Kush mund ta qeverisë më mirë Shqipërinë, Rama apo Basha?

Nga Eduard Zaloshnja

Në sondazhet e mia periodike, përveç pyetjes se për cilën parti duan të votojnë të anketuarit,  kam përfshirë edhe një pyetje interesante: “A mendoni se, përgjithësisht, punët në Shqipëri mund të shkojnë më mirë duke pasur Ramën kryeministër apo Bashën? Si opsione të ndërmjetme për këtë pyetje, kam përfshirë edhe përgjigjet “Ndoshta Ramën” ose “Ndoshta Bashën”.

Nga shkurti deri në nëntor (shihni grafikun shoqërues), anketuesit e vendosur për të votuar një parti apo një tjetër, si dhe votuesit e lëkundur, kanë qënë të ndarë si me thikë rreth kësaj pyetje: Rreth 60% (+/-1%) janë të mendimit se punët mund të shkojnë më mirë në Shqipëri me Ramën kryeministër ose ndoshta me Ramën (pjesa tjetër anojnë nga Basha).

Duke ditur se PS-ja dhe disa deputetë që iu atashuan paraprakisht asaj në zgjedhjet e 2017-ës, morën vetëm 50% të votave, duket si paradoksale që votuesit e mundshëm aktualë (votues të vendosur e të lëkundur) kanë një raport 60% me 40% në opinionin rreth liderit të mazhorancës dhe opozitës.

Por një zhytje më thellë në sondazhe na tregon se kuotat personale të Bashës kanë qenë vazhdimisht poshtë kuotave të koalicionit të tij (qysh nga viti 2015), ndërkohë që kuotat personale të Ramës kanë qenë vazhdimisht më lart kuotave të koalicionit të tij (qysh nga viti 2000).

Fjala vjen, një tifoz i Tiranës, e përkrah atë pa lëkundje kur luan kundër Partizanit. Por gjithsesi, mund të jetë i ndërgjegjshëm se Partizani ka qenë superior ndaj Tiranës në 6 vitet e fundit. Një votues i djathtë (i vendosur apo i lëkundur) mund të dojë që Basha të jetë kryeministri i Shqipërisë. Por gjithsesi, mund të jetë i ndërgjegjshëm se Basha s’ka aktualisht këllqe për të qeverisur.

Pas disa vitesh, ndoshta edhe mund të ketë…

Astiri, Basha “qetëson” banorët: Ne do t`ju kompesojmë pronën

Lulzim Basha shkoi në ambientet e Spitalit të Traumës në Tiranë, ku vizitoi disa nga banorët e Astirit, që u lënduan mëngjesin e të martës gjatë përplasjes me policinë dhe IKMT. Basha u shpreh se janë lënduar efektivë të policisë dhe banorë, të cilët kanë lënë spitalin. Sipas tij, skenari i të martës kishte synim të çonte në gjakosjen e qytetarëve për të fshehur vjedhjen e madhe.

“Një pjesë e banorëve nuk janë shtruar në spital. Janë lënduar edhe efektivët e policisë që kanë lënë spitalin. Ky është një bilanc nga një skenar që kishte për qëllim të çonte në gjakosjen e qytetarëve për të fshehur vjedhjen e madhe. Është e rëndësishme të kuptohet se nuk bëhet fjalë për një projekt zhvillimi. Është një projekt vjedhje i denoncuar nga PD. Është një projekt vjedhje. Rama nuk kursen qytetarët. Është një krim i rëndë kundër qytetarëve. Duke dënuar këtë sjellje kriminale paralajmëroj Edi Rama dhe Erion Veliaj se do të mbajnë përgjegjësi para ligjit”, tha Basha.

Më tej, ai shtoi se kur PD dhe ai të vijnë në pushtet, banorët e Astirit do të kompensohen me vlerën e tregut për pronat e tyre. “Kemi një zotim politik me shkrim, çdo cm katror i pronës së tyre do të kompensohet me vlerën e tregut me ardhjen e PD në pushtet. Të gjithë do të mbajnë përgjegjësi para ligjit. Nuk do të gëzojnë asnjë qindarkë. Opozita ka qenë dhe është në krah të qytetarëve të Astirit. Opozita ka qenë me ta dhe është me ta. Jemi njësh me ta për të mbrojtur interesin publik”, tha Basha.

Basha i kërkon falje biznesit: Kur kishim pushtetin, u rritëm taksat

Lulzim Basha mbajti një takim me bizneset në Durrës. Gjatë bisedës me biznesmenët, Basha trajtoi shumë tema, një ndër to ishte dhe taksa për transferimin e pronës. Basha pranoi se PD bëri gabim, që kur ishte në pushtet e rriti taksën e transferimit të pasurive me 10%, ndërsa premtoi se kjo taksë do të ulet në 3%.

“Gabim që e nisëm ne, se ne e çuam taksën e pronës 8%, por këta e dyfishuan. Akoma më keq e çuam në 10%. Ne e nisëm, por është koha edhe për të kërkuar ndjesë. 3% do të bëhet taksa e transferimit të pronës. Për sa i përket taksës, do të hiqet taksa Rama te nafta. Do të jetë si fillim 240 lekë më i lirë. Ne kemi prodhim të energjisë së ujit”, tha Basha ndër të tjera.

Basha gjithashtu premtoi se kur PD të vijë në pushtet, do të shkijë të gjitha inspektoratet. “Moratorium 6 mujor dhe të gjitha inspktoratet do të shkrihen dhe më pas do të rishikohen mbi baza europiane që të mos jenë terror i biznesit” tha ai. Gjithashtu, sipas Lulzim Bashës, kur PD të qeverisë vendin, biznesi nuk do të shihet më “ca të njerkës e ca të nënës”. 

Sipas tij, të gjithë do të drajtohen në bazë të meritës. Ndërsa shtoi se Partia Demokratike do të krijojë qeveri të vogël. “Në qeverisjen tonë nuk do të ketë biznese që shihen si ‘ca të njerkës e ca të nënës’. Të gjithë do të trajtohen në bazë të meritës. Ne do të ndërtojmë një qeveri të vogël jo qeveri abuzive dhe do të ndërhyjmë në eliminimin e trarëve të fshehur të korrupsionit në institucione”, tha Basha.

Ku i gjeti Basha 500 mijë $ cash për Nick Muzin?

Prokuroria rrëzoi akuzat “Pastrimi i produkteve të veprës penale ose veprimtarisë kriminale” për kryedemokratin Lulzim Basha, në lidhje me lobimin rus në SHBA. Argumenti që dha prokuroria, nisur nga disa dokumente publikuar në Realstory.al, ishte se për këto hetime nevojitej dëshmia e personit kyç, Nicolas Muzin, që përfitoi plot 675 mijë dollarë për të lobuar në favor të Partisë Demokratike në SHBA.  

Por, nga ana tjetër, prokurorët që kanë hetuar dosjen ndaj Lulzim Bashës, kanë arritur të zbulojnë se 500 000 mijë dollarë, nga 675 mijë të dhëna gjithsej për lobimin, janë dhënë “cash”, pra jo në rrugë bankare ashtu siç do duhej të ndodhte.

“Në rastin konkret kemi hedhje të dhënash jo të përputhura me realitetin në formularin përkatës, me qëllim për të fshehur lobimin e bërë nga një Kompani me administratorë të lidhur me aktivitet biznesi me shtetas rusë. Është fshehur shuma prej 500 000 dollarësh që është dhënë “cash” nga Subjekti Partia Demokratike te kompania e huaj private për të bërë lobim në SH.B.A. me qëllim zgjedhor në favor të këtij subjekti politik, duke qenë se zgjedhjet parlamentare do të zhvilloheshin pas disa kohësh në qershor të vitit 2017”, citohet nga dokumentat e Prokurorisë.

Nisur nga ky fakt ngrihen shumë dyshime. Si mund të paguhen këto para cash? Ku i gjeti Partia Demokratike 500 000 dollarë “cash”? Cila ishte forma e pagesës së parave cash ndaj lobistit amerikan Nicolas Muzin? Me valixhe? Shumë pikëpyetje ngrihen të cilat kërkojnë përgjigje, pasi shuma prej 500 000 dollarë nuk është një shumë që mund të fshihet.

Por, nisur nga ky fakt, duket me sens përplasjet e supozuara në Prokurorinë e Tiranës, mes dy prokurorëve që kanë firmosur mbylljen e hetimeve, dhe atij që ka qenë kundër së bashku me drejtuesen e Prokurorisë së Tiranës, Elisabeta Imeraj, që duket se ka bllokuar dërgimin e dosjes në gjykatë për gjykim. /Realstory.al/

Nisi për pastrim parash, hetimi përfundon për pastrim të Bashës

Nga Mero Baze

Prokuroria e Tiranës ka mbyllur pa hetuar plotësisht skandalin e pagesës prej 675 mijë dollarë në emër të Partisë Demokratike, për një kompani lobuese në SHBA, pagesa që aty janë lëvruar nga një kompani me pronarë rusë. Një vit më parë, Prokuroria e Tiranës kishte nisur hetimin penal për veprën e pastrimit të produkteve penale dhe atë të falsikimitt ë dokumentave për Lulzim Bashën, Arben Ristanin dhe financierin e Partisë Demokratike, Ilir Dervishi. Hetimi nisi pasi u provua që në Departamentin e Drejtësisë në SHBA, lobisti i PD, Nick Muzin, depozitoi deklaratën dhe kontratën me firmë të Lulzim Bashës, se ishin paguar për të, tre pagesa në shumën 675 mijë dollarë, nga Partia Demokratike e Shqipërisë.

Pagesa e parë është bërë më 24 mars 2017 nga rma ‘Biniatta Trade LP”, me një vlerë prej 150 mijë dollarësh, dy pagesat e tjera janë bërë nga Partia Demokratike, njëra më 27 mars, për 25 mijë dollarë, dhe tjetra më 9 qershor për 500 mijë dollarë. Por  vetëm pagesa prej 25 mijë dollarësh, është bërë nga Shqipëria dhe është pranuar nga kryetari i PD-së, Lulzim Basha, që është paguar nga PD-ja. Në SHBA ka nisur hetimi për këtë çështje dhe Nic Muzin është nën hetim edhe për disa çështje të tjera. Prokuroria shqiptare nisi letërporosi në SHBA për të marrë prej andej deklaratat e Muzin, por ato ende nuk kanë ardhur, pasi Muzin ka kërkuar garanci se nuk do hetohet për këtë çështje në Shqipëri.

Pagesat për Muzin, në shumën 650 mijë dollar, janë bërë nga një kompani me pronarë rusë, “Biniatta Trade LP. Mbyllja e hetimeve nga Prokuroria e Tiranës dhe heqja e akuzës pastrim i produkteve penale, dhe kuzimi i akuzave tek dy zyrtarë të PD, për falsikim dokumentash, është praktikisht një shkatërrim i qëllimshëm i hetimit dhe përpjekje për të nxjerrë të pafajshëm të vetmin person që ka rmosur kontratën me Muzin, që është Lulzim Basha. Së pari, hetimet nuk mund të mbylleshin pa ardhur letërporosia nga SHBA. Thelbi i këtij akti korruptiv është se 650 mijë dollarë kanë mbërritur në SHBA në emër të Partisë Demokratike dhe janë deklaruar aty në emër të kësaj partie, nga marrësi i parave.

Shqipëria duhet të sqarojë si janë transferuar këto para, ose kush ja ka huajtur në SHBA, Partisë Demokratike. Lulzim Basha ka deklaruar gjatë emisionit “Opinion”, në TV Klan, se ka “marrë një kontribut me një shumë prej 500 mijë dollarësh, përmes një skeme plotësisht në përputhje me ligjin amerikan, nga shqiptaroamerikanët që kanë bërë grumbullim fondesh. Ky është një transaksion i drejtpërdrejtë, mes këtij fondi dhe kompanisë së lobimit. Këto para as nuk kanë ardhur në PD dhe as nuk janë paguar nga PD” . Më pas Basha e injoroi këtë deklaratë, dhe nuk e pohoi më, por Prokuroria nuk ka pse ndjek orekset e gënjeshtrave të Lulzim Bashës, por duhet të hetojë, se si kanë shkuar 650 mijë dollarë nga Partia Demokratike në Shqipëri, në llogarinë e Muzin në SHBA.

Nuk e ka bërë këtë në mënyrë të qëllimshme, dhe është në kushtet e një vepre penale. Së dyti, Prokuroria nuk mund të akuzojë Arben Ristanin si ish-sekretar i Përgjithshëm, për falsikim dokumentash, pasi kontrata e lobimit nuk është lidhur nga Arben Ristani dhe as ka vulën e partisë, por vetëm firmën e Lulzim Bashës, që nuk e mohon. Po ashtu, raportet në KQZ janë firmosur dhe dorëzuar nga financieri i partisë dhe nuk ka fare të dhëna për faturat e kontraktuara prej Bashës me Muzin. Në këtë mes, as Ristani dhe as financieri nuk kanë falsikuar asgjë, pasi ata kanë raportuar për ato shpenzime që janë bërë, konform rregullave të këtushëm.

Kontratën me Muzin e ka fshehur Lulzim Basha, jo ata. Ndaj tyre është nisur një ndjekje penale e paligjshme, e cila është po ashtu e dënueshme nga Kodi Penal, neni 313. Madje as Lulzim Basha nuk ka falsikuar asgjë këtu në KQZ. Ai ka bërë më keq, ka pastruar para, pasi në emër të tij kanë mbërritur në SHBA, 650 mijë dollarë, duke përdorur rmën e kryetarit të PD, dhe akoma nuk dimë se si lëvizën këto para, çfarë burime nanciar kishin dhe pse një kompani me pronarë rusë, e regjistruar në offshor, bëri pagesën finale. Së treti, që është dhe më e rënda, ndaj Lulzim Bashës nisi akuza për shkak të deklarimeve të bëra nga kompania ruse në SHBA, dhe jo për shkak të pagesave që ka deklaruar në KQZ. Akuza për fallsikim, fokusohet tek formularët e dorëzuar në KQZ, të cilët nëse nuk hetohen 650 mijë dollarët që kanë mbërritur në SHBA në rrugë të pista, nuk kanë asnjë fallsikim.

Pra Prokuroria, bën sikur ka dëgjuar për ca para që nuk i rakordojnë në KQZ. Në fakt, ka injoruar hetimin e pikërisht atyre parave, pra të 650 mijë dollarëve, dhe heton 25 mijë dollarët që janë deklaruar në KQZ dhe janë në rregull. E gjithë kjo është në fakt një bastardim i hetimit dhe një mënyrë që dosja të prishet. Madje Basha i ka pasur aq në kontroll prokurorët, sa i ka përdorur dhe për luftë të brendshme politike në PD, pasi gjithë hetimi është mbështetur tek deklaratat e sekretarit të Përgjithshëm Gazmend Bardhi, i cili thotë se kjo është përgjegjësi e ish- sekretarit të Përgjithshëm Ristani.

Jo se kjo e dëmton Arben Ristanin, por me këtë rast, në mënyrë perverse, duan që të provojnë, nëse Ristani është gati të flasë kundër Bashës, apo meqë nuk do të dënohet, të bëjë sikur është e vërtetë akuza e Bardhit. Si përfundim, Prokuroria ka vepruar dukshëm me vullnet të plotë, për të mos e hetuar këtë çështje, përveç prokurorit Kol Hysenaj, që nuk ka pranuar ta firmosë. Nuk di se çdo të bëhet, kur të vijë letërporosia nga SHBA dhe të prodhojë fakte të tjera, apo kur këtë gjë mund ta rihapë SPAK. Por është e qartë që Prokuroria nisi hetimet për paratë që kishin mbërritur në SHBA dhe i mbylli hetimet me paratë që janë deklaruar në KQZ. Një banalitet dhe paturpësi që vetëm prokurorët e Shqipërisë mund ta bëjnë, duke nisur hetim për pastrim parash dhe duke e mbyllur hetimin për të pastruar Bashën.

Lobimi rus, PD: Hetimin Bashës e kërkuam ne, Rama stisi akuzat

Disa orë pasi u publikua dokumenti i Prokurorisë për mbylljen e hetimeve për lobimin rus të PD në SHBA, reagoi Selia Blu. Sipas Partisë Demokratike, prokuroria pushoi akuzat për lobimin rus, pasi ato ishin të stisura. “Prokuroria vendosi pushimin e akuzës qesharake që e stisën dhe e përdorën për të goditur kundërshtarin politik sipas një strategjie të miratuar nga zyra e Edi Ramës. Pasi u keqpërdorën duke akuzuar zyrtarët e Partisë Demokratike për pastrim parash dhe përdorim të parave ruse, prokuroria sot u detyrua të pranojë se këto akuzave të stisura nuk qëndrojnë”, shprehet PD.

Selia Blu shkon më tej kur shkruan se hetimin për lobimin rus në SHBA e kërkoi vetë PD, duke u shprehur se akuzat e ngritura nga mazhoranca, ishin për të zhurmuar skandalet e qeverisë. “E vërteta është se ishte Partia Demokratike që i kërkoi Prokurorisë hetimin e plotë dhe të gjithanshëm të financave dhe shpenzimeve të saj, e bindur se ka vepruar në përputhje të plotë me ligjin. Partia Demokratike ka deklaruar që ditën e parë se kjo akuzë u sajua nga Edi Rama për të zhurmuar skandalet korruptive të Qeverisë së tij dhe lidhjet me krimin e organizuar”.

Sipas Partisë Demokratike, pas dy vjetësh që hetimet qëndruan të hapura për qëllime propagande, tashmë dosja shkon në gjyq, aty ku sipas PD, shqiptarët do të kenë mundësi të njihen me dokumentat e plota.  “Partia Demokratike vlerëson faktin që pas 2 viteve të mbajtjes së kësaj çështje të hapur për qëllime propagande qeveritare, çështja është dërguar në gjyq. Tashmë shqiptarët do të kenë mundësi të njihen me dokumentet e plota, në seanca gjyqësore të hapura dhe transparente, ku do të provohet se Partia Demokratike ka bërë transparencë të plotë të financave të saj dhe ka deklaruar në përputhje me ligjin çdo shpenzim të kryer”.

Por ndonëse PD e lexon si fitore të saj këtë hetim të Prokurorisë, ajo nuk thotë asnjë fjalë për faktin se pavarësisht mbylljes së hetimit, Prokuroria e thërret si të pandehur kryedemokratin. Gjithashtu, PD shmang në deklaratë komentet edhe për faktin, që personi kyç i hetimeve për lobimin rus në SHBa, Nikolas Muzin është treguar i gatshëm të bashkëpunojë me drejtësinë shqiptare për të dëshmuar rreth kësaj historie, pasi më parë të ketë marrë garancinë se nuk do të hetohet në Shqipëri.

Më tej, në deklarata e Partisë Demokrtike shkruan se “Sot u vërtetua se nuk ka patur kurrë asnjë hetim në SHBA as ndaj Partisë Demokratike, as ndaj kompanisë së lobimit, as ndaj ndonjë zyrtari të Partisë Demokratike. Ajo ishte një sajesë e Edi Ramës, për të fshehur një tjetër hetim që po zhvillohej në SHBA. Në të vërtetë, në SHBA ka patur vetëm një hetim që lidhet me Shqipërinë dhe që ka përfunduar me dënimin e të paktën 2 personave, mbi financimin e paligjshëm të Edi Ramës. Edhe pse faktet janë bërë publike, edhe pse është depozituar kallëzim penal nga opozita, edhe pse dosja e drejtësisë amerikane është e plotë, edhe pse avokatët e personave të dënuar deklaruan që kanë vepruar për llogari të Edi Ramës, prokuroria shqiptare nuk ka kryer asnjë veprim”, thotë PD.

Paratë ruse, PS kërkon që Basha të hetohet nga SPAK

Prokuroria mbylli hetimet për lobimin rus të Partisë Demokrtike në SHBA. Lulzim Basha është marrë zyrtarisht i pandehur, por ai do të gjykohet për akuzën e falsifikimit të dokumenteve dhe jo për akuzën e “Pastrimit të produkteve të veprës penale”. Pak orë pasi u publikua vendimi i Prokurorisë për akuzat ndaj kryedemokratit dhe për dy zyrtarë të Partisë Demokratike, Arben Ristani e Ilir Dervishi, reagoi dhe Partia Socialiste.

Numri dy i Selisë Rozë, Taulant Balla shkruajti në Tëitter se “Lulzim Basha nuk mund të gjykohet vetëm si falsifikator”. Sipas deputetit socialist, Prokuroria e ka vërtetuar pagesën prej 500 mijë dollarë bërë nga PD për lobimin në SHBA. Ndërsa ai ngre pyetjen se pse mungon akuza për “Pastrim i produkteve të veprës penale”.

“Lulzim Basha nuk mund të gjykohet vetëm si fallsifikator. Prokuroria në dokumentin e bërë publik ka vërtetuar pagesën 500 mijë dollarë vepra tjetër penale për të cilën u akuzua “Pastrimi i produkteve të veprës penale ose veprimtarisë kriminale” qëndron. Pse në konkluzion kjo akuzë mungon?”, thotë Taulant Balla.

Ndaj, në këto rrethana, numri dy i socialistëve shprehet se dosja e lobimit rus të Partisë Demokratike në SHBA duhet të hetohet nga Prokuroria Speciale, SPAK. “Teksa shqiptarët presin të ngrihet SPAK është papranueshme që prokurorë të caktuar të bëjnë amnisti për vepra penale kaq të rënda. Gjykata nuk duhet ta pranojë dhe duhet ta rikthejë për hetim. Kjo dosje duhet të hetohet nga SPAK jo nga KÇK”, përfundon Taulant Balla.

Më herët, prokuroria kishte ngritur për ta edhe akuzën për veprën penale “Pastrim i Produkteve të Veprës Penale ose Veprimtarisë Kriminale”, por që kjo akuzë nuk është ngritur, pasi në argumentin e vet, prokuroria thotë se është thelbësore dëshmia e lobistit Muzin për të faktuar një akuzë të tillë./Realstory.al/

Pse ra akuza për pastrim parash ndaj Bashës

Prokuroria njoftoi të premten se ka dërguar në gjyq kreun e PD, Lulzim Basha vetëm për një akuzë, falsifikim formularësh, duke hequr dorë nga akuza për pastrim parash. Por kjo heqje dore duket vetëm momentale, pasi prokuroria ka kërkuar në gjykatë garancinë që ka kërkuar lobisti Nicolas Muzin për të dhënë dëshminë e tij në lidhje me financimin e parave ruse në SHBA për llogari të Partisë Demokratike.

Prokuroria, në kërkesën e saj për gjykim ka argumentuar se amendamenti 5 i Kushtetutës së SHBA, të drejtën e të cilit ka kërkuar të ushtrojë Muzin, për të mos u vetë inkriminuar për hetimin shqiptar, nuk ka efekt jashtë territorit amerikan. “Prandaj duhet garancia që të jepet konform ligjit penal dhe procedural, pa cenuar rendin juridik të Republikës së Shqipërisë”, citohet nga prokuroria në kërkesën e saj për gjykim.

Kjo do të thotë se vendimin e garancisë që Muzin nuk do të hetohet në Shqipëri për lobimin rus të PD në SHBA duhet ta marrë një gjykatë shqiptare, pasi kjo nuk është një e drejtë e prokurorisë. Vetëm pasi gjykata të vendosë për të dhënë një garanci të tillë, atëherë pritet që prokuroria t’i dërgojë këtë garanci autoriteteve të drejtësisë amerikane për të marrë dëshminë e lobistit Muzin./Realstory.al/

Mbyllen hetimet për Russiagate: Basha, nën akuzë vetëm për falsifikim

Prokuroria ka përfunduar hetimet për lobimin rus të Partisë Demokratike në SHBA, duke marrë të pandehur kreun e PD, Lulzim Basha, por ndaj tij ka rënë akuza për pastrim parash dhe është dërguar në gjykatë vetëm për falsifikim dokumentesh. Bashkë me kreu ne PD, me të njëjtat akuza janë marrë të pandehur gjithashtu ish-sekretari i përgjithshëm i PD, Arben Ristani dhe financieri i kësaj partie, Ilir Dervishi.

Sipas njoftimit që tashmë u ka shkuar edhe personave të pandehur, Basha, Ristani dhe Dervishi akuzohen për veprën penale “falsifikim i vulave, stampave ose i formularëve”. Më herët, prokuroria kishte ngritur për ta edhe akuzën për veprën penale “Pastrim i Produkteve të Veprës Penale ose Veprimtarisë Kriminale”, por që kjo akuzë nuk është ngritur, pasi në argumentin e vet, prokuroria thotë se është thelbësore dëshmia e lobistit Muzin për të faktuar një akuzë të tillë.

Një ditë më herët, realstory.al publikoi edhe korrespondencën e prokurorisë shqiptare me autoritetet e drejtësisë amerikane për lobistin Muzin, i cili kërkonte garanci se nuk do të hetohet në Shqipëri për të dhënë dëshminë e tij mbi 675 mijë dollarët, që prokuroria dyshon se janë investuar nga Rusia për lobimin e Partisë Demokratike në SHBA. Madje, prokuroria, në kërkesën e saj për gjykim ka kërkuar nga gjykata edhe garancinë për Nicolas Muzin se nuk do të hetohet në Shqipëri për këtë çështje, me qëllim që dëshmia e tij të hedhë dritë mbi dyshimet nëse Lulzim Basha ka kryer pastrim parash, apo vetëm falsifikim dokumentesh.

Çështja e pagesave për lobim të kryera nga ana e PD-së u hap në nëntorin e vitit 2017, kur firma lobuese amerikane ‘Muzin Capitol Partners’ plotësoi me informacione shtesë deklarimet e saj të detyruara me ligj për Departamentin e Drejtësisë. Sipas deklarimeve të kompanisë ‘Muzin’ ajo ka marrë tre pagesa, në një shumë prej 675 mijë dollarësh, për punën e saj në favor të Partisë Demokratike në vitin 2017: pagesa e parë mban datën 24 mars 2017 dhe është bërë nga firma ‘Biniatta Trade LP”, me një vlerë prej 150 mijë dollarësh, dy pagesat e tjera janë bërë nga Partia Demokratike, njëra më 27 mars, për 25 mijë dollarë, dhe tjetra më 9 qershor për 500 mijë dollarë. Nga këto deklarime të firmës Muzin, vetëm ajo prej 25 mijë dollarësh, është pranuar nga kryetari i PD-së, Lulzim Basha që është paguar nga PD-ja. Dy të tjerat mbetën të paqarta.

Partia Demokratike nuk ka pranuar asnjë lidhje me firmën ‘Biniatta Trade LP”, e cila rezulton e regjistruar në Edinburg të Skocisë dhe është në pronësi të një zinxhiri kompanish të regjistruara në Belizë – një shtet i Amerikës Qendrore, i njohur si parajsë fiskale. Sipas një investigimi të revistës “Mother Jones”, “Biniatta Trade LP” është një partneritet i krijuar nga dy kompani: Asverro Corp dhe Liminez Commerce, për të cilat “nuk ka të dhëna publike për ndonjë aktivitet tregtar”. Pas këtyre dy kompanive, sipas “Mother Jones”, qëndrojnë dy shoqëri të tjera të regjistruara në Mbretërinë e Bashkuar, “Babyonica” dhe “KF Global Management”, aksionet e të cilave zotërohen në masën 75 për qind nga dy shtetas rus, Evgeny Sheremetyev dhe Kostantin Ferulev. Realstory.al

Mero Baze, Bashës: Na trego Migenën e vilës!

Gazetari Mero Baze, botues i gazetës Tema, një nga mediat më kritike ndaj kreut të Partisë Demokratike, publikoi të martën detaje të tjera rreth vilës ku së fundi është transferuar për banim Lulzim Basha. Gazeta Tema, që ishte dhe nxitëse e debatit mbi vilën, që Basha pretendon se ka marrë me qira pasi iu dëmtua apartamenti nga tërmeti i 21 shtatorit, këtë të martë publikoi detaje rreth emrit të pronarit të vilës. Shtetasja që është pronare e vilës, quhet Migena Vrapi, sipas gazetës Tema. Në një opinion të tij botuar të martën, gazetari Baze shkruan se “ka provuar që vila ku banon Basha, nuk ka as kontratë blerje dhe as kontratë qiraje”. Ndaj ai drejton një pyetje publike kryedemokratit, që të sqarojë se kush është Migena, pronarja e vilës!

Për më tepër lexoni shkrimin e mëposhtëm.

Nga Mero Baze

Dëgjova Lulzim Bashën që tha nga Korça se gjithçka që thuhet për vilën ku ai jeton janë gënjeshtra. Në fakt për vilën ku jeton Lulzim Basha deri tani ka folur vetëm Lulzim Basha. Ai ka thënë që është një vilë pak më e vogël se apartamenti që kishte dhe nga ku është larguar  pas tërmetit. Po ai vet, është ankuar që vila nuk ka as pishinë. Ne vetëm kemi provuar se apartamenti nuk i është dëmtuar nga tërmeti dhe se tek vila e re, Basha, nuk ka as kontratë blerje dhe as kontratë qiraje .

Vila, pas ikjes së ambasadorit të Suedisë që ka banuar aty, para disa muajsh është në pronësi të shtetases Migena Vrapi. U kërkova tatimeve të deklarojnë qiranë tuaj dhe sa paguan tatim timi zonja Migena, por nuk guron fare në sistem. Tek ujsellësi guronte si klientja nr 78 e bllokut të vilave ku jeton ti. Tani mos na lë të gënjejmë sonte, se nesër ta themi po deshe.

Na thuaj cila është Migena Vrapi dhe në çfarë rrethanash je vendosur aty. Nëse hetojmë gjithë Migenat që janë rreth teje komplikohet situata, e mund të jemi të pasaktë. Një Migenë që ke kushërirë e ke pasur në bashki dhe ka ikur më 2015. Një Migenë tjetër është gruaja e deputetit tënd besnik që qëllon me vezë në parlament dhe fshin serverat e 21 janarit.

Pastaj janë nja katër Migena Vrapi të tjera që sipas gjendjes civile jetojnë në Shqipëri. Detajet nga identiteti i tyre nuk po i bëjmë publike, se nuk duam të prishim privatësinë e tyre. Për më tepër nuk duam të gabojmë, përderisa ti betohesh se je transparent. Ok atëhere është shumë e thjeshtë. Na trego pak për Migena Vrapin në vilën e së cilës jeton. Kjo do na kursente ndonjë gabim nga nxitimi.

Deri tani nuk kemi bërë asnjë gabim dhe nuk kemi thënë asnjë gënjeshtër. I vetmi që ke gënjyer je ti, por dhe ato ti kemi provuar si gënjeshtra. Tani na trego për Migenën që i ka lind në zemër të të jap vilën, ose pa qira, ose pa pa para. Të paktën ti ndihet nder zonjës  në fjalë. Po të lëmë afat deri nesër se je rrugëve dhe të duhet të flesh pak në dark. Tek “vila e Migenës”!

Skip to toolbar