PD dhunë në KZAZ, por Paloka thotë se fajin e ka Rama

Rama për të mbrojtur pushtetin e tij është gati të fus vendin në një konflikt civil, tha nënkryetari i Partisë Demokratike, Edi Paloka në një deklaratë për mediat. Kryeministri është i vetmi i interesuar për dhunë dhe përplasje civile, por plani i tij për konflikt civil do të dështojë tha Paloka, i cili shtoi se qytetarët po mbrojnë vetëm ligjin dhe po njohin dekretin zyrtar të Presidentit Meta për shuqëzimin e 30 qershorit.

“Edi Rama është i vetmi i interesuar për dhunë dhe përplasje civile, sepse tani ai ka dalë zbuluar përpara qytetarëve dhe gjithë botës. Por plani i tij për përplasje dhe konflikt civil në Shqipëri, do të dështojë. Edi Rama dhe banda e tij, në paligjshmëri të plotë, po arrestojnë qytetarët për arsyen e vetme se ata po zbatojnë ligjin. Ky ligj është botuar në fletoren zyrtare nga vetë qeveria dhe është akti i vetëm në fuqi për zgjedhjet.” – tha Paloka

Paloka akuzoi Ramën dhe Lleshaj se po përdorin policinë si bandë kundër popullit, në shkelje të Kushtetutës dhe të dekretit të Presidentit që ka shfuqizuar 30 Qershorin. “Krim, kryen kushdo që refuzon apo ndalon zbatimin e ligjit, në rastin konkret, Edi Rama, Sandër Lleshaj dhe policët që sillen si banditë me uniformë. Kjo i bën ata zyrtarisht dhe ligjërisht një bandë të armatosur, pa ligj e pa ligjshmëri. Qytetarët duhet ta dinë se çdo akt dhe thirrje për 30 Qershorin e Edi Ramës dhe i Sandër Lleshaj është antikushtetues dhe i paligjshëm.” – tha Paloka

PD merr përsipër sulmet mbi KZAZ: Asnjë hap pas!

Në emër të PD-së, sekretari i përgjithshëm Gazmend Bardhi ka pranuar se sulmet që po ushtrohen nëpër KZAZ është e udhëhequr nga PD. Ai akuzoi policinë për dhunën ndaj protestuesve ndërsa theksoi se nuk do lejohet shkelje e Kushtetuës. PD mbështet dekretin e Presidentit për anulimin e zgjedhjeve dhe ish deputetë të saj janë në krye të sulmeve që po bëhen në disa bashki të djathta ndaj KZAZ-ve.

“Sulmi ndaj qytetarëve në gjithë Shqipërinë është kriminal dhe i urdhëruar drejtpërdrejtë nga Edi Rama.

Edi Rama do mbajë përgjegjësi për nxitjen e konfliktit social, dhunën ndaj qytetarëve dhe për cënimin e stabilitetit demokratik të vendit. Fundi i tij do jetë i shpejtë dhe i tmerrshëm! Votime moniste, zgjedhje me bandat, vjedhje dhe blerje të votave, krim të ri zgjedhor në 2019, nuk ka për të patur.

Të vendosur për të mbrojtur Kushtetutën dhe demokracinë! Asnjë hap pas!”, shkruan Bardhi.

“Sulmi ndaj qytetareve ne gjithe Shqiperine eshte kriminal dhe i urdheruar drejtperdrejte nga Edi Rama.

Edi Rama do mbaje pergjegjesi per nxitjen e konfliktit social, dhunen ndaj qytetareve dhe per cenimin e stabilitetit demokratik te vendit. Fundi i tij do jete i shpejte dhe i tmerrshem! Votime moniste, zgjedhje me bandat, vjedhje dhe blerje te votave, krim te ri zgjedhor ne 2019, nuk ka per te patur.

Te vendosur per te mbrojtur Kushtetuten dhe demokracine! Asnje hap pas!”, shkruan Bardhi.

“Shqipëria s’do digjet”. Si gënjeu Basha për përplasjet civile. Sulme dhe arrestime të reja (video)

Ndryshe nga sa premtoi kreu i opozitës para pak ditësh se “Shqipëria nuk do të digjet”, të mërkurën opozita ka ndërmarrë një aksion të fortë në të gjitha bashkitë e djathta duke sulmuar KZAZ-të me militantë dhe përfaqësues të pushtetit vendor, ku janë përplasur me forcat e policisë, që kanë në mbrojtje këto ambiente. Nga këto përplasje ka pasur edhe disa të lënduar ndërkohë që në disa raste është përdorur forca dhe gazi lotsjellës nga policia për të shpërndarë turmat e paligjshme.

Reagimi i bashkive të tjera të djathta ka ardhur pas përplasjeve të së martës në Shkodër dhe në Tropojë, ku të mërkurën, i janë bashkuar Kamza, Kukësi, Burreli, Pogradeci, Bilishti, Çorovoda, Gjirokastra, ndërsa kanë paralajmëruar Kavaja, Lezha dhe bashki të tjera të drejtuara nga opozita.

Vau i Dejës

Ndryshe nga situatat e krijuara në KZAZ-të e tjera që ndodhen në godinat nën administrimin e bashkive opozitare, në Vaun e Dejës nuk është shkaktuar dhunë apo incidente. Përfaqësuesi i Bashkisë i është drejtuar kësaj KZAZ, që mbrohet nga policia e rendit, për të parë nëse ultimatumi i dhënë të martën nga Bashkia e Vaut të Dejës ishte zbatuar. Gjatë diskutimit me policinë, përfaqësuesi i bashkisë, Gentjan Ndoj tha se nuk ndodhet këtu për të dëmtuar godinë, por për të parë nëse urdhri i bashkisë ishte zbatuar. “Mos u shqetësoni ne nuk kemi ardhur për të bërë luftë me ju, mos u përgatitni për të vënë maska, se këto janë ambientet tona ne do i ruajmë më shumë se ju. Nuk kemi punë me policinë e Shtetit.” Ndoj tha se godina duhet të lirohet, pasi zgjedhje më 30 qershor nuk ka dhe se bashkia është në zbatim të dekretit të presidentit.

Bashkia e Vaut të Dejës iu drejtuar të martën me një shkresë zyrtare Komisionit Qendror të Zgjedhjeve, ku i jepte një ultimatum që të lironte KZAZ numër 6, që ndodhet në ambientet e shkollës profesionale ‘Ndre Mjeda’ para orës 16:00 të ditës së mërkurë.

Kamëz

Përplasjet e para janë shënuar në Kamëz, ku policia është detyruar të përdorë gaz lotsjellës për të shpërndarë turmën. Nga kjo ngjarje mbeti pa ndjenja edhe një punonjës i policisë bashkiake, i cili është dërguar në spital. Nënkryetari i bashkisë që drejtohet nga Xhelal Mziu, Vendim Demaj tha se nëse duan që kjo situatë të përfundojë atëherë ministri i Brendshëm të arrestojë Presidentin Meta, por për sa kohë ai është në detyrë dhe ka një dekret, ai u shpreh se do të bëjnë çmos për të mos lejuar që zgjedhjet të mbahen më 30 qershor.

Kukës

Po ashtu në Kukës, në KZAZ-në nr. 11, e cila është vendosur në ambientet e një palestre, militantë të PD-së në bashki dhe simpatizantë kanë tentuar të hyjnë me forcë për të nxjerrë nga KZAZ materialet zgjedhore. Militantët kanë thyer edhe xhamat e palestrës. Ka pasur përplasje mes tyre dhe forcave të rendit, por situata më e rëndë është bërë kur militantët kanë marrë një kamionçinë dhe me të kërcënojnë të hapin me dhunë derën e KZAZ-së. Është tentuar të shqyhet dera përmes një kabllo për ta lidhur me kamionçinën. Në këto situata me përplasje të forta, policia dhe Forcat e Ndërhyrjes së Shpejtë kanë hedhur gaz lotsjellës. Debate të forta ka pasur mes policisë bashkiake dhe asaj të rendit, pasi ata kanë mbërritur para KZAZ me dekretin e Metës të botuar në Fletoren zyrtare.

Pas tensioneve dhe situatës në Kukës ku zyrtarë të Bashkisë dhe militantë të PD-së, dogjën e shkatërruan KZAZ-në numër 11 të vendosur në një palestër në gjimnazin e Kukësit, policia e Rendit pas një marrëveshje me policinë bashkiake, kanë larguar materialet zgjedhore pa dhunë duke i transportuar me një furgon të policisë. Materialet zgjedhore janë kryesisht mjetet e nevojshme për të mundësuar votimin e fshehtë në një minidhomë kartoni për qytetarët.

Klos

Militantët e PD-së janë futur brenda ambienteve të KZAZ-së Nr. 17 në Klos duke hedhur materialet zgjedhore nga dritarja, ndërsa më pas u vendosën flakën nën thirrjet ‘Rama ik’, Nuk ka zgjedhje pa PD-në’. Policia nuk ka arritur që t’i ndalojë militantët e opozitës.

Çorovodë

Në Çorovodë janë shënuar përplasje në KZAZ-në nr. 66. Organizatorët e drejtuar nga LSI-ja, përfaqësuesi i së cilës drejton edhe bashkinë, u mblodhën në Çorovodë, në sallën e kinemasë të pallatin të kulturës që mban emrin Riza Cerova duke tentuar që të futen me forcë, ndërsa janë ndaluar nga policia e rendit, e cila është përplasur me militantët e LSI-së.

Bilisht

Në Bilisht gjithashtu janë shënuar incidente. Nënkryetari i bashkisë Ylli Taho i ka kërkuar shefit të komisariatit të lirojë ambientet e KZAZ-së 70. Ndërsa shefi i komisariatit Fejzollari u shpreh se nuk mund të hyni në objekt. “Është objekt i rëndësisë së veçantë. Nuk kam njoftim nga KQZ për anulimin e zgjedhjeve. Unë di që zgjedhjet do bëhen më 30 qershor, ju thoni që nuk do bëhen. Nuk keni për të hyrë”, u shpreh shefi i komisariatit. Anëtarët e PD dhe simpatizantët kanë tentuar që të hyjnë në ambientet e KZAZ, por që nuk janë lejuar nga policia.

Pogradec

Përplasje janë shënuar edhe në Pogradec midis militantëve të PD-së që kanë tentuar që të futen në ambientet e KZAZ-së 67 dhe drejtuesve të policisë. Klevis Balliu ndodhet në Pogradec, ndërsa ka deklaruar se “kërkojmë të largohen materialet nga KZAZ-ja. Është shkelje ligji. Nuk ka zgjedhje deri në vendosjen e një date tjetër për zgjedhjet. Nuk është legjitime”, deklaroi ai.

Burrel

Në Burrel, në KZAZ-në numër 16 që ndodhet në Pallatin e Sportit, punonjësit e policisë bashkiake dhe militantë të Partisë Demokratike kanë tentuar të mësyjnë brenda KZAZ-së. Policia e Rendit në mbrojtje të KZAZ-së brenda së cilës ka materiale zgjedhore, kanë hedhur gaz lotsjellës. Situata ka qenë mjaft e tensionuar mes militantëve dhe policisë, ku janë të pranishëm dhe efektivë të Forcave të Ndërhyrjes së Shpejtë, të cilët kanë nisur shoqërimet e para të personave më aktivë në këto situata. Mes tyre edhe kryetari i PD-se së Matit, Arjan Leka. Ka pasur tentativë të militantëve të PD-së për të hapur me forcë derën e KZAZ-së dhe për të shkatërruar materialet zgjedhore, megjithëse janë frenuar nga forcat e rendit. Sërish më vonë, zyrtarë të Bashkisë së Matit kanë mësyrë në Pallatin e Sportit Ferit Hysa ku kanë marrë materialet zgjedhore brenda KZAZ-së dhe i kanë vënë flakën. PD deklaroi se nga përplasjet një person është plagosur në Burrel. Ai quhet Alfred Lika, i cili është vëllai i Kryetarit të PD Burrel.

Gjirokastër

Debat dhe tensione ka pasur edhe në Gjirokastër. Policia nuk ka lejuar përfaqësuesit e PD dhe LSI-së që të futen në ambientet e KZAZ nr. 78 që është vendosur te Pallati i Sportit për ta liruar. Nënkryetari i Bashkisë Gjirokastër, Aurel Lapa kërkon nga kryetari i KZAZ-së Roland Skëndi lirimin e ambienteve.

“Policia deklaron se njeh KQZ-në dhe jo Presidentin. Jemi në momentet e puçit institucional. Do të rezistojmë. Nuk pretendojmë që të ndodhë ajo që ndodh në trevat e tjera, pasi jemi në Gjirokastrën e kulturës” tha ai.

Dropull

Debate dhe tensione janë shënuar edhe në KZAZ-në nr. 80 në Jorgucat, ku përfaqësuesit e PD-së dhe LSI-së kanë kërkuar lirimin e ambienteve nga anëtarët e KZAZ-së. Por kryetari i KZAZ-së nuk ka pranuar duke shkaktuar debate me përfaqësuesit politikë. Ahilea Deçka, kryetar i bashkisë së Dropullit i ka kërkuar kryetarit të KZAZ-së që të tregojë dokumentin ku është bazuar që është vendosur në atë godinë, pasi sipas tij ekziston një urdhër për gjetjen e një ambienti nga bashkia.

Delvinë

Tensione ka pasur edhe në Delvinë, ku përfaqësuesit e LSI mësynë KZAZ-në nr. 87. Pas tensioneve dhe shtyrjeve në Delvinë në KZAZ-në nr. 87 mes punonjësve të bashkisë që drejtohet nga përfaqësuesi i LSI-së Rigels Balili e militantëve të PD-së me policinë, opozitarët i kanë lënë afat deri nesër në orën 16:00 që të lirojnë ambientet në të kundërt situata do të përshkallëzohet, tha kryetari i PD-së, Hari Imeri. “Nuk trembemi nga banda e Edi Rames”, deklaroi ai.

Bashkitë e tjera

Ndërkaq, këto bashki nuk janë të vetmet, pasi pritet që në orët në vijim t’i bashkohen edhe bashki të tjera të opozitës, siç është Lezha dhe Kavaja. Bashkia e Kavajës i ka dërguar një kërkesë zyrtare KQZ-së, Ministrit të Brendshëm dhe Prefektit të qarkut Tiranë që në 14 qershor për të ndërprerë të gjitha veprimet dhe afishimin e listave të zgjedhësve në KZAZ nr.42. Po ashtu ka vepruar që dje edhe Bashkia e Lezhës dhe i njëjti skenar po ndiqet nga të gjitha bashkitë e opozitës. Edhe Bashkia e Mallakastrës ka bërë kërkesë për largimin e materilave zgjedhore. Kërkesë e bërë i drejtohet kryeministrit dhe presidentit. Kryetari i Bashkisë Mallakastër Agron Kapllanaj tha se kërkesa i është drejtuar njëkohësisht kryeministrit dhe presidentit të Republikës. Numri një i Bashkisë së Mallakastrës theksoi se është detyrim që të zbatohet dekreti i presidentit. Kapllanaj nënvizoi se po përgatitet kallëzim penal për këtë çështje.

Sulmi mbi KZAZ-të, shoqërohet në polici ish-deputetja Dhurata Çupi

Pamjet si militantët e PD-së djegin materialet zgjedhore në Burrel

NË KËRKIM BARDH SPAHIA. DREJTOI AKSIONIN KUNDËR KZAZ NË SHKODËR

PD merr përsipër sulmet mbi KZAZ: Asnjë hap pas!

Xhelali, një hap para Voltanës. Nxjerr policët e tij të përplasen me policët e Lleshit

Kryetari i Bashkisë së Kamzës, Xhelal Mziu është bërë pjesë e bashkive të tjera opozitare për të penguar procesin e zgjedhjeve të 30 qershorit duke deklaruar se njeh dekretin e presidentit Meta për anulim të tyre. Mziu ka nxjerrë në terren zëvendësin e tij dhe Policinë Bashkiake për të kërkuar lirimin e ambienteve që shërbejnë si KZAZ nr. 27 dhe nr. 28 për administrimin e procesit zgjedhor të 30 qershorit. Policia e Rendit ka qenë e pranishme pranë KZAZ-ve për t’i ruajtur ato, ndërsa kanë pasur përplasje me Policinë Bashkiake dhe Zv.kryetarin e Bashkisë së Kamzës.

Debati:

Punonjës të Policisë Bashkiake – policëve të rendit: Ne vijmë me shkresa zyrtare, ti më thua nuk kam nevojë të të japë shkresë. Më jep një shkresë, ju po na dilni 30-40 vetë si garipa po na thoni largohuni. Ju jeni zbatues. Unë jam inspektor i policisë bashkiake të lutem më jep një shkresë.

Zv.kryetari i Bashkisë së Kamzës: Unë po zbatoj një ligj që ka dalë në fletore zyrtare nga i pari i shtetit. Nuk të kam ardhur si cub i Mirditës por si zyrtar. Unë kam ardhur të zbatoj dekretin e të parit të shtetit. Ligjin e kujt po zbaton?

Efektivi i Rendit: Unë po zbatoj ligjin e Policisë së Shtetit.

Zv.kryetari i Bashkisë së Kamzës: Ti dhe zoti Lleshi duhet të arrestoni presidentit në mënyrë që të bie ligji poshtë

Efektivi i Rendit: Unë jam shumë i informuar

Zv.kryetari i Bashkisë së Kamzës: Je i informuar në mënyrë partiake

Përfaqësues i Bashkisë: Nuk është KZAZ mbi vendimin e presidentit. I kemi çuar shkresë KZAZ për lirimin e ambienteve. Vetëm gjykata Kushtetuese e diskuton dekretin e presidentit.

#NëKamëzNukKaZgjedhjeMe30Qershor2019
Gepostet von Xhelal Mziu am Dienstag, 18. Juni 2019

Ndërsa kreu i Bashkisë së Vaut të Dejës, Zef Hila, i drejton një letër KQZ me një ultimatum se duhet të heqë materialet zgjedhore nga KZAZ nr.6 që ndodhet në ambientet e shkollës profesionale ‘Ndre Mjeda’ para orës 16:00 të ditës së mërkurë.

Pas Shkodrës, “zien” dhe Tropoja, thyhen xhamat dhe dyert e KZAZ-së nr 9

Pas incidenteve të ndodhur në Shkodër gjatë ditës së hënë dhe të martë, edhe në Tropojë është bllokuar KZAZ numër 9, madje janë thyer xhamat dhe dyert.

Raportohet se persona të paidentifikuar kanë thyer xhamat dhe dyert e KZAZ-së dhe të qendrës së votimit pranë saj. Këta persona gjithashtu kanë hequr materialet zgjedhore të vendosura pranë qendrës.

Ndërkohë që ka pasur përplasje me efektivët e policisë.

Këto konflikte kanë ardhur për shkak se bashkitë që drejtohen nga opozita kanë vendosur të zbatojnë dekretin e presidentit Meta për anulimin e datës së zgjedhjeve, ndryshe nga vendimi i marrë nga KQZ që administron zgjedhjet. KQZ vendosi ta cilësojë nul dekretin e Metës dhe të vazhdojë me organizimin e zgjedhjeve më 30 qershor. Por duket se plani i opozitës është pikërisht ky, bllokimi i KZAZ-ve në bashkitë që ata drejtojnë.

Zgjedhjet e 30 qershorit, nisin fërkimet e para. Shkodër, sherr për KZAZ-në

Një përplasje fizike ka ndodhur të hënën në Shkodër mes përfaqësuesve të Partisë Demokratike dhe policisë në KZAZ-në numër 2.

Kjo ka ndodhur për shkak se përfaqësuesit e PD-së nuk kanë lejuar anëtarët e KZAZ-së që të futen në godinë.

Është dashur ndërhyrja e policisë, por situata është agravuar. Ka pasur edhe përplasje fizike mes përfaqësuesve të PD-së dhe efektivëve të policisë.

Më herët kryebashkiakja e Shkodrës, Voltana Ademi i dërgoi një letër KQZ-së përmes të cilët kërkoi lirimin e ambienteve të KZAZ-së me argumentin se zgjedhjet nuk do të zhvillohen në 30 qershor bazuar në dekretin e presidentit Meta, i cili anuloi datën e zgjedhjeve.

KZAZ numër dy në Shkodër, ndodhet në ambientet e Pallatit të Sportit. Ky është incidenti i parë që ndodh në kuadër të zgjedhjeve të 30 qershorit.

Kërkuan lirimin e ambienteve, policia merr në mbrojtje KZAZ në Burrel

Policia e Shtetit ka nisur ruajtjen e Komisioneve Zonale të Administrimit Zgjedhor (KZAZ) dhe monitorimin e këtyre ambienteve pas kërkesës së bashkive që drejtohen nga opozita për lirimin e tyre me arsyetimin se presidenti Meta ka anuluar zgjedhjet e 30 qershorit. Një patrullë e Policisë së Matit është vendosur pranë pallatit të Sportit “Ferit Hysa” që prej pasdites së premte duke mbrojtur zyrat ku janë vendosur materialet zgjedhore. Kryebashkiaku i Burrelit, Nezir Rizvani nga lista e PD, ishte pjesë e letrave të dërguara në KQZ për lirimin e ambienteve.

Pas kërkesave të depozituara të premten ka reaguar edhe vetë KQZ përmes zëdhënëses së saj, ku u ka bërë thirrje kryetarëve të bashkive të opozitës, që mos të cenohen KZAZ-të, pasi çdo veprim ndaj tyre do të jetë në shkelje të dispozitave të Kodit Zgjedhor, që i ngarkon kryetarët e këtyre bashkive me përgjegjësi penale.

Sulmohet KZAZ-ja në Rrogozhinë, s`dihen shkaqet dhe autorët

Një prej dyerve të godinës ku është ngritur KZAZ-ja e Rrogozhinës, është dëmtuar, raporton “Report Tv”, që ka publikuar edhe një foto.

Sipas këtij informacioni, ende të pakonfirmuar nga organet e rendit dhe ato hetimore, mësohet se është sulmuar fisheku i derës së KAZAZ-së, duke bërë që dera të jetë lehtësisht e kapshme. Policia ka shkuar në vendin e ngjarjes dhe ka bërë rrethimin e zonës.

Deri më tani, nuk ka informacion zyrtar për ngjarjen, por ajo ndodh vetëm një ditë pas mbledhjes së Këshillit Kombëtar të PD-së, ku vendosi ngritjen e grupeve për moslejimin e votimeve flase, siç i ka quajtur selia blu.

Në fakt, nuk dihet nëse kjo ngjarje ka lidhje pikërisht me këtë gjë, ndaj pritet hetimi dhe dhënia e informacioneve zyrtare për të kuptuar atë që ka ndodhur.

Afati i fundit, PD dhe LSI tentojnë të fusin komisionerë në KZAZ

Dy partitë e opozitës PD dhe LSI në qytetet e Gjirokatrës dhe të Shkodrës kanë tentuar të dërgojnë listat e komisionerëve pranë KZAZ-ve, por janë kthyer duarbosh, pasi janë refuzuar me argumenton se nuk janë subjekte zgjedhore.

Në Gjirokastër ka qenë kreu i PD-së, Dash Aliko që i është drejtuar KZAZ-së numër 78.

E njëjta situatë ka ndodhur edhe në KZAZ në Shkodër, ku janë refuzuar listat e komsionerëve të PD.

Sipas Kodit Zgjedhor sot është edhe afati i fundit për dorëzimin e komisionerëve, por nga ana tjetër KQZ vendosi se nuk do të pranojë komisionerët e opozitës pasi subjektet që nuk janë në garë për zgjedhjet e 30 qershorit nuk mund të regjistrohen.

Për këtë vendim të KQZ-së, Partia Demokratike i është drejtuar me një ankimim Kolegjit Zgjedhor. Pritet vendimi përfundimtar i Kolegjit Zgjedhor për këtë çështje.

Çfarë parashikon Kodi Zgjedhor për përbërjen e KZAZ-ve?

Megjithëse nuk merr pjesë në zgjedhjet e 30 qershorit, PD kërkon të përfaqësohet me komisionerë në KZAZ. Por kjo kërkesë është hedhur poshtë sot nga Komisioni Qëndror Zgjedhor. Por çfarë parashikon Kodin Zgjedhor, a ka të drejtë PD që të ketë komisionerët e saj në KZAZ?

Sipas nenit 29 në Kodit Zgjedhor, KZAZ-të përbëhen nga 7 anëtarë dhe sekretari: 2 anëtarë propozohen nga partia kryesore e shumicës parlamentare, dy anëtarë propozohen nga partia kryesore e opozitës parlamentare, një anëtar propozohet nga partia e dytë e shumicës parlamentare dhe një anëtar propozohet nga partia e dytë e opozitës parlamentare.

Megjithëse PD ka djegur mandatet e deputetëve, ajo vazhdon të ketë përfaqësues të saj në parlament ndaj dhe vazhdon të quhet parti parlamentare. Ndërkaq në Kod nuk është parashikuar se çfarë ndodh në rast se kjo parti vendos të mos marrë pjesë në zgjedhje dhe përderisa nuk ka një parashikim të tillë vazhdon të mbetet në fuqi neni 29.

Neni 29 i Kodit Zgjedhor

Përbërja e KZAZ-së

1. KZAZ-ja përbëhet nga 7 anëtarë dhe sekretari, të cilët emërohen nga KQZ-ja, sipas

procedurës së mëposhtme:

a) dy anëtarë propozohen nga partia kryesore e shumicës parlamentare, dy anëtarë

propozohen nga partia kryesore e opozitës parlamentare, një anëtar propozohet nga partia e

dytë e shumicës parlamentare dhe një anëtar propozohet nga partia e dytë e opozitës

parlamentare. Në rast se nuk arrihet baraspeshimi politik, sipas kësaj shkronje, grupi

përkatës kompensohet me kandidaturat e partisë kryesore deri në baraspeshimin politik

shumicë-opozitë;

b) anëtari i shtatë propozohet në gjysmën e KZAZ-ve nga partia e parë e shumicës

parlamentare, kurse gjysma tjetër nga partia e parë e opozitës parlamentare, sipas kritereve

objektive të bazuara në:

i) përzgjedhjen rastësore;

ii) shpërndarjen e barabartë në territorin zgjedhor;

c) sekretari i KZAZ-së duhet të jetë jurist dhe propozohet nga partia, e cila propozon

zëvendëskryetarin e KZAZ-së;

ç) 30 për qind e anëtarëve të propozuar përkatësisht nga partia më e madhe e

shumicës dhe partia më e madhe e opozitës, në shkallë vendi, duhet të jenë nga secila gjini.

2. Kryetari dhe zëvendëskryetari i KZAZ-së zgjidhen nga KQZ-ja, me propozim të

KZAZ-së. Në KZAZ-të ku anëtari i shtatë i përket partisë kryesore të shumicës parlamentare,

kryetar zgjidhet njëri nga anëtarët e KZAZ-së, përfaqësues i partisë kryesore të shumicës

parlamentare, kurse në gjysmën tjetër zgjidhet njëri nga anëtarët e KZAZ-së, përfaqësues i

partisë kryesore të opozitës parlamentare. Zëvendëskryetari është i përkatësisë politike të

kundërt me kryetarin.

3. Anëtarët e KZAZ-së nuk punojnë me kohë të plotë. KQZ-ja përcakton orarin e punës

së KZAZ-së gjatë periudhës së zgjedhjeve dhe jashtë saj. Për punën e kryer anëtarët

përfitojnë shpërblim në masën e përcaktuar me vendim të KQZ-së.

4. Renditja e partive për efekt të ndarjes së vendeve në KZAZ, sipas përcaktimeve të

këtij neni, bëhet mbi bazën e numrit të mandateve që ka fituar partia politike nga zgjedhjet

pararendëse për Kuvendin. Në rastin e zgjedhjeve vendore, renditja përcaktohet mbi bazën

e numrit të votave të fituara në shkallë vendi për këshillat vendorë në zgjedhjet pararendëse

nga partitë parlamentare.

Në rast se dy ose më shumë parti kanë të njëjtin numër mandatesh dhe nuk është e

mundur të përcaktohet partia përfituese, renditja e tyre përcaktohet mbi bazën e numrit të

votave të fituara në shkallë vendi. Nëse dy ose më shumë parti kanë të njëjtin numër votash,

renditja përcaktohet nga KQZ-ja me short.

5. Nëse partitë politike të shumicës parlamentare dhe të opozitës parlamentare, që

kanë të drejtë të paraqesin kandidatura për KZAZ, nuk e ushtrojnë këtë të drejtë në afatin e

përcaktuar në pikën 2 të nenit 28 të këtij Kodi, kjo e drejtë u kalon automatikisht partive që

vijnë në radhë me numër vendesh në Kuvend pas të parave, brenda grupimit përkatës. Kur

kjo nuk është e mundur, propozimet bëhen sipas pikës 1 shkronja “a” të këtij neni. Nëse

edhe këto parti nuk propozojnë anëtarë, KQZ-ja emëron kryesisht anëtarët e KZAZ-së deri

në plotësimin e numrit të nevojshëm të anëtarëve për vendimmarrje.

Anëtarët e emëruar kryesisht qëndrojnë në detyrë deri në emërimin e anëtarëve të

propozuar nga partitë politike, sipas këtij neni. Zëvendësimi duhet të kryhet jo më vonë se 30

ditë nga dita e zgjedhjeve. Në rastin e zgjedhjeve të parakohshme, zëvendësimi kryhet jo

më vonë se 5 ditë nga dita e zgjedhjeve. Procedurat për përzgjedhjen dhe trajnimin e

shtetasve që mund të emërohen kryesisht përcaktohen nga KQZ-ja me udhëzim të veçantë.

6. Në rastet e zgjedhjeve të pjesshme ose të parakohshme, KZAZ-ja ngrihet jo më

vonë se 10 ditë nga data e nxjerrjes së dekretit të Presidentit për caktimin e datës së

zgjedhjeve.

7. Kur vendi i një anëtari të KZAZ-së mbetet vakant, ai plotësohet në përputhje me

rregullat e parashikuara në këtë nen brenda 15 ditëve nga data e krijimit të vakancës. Gjatë

periudhës së zgjedhjeve, vendet vakante plotësohen brenda 3 ditëve.

8. Kur vendi i një anëtari ose sekretarit të KZAZ-së mbetet vakant në ditën e

zgjedhjeve, propozimi në KQZ duhet të dorëzohet jo më vonë se 3 orë nga çasti i krijimit të

vakancës. Në rast se subjektet me të drejtë propozimi nuk propozojnë kandidaturë në KQZ,

kjo e drejtë i kalon partive politike të të njëjtit grupim që vijnë pas tyre në Kuvend për nga

numri i vendeve të fituara në Kuvend në zgjedhjet pararendëse. Nëse edhe këto parti nuk

propozojnë anëtarë, KQZ-ja emëron kryesisht anëtarët e KZAZ-së deri në plotësimin e

numrit të nevojshëm të anëtarëve për vendimmarrje