00, ndërsa sipas drejtueseve të partive opozitare, do të jetë protesta më e madhe e organizuar ndonjëherë gjatë historisë së pluralizmit politik në Shqipëri.

Por këto masa mund të rezultojnë të panevojshme. Të paktën këtë radhë. Një burim i lartë demokrat i konfirmoi me siguri Realstory.al se protesta e të shtunës do të jetë paqësore. Mund të jetë efekti ndërkombëtar, mund të jetë një sinjal që përtej retorikës së ashpër, edhe Basha është dëshpërimisht në kërkim të një pikënisje dialogu. Por kjo së paku pritet të prodhojë një të shtunë pa incidente, ose së paku “molotov free” në rrugët e kryeqytetit.

Nga plani i organizatorëve ka pak detaje sesi do të vijojë protesta, por mësohet se Lulzim Basha do të mbajë një fjalim para Kryeministrisë dhe qëllimi kryesor i tyre, ashtu siç është deklaruar nga kryeopozitari Basha, është largimi i Kryeministrit Rama, si kusht që nuk negociohet.

Gjithsesi burimi i lartë nga Kryesia e PD i tha faqes sonë, se nëse protesta e të shtunës do jetë paqësore, krejt ndryshe pritet të jetë ajo e radhës në qershor. Me gjasë fushata do ketë filluar dhe me PD e aleatët jashtë zgjedhjeve, protesta e qershorit, data e së cilës nuk është përcaktuar akoma, pritet të jetë e ashpër dhe agresive. Megjithëse nuk konfirmohet një datë e mundshme është 29 qershori.

Kryemadhi “zbutet” pas vizitës në SHBA: Ne dështuam

“Ne dështuam ta bëni Shqipërinë një shtet dhe si gjithë Europa.” Kështu ka deklaruar kryetarja e LSI-Së, Monika Kryemadhi gjatë një takimi me të rinjtë në Tiranës.

Pas kthimit nga vizita e saj në SHBA, duket se Kryemadhi i ka zbutur deklaratat e saj duke thënë se opozita e teproi paksa me dhunën, pasi qëllimi nuk është të tregojmë muskujt. Kryemadhi tha gjithashtu se tashmë fati i Shqipërisë është në dorën e të rinjve edhe se LSI ka fajet e saj në fushën e arsimit në Shqipëri.

“Shqiptarët me protestat e fundit kanë treguar se e kanë vrarë frikën, madje e kanë kapërcyer paksa. Por qëllimi nuk është që të tregojmë muskujt përballë kundërshtarëve. Të rinjtë duhet të kërkojnë një arsim më të mirë. Ne mendojnë se ju meritoni shumë më shumë edhe pse kemi qenë pjesë e qeverive të kaluara, ne i pranojmë edhe gabimet tona. Ne dështuam në bërjen e Shqipërisë dhe ne duhet t’u japim ju kurajën që ta bëni ju Shqipërinë që meritoni. E them këtë me bindje të plotë se 30 vitet e tranzicionit iu kanë kushtuar brezave dhe të gjithë shqiptarëve.” – tha Kryemadhi

Kryemadhi: Ky regjim ka rënë, pavarësisht se zvarritet

Kryetarja e LSI-së, Monika Kryemadhi ndodhet në qytetin e Durrësit në mbështetje të protestuese. Në një deklaratë për mediat ajo tha se opozita nuk e ka problemin me Ramën si individ, por me fenomenin Rama dhe kapjen e institucioneve nga krimi.

“Protesta e opozitës nuk kanë të bëjnë me individin Edi Rama, pasi ai si individ nuk është problem i opozitës. Problem i opozitës dhe qytetarëve është fenomeni Rama, i cili ka kapur institucionet shqiptare. Mos pretendoni që Rama të largohet vetë. Ai është një i çmendur që ka kapur peng një popull të tërë dhe një vend të tërë. Mosbindja civile nuk do të thotë vetëm bllokim i rrugëve, por bllokim i çdo gjëje 24 orë në 7 ditë javës dhe më shumë nëse është e nevojshme.” – tha Kryemadhi

Kryemadhi i ka kthyer përgjigje edhe për deklaratat e Ramës në lidhje me dënimin me burg për këdo që bllokon rrugët duke thënë se “nëse është dikush që duhet të shkojë në burg është ai vetë.”

Gjithashtu Kryemadhi ka cilësuar se opozita nuk kërkon pushtet në tavolinë, pasi pushteti nuk merret në tavolinë, por jepet nga populli për këdo që do ai.

“Dalja e popullit në rrugë dhe protestimi me mënyra të ndryshme tregon se ky pushtet ka rënë. Pavarësisht se ai zvarritet, nuk e ka të gjatë jetesën.” – tha Kryemadhi

Basha e Kryemadhi marrin vendim: Nesër bllokojmë të gjitha rrugët

Opozita nesër do të bllokojë të gjitha rrugët e Shqipërisë. Ky është vendimi i marrë sot në takimin e zhvilluar mes kreut të PD-së, Lulzim Basha dhe kryetares së LSI-së, Monika Kryemadhi. Në një deklaratë për mediat, Basha tha se nuk do të ketë asnjë tryezë dialogu me Ramën kryeministër.

Ai tha se nesër në orën 18:00, do të bllokohet të gjitha akset kryesore në vend, një shenjë kjo e përshkallëzimit të mosbindjes civile.

“Jemi në një krizë të thellë, në një krizë politike, kushtetuese, ekonomike dhe sociale dhe siç u bë e qartë që edhe 24 orët e fundit vendi ndodhet në një krizë totale të procesit më jetik për Shqipërinë, atë të integrimit të vendit në BE. Shkak për këtë është krimi elektoral. Ndaj do vazhdojmë aksionin tonë në të gjitha planet. Nesër nga ora 18:00 do nisë aksioni në të gjithë vendin për bllokimin e akseve më të rëndësishme rrugore, si një shenjë e mosbindjes civile. Paradite në orën 11:00, do shpalosim, së bashku me koalicionin opozitar detyrat e qeverisë transitore për të garantuar zgjedhje të lira dhe të ndershme. Do flasim edhe për platformën tonë që do iu prezantojmë shqiptarëve.

Asgjë nuk ka ndryshuar në qëndrimin e opozitës sonë të bashkuar, mazhorancës së re. Largimi i Edi Ramës është kusht i panegociueshëm, që do e çojë në krijimin e qeverinë tranzitore për realizimin e zgjedhjeve të ndershme”, tha Basha.

LIVE – Komunikim me median
LIVE – Komunikim me median
Publiée par Lulzim Basha sur Mercredi 1 mai 2019

Çfarë ndodhi sot në tryezën e opozitës? Nga Mediu te Kryemadhi, krerët që firmosën

Deri tani janë 8 parti politike që firmosën sot marrëveshjen për krijimin e Koalicionit Opozitar, që si kusht parësor për t’u futur në zgjedhjet e 30 qershorit ka krijimin e një qeverie teknike.

I pari që u fut në takim me Bashën dhe që nënshkroi marrëveshjen ishte kryetari i PR, Fatmir Mediu i shoqëruar nga anëtarë të partisë së tij. Në fjalën e tij për mediat, Mediu tha se kjo marrëveshje ka për qëllim të krijojë zgjedhje të lira dhe të ndershme për shqiptarët.

Pas tij marrëveshjen me 10 pika e nënshkruan kreu i PBDNJ Vangjel Dule dhe kreu i PAA, Agron Duka.

Më pas në tryezën që kryesohet nga Basha, i cili shoqërohej nga ish deputetët, Gazmend Bardhi, Edmond Spaho, Edi Paloka, dhe ish-presidenti Bujar Nishani, u ul kreu i PDK Ndark Ndoka. Në fund të takimit Ndoka u shpreh se ky ishte një hap drejt zgjedhjeve të lira dhe të ndershme. Ai tha se Rama ka mbetur i vetëm.

Pjesë e koalicionit opozitar ka vendosur të jetë edhe kreu i LZHK-së, Dashamir Shehi i cili pas nënshkrimit të marrëveshjes tha se “kjo është beteja jonë ndaj Rilindjes”.

Shpëtim Idrizi i PDIU-së, shoqërohej nga ish deputetja e PD-së, Mesila Doda në firmosjen e marrëveshjes. Idrizi u shpreh se opozita është garante e pluralizmit politik dhe marrëveshja ka për synim realizimin e zgjedhjeve të lira dhe të ndershme.

Marrëveshja për krijimin e Koalicionit Opozitar i firmos edhe nga kryetarja e LSI-së, Monika Kryemadhi, e cila në këtë takim shoqërohej nga Petrit Vasili, Luan Rama, Erisa Xhixho, Kejdi Mehmetaj dhe Endrit Braimllari.

Ashtu si dhe të tjerët, Kryemadhi tha për mediat se kjo marrëveshje do të garantojë zgjedhje të lira dhe të ndershme dhe jo thjeshtë votime.

“Aksionit opozitar i shtohet një element tjetër shumë i rëndësishëm. Tani të gjitha kanë strategjinë re opozitës. Kjo vjen si rezultat i të gjithë kësaj axhende përballë një shtetit të kapur. Axhenda garanton zgjedhje të lira dhe të ndershme. Them zgjedhje sepse votime ka bërë edhe Enver Hoxha po populli nuk ka zgjedhur kurrë. Për sa i përket të gjithë procesit, kjo marrëveshje është flamuri i shpresë për të rinjtë dhe të rejat”, tha Kryemadhi.

Marrëveshja e Koalicionit Opozitar që u nënshkrua sot

1. Krijimin e një Koalicioni të Bashkuar Opozitar dhe Qytetar për zgjedhjet e ardhshme në vend.

2. Partitë nënshkruese të këtij Koalicioni do të regjistrohen në zgjedhje vetëm pasi të jenë krijuar kushtet për zgjedhje të lira dhe të ndershme.

3. Rruga e vetme për të garantuar zgjedhjet e lira dhe të ndershme është formimi i një Qeverie Tranzitore me mandat të posaçëm për:

(i) Kthimin e legjitimitetit politik të qeverisjes në vend nëpërmjet zgjedhjeve të parakohshme parlamentare.

(ii) Përgatitjen e zgjedhjeve të lira dhe të ndershme parlamentare dhe vendore në Shqipëri.

(iii)Realizimin e reformës zgjedhore dhe ndjekjen e zbatimit të saj, me fokus të veçantë shkëputjen e lidhjes mes politikës dhe krimit, luftën ndaj fenomenit masiv të blerjes së votave, intimidimit kriminal mbi zgjedhësit, si dhe eleminimin e pabarazisë mes partive politike pjesëmarrëse në zgjedhje.

(iv) Krijimin e klimës së besimit për zbatimin e reformës në drejtësi jashtë çdo ndërhyrjeje politike.

(v) Krijimin e kushteve të nevojshme për të përshpejtuar nisjen e negociatave të Shqipërisë për antarësimin në Bashkimin Europian dhe ndërmarrjen e çdo reforme të nevojshme për këtë qëllim.

4.Në mbrojtje të demokracisë dhe tëzgjedhjeve të lira e të ndershme, partitë nënshkruese të këtij Koalicioni angazhohen të mos lejojnë asnjë farsë elektorale, të organizuar nga qeveria ilegjitime e Edi Ramës.

5.Pamundësimi i mbajtjes së zgjedhjeve fasadë, të diktuara nga pakti i Edi Ramës me krimin e organizuar dhe paratë e tyre të pista, të realizohet përmes përshkallëzimit të aksionit opozitarnë të gjithë vendin.

6.Rikonfimojmë vullnetin tonë se Integrimi Europian i Shqipërisë është rruga e vetme për t’i dhënë fund tranzicionit të tejzgjatur. Shprehim vendosmërinë tonë të plotë për të ndërmarrë çdo hap, që bën realitet rrugëtimin e pandalshëm dhe të shpejtë të Shqipërisë në familjen europiane.

7. Angazhohemi për të unifikuar dhe miratuar një Platformë të Përbashkët për çlirimin e ekonomisë ngaoligarkia dhe krimi me mbështetje qeveritare. Ky trinom është përgjegjës për rritjen e papunësisë, largimin e investimeve të huaja, falimentimin e fermerëve dhe sipërmarrjes private.Kjo Platformë e Përbashkët ka për qëllimnxjerrjen e vendit nga kriza e rëndë ekonomike për të krijuar punësim, zhvillim,mirëqenie dhe mundësi të barabarta për të gjithë.

8. Angazhohemi për luftë pa kompromis ndaj krimittë organizuar, korrupsionit dhe pastrimittë parave të pista, si pengesa kryesore për stabilitetin dhe zhvillimin e vendit, sigurinë dhe mirëqeniene qytetarëve.

9.Mbështesim çdo qytetar, të drejtat dhe liritë themelore të të cilit dhunohen nga veprimet arbitrare të institucioneve shtetërore.

10.Angazhohemi për një marrëdhënie politike dhe elektorale me çdo individ apo parti politike, bazuar në parimin e proporcionalitetit dhe integritetit të nënshkruesve.