Tag: Liverpool

Liverpool me hap kampioni, kalon Burnley dhe kryeson Premier League

Katër ndeshje katër fitore. Liverpool nuk ka rivalë në Premier League. Skuadra e Jurgen Klopp ka marrë fitoren e radhës në kampionat, pasi ka mundur me rezultatin 0-3 në tranfertë Burnley. Goli i parë i ndeshjes erdhi në minutën e 31-të, kur Wood devijon një top që përfundon në rrjetën e portës së skuadrës së tij.

Me këtë  autogol, Liverool kalon në avantazh, ndërsa pak minuta më vonë është Mane që realizon golin e dytë për skuadrën e tij. Një sprint i bukur i sulmuesit përfundoi me gol nga brenda zonës, duke dyfishuar avantazhin për “Reds”.

Goli i tretë për skuadrën e Jurgen Klopp ka ardhur në minutën e 80-të, kur një asist i dhënë nga Salah, shndërrohet në gol nga Firmino. Në këtë mënyrë vulosen shifrat 3-0 për Liverpool, që udhëheq Premier League me 12 pikë të plota pas katër javësh kampionat.

Me ritmin aktual, “Reds” konfirmohen si pretendentët kryesor për të fituar kampionatin këtë sezon në Premier League.

Alisson dhe Van Dijk më të mirët e sezonit në Champions League

Portieri i Liverpool, Alisson Beccker është shpallur si “Portieri i sezonit në Champions League”, duke mposhtur Ter Stegen te Barcelona dhe Hugo Lloris te Tottenham. Gardiani i “Reds”, fitoi me 334 pikë, përkundër `136 të kolegut të tij te Barça dhe 105 të Hugo Lloris. Në sezonin e tij t ëparë me ‘Reds’, pas transferimit nga Roma, Alisson veshi fanellën me numrin 13, por që i solli fat, pasi fitoi Champions League me Liverpool. Ai bëri pritje të rëndësishme në finalen e Madridit, ndërsa gjatë sezonit mbajti 21 herë të paprekur portën në Premier League.

Becker luajti 13 ndeshje me Liverpool në Champions League sezonin e kaluar, duke mbajtur të paprekur rrjetën në 6 takime, ndërsa pësoi vetëm 12 gola. “Alisson ka gjithçka që duhet të ketë një portier modern. Unë e kam ndjekur atë për disa vite dhe jam admirues i tij. Ai është një pritës i shkëlqyer i topit, kam parë që Alisson i jep besim mbrojtjes së ekipit të tij”, ka thënë legjenda e portës italiane Gianluigi Buffon për portierin e Liverpool.

Juria e përbërë nga 32 klube, që marrin pjesë në fazën në grupe të Champions League për sezonin që kaloi dhe 55 gazetarë të zgjedhur të mediave sportive, zgjodhën portierin e Liverpool si më të mirin e sezonit që shkoi. Ndërkohë, ylli i mbrojtjes së Liverpool, Virgil van Dijk u zgjodh si “Mbrojtësi i sezonit në Champions League”, duke lënë pas Mattijs de Light dhe Trent Aleander-Arnold, shokun e skuadrës te “Reds”. Frenkie De Jong është shpallur mesfushori më i mirë për sezonin e kaluar në Champions League.

Liverpool nis shkëputjen, mposht Arsenalin dhe kryeson me pikë të plota

Liverpool ka marrë fitoren e tretë rresht në Premier Ligë duke mposhtur Arsenalin me rezultatin 3-1. Që në nisje të lojës, Liverpool dominoi fushën duke shënuar edhe golin e parë për ndeshjen në minutën e 41-të duke e mbyllur pjesën e parë me rezultatin 1-0.

Në pjesën e dytë, Liverpool shënoi në minutën e 49-të me Salah përmes një penalltie që e shkaktoi David Luiz. Dhe do të ishte sërish Salah që do të shënonte edhe golin e tretë në minutën e 58-të.

Arsenali gjatë ndeshjes shënoi vetëm një gol në minutën e 85-të përmes Torreiras.

Me fitoren ndaj Arsenalit, Liverpool udhëheq Premier Ligën me 9 pikë, kurse Arsenali mbetet në vendin e dytë me 6 pikë.

Adrian bën gafën fatale, Liverpoolin e shpëton Firmino

Pasi mposhti Chelsea në Superkupën e Europës, duke fituar trofeun e parë sezonal, Liverpool ka ruajtur të njëjtin ritëm dhe në kampionat. Në ndeshjen e javës së dytë të Premier League, Liverpool ka mundur në tranfertë Southampton, me rezultatin 1-2. Ishte Mane ai që realizoi golin e parë për Liverpool në fund të kohës shtesë në pjesën e parë, me një gol spektakolar nga brenda zonës.

Në të 71` ishte Firmino, që pasi kaloi mbrojtësit kundërshtarë realizoi golin e dytë për Liverpool, që rezultoi edhe goli i fitores, pasi vendasit ngushtuan diferencën në 1-2 në minutën e 83 me Ings, që shënoi pas një gabimi amatoresk të portierit Adrian, që i dhuroi topin kundërshtarit.

Arsenal ka fituar ndaj Burnley duke marrë tre pikët e radhës në javën e dytë të kampionatit. Lacazette në minutën 13` dhe Aubameyang në minutën e 64`, ishin autorët e dy golave që i dhanë fitoren “Topçinjëve”, ndërsa për Burnley shënoi Barnes në minutën e 43` të takimit. Bournemouth fitoi në transfertën e Aston Vilas me rezultatin 2-1, ndëra Brighton barazoi 1-1 me Ëest Ham. Everton fitoi minimalisht ndaj Watford, ndërsa Norwich fitoi 3-1 ndaj Newcastle.

Klopp: Dy javë më parë se njihja portierin Adrian

Liverpool u shpall mbrëmjen e të mërkurës fitues i Superkupës së Europës, duke mundur Chelsea në “Vodafonë Park Arena” të Stambollit. Një ndeshje e çmendur, por me metropolin turk që i solli përsëri fat “The Reds”, pas suksesit 14 vjet më parë kur Liverpool fitonte Champions League ndaj Milanit.

Pas 120 minutash lojë, me ndeshjen që përfundoi 2-2, u desh gjuajtja e penalltive dhe pritja spektakolare e Adrian, që Liverpool të ngrinte lartë trofeun e parë për sezonin e ri të futbollit. Trajneri i kampionëve të europës, Jurgen Klopp ka folur me superlativa për portierin e tij, Adrian San Miguel, i cili bëri mrekullinë duke pritur penalltinë e pestë të Chelsea, që i dha fitoren Liverpool.

“Dy javë më parë, unë as nuk e dija se ku ishte Adrian”, ka thënë Klopp për portierin që i dhuroi trofeun të mërkurën. Portieri 32-vjeçar u bë pjesë e Liverpool vetëm dhjetë ditë më parë, kur ai erdhi nga West Ham për t`u bashkuar me skuadrën e Jurgen Klopp.

Mungesa e Alison, bëri që Adrian të luante titullar në Superkupën e Europës. “Ai luajti një ndeshje të jashtëzakonshme pa asnjë përgatitje. Nuk e di kur luajti për herë të fundit për West Ham”, ka thënë Jurgen Klopp duke i thurur elozhe portierit Adrian.

Superkupa e Europës shkon për Liverpool, Chelsea dorëzohet te penalltitë

Liverpool dhe Chelsea janë përballur mbrëmjen e së mërkurës në “Vodafonë Park Arena”  të Stambollit, për Superkupën e Eurpopës. Një takim mjaft emocionues, që përfundoi me rezultatin 2-2 pas 120 minutash lojë, ndërsa fati i buzëqeshi Liverpool pas gjuajtjeve të penalltive. Ndeshja ka qenë historike për shumë arsye, pasi jo vetëm se për herë të parë përballeshin në finalen e Superkupës dy ekipe angleze që fitonin dy trofetë më të rëndësishëm të UEFA-s, por edhe se në këtë përballje për herë të parë në histori, treshja e gjyqtarëve, ishin arbitre femra nga Franca.

Ndeshja ka nisur në ekuilibër të plot për të dyja skuadrat. Si Klopp ashtu dhe debutuesi Lampard zbritën në formacionet fillestare më të mirët e lojtarëve që kishin në dispozicion, të rreshtuar në 4-3-3 të pastër. Ishte Giroud ai që gjeti rrjetën i pari për Chelsea në pjesën e parë, pas një aksioni dhe pasimi të shkëqlyer të Pulisic në minutën e  36`. Tre minuta pas nisjes së pjesës së dytë, Sadio Mane vendosi barazpeshën në fushë, duke barazuar nga brenda zonës pas një dalje të gabuar të Arrizabalagas.

Më pas loja është bërë më agresive, me të dyja skuadrat që shkojnë disa herë respektivisht në portat e njëra-tjetrës. Liverpool i shkoi disa herë afër golit, me një rast kur Salah mund të kishte vendosur ndeshjen 10 minuta nga fundi i kohës së rregullt, por portieri i Chelsea bëri mrekulli, duke i mohuar një gol të sigurt. Më pas ishte Chelsea që gjeti rrjetën, por arbitrja franceze sinjalizoi pozicion jashtë loje duke i mohuar golin të besuarve të Lampard.

Por pavarësisht rasteve, koha e rregullt është mbyllur me rezultatin 1-1. Pas pesë minutash nga koha shtesë ka qenë përsëri Mane ai që ka shënuar golin e avantazhit për Liverpool, ku ashtu si në golin e parë është asistuar nga Firmino. Mirëpo avantazhi nuk ka zgjatur shumë pasi Chelsea ka barazuar me Jorginho, që shndërroi në gol një 11 metërsh në minutën e 101, duke vendosur barazpeshën në 2-2. Me këtë rezultat janë mbyllur dhe 30 minutat e kohës shtesë duke bërë që ndeshja gjithçka të vendoset nga pika e bardhë e penalltisë, ku fati i buzëqeshi Liverpool.

Superkupa e Europës, UEFA cakton tre femra për të gjykuar Liverpool-Chelsea

UEFA ka përcaktuar arbitren Stephanie Frappart, nga Franca, si femrën që do të vendosë drejtësi në finalen e Superkupës së Europës, që do të luhet më 14 gusht mes Liverpool dhe Chelsea në Stamboll. Kjo do të jetë hera e parë që një arbitre femër do të gjykojë një ndeshje kaq të rëndësishme të futbollit evropian për meshkuj, ndeshje e cila hap zyrtarisht sezonin e ri sportiv për klube në të gjithë Europën. Finalja e Superkupës së Europës do të diskutohet mes Liverpool dhe Chelsea, dy ekipet që fituan praktikisht Champions League dhe Europa League.

Takimi do të zhvillohet në stadiumin e Beshiktashit në Stamboll. Në muajin korrik, Frappart gjykoi finalen e Kupës së Botës për kombëtaret e femrave, që u mbajt në Francë, ku në finalen e madhe u përballën SHBA dhe Hollanda. Ajo gjithashtu ka gjykuar gjysmëfinalen e femrave në Euro 2017 mes Hollandës dhe Anglisë. Karriera e saj ka ardhur në ngritje në sektorin e arbitrimit në Francë. Sezonin e kaluar, Stephanie Frappart gjykoi u bë arbitrja e parë femër që gjykonte një ndeshje futbolli në Ligue 1, mes Amiens dhe Strasburgut.

Ashtu si në finalen e Kupës së Botës për femra, Frappart do të ndihmohet nga bashkëatdhetarja e saj Manuela Nicolosi dhe Michelle O’Neill nga Republika e Irlandës. Zyrtari i katërt do të jetë Cuneyt Cakir nga Turqisë. Ky vendim i komitetit të arbitrimit në UEFA është përgëzuar nga presidenti i këtij institucioni, Aleksandër Ceferin. “Unë e kam thënë disa herë, që potenciali i futbollit të femrave nuk ka kufij, dhe jam i kënaqur që Stephanie Frappart është emëruar zyrtarisht si arbitre kryesore për Superkupën e këtij viti”.

Derbi i tretë anglez, Liverpool-Chelsea në finalen e Super Kupës së Europës

Edhe finalja e tretë më e rëndësishme për klube, do të jetë përsëri një “derbi” anglez. Pas përfundimit të finales të së shtunës në Madrid, ku Liverpool fitoi ndaj Tottenham në finalen e Champions League, skuadra e Jurgen Klopp bëhet ekipi i dytë finalist i Super Kupës së Europës për këtë sezon.

Përballë Reds do të jetë skuadra e Chelsea, që fitoi finalen tjetër Europiane, atë të Europa League ndaj Arsenal. Ndeshja finale e Super Kupës së Europës do të zhvillohet më 14 gusht të këtij viti, në stadiumin “Vodafon Park” në Stamboll me kapacitet 41.000 vende.

Për Liverpool kjo do të jetë finalja e parë pas 14 vitesh edhe në Super Kupën e Europës, që prej vitit 2005, kur skuadra aso kohe drejtohej nga Rafael Benitez, që fitoi në finale ndaj CSKA Moskës 3-1 në Monako.

Super Kupa e Europës shihet si ndeshja e parë hapëse e sezonit 2019/20 të futbollit për klube në Europë. Kjo do të jetë hera e parë që finalja e Super Kupës së Europës do të zhvillohet në Turqi.

Kjo do të jetë hera e tetë në historinë 44-vjeçare të Super Kupës së Europës, që dy finalistet do të jenë ekipe nga i njëjti vend. Më herët kanë qenë pesë herë ekipet spanjolle (2006, 2014, 2015, 2016 dhe 2018) dhe dy herë ekipet italiane (1990 dhe 1993). Në finalen e këtij viti të këtij kompeticioni, do të përdoret për herët të par VAR.

Liverpool fiton Champions League pas 15 vjetësh, Tottenham e mbyll me lot

Liverpool është Kampion i Europës në Champions League këtë sezon. Skuadra e drejtuar nga Jurgen Klopp mundi në finalen e madhe Tottenham, me rezultatin 0-2 për Reds. Një ndeshje pa shumë spektakël dhe emocione në pjesën e parë, ndryshoi katërcipërisht në të dytën, duke i dhënë fronin e më të mirëve të Europës ekipit të Jurgen Klopp.

Kjo është hera e gjashtë në histori për Liverpool, që fiton UEFA Champions League, duke u renditur mes ekipeve më të mira, që e kanë fituar më shumë këtë trofe. Ndërsa hera e fundit që Liverpool kishte fituar një finale të Ligës së Kampionëve ishte viti 2005.

Ndeshja nisi mirë për skuadrën e Liverpool, që arriti të shënonte golin e avantazhit pas gati dy minutash lojë. Në fakt ishte një penallti e fituar nga Mane pas 30 sekondash lojë nga nisja e pjesës së parë. Mohamed Salah mori përsipër të ekzekutojë gjuajtjen nga pika e bardhë, duke e dërguar topin në rrjetën e mbrojtur nga Hugo Lloris.

Kështu, Liverpool kalon në avantazh dhe mban të paprekur rrjetën në pjesën e parë. Megjithatë, minutat pas golit dukeshin si një ndeshje rutinë, dhe jo një finale Champions League. Të dyja ekipet kontrollojnë topin dhe mbrojnë mirë, por rastet para portës janë të kata.

Megjithatë, Liverpool arriti të kontrollonte topin në shumicën e kohës, por Tottenham bëri më shumë gjuajtje drejt kuadratit. Pas pushimit të pjesës së parë, Jurgen Klopp nxjerr nga fusha të rikthyerin nga dëmtimi, Firmino, dhe në vend të tij fut Origi.

Loja është më e hapur në fraksionin e dytë, me Tottenham që përpiqet të shënojë golin e barazimit. Skuadra e Mauricio Pochetino shkon disa herë para portës së Liverpool, por Alison dhe fati shpëton Liverpool disa herë. Son dhe Kane tentojnë vazhdimisht, por gjithë mundi shkon kot.

Kështu, nëse nuk shënon do pësosh, ky rregull i pashkruar i futbollit mori jetë në minutën e 87`, kur Origi shënon një gol të bukur nga brenda zonës dhe bën që të shpërthejë festa në “Wanda Metropolitano”. Kështu u mbyll ndeshja, Liverpool në krye të fronit të Europës, ndërsa Tottenham i mbetet ti gëzohet historisë me shkuarjen në finale.

Nis me spektakël finalja e Champions, Liverpool shënon nga “tuneli”

Ka nisur në mënyrë spektakolare sfida finale e Champions League mes Tottenham dhe Liverpool në “Ëanda Mteropolitano”.

Skuadra e Jurgen Klopp në më pak se 30 sekonda lojë ka fituar një penallti, e cila ëshë shndërruar në gol nga Mohamed Salah, që ka gjuajtur fort dhe ka dërguar topin në qendër të portës së mbrojtur nga Hugo Lloris.

Penalltia u fitua nga Mane, i cili arriti ta vidhte në mënyrë spektakolare atë ndaj Sisokos, pasi ky i fundit ngriti dorën, ndërkohë që Mane gjuan topin.

Tashmë Liverpool ka gjithçka në dorë, pasi ky gol i avantazhit i krijon mundësi Reds të mbrohet më mirë dhe të shrytëzojë me qetësi gabimet e kundërshtarit.

Skip to toolbar