Lobim i paligjshëm, miku i Lulzim Bashës drejt prangave në SHBA

Një biznesmen me shtetësi iraniane dhe amerikane, Bijan Rafiekian (i njohur dhe si Kian), ish-partner i Michael Flynn, është shpallur zyrtarisht fajtor për akuzat e lobimit të paligjshëm në SHBA për qeverinë turke kundër imamit të njohur Fethullah Gylen. (Lajmi në mediat ndërkombëtare). Kian është akuzuar për lobim ilegal për Turqinë, duke ndihmuar përpjekjet e shtetit turk për ekstradimin e politikanit dhe imamit Fethullah Gylen, të cilin Erdogan dhe qeveria e tij e akuzojnë për grushtin e shtetit të vitit 2016.

Gylen jeton në mërgim prej vitit 1999. Kian ka qenë bashkëpunëtor në firmën e lobimit të Michael Flynn në “Flynn Intel Gropu” (FIG)”. Kjo kompani u shpërbë menjëherë pasi Donald Trump fitoi zgjedhjet në vitin 2016, por u vu nën vëzhgim, pasi pronari i saj Michael Flynn u emërua Këshilltar i Sigurisë Kombëtare i Presidentit Trump. Kjo firmë lotimi mësohet të jetë punësuar nga biznesmeni turko-holandez, Ekim Alptekin në vitin 2016 për një kontratë prej 600.000 dollarësh, e cila do të hetonte fshehurazi ndaj Gylen në emër të qeverisë turke.

Puna lotuese, sips mediave, është bërë gjatë fushatës së Trump, kur Flynn ishte këshilltar me ndikim në politikën e jashtme. Ndërkohë, për lobimin është ngritur dhe një akuzë zyrtare për Ekim Alptekin, por biznesmeni me shtetasit turke dhe holandeze nuk ka udhëtuar drejt SHBA për t`u përballur me akuzat. Ai besohet të jetë në Turqi. Alptekin ka pranuar se ka qenë ai që ka paguar 600 mijë dollarë për lobimin në emër të qeverisë turke kundër Gylen, me qëllim që politikani rival i Erdogan të transferohej nga SHBA në Turqi. Dënimi me 15 vjet burg për Kian pritet të jepet në 18 tetor, ndërsa më 5 shtator pritet të ketë një seancë dëgjimore për të.

Aktualisht Ekim Alptekin ka dyshohet se qëndron në Turqi, ndërsa është aktiv në profilin e tij në Tëitter, ku së fundi ka shprehur keqardhjen për dënimin e mikut të tij Kian dhe Michale Flynn, duke u shprehur në një koment se “Kam qëndruar në heshtje nga respekti për gjykimin, por një njeri i pafajshëm u dënua sot. Ndihem shumë keq për Bijan Kian dhe për Gjeneralin Flynn. Ata nuk kanë bërë asgjë të gabuar. Unë vazhdoj të besoj se e vërteta do të dalë përfundimisht”, shkruan miku i Lulzim Bashës, Ekim Alptekin, mbi të cilin gjithashtu rëndojnë akuzat për “lobim të paligjshëm në SHBA.

Deri këtu duket se nuk ka asnjë lidhje me Shqipërinë. Por në fakt, lidhja qëndron te miqësia mes Lulzim Bashës dhe Ekim Alptekim, biznesmenit turk që akuzohet nga SHBA për lobim të paligjshëm në SHBA.

Miqësia me Lulzim Bashën

Në 3 shtator të vitit 2014, Ekim Alptekim, përsëriti dasmën me bashkëshorten e tij, në ditën e lindjes së fëmijëve të tyre binjak. Mediat turke (lexo këtu) publikuan foto nga dasma e biznesmenit të famshëm turk. Megjithatë, ajo që ra në sy të të gjithëve, ishte fakti se dasmën e biznesmenit turk në atë kohë e celebroi Lulzim Basha (ishte ende kryetar i Bashkisë së Tiranës në Shqipëri). Këto foto të publikuara në mediat turke, u konfirmuan më pas nga vetë kreu i opozitës në një studio televizive ku “pranonte miqësinë me biznesmenin turk”.

Basha nuk ka dhënë shumë detaje për njohjet e tij me Ekim Alptekim, por nisur nga fakti që Alptekim ka shtetësi holandeze, njohja me Lulzim Bashën duhet të ketë filluar pikërisht në këtë shtet. Dihet që Basha ka kryer studimet dhe ka jetuar për një kohë të gjatë në Hollandë, derisa u kthye në Shqipëri në vitin 2005 për t`u bashkuar me kabinetin e ri qeveritar të Sali Berishës. Në fakt, nga të dhënat që gjenden rreth biografisë së Alptekin, mësohet se ai ka kryer studimet në Hollandë në universitetin e Utretit për Ligj dhe Drejtësi, ndërsa po në të njëjtin universitet, Lulzim Basha ka kryer studimet në fushën e Drejtësisë. Pra, kjo vërteton fillesat e njohjes mes Bashës dhe Alptekin, biznesmenit të akuzuar nga SHBA për ‘lobim të paligjshëm’.

Në 11 mars të 2013 Alptekin duket se ka zhvilluar një vizitë në Shqipëri, pasi shkruan një koment në Twitter: “Sapo u ula në Shqipëri. Sekreti më i mirë i Europës. Tirana e drejtuara e drejtuara na kryebashkikau Lulzim Basha me dinamizëm”. Gjithashtu, Alptekin është i interesuar për politikën e ditës në Shqipëri, pasi ai ka shpërndarë një lajm në Twitter, kur raportohej shkatërrimi i laboratorit të drogës në Xibrakë të Elbasanit, dhe si rrjedhojë u vu në pranga nipi i ish-diktatorit Enver Hoxha.

Nuk dihet nëse Alptekim është financues apo lobues i PD (gjë për të cilën nuk ka pasur asnjëherë lajme), por me Lulzim Bashën, duket se nuk e lidh vetëm miqësia. E përbashkëta tjetër është ajo e lobimit të paligjshëm në SHBA. Basha nëpërmjet parave ruse (çështje nën hetim nga prokuroria shqiptare) ndërsa Ekim Alptekim për lobim të paligjshëm në emër të qeverisë turke, kundër Fethullah Gylen.

Biznesmeni turk duket në telashe, pasi disa prej të akuzuarëve për ‘lobim të paligjshëm’ po marrin ndëshkimin nga drejtësia amerikane. Edhe për Ekim Alptekim akuzat mbeten në fuqi, ndërkohë, që sipas mediave ndërkombëtare ai dyshohet edhe për deklarime të rreme të të ardhurave.

Basha flet 2 minuta si ‘triumfator’ para artistëve: Nesër bëjmë marrëveshje, hajdeni të gjithë

Lajmëroi se do të shkonte 22 në Teatrin Kombëtar, por Lulzim Basha ka shkuar me më shumë se 40 minuta vonesë. Madje ka hyrë si triumfator në mes artistëve, qytetarëve dhe militantëve të Partisë Demokratike, të cilët ishin duke mbajtur fjalime, pasi Policia e Shtetit tërhoqi forcat e saj nga teatri, duke mos lejuar që të tensionohej situata. Kreu i demokrartëve, që ishte dhe gjatë paradites në protestën te Teatri Kombëtar, pasi ka takuar disa artistë dhe qytetarë, nën thirrjet “Rama Ik”, ka mbajtur një fjalë rasti, duke u bërë thirrje qytetarëve të Tiranës që të jenë të pranishëm të enjten gjatë kohës që do të firmoset marrëveshja.

“Të dashur bashkëqyetar nga Tirana dhe gjithë Shqipëria. Të dashur artistë, dua t`ju falënderoj për shembullin e jashtëzakonshëm heroik, që i treguam sot mbarë botës se me qëndresën tonë, mirënjohje për sakrifcën tuaj. Ju jeni krenari dhe frymëzimi për opozitën, për qytetarët, për rininë, dhe jeni që sot e tutje etaloni i ri i qëndresës kundër të keqes. E kuptoj gëzimin tuaj, që është i përligjur, kemi parë sot brutalitetin e një shteti,të një hajduti psikik, që do të shkatërrojë dhe këtë truall fisnik”.

“Këtë godinë që është shumë më shumë se sa Teatri Kombëtar. Është kujtesë e trashëgimisë. Beteja do vazhdojë deri në fitoren e vlerave të ligjit mbi antiligjin, mbi këtë regjim anti-kombëtar. Dua të kërkoj nga të gjithë qytetarët e Tiranës, nga nesër të jemi të gjithë këtu sepse brenda kësaj godine do të nënshkruajmë marrëveshjen për Teatrin Kombëtar. Do të bëhet realitet ditën e parë që vendi do të ketë një qeveri të dalë nga qytetarët”, u shpreh shkurt në fjalmin e tij Lulzim Basha.

Basha u shpreh se ai do të jetë në orën 11:30 te Teatri Kombëtar për të nënshkruar marrëveshjen me Aleancën për Mbrojtjen e Teatarit. Në fakt, ky orar nuk është rastësi, pasi Basha, ndonëse nuk e ka konfirmuar zyrtarisht prezencën, në orën 09:00 është thirrur në Prokurorinë e Krimeve të Rënda për të dëshmuar për dosjen “Toyota Yaris”, përpara prokurorëve të ardhur nga Belgjika.

Kulluri: Basha ‘mjeshtër i tradhtive’, e keqja nuk është në Washington

Edvin Kulluri i ka drejtuar disa pyetje publikisht Lulzim Bashës. Ish-anëtari i Këshillit Kombëtar të Partisë Demokratike, ka shkruar një status në rrjetet sociale, ku shprehet se vazhdojnë të thuhen disa të vërteta përgjysëm. Edvin Kulluri pyet Lulzim Bashën pse “PD nuk caktoi emrat e vetë për anëtarë të KLP dhe KLGJ, por ia la të gjitha propozimet PS?”. Një tjetër pyetje e ish-anëtarit të KKPD drejtuar Bashës është ajo se “Kush i votoi në Kuvend 6 ligje të Reformës në Drejtësi pa konsensusin e PD? LSI dhe PDIU”, ndaj në këto kushte, kujt i ankohen tre partitë e mëdha të opozitës për “drejtësinë e kontrolluar nga Rama?”.

“Nëse nuk ke moral për diçka mos bërtit se ke të drejtë?!”, shkruan gjithashtu Kulluri. Duke pyetur Lulzim Bashën për faktin që “nuk mori” pjesë në hartimin e Reformës Territoriale, Kulluri ngre pyetjen “pse ai (Basha) e la në mes aksionin për referendume në bashkitë dhe komunat që drejonte opozita?”. Kulluri gjithashtu ngre pyetjen se “kush bëri marrëveshje dhe lista deputetësh idioteskë dhe të pabesa në 2017”, apo për bojkotin e zgjedhjeve të 30 qershorit të këtij viti. Në fund, ai kërkon nga Basha të tregojë se “kush dhe kujt i ankohen për ndarje politike administrative dhe “diktaturën” e pushteteve në dorë të Ramës?”.

Komentin e tij me pyetjet, Edvin Kulluri e mbyll me një pyetje tjetër retorike, “Për tradhëtitë e Bashës e ka fajin Rama dhe ndërkombëtar?”. Përgjigjen e kësaj pyetje e jep vetë ish-anëtari i Këshillit Kombëtar të PD-së, duke u shprehur: “Mos ju hakërre ndërkombëtarëve se e “e ke të keqen brenda”!! Kim Philby-n e keni në krye të opozitës! Mos kërkoni në Washington apo gjetkë se ja ku është “mjeshtri i tradhtive”, në mes të Tiranës”, e mbyll shkrimin e tij Kulluri.

Teatri, si e ardhmja e Lulzim Bashës

Nga Mero Baze

Çështja e Teatrit Kombëtar, e godinës së re që do të ndërtohet, e asaj që do të prishet, dhe mënyrës se si do të ndërtohet, është një temë e vjetër dhe e stërkonsumuar. Një vit më parë për çdo ditë, ky debat ishte temë e ditës.

Protestuesit e arritën një fitore. Ata imponuan ndryshimin e ligjit për ndërtimin e Teatrit të ri, duke detyruar qeverinë të bënte garë të hapur për ndërtuesin, pas rekomandimeve të Bashkimit Europian për këtë çështje.

Të gjitha të tjerat, rreshtimi i aktorëve të njohur pro Tetarit të ri dhe disa aktorëve militantë të PD kundër Teatrit të ri, përpjekja për të ndarë këtë histori si betejë mes nostalgjikëve të Teatrit dhe atyre që duan ndërtesë të re, dhe mbi të gjitha, kthimi i saj si kauzë politike, janë histori të vjetra.

E vetmja histori e re në këtë mes, është nevoja që Lulzim Basha dhe Partia Demokratike të kenë një kauzë për të shtyrë ditët e verës, pasi debati mbi dështimin e tyre kundër 30 qershorit, dhe përpjekjes për t’i vënë zjarrin Shqipërisë, dështuan, dhe ata nuk ballafaqohen dot me njerëzit e tyre.

Po ashtu, presidenti Ilir Meta, i trembur se mbetej pas në këtë histori, njësoj si dikur presidenti Nishani që shkoi me makinë tek të njëjtit protestues, kundër ndërtimit të parkut të lojërave të fëmijëve tek Liqeni, shkoi sot me këmbë në Gjykatë, për të dorëzuar një kërkesë kundër projektit të ri.

Opozita, por dhe qytetarët kanë të drejtë legjitime të dinë se si do të shpenzohet çdo qindarkë për ndërtimin e Teatrit të ri, nëse dalin nga buxheti i shtetit, dhe si do ritkhehet tek publiku çdo centimetër tokë, nëse i ofrohet nga shteti privatit. Dhe tani për këtë, qeveria ka një detyrim ligjor, prej ligjit që ka miratuar vet në Kuvend.

Gjithçka tjetër është një teatër i aktorëve politikë, për të shtyrë ditët e verës.

Qeveria ndjehet mirë që gjeti një mënyrë të duket sikur ka opozitë, Lulzim Basha ndjehet mirë, që të mos përballet qytet më qytet me ata që i la rrugëve, ndërsa Bashkia ka rastin të promovojë gjithë betejat e dështuara të të njëjtit grup, kundër saj.

E gjitha është një inskenim për të shmangur ballafaqimin e madh që Lulzim Basha ka me të ardhmen e Partisë Demokratike, të cilës Ramiz Alia më 1990 u detyrua t’i hapte rrugë dhe ta fuste në pushtet, kurse ky e nxorri nga çdo qelizë e pushtetit duke e lënë rrugëve.

Lulzim Basha e nxorri Partinë Demokratike nga sistemi politik, e nxorri nga Parlamenti dhe Bashkitë, e nxorri nga Këshillat Bashkiake dhe institucionet. Dhe po e fut në Teatër. Vetëm aty ndjehet i sigurtë që fiton si aktor.

“Toyota Yaris”, Basha të enjten në “sitën” e prokurorëve belg

Të enjten në orën 09:00, Lulzim Basha është thirrur për të dëshmuar në Prokurorinë e Krimeve të Rëna, në lidhje me dosjen e njohur si “Toyota Yaris”. Basha do të duhet të dëshmojë para prokurorëve shqiptarë dhe katër të ardhur nga Belgjika, në lidhje me faktin se si e ka marrë informacionin, që në makinën “Toyota Yaris”, gjendeshin 3.4 milionë euro, tashmë të sekuestruara. Të martën, PD konfirmoi se Basha ishte i gatshëm të bashkëpunonte për këtë dosje, por nuk saktësoi nëse ai do të shkonte apo jo nëprokuri.

“Kryetari i opozitës është shprehur i gatshëm për të ndihmuar me informacionet që disponon në zbardhjen e lidhjeve kriminalo-politike në aferën e pastrimit të miliona eurove me garanci politike të përfaqësuesve më të lartë të kupolës së Rilindjes. Zoti Basha është në kontakt me autoritetet belge dhe mbetet ne pritje te rakordimit me to per menyren e bashkepunimit”, raportonte një media në vend, duke cituar burime brenda PD.

Megjithatë, ajo që mbeti e pakonfirmuar është pikërisht fakti nëse Basha do të shkojë apo jo në prokurori, për të dëshmuar, ku do të duhet të tregojë ato që ai di në lidhje me këtë çështje. 3.4 milionë eurot e gjetura në mjete “Toyota Yaris”, u sekuestruan në 24 qershor të 2018, pas një aksioni të policisë së shtetit në portin e Durrësit.

Ndërkohë, Lulzim Basha e denoncoi i pari në Kuvend çështjen. Hetimet për këtë dosje vijojnë paralelisht në Shqipëri dhe Belgjikë, pasi shteti belg ishte vendi nga kishin ardhur eurot në Shqipëri. Deri më tani janë arrestuar 4 persona dhe janë shpallur në kërkim dy të tjerë.

Basha në Kukës, reagon Elezi: Tradhtar që shite bashkinë te Rama

Lulzim Basha zhvilloi të martën takime me simpatizantët e tij në rajonin verilindor të vendit, Kukës, Has dhe disa zona të tjera. Pas vizitës së kryedemokratit në këto zona, ka ardhur reagimi i Ibsen Elezit, ish drejtues i Partisë Demokratike të Kukësit.

Një nga zërat më kritikë të Bashës në PD, Elezi e ka akuzuar drejtpërdrejt kreun e kësaj partie, se “shiti Bashkinë e Kukësit në tavolinë te Rama”. “Ju tradhtoi më 31 mars 2018. E shiti bashkinë e Kukësit në tavolinë te Rama. vjen dhe ju mashtron se zgjedhjet e pushtetit lokal do të jenë në 13 tetor”.

“Të dalësh në foto me një tradhtar dhe shërbëtor të majtistit të ndyrë George Soros, nuk është kujtim i bukur për nesër. Një demokratë kuksian nuk mund të bëhet Lulëzims për hir të interesave të rëndomta të disa lulëdhimsave. “Ky të gënjen edhe për orën”: nga aleati juaj buri stetit Ilir Meta”, shkruan Ibsen Elezi, duke sulmuar dhe thumbuar Lulzim Bashën.

Basha kundër 13 tetorit, kërkon datë të re zgjedhjesh

Kreu i demokratëve, Lulzim Basha, pak ditë pas njohjes së 13 tetorit “si një mundësi të mirë për zgjidhjen e krizës” duket se e ka hedhur sërish poshtë atë. Sot kërkon mbajtjen e në të njëjtën ditë të zgjedhjeve të parakohshme parlamentare dhe atyre lokale. Këto deklarata Basha i bëri gjatë takimit me demokratët në Has, duke “refuzuar” 13 tetorin dhe kërkon krijimin e një qeverie tranzitore pa Ramën që do të krijojë zgjedhjet e parakohshme parlamentare, në të njëjtën ditë me zgjedhjet lokale.

“Aksioni politik i opozitës do të vazhdojë deri në përmbushjen e objektivit, që janë zgjedhjet e parakohshme parlamentare, në të njëjtën ditë me zgjedhjet lokale nën kujdesin e një qeverie tranzitore, pa Edi Ramën. Farsa e 30 qershorit i shërbeu mbarë botës për të parë se ky njeri nuk bën dot zgjedhje. Edhe kur vetë kandidon, vetë voton, vetë numëron, vetë tabulon, vetë shpall rezultatin, prapëseprapë, nuk rri dot pa i vjedhur zgjedhjet. Për pushtetin dhe pasurinë e tij, është i gatshëm t’i vërë kazmën pluralizmit dhe demokracisë” tha Basha

Ndërkohë që kryeministri Rama i ka përsëritur sërish ftesën për dialog dhe arritjen e një marrëveshje që do të zgjidh krizën politike, kreu i PD, vazhdon të mos i përgjigjët kësaj ftesë dhe të mos e përmend askund në takimet që po zhvillon me demokratët në zona të ndryshme të vendit. Kryedemokrati vijon t’i qëndrojë thirrjes së tij për krijimin e një qeverie tranzitore pa Ramën që do e çojë vendin në zgjedhje të parakohshme dhe të paraqes programin e tij për zhvillimin ekonomik me një program të qartë që zgjidh problemet e biznesit dhe papunësisë, si problemi kryesor i vendit.

Basha ‘kërcënon’ arkitektët e huaj: Gropa e teatrit do të jetë për ju

Kryetari i Partisë Demokratike Lulzim Basha ka bërë një reagim të hënën në lidhje me prishjen e Teatrit Kombëtar. Në një koment në rrjetet sociale, Basha e cilëson projektin për teatrin si “kriminal grabitqar”. “Projekti i teatrit kombëtar është projekt kriminal grabitqar. Ai ka vetëm një qëllim: grabitjen nga Rama të dhjetëra milionave euro. Njësoj si projekti i stadiumit, ku Edi Rama është pronari i vërtetë i gjysmës tij. Njësoj si projekti i unazës ku Edi Rama do vjedhë miliona euro. Një hajdut psiqik që nuk ngopet pa vjedhur të gjithë Shqipërinë”, shkruan Basha.

Kreu i demokratëve shprehet me tone të ashpra në lidhje me arkitektët, duke i kërcënuar ata, qoftë të huaj apo vendas, se do të përgjgjen përpara përgjegjësisë për korrupsion. “Dua t’i them troç çdo arkitekti të huaj e vendas, çdo funksionari, çdo drejtuesi nga më i parëndësishmi tek Edi Rama se do të përgjigjen para drejtësisë për këtë korrupsion masiv dhe krimin që po i bëjnë pasurive dhe parave publike”.

Në fund, Lulzim Basha shprehet se “gropa që do të hapin në truallin e teatrit, do të jetë gropa e tre”. “Atyre që mendojnë se do të ndërtojnë, dua t’ju them se ndërtimi do të jetë burgu i tyre. Dua t’u them qartë: gropa që mendojnë se do të hapin në truallin e teatrit do të jetë gropa e tyre”, përfundon komenti i Lulzim Bashës. .

Basha “Vetting” gjithë PD-së (a ka një çështje besimi në parti?)

Partia Demokratike ka hyrë në një fazë ristrukturimi, teksa drejtuesit e saj kanë deklaruar më herët se gjatë gjithë verës do ketë një organizim strukturash. Pjesë e këtij organizimi duket se do të jetë dhe një filtër i imtësishëm i gjithë anëtarësisë së PD-së, duke nisur nga baza deri në formuet më të larata drejtuese të saj.

Konkretisht, Partia Demokratike, duke imituar “Vettingun” e gjyqtarëve dhe prokurorëve dhe atë të policisë, por dhe procesin e dekriminalizimit, ka hartuar një pyetësor prej 13 faqesh, ku të gjithë anëtarët e saj do të vetëdeklarohen.

Formulari i vetëdeklarimit për anëtarësinë e PD-së, përmban pyetje të ndryshme, të cilat në shumicën e tyre janë të ngjashme me ato të formularëve të vetëdeklarimit të zyrtarëve që janë pjesë administratës publike apo që kandidojnë për poste drejtuese.

Në formular kërkohen të dhëna personale, të dhëna për punësimin, shkollimin, apo të dhëna për pastërtinë e figurës që lidhen me gjendjen gjyqësore të anëtarëve të PD. Formulari merr rëndësi të madhe për anëtar të Partisë Demokratike që do të garojnë të jenë pjesë e forumeve të larta drejtuese në Tiranë dhe rrethe, të cilët duhet të deklarojnë gjithçka për veten e tyre.

Anëtarët e PD do të vetëdeklarohen në seksione të veçanta për veprimtarinë e tyre politike, duke nisur prej vitit 1944 deri në vitin 1991, ku të vetëdeklaruarit do të përgjigjen nëse kanë qenë anëtar apo kandidat i Byrosë Politike, Anëtarë i Komitetit Qendrorë i Partisë Punës, Anëtar i Presidiumit të Kuvendit Popullor, Kryetar i Gjykatës së lartë, Prokuror i Përgjithshëm, Kryetar i Hetuesisë së Përgjithshme, anëtar i Këshillit të Ministrave, Bashkëpunëtor i ish sigurimit të shtetit, anëtarë i komisionit qendrorë të Dëbim-Internimit, apo denoncues ose dëshmitar në procese politike të posaçme.

Nuk dihet ende qëllimi i vërtetë i plotësimit të këtij formulari, por gjithçka vjen në një kohë kur zërat kundër Bashës në PD janë shtuar dhe divergjencat brenda partisë nuk janë të pakta.

Javët e fundit, pas zgjedhjeve të 30 qershorit, zërat kritikë ndaj Bashës janë shtuar. Nga Jozefina Topalli, Edvin Kulluri, Arben Imami, e deri tek Arben Ristani, kanë folur për situatën në parti. Ristani, vetëm disa ditë më parë në “Real Story”, kërkoi që PD duhet të hapet dhe të krijohet besimi brenda anëtarësisë së partia është gati për të ardhur në pushtet.

Ndaj, nuk dihet nëse ky formular vetëdeklarimi mund të jetë një masë paraprake nga kreu i PD-së për të frenuar kritikat, jo nga ata që janë jashtë, por ata që janë ende pjesë e strukturave dhe kanë role drejtuese në parti. Apo është vërtet një mision për të vendosur një standard brenda së djathtës, ku çdo anëtar duhet të jetë i ‘pastër’ dhe i denj për të qenë pjesë e forumeve drejtuese të kësaj partie dhe gjithashtu për të kandiduar në poste të rëndësishme nën siglën e PD?! Këtë do ta gjykojë koha!

Mandati i Sakos trishton Kryemadhin: Ra siguria juridike

Monika Kryemadhi ka reaguar pas vendimit të Gjykatës së Durrësit, që i dha mandatin kryetares së bashkisë së zgjedhur më 30 qershor Valbona Sako. Kryemadhi është shperhur se me vendimin e të premtes, “ra siguria juridike e një vendimi gjykatë”. Sipas kryetares së LSI, ky vendim tregon edhe rrugën se ku po shkon Reforma në Drejtësi. “Vendimi i Gjykatës së Durrësit, tregon ku po na çon ‘Rilindja’ e Reformës në Drejtësi. Absurdi i sotëm duhet të futet në librat e jurispudencës”, është shprehur Kryemadhi.

Një ditë më parë, Monika Kryemadhi e përshëndeti vendimin e Gjykatës së Durrësit, që nuk i dha mandatin Valbona Sakos. Ndërkohë, vendimi i të premtes, duket se i ka prishur ‘festën’ e parakohshme kryetares së LSI, por dhe kreut të PD, Lulzim Basha, që reagoi gjatë ditës duke akuzuar se “drejtësia është e kapur nga qeveria”.

Ndërkohë, të enjten Realstory.al paralajmëroi se si opozita po ndjek rrugët ligjore, atë që thanë ndërkombëtarët, për të bërë të pavlefshëm, sipas tyre, zgjedhjet e 30 qershorit. Në shkrimin e publikuar një ditë më parë, Realstory.al theksohet fakti se opozita po shfrytëzon hapësirat dhe vakumet e reformës në drejtësi dhe dekretet presidenciale, si një mjet justifikimi para ndërkombëtarëve, për t`u thënë atyre “se po ndjekim këshillën tuaj”, duke i kontestuar zgjedhjet në rrugë institucionale. (Lexo shkrimin e Realstory.al).