Basha paralajmëron tjetër “fitore”: Negociatat nuk hapen

Duke e cilësuar vendimin e presidentit për anulimin e zgjedhjeve të 30 qershorit si rrjedhojë të bashkimi popullor, Lulim Basha shprehet se tashmë për Edi Ramën po vejn gjykimi i Europës. Kreu i PD-së ka reaguar me një koment në rrejtet sociale, ku shkruan se Europa është e tronditur nga përgjimet e publikuara nga BILD.

“Më kot po bën gjithçka për t’i shpëtuar gjykimit. Gjykimi i Europës po vjen, gjykimi i popullit është i pashmangshëm! Kryeministri i Avdylajve do largohet! Boll më me Shqipërinë që duan ata, tani është koha e Shqipërisë për të gjithë shqiptarët! #ShqipëriaSiEuropa”, shkruan Lulzim Basha.

Dekreti i Metës. Çfarë është presidenti për ju?

Nisur nga ky mesazh, kreu i PD-së duket se paralajmëron se gjykimi i Europës për Edi Ramën do të jetë mos hapja e negociatave për integrim në BE. Edhe këtë, opozita e lexon si një fitore, që në fakt nxjerr në pah atë që Kryeministri Edi Rama ka thënë këto ditë, se përgjimet e publikuara nga BILD, nuk janë gjë tjetër veç se kërkojnë të nxijnë Shqipërinë, teksa pret dritën jeshile për hapjen e negociatave me Bashkimin Europian.

Dhe pas “fitores” të së shtunës për anulimin e zgjedhjeve, Basha po paralajmëron një tjetër fitore të opozitës, duke e përdorur një vendim të mundshëm negativ për Shqipërinë nga Këshilli Europës, si dështim të qeverisë për të përmbushur një premtim të kahershëm për hapjen e negociatave.

Ja çfarë shkruan Lulzim Basha në komentin e tij:

Kreytari i Partisë Demokratike Lulzim Basha ka bërë një reagim këtë të diel në mbrëmje, du

Shqiptarët dhe mbarë Europa është tronditur nga përgjimet e publikuara nga BILD, që faktuan se Rama është një kryeministër ilegjitim, se pushtetin nuk e mori me vota, por e mori me krimin dhe me bandat. Sot çdokush e di se në Shqipëri sundon një qeveri e zgjedhur nga mafia dhe jo nga populli.

Vendimi për anullimin e 30 qershorit u diktua nga bashkimi më i madh shqiptarëve për të mos pranuar kurrë më një proces monist dhe kriminal të bandës që sot ka ka vjedhur pushtetin dhe për të mbrojtur standartet dhe vlerat europiane.

Askush nuk duhet të ketë asnjë iluzion. Rama ka kapur çdo pushtet, ka vjedhur çdo qindarkë, ka përdorur çdo mjet për të manipuluar zgjedhjet në bashkëpunim me krimin. Ai është i zhytur në krim dhe i kapur nga krimi!

Më kot po bën gjithçka për t’i shpëtuar gjykimit. Gjykimi i Europës po vjen, gjykimi i popullit është i pashmangshëm! Kryeministri i Avdylajve do largohet! Boll më me Shqipërinë që duan ata, tani është koha e Shqipërisë për të gjithë shqiptarët! #ShqipëriaSiEuropa

Dekreti i Metës, Veliaj: Presidenti po i jep një dorë Bashës, por ai nuk bëhet më

Nga Farka ku zhvilloi një takim elektoral, Erion Veliaj ka komentuar vendimin e presidentit Ilir Metan për shtyrjen e datës së zgjedhjeve. Veliaj u shpreh se akti i Metës i shkon në ndihmë Lulzim Bashës, por, sipas Veliajt, Luli ka treguar se nuk është i aftë dhe nuk bëhet më.

“Ne të vazhdojmë punën, rrugën dhe drejtimin e duhur për Tiranën tonë. Jam entuziast se shumica e popullit shqiptar nuk shkuan pas një guri që hodhi njëri në lumë. Sot nuk ka asnjë pengesë pse qytetarët të mos zgjedhin politikanët e duhur. Presidenti e provoi që t’i japë Lulit një dorë. Po Lulit jepi ça të duash nuk bëhet më. E kishte Tiranën në dorë 4 vite”, u shpreh Veliaj.

Dekreti i Metës. Çfarë është presidenti për ju?

Më tej, kryebashkiaku Erion Veliaj u shpreh se Lulzim Bashën po mundohen ta mbajnë me pilula, ndërsa shtoi se sot u kemi thënë lamtumirë atyre që na bllokojnë. “Lulin po mundohen ta mbajnë me shiringa me pilula, po nuk bëhet më. Këtu në Farkë s’kishte autobus të vinte këtu, nuk kishte një kopsht, një çerdhe. E menaxhonte Loni këtu. Duket sikur ka qenë para 100 viteve, por ka qenë para pak. Sot i kemi thënë lamtumirë dekreteve, lamtumirë atyre që na bllokojnë”, tha Veliaj.

Gjatë fjalës së tij, Erion Veliaj, u shpreh se dekreti i Metës vjen direkt pas reagimit që mbajti SHBA, që u shpreh se më 30 qershor amerikanët do të vinin në Shqipëri për të monitoruar zgjedhjet, dhe përgjegjësit e dhunës do të ishin Luli e Mona.

“Dekreti nuk ndodhi në dhjetor, para se të caktohej data e zgjedhjeve, por ndodhi dje. Dekreti ndodhi dje sepse Amerika tha do jemi në Shqipëri në 30 qershor që qytetarët të votojnë të lirë. Ja pse ndodhi. Një herë në 4 vjet, do merret më i miri në punë. Jo kur të dojë qejfi ty. Kjo nuk është në dorë të politikanëve, është populli që i zgjedh”, theksoi Veliaj.

Kërkojmë mendimin tuaj: Si e vlerësoni vendimin e Presidentit për shtyrjen e datës së zgjedhjeve?

Vetëm pak minuta para se të niste protesta e tetë kombëtare e opozitës këtë të shtunë, Presidenti i Republikës Ilir Meta nxorri një njoftim publik, ku shprehej se kishte vendosur shfuqizimin e dekretit për datën e zgjedhjeve të 30 qershorit.

Ky vendim i ishte sa i papritur, njëherazi dhe disi i paralajmëruar, shkëndijat e para të kësaj ndodhie, u dhanë nga gazetari Sokol Balla të enjten në mbrëmje në emisionin e tij “Real Story” në Vizion Plus, ku deklaronte para Kryeministrit të vendit Edi Rama, se kishte informacione se kreu i shtetit po mendonte shtyrjen e datës së zgjedhjeve.

Megjithatë, vendimi kësaj të shtune i Presidentit Ilir Meta, u lexua si fitore nga opozita, e cila sot gjithashtu ishte e papërgatitur, të paktën për të mos i shkuar deri në fund skenarit të saj për protestën.

“RealStory.al” hap një tjetër sondazh, ku fton qytetarët shqiptarë për të dhënë mendimin e tyre rreth aktit të paprecendentë të Presidentit të Republikës, atë të shfuqizimit të dekretit për datën e zgjedhjeve. A tregon ky vendim se Ilir Meta është “Burrë shtetit”, është “Opozitar”, apo pas këtij vendimi, Ilir Meta duhet të japë dorëheqjen?. Votoni në sondazhin e mëposhtëm.

Dekreti i Metës. Çfarë është presidenti për ju?

Kreu i PD: Anulimi i 30 qershorit, fitorja e parë e qëndresës sonë

Kryedemokrati Lulzim Basha ka deklaruar se vendimi i Presidentit Meta për shfuqizimin e dekretit për zgjedhjet e 30 qershorit është rezultat i qëndresës së tyre. Nga bulevardi Dëshmorët e Kombit, ku njoftoi protestuesit e shumtë të mbledhur në protestën e opozitës së bashkuar për vendimin e presidentit, ndonëse Basha kishte deklaruar se nuk do të fliste më dhe fjalën e kishte sovrani, ai u shpreh se anulimi i procesit të 30 qershorit, nuk është fundi i betejës.

“6 net më parë u zotova para jush se nuk kisha më fjalë dhe arsye për fjalë, ndaj më lejoni të shpjegoj para jush dhe gjithë shqiptarëve pse po e marr fjalën para jush dhe gjithë shqiptarëve, arsyen pse po e marr fjalën sot. Arsyeja është sepse kjo javë e mbushur me zhvillime të jashtëzakonshme në Shqipëri, në Gjermani, në Europë, të cilat janë të lidhura drejtpërdrejt me fatin e vendit tonë, me rrugën tonë drejt Europës, kanë marrë një kthesë. Ndaj më lejoni ta nis duke ju falënderuar ju vëllezër dhe motra që jeni forca e pandalshme e ndryshimit që po vjen. Në këto momente që po flas, falë vendosmërisë tuaj të pathyeshme falë bashkimit më të paparë të mendjeve e zemrave të shqiptarëve të lirë, Presidenti i Republikës ka marrë vendimin për anulimin e 30 qershorit, datës së planifikuar nga regjimi kriminalo autokratik i bandës së Edi Ramës për të ekzekutuar krimin e shëmtuar elektoral, për të kapur përmes një procesi monist antikushteutes, antielektoral, antiligjor dhe kriminal, pushtetin vendor. Vëllezër dhe motra kjo është vetëm rezultat i forcës tuaj të pathyeshme, i qëndresës tuaj i besimit tuaj të palëkundur tek vlerat evropiane, të lirisë, të demokracisë, të dinjitetit”, u shpreh Basha.

Më pas, Basha ka bërë thirrje kundër dhunës, ku dukej se protestuesit ishin përgatitur për të goditur forcat e policisë, pasi kishin filluar që qëllonin me tymuese dhe kapsolla. “Vëllezër dhe motra, ju bëj thirrje të mos ndërmerrni asnjë veprim që dëmton protestuesit apo vëllezërit tanë në uniformë. Zemërimi juaj është I ligjshëm, por ka vetëm një njeri që do dhunë, ka vetëm një njeri që lutet për dhunë, dhe ky është njeriu që do t’i shpëtojë gjykimit të popullit, do ti shpëtojë gjykimit të Evropës. Ky është Edi Rama dhe banda e tij. Nuk do t’i shpëtojë, gjykimi i Evropës po vjen, gjykimi i popullit është i pashmangshëm”, deklaroi kreydemokrati.

Megjithatë, ai vuri në dukje se protestat e tyre nuk do të ndalojnë, kur iu drejtua protestuesve të opozitës se anulimi i 30 Qershorit është fitimi i një beteje, pasi largimi i Ramës si kryeministër është i panegociueshëm. Në mbyllje të fjalimit të tij para kryeministrisë, Basha i ka ftuar protestuesit të marshojnë sërish te Parlamenti, ashtu siç ka vepruar edhe në shtatë protestat e tjera.

Dekreti i Metës. Çfarë është presidenti për ju?

Basha mbërrin në selinë e PD, militantët e presin këmbëkryq

Një orë para protestës, lideri demokrat Lulzim Basha ka mbërritur në selinë blu i shoqëruar edhe nga bashkëshortja e tij, Aurela Basha.

Teksa është afruar pranë selisë, kryedemokrati Basha është afruar pranë militantëve të grumbulluar për të pritur nisjen e protestës.

Ata menjëherë janë ngritur për të përshëndetur liderin demokrat i cili është shkëputur nga bashkëshortja për t’u takuar me ta.

Ndërkohë, pranë kryeministrisë, kanë filluar të mblidhen protestuesit e parë, me vuvuzela dhe me flamuj. Gjithashtu nuk mungojnë as shashkat dhe kapsollat.

Të rinjtë e FRPD kanë sjellë me vete edhe një kafaz në protestën që do të zhvillohet përpara kryeministrisë. Brenda kafazit janë futur edhe dy militantë të veshur me uniformën e të burgosurve, ndërkohë që në fytyrë mbajnë maskat e kreut të qeverisë Edi Rama dhe kryetarit të Bashkisë së Durrësit, Vangjush Dako.

Sonte në orën 19:00 opozita do të zhvillojë protestën e tetë kombëtare përpara Kryeministrisë duke kërkuar sërish largimin e Edi Ramës nga pushteti, pasi e akuzojnë si të lidhur me krimin. Protesta e sotme vjen pas daljes së përgjimeve të reja nga gazeta gjermane Bild, ndërsa kreu demokrat Lulzim Basha tha se një nga arsyet pse PD ka zgjedhur të mos marrë pjesë në zgjedhjet vendore të 30 qershorit 2019, është se nuk mund të konkurrojnë politikisht – sipas tij me kriminelët.

Basha i zbutur nga Gjermania, ftesë për protestë paqësore dhe “intelektuale”

“Të rinj e të reja, studentë dhe profesionistë, pedagogë, artistë, intelektualë, mjekë e infermierë dhe mësues, etj, mirësevini nesër në bashkimin popullor dhe qytetar në orën 19 në Tiranë”, ka qenë kjo thirrja e Lulzim Bashës për drejtuar qytetarëve shqiptarë për të marrë pjesë në në protestës e tetë kombëtare që opozita do të organizojë të shtunën përpara Kryeministrisë.

Pas disa ditësh qëndrimi në Gjermani, ku pati disa takime në nivele të larta, Lulzim Basha u ka bërë ftesë qytetarëve shqiptarë për protestën, por duke zgjedhur të ndryshojë mjetin dhe mënyrën e ftesës. Një ftesë krejt ndryshe nga shtatë protestat e tjera, ku mungojnë fjalë të tilla të zakonshme si “vendos sovrani, rrëzojmë Edi Ramën, s`ka zgjedhje pa opozitën”, etj. Ndryshe nga ftesat e protestave të kaluara, ku Lulzim Basha ka ftuar shqiptarët në protestë nëpërmjet rrjeteve sociale dhe videove të montuara, kreu i PD ka zgjedhur të flasë në konferencë për shtyp nga selia Blu, për ti dhënë më tepër kuptim mesazhit të tij, ndoshta edhe me gjuhën e trupit.

Në fakt, toni i zërit të kreut të PD ka qenë ndryshe, i zbutur dhe në kushte shumë normale, çka tregon se Basha ka ardhur me tjetër mendim për aksionin politik, pas takimeve që ka pasur në Gjermani. Dhe në fakt, kjo u lexua dhe nga mesazhet që përcolli gjatë fjalës së tij. Ndonëse foli gjerësisht dhe solli në kujtesë ato, që ai i quan denoncime të PD-së për lidhjen e Qeverisë me krimin, këtë herë Basha nuk e kishte drejtpërdrejt me Edi Ramën, se me ata, që sipas tij, e mbajnë në pushtet. Dhe këtë mesazh, Basha ua drejton ndërkombëtarëve, që prej kohësh kanë dalë në mbështetje të dialogut me Qeverinë dhe zgjidhjes së problemeve në tryezën e bisedimeve.

“Të gjitha këto, unë dhe PD i kemi denoncuar dhe luftuar përditë. Shumë njerëz na kanë marrë për Don Kishotë, por sot don kishotët janë ata që Edi Rama ju dukej artist dhe perëndimor dhe jo ai që është: një kriminel llogaritës dhe manipulator gjakftohtë që ka instaluar në Shqipëri një regjim kriminal”, u shpreh Basha.

“Ata që mendojnë ndryshe janë të verbër ose naivë. Ata që nuk kanë problem që Edi Rama të qeverisë me standarde mafioze dhe diktatoriale, ata që mbyllin sytë përditë përballë krimit, korrupsionit dhe kapjes së shtetit, nuk mund t’i kërkojnë opozitës që të kthehet në Kuvend apo të marrë pjesë në zgjedhje”, u shpreh Luzlim Basha.

Veç kësaj, Basha dukej se është tërhequr edhe nga prishja e zgjedhjeve, pasi në asnjë fjalë dhe mesazh të artikuluar prej tij, nuk u përmend prishja e zgjedhjeve të 30 qershorit. Madje, ndonëse nuk e artikuloi, por fjala e Bashës u duk në sinkron edhe me atë të Monika Kryemadhit, që vetëm 10 minuta më pas, artikuloi nga një takim që pati me simpatizantët e LSI, se në protestën e të shtunës, nuk do të ketë dhunë dhe prekje të unfirmoës së Policisë.

Në fakt, veç efektit “gjerman”, që mund të ketë zbutur tonin e kreut të opozitës, duket se diçka tjetër mund të ketë pasur rol në këtë qëndrim. Të premten në “Real Story”, Edi Rama deklaroi prerazi se nuk ka negociatat me opozitën para datës 30 qershor, duke lënë të kuptohet se gjithçka mund të ndodhë, por vetëm pas zgjedhjeve lokale.

“Lyrzim Basha kërkon drejtësi?! Ta nisim nga ata që pushkatuan më 21 Janar”

“Ta nisim vendosjen e drejtësisë nga ata që vranë të pafajshëm më 21 Janar”. Kështu shkruan zëvendës kryeministri Erjon Braçe teksa reagon pas postimit më të fundit të Bashës në facebook.

E ndërsa Basha shkruan se protesta e opozitës është për demokraci, shtet ligjor e drejtësi, Braçe i kthen përgjigje duke i përmenduar deklaratën e Stoltenbergut: “dhuna politike është e papranueshme”.

Postimi i plotë i Erjon Braçes

Lyrzim Basha kerkon

Demokraci, Shtet Ligjor dhe

Drejtesi te Barabarte!

Mos u habisni, ai vete eshte?

Pasi u kthjellua sot ne te gdhire,

u kujtua ne ajer se dje ka thene:

KOHA E FJALEVE MBAROI,

TANI DO FLASIN KRIMINELET SOVRANE TE PARTISE!

E rende eshte, sidomos si pergjigje ndaj

Sekretarit te Pergjithshem te NATO-s,

i cili, dje ne Tirane, pak para tij tha:

DHUNA POLITIKE ESHTE E PAPRANUESHME!

(Vini re, “dhuna politike”, as e shquan kush si “dhune popullore”, sic do Lyrzimi)

Pikerisht, me i kthjellet, por mbi te gjitha

i lire, jo peng sic eshte ne Tirane,

Lyrzim Basha ka sqaruar se kerkon:

Demokraci, Shtet Ligjor dhe

Drejtesi te Barabarte!

Patjeter qe duhen keto;

Por Demokraci pa zgjedhje nuk ka kund;

Por Shtet Ligjor ku ligjin e shkelin vec kriminelet sovrane te Partise me dhune e me zjarr, nuk ka kund;

Po shyqyr; Drejtesia e Barabarte nis me gjykimin e akuzes zyrtare te Prokurorise,

te cilen Lyrzim Basha e ka mbi kurriz;

Hetimin me ne fund te pushkatimit ne mes te dites te kater qytetareve te pa armatosur e te pafaj ne 21 janar nga forcat e armatosura te nje qeverie qe drejtohej nga Sali Berisha dhe Lyrzim Basha.

E nisim keshtu dhe e cojme deri tek i fundit!

View this post on Instagram

Lyrzim Basha kerkon Demokraci, Shtet Ligjor dhe Drejtesi te Barabarte! Mos u habisni, ai vete eshte? Pasi u kthjellua sot ne te gdhire, u kujtua ne ajer se dje ka thene: KOHA E FJALEVE MBAROI, TANI DO FLASIN KRIMINELET SOVRANE TE PARTISE! E rende eshte, sidomos si pergjigje ndaj Sekretarit te Pergjithshem te NATO-s, i cili, dje ne Tirane, pak para tij tha: DHUNA POLITIKE ESHTE E PAPRANUESHME! (Vini re, “dhuna politike”, as e shquan kush si “dhune popullore”, sic do Lyrzimi) Pikerisht, me i kthjellet, por mbi te gjitha i lire, jo peng sic eshte ne Tirane, Lyrzim Basha ka sqaruar se kerkon: Demokraci, Shtet Ligjor dhe Drejtesi te Barabarte! Patjeter qe duhen keto; Por Demokraci pa zgjedhje nuk ka kund; Por Shtet Ligjor ku ligjin e shkelin vec kriminelet sovrane te Partise me dhune e me zjarr, nuk ka kund; Po shyqyr; Drejtesia e Barabarte nis me gjykimin e akuzes zyrtare te Prokurorise, te cilen Lyrzim Basha e ka mbi kurriz; Hetimin me ne fund te pushkatimit ne mes te dites te kater qytetareve te pa armatosur e te pafaj ne 21 janar nga forcat e armatosura te nje qeverie qe drejtohej nga Sali Berisha dhe Lyrzim Basha. E nisim keshtu dhe e cojme deri tek i fundit!

A post shared by Erion Brace (@erionbrace) on Jun 3, 2019 at 1:54am PDT

Deklaratat e Sekretarit të NATO për dialog, Basha fton shqiptarët për protestë

Pas më pak se tre orësh, opozita do të mbajë protestën e shtatë kombëtare, e cila do të mbahet këtë të diel në orën 19:00 përpara Kryeministrisë.

Kryetari i Partisë Demokratike, Lulzim Basha ka publikuar një tjetër video në rrjetin e tij social Facebook, ku fton për herë të fundit qytetarët që të dalin në protestë.

Në hapje të video-mesazhit të publikuar nga Lulzim Basha, shkruhet se “pushteti i krimit ka rënë”, ndërsa më pas video vijon me të tjera mesazhe, ku sulmohet Kryeministri Edi Rama.

Në fund të videos, Lulzim Basha e mbyll me sloganin “Shqipëria si Europa”, duke ftuar qytetarët të marrin pjesë në protestë.

Ky mesazh i kreut të PD, vjen vetëm pak minuta pas takimit që Sekretari i Përgjithshëm i NATO-s, Jens Stoltenberg pati me Kryeministrin e vendit Edi Rama.

Gjatë këtij takimi, edhe numri një i NATO-s i bëri thirrje opozitës të dialogojë dhe të marrë pjesë në zgjedhje.

Asnjë hap pas për çlirimin e vendit nga e keqja! Sonte në ora 19:00 të gjithë në shesh! #2qershor #ShqipëriaSiEuropa
Gepostet von Lulzim Basha am Sonntag, 2. Juni 2019

Basha tek “Unaza e Re” fton shqiptarët në protestë: Të dielën për Shqipërinë që duam

Kryetari i Partisë Demokratike, Lulzim Basha ka zgjedhur protestën e banorëve që preken nga projekti i “Unazës së Re”, për të ftuar për herë të fundit qytetarët shqiptarë për të marrë pjesë në protestën e shtatë kombëtare, që opozita do të zhvillojë ditën e diel pasdite.

“Të bashkohemi nesër para bselisë të së keqes, ku Shqipëria e hajdutërisë kriminale të Milot- Balldrenit, ku Shqipëria e propagandës kriminale të kotecit palestër ku është katandisur organizata kriminale e Rilindjes, dhe Shqipëria e qendresës stoike të banorëve të Unazës, të takohen në një betejë ku vetëm njëra do të mbijetojë:

O Shqipëria e drejtësisë, shqipëria e prindërve që luftojnë për fëmijët e tyre, Shqipëria e Kushtetutës dhe e ligjit, Shqipëria e vlerave europiane, apo Shqipëria e zuzarëve dhe banditëve, hajdutëve që kanë përzënë gjysmë milioni të shqiptarëve, qeverisjen më të korruptuar dhe më të inkriminuar të Europës!

Kjo është beteja! Kjo është kauza, dhe në këtë kauzë nuk ka ngjyra, nuk ka të djathtë e të majtë. O je me fëmijët e tu, o je me vlerat elementare të dinjitetit njerëzor e të punës së ndershme, ose je skllav dhe qen i krimit”, tha Basha ndër të tjera.

Basha: Rama ik, 20 herë!

Vetëm pak minuta pasi përfundoi fjalën e tij Kryeministri Edi Rama në mitingun e hapjes së fushatës elektorale për zgjedhjet lokale të 30 qershorit, Lulzim Basha ka reaguar duke publikuar një video, ku fton shqiptarët të marrin pjesë në protestën e datës 2 qershor.

Në këtë video, të publikuar në profilin zyrtar të Lulzim Bashës në Facebook, ai tregohen 20 rastet, sipas tij, që Edi Rama duhet të ikte.

“Të gjithë të bashkuar do ta ndryshojmë fatin e vendit tonë! Nuk do ta lëmë Shqipërinë në duart e një bande që ka marrë peng të ardhmen e një populli të tërë”.

“Koha e banditëve në pushtet ka mbaruar, ka ardhur koha e shqiptarëve! Asnjë hap pas! Nesër të gjithë në shesh në orën 19:00. #2qershor #ShqipëriaSiEuropa”, shkruan Basha.

Arsyet, që sipas Bashës, Rama duhet të largohej!

“Pushteti i Edi Ramës ka rënë. Ai duhet të ishte larguar:

Kur i dha pushtet kriminelëve!

Kur Elvis Roshi doli trafikant e përdhunues!

Kur Saimir Tahiri doli trafikant dhe blerës votash!

Kur Shqipëria u kthye në hambar droge!

Kur u zbuluan koncesionet e hajdutërisë!

Kur Fatmir Xhafaj mbrojti drogën me shtet!

Kur fshehu 30 milionë euro në Amerikë!

Kur ekonomia u kap nga paratë e krimit!

Kur vodhi votat me dakon dhe Gjiknurin!

Kur shkatërroi pa ligj shtëpitë e njerëzve!

Kur helmoi fëmijët me gaz lotsjellës!

Kur bllokoi rrugën drejt Europës!

Kur grabiti me oligarkët çdo pasuri publike!

Kur tradhtoi integritetin e Kosovës!

Kur zhyti 300 mijë shqiptarë në skamje!

Kur mbylli gjykatat!

Kur ja dorëzoi shtetin banditëve!

Për çlirimin e Shqipërisë nga e keqja!

Asnjë hap pas!”

Të gjithë të bashkuar do ta ndryshojmë fatin e vendit tonë! Nuk do ta lëmë Shqipërinë në duart e një bande që ka marrë peng të ardhmen e një populli të tërë. Koha e banditëve në pushtet ka mbaruar, ka ardhur koha e shqiptarëve!Asnjë hap pas! Nesër të gjithë në shesh në orën 19:00. #2qershor #ShqipëriaSiEuropa
Gepostet von Lulzim Basha am Samstag, 1. Juni 2019