Tag: Manchester City

City e mbyll i pari, surprizon Atalanta

Janë luajtur mbrëmjen e të mërkurës takimet e fundit të fazës në grupe të Champions League. Manchester City u kualifikua si skuadra e parë në Grupin C, pasi mundi me rezultatn 4-1 Dinamon e Zagrebit.  Goli i parë i takimit u shënua në të 10` skuadra kroate, që kaloi në avantazh pas një kombinimi të shkëlqyer mes Kadzior që pasoi nga jashtë zone për Olmo. Por skuadra e Guardiola-s gjeti rrjetën në të 34` duke vendosur barazpeshën në fushë.

Ishte Jesus që shënoi nga brenda zonës me kokë, pas një asisti të dhënë nga Mahrez. Braziliani do të shënonte dhe dy golat e radhës për Cityn në pjesën e dytë. Në të 50`, përsëri nga brenda zonës, pasi kaloi mbrojtësit e Dinamo Zagreb, Jesus dërgoi topin në rrjetë duke kaluar Cityn në avantazh.

Katër minuta më vonë, Gabriel Jesus shënoi përsëri në portën e skaudrës kroate, duke trefishuar shifrat për Manchester Cityn. Në fund mendoi Foden për të siguruar rezultatin e Manchester Cityt, duke shënuar golin e katërt për ekipin e tij.

Kështu, ekipi anglez kaloi si i pari i Grupit C me 14 pikë në fazën tjetër të Champions League, ndërsa Atalanta ku luan mbrojtësi i kombëtares shqiptare, Berat Gjimshiti, kaloi si ekipi i vendit të dytë pasi mundi 3-0 Shakhtar Donetsk. Ndërkohë, Donetks do të luajë në Eurpopa League në turin tjetër, ndërsa Dinamo Zagreb e mbyll me kaq aventurën në kupat e Europës.

City presion Liverpool, Gundogan dhuron spektakël

Manchester City mundi Aston Villa 3-0 në javën e dhjetë të Premier League, duke shkuar vetëm tre pikë larg Liverpool që kryeson, paçka se “The Reds” kanë ende për të luajtur ndeshjen e kësaj jave.

Sterling hapi serinë e golave në fillim të pjesës së dytë, pas një asisti të bukur të Garbriel Jesus, i cili i pasoi me kokë shokut të tij të skuadrës, me Sterling që i vetëm përballë portierit zhbllokoi shifrat në të 46`.

Më pas ishte radha e De Bruyne, që devijoi në rrjetë një top të dhuruar nga Mendy në të 65`, duke dyfishuar rezultatin.

Ai që vulosi fatin e ndeshjes ishte Gundogan, që realizoi një gol spektakolar me të djathtën nga brenda zonës, pas një “ping-pongu” të topit mes katër lojtarëve në të 70`.

Ky gol i dhuroi tre pikët “Qytetarëve”, të cilët e mbyllën ndeshjen me dhjetë lojtarë pasi Fernandinho u ndëshkua me të kuq në të 87`.

City bën detyrën. Chelsea lë pas krizën

Manchester City ka fituar në transfertë ndaj Everton me rezultatin 3-1. Skuadra e Pep Guardiolës shënoi në të 24` me Garbiel Jesus, ndërsa vendasit barazuan me Dominic Calvert-Lewin në të 33`. Në një moment ndeshja u duk se po shkonte drejt barazimit, derisa Riyad Mahrez shënoi golin e avantazhit për Cityn në të 71` dhe Sterling trefishoi në të 84`.

Me fitoren e të shtunës, City mban vendin e dytë në Premier League me 16 pikë, 5 më pak se Liverpool që fitoi pasditen e të shtunës, duke vendosur një rekord me 7 ndeshje pa humbje apo barazim.

Është rikthyer te fitorja edhe Chelsea që mundi në shtëpi Brighton me rezultatin 2-0. Ishte Jorginho në të 50` që shënoi goline  avantazhit për “Blutë” e Londrës, ndërsa William në të 76` dyfishoi duke i dhënë tre pikë skuadrës së tij. Chelsea ngjitet në vendin e gjashtë me 11 pikë pas fitores të së shtunës.

Në sfidat e tjera, Aston villa barazoi 2-2 West Ham, ndërsa Crystale Palace mundi në shtëpi NorWich. Me shumë vështirësi fitoi dhe Tottenham ndaj Southampton, duke marrë tre pikë me shumë vlerë që e ngjisin në vendin e 4 të Premier League. Wolverhamton mundi gjithashtu në shtëpi Watford me rezultatin 2-0.

Norwich ndal Cityn, fitojnë United, Tottenham dhe Chelsea

Janë luajtur ndeshjet kryesore të javës së pestë të Premier League. Pas fitores së Liverpool, Manchester United ka mundur në shtëpi Leicester me gol të shënuar nga Rashford në minutën e 8-të nga pika e bardhë e penalltisë. Një ndeshje e vuajtur për trajnerin e United, Solskjaer, i cili kishte disa mungesa të rëndësishme për këtë takim, por megjithatë, arriti të merrte tre pikë që e ngjisin në vendin e 4 të renditjes me 8 pikë, po aq sa Leicester që mban vendin e 5-të.

Ndërkohë, Tottenham ka shkatërruar Crystal Palace me rezultatin 4-0 në shtëpi. “Spurs”, e nisën shumë mirë takimin, duke shënuar katër gola në pjesën e parë. Ishte koreani Son Heung-Min, ai që shënoi golin e parë për Tottenham në minutën e 10-të sfidës. Në të 21`, Van Anholt bëri një autogol, ndërsa dy minuta më vonë përsëri koreani Son, realizoi golin e tretë për Tottenham. Lamela në minutën e 42`, gjeti golin e katërt duke vulosur shifrat me 4-0 për Tottenham, që mban vendin e tretë në renditje me 8 pikë.

Chelsea është rikthyer te fitorja pas nisjes jo të mirë që i bëri kampionatit. Blutë e Londrës fituan në transfertë ndaj Wolves, me rezultatin 5-2. Tomori në të 31` shënoi golin e parë, ndërsa Abraham në të 34` dhe 41`, trefishoi për Chelsea. Në minutën  e55, Abraham shënoi përsëri duke katërfishuar shifrat, por në të 69`, sulmuesi i Chelsea bëri një autogol, duke ngushtuar shifrat në 1-4. Vendasit marrin “zemër” nga goli dhe në të 85` shënojnë përsëri, këtë herë me Cutronen. Por në fundin e minutës së 6-të shtesë, Mount shënoi golin e pestë për Chelsea, duke i dhënë tre pikë të rëndësishme skuadrës, që ngjitet në vendin e 6-të me 8 pikë.

Befasia e javës së 5-të në Premier League, ka qenë humbja e Manchester Cityt në fushën e Norwich. Skuadra e drejtuar nga Pep Guardiola u mund me rezultatin 3-2 nga vendasit, të cilët shënuan dy herë në pjesën e parë me McLean dhe Cantwell, përkatësisht në minutën e 18 dhe 28. Aguero në fund të pjesës së parë ngushtoi shifrat, por në minutën e 50-të, Pukki trefishoi për Norwich. Ndërkhë, Manchester City shënoi golin e dytë në minutën e 88`, por nuk arriti të shmangte humbjen 3-2, që e mban tashmë 5 pikë larg Liverpool në renditjen e Premier League.

Chelsea humb ‘çelsin’, City bën ‘poker’, United merr 1 pikë

Janë luajtur të shtunën ndeshjet e javës së katërt në Premier League. Manchester City ka fituar bindshëm 4-0 ndaj Brighton, duke marrë kryesimin provizor të renditjes. Ishte De Bruyne ai që hapi serinë e golave duke shënuar që në minutën e 2-të sfidës. Më pas Aguero gjeti golin e dytë për  skuadrën e tij në minutën e 42-të. Pas pushimit ishte përsëri Aguero që gjeti rrjetën, duke trefishuar rezultatin në minutën e 55`, për ta vulosur me golin e Silvës në minutën e 79`.

Një tjetër dështim i Chelsea, që ka barazuar në shtëpi me rezultatin 2-2 me Sheffield United. ishte Abraham që shënoi në minutën e 19-të për Blutë e Londrës, ndërsa në të 43`, Abraham dyfishoi për të tijët. Por pas pushimit të pjesës së parë, Robinson ngushton shifrat duke shënuar në të 46`. Shifrat do të vuloseshin një minutë par fundit të lojës kur Zouma shënoi një autogol. Pas barazimit të së shtunës, Chelsea mbetet në vendin e 10-të të Premier League me 5 pikë.

Në barazim 1-1 është ndalur dhe Manchester United në fushën e Southampton. James shënoi për të skuadrën e Solskajer në minutën e 10-të të pjesës së parë, por vendasit barazuan me Veestergaard në të 58`, duke mbajtur të pandryshuar rezultatin deri në fund të ndeshjes. Pas këtij barazimi, edhe United mbetet në vendin e 7-të të renditjes me vetëm 5 pikë pas katër javësh kampionat.

Sa u përket ndeshjeve të tjera, Crystal Palace ka mundur 1-0 Aston Villan, Leicester ka fituar 3-1 ndaj Bournemouth, ndërsa West Hammundi 2-0 Norwich. Barazimi tjetër i ndeshjeve të së shtunës pasdite në Permier League ishte ajo mes Newcastle dhe Watford, që e mbyllën takimin me nga një gol respektivisht.

Dopieta e Agueros dhe Sterling i japin fitoren Cityt

Manchester City ka mundur në transfertë Bournemouth, duke mbajtur hapin e Liverpool në renditjen e Premier League. Në ndeshjen e javës së tretë të kampionatit anglez të futbollit, skuadra e Guardiolas fitoi 1-3 në transfertë. Ishte Aguero ai që hapi serinë e golave në minutën e 15`. Një tentativë e De Bruyne nuk përfudon si duhet në portë, por në këmbët e Agueros që gjendej më i avancuar. Sulmuesi i Cityt nga brenda zonës gjuan dhe gjen rrjetën me lehtësi, duke kaluar ekipin e tij në avantazh.

Goli i dytë për ‘Qytetarët’ erdhi në minutën e 43-të me Sterling. Një aksion i bukur i lojtarëve të Cityt përfundon në mënyrën e duhur, me vrapin e Sterling brenda zonës që mposht portierin e vendasve dhe dyfishon për skuadrën e tij. Në kohën shtesë të pjesës së parë, vendasit fitojnë një goditje dënimi. Ëilson kalibron bukur me këmbën e tij dhe dërgon topin në rrjetë, duke ngushtuar shifrat në 1-2.

Mirëpo në pjesën e dytë, Aguero gjen dhe golin e tretë, duke vulosur shifrat në 1-3 për Manchester Cityn në këtë takim. Sulmuesi i Cityt arritit të përfitojë nga një rrëmujë në zonën kundërshtare, duke u mjaftuar me vetëm një shtytje të topit drejt rrjetës dhe 1-3 për Manceshter Cityn. Pas fitores të së dielës, City shkon në kuotën e 7-të pikëve, dy më pak se Liverpool që kryeson renditjen me 9-të pikë, pasi ka marrë tre fitore në tre javët e para të Premier League.

VAR dhe Aguero tërbojnë Guardiolën, Tottenham përsërit ndeshjen e Championsit

Manchester City është ndalur në barazim 2-2 nga Tottenham në javën e dytë të Permier League. Skuadra e Pep Guardiolës, ndonëse kaloi dy herë në avantazh, arriti të përmbysej nga ekipi i Mauricio Pochetinos. Ishte Sterling që realizoi në minutën e 20` golin e avantazhit për Cityn. Një asist spektakolar nga De Bruyne, që gjuajti me të djathtën nga krahu tjetër i fushës, gjeti kokën e Sterling që realizoi në portën e Lloris.

Por tre minuta më vonë, ishte skuadra e Tottenham që gjeti rrjetën dhe vendosi barazpeshën në fushë. Lamela nga jashtë zone me të majtën mposhti portierin e Cityt, duke kthyer gjithçka në kushte të barabarta.

Megjithatë, skuadra e Guardiolas do të rigjente përsëri avantazhin. Ashtu si në golin e parë, Kevin de Bruyne asiston përsëri në zonë, aty ku Aguero mjafton duke shtyrë topin në portën e Lloris.

Me këtë rezultat mbyllet pjesa e parë, ndërsa në të dytën Lucas shënon me kokë për Tottenham pas një gjuajtje të Lamelas nga goditja e këndit. Cityt i anulohet dhe një gol i shënuar nga Sterling, pasi ndërhyri VAR. Për skuadrën e Guardiolës dukej si i njëjti skenar, kur Tottenham e eliminoi disa muaj më parë nga Champions League. Ndërkohë, trajneri i Cityt, Pep Guardiola ka zhvilluar një debat me Sergio Aguero në minutën e 66` të takimit, kur trajneri e nxori argjentinasin nga loja.

United fiton “derbin” ndaj Cityt për Maguire

Manchester United do të paguajë 80 milionë stërlina për Harry Maguire. “The Sun” Raporton se  “Djajtë” janë gati të vendosin një rekord të ri financiar në Premier League për transferimin e një mbrojtësi, duke paguar gati 100 milionë euro. Skuadra e Ole Gunnar Solskjaer duket se ka gjetur marrëveshjen për të veshur me fanellën e United mbrojtësin e talentuar të Leicester City dhe Kombëtares së Anglisë.

Manchester United është gati të paugajë fillimisht 60 milion stërlina dhe më pas të japë dhe 20 të tjera në formë bonusi për Leicester, për të blerë Harry Maguire. 26-vjeçari pritet të bëhet së shpejti pjesë e skuadrës së United. Nëse marrëveshja do të arrihet sipas këtij versioni, Maguire do të bëhet transferimi më i shtre njtë në botë për një mbrojtës, duke kaluar edhe transferimin e Virgil van Dijk të Liverpool, i cili u transferua në 2018 për 75 milionë euro.

Leicester ka gjetur zëvendësuesin e Meaguire, Leëis Dunk, 27-vjeç, i cili do të vij nga Brighton për rreth 45 milion stërlina. Nënshkrimi me Maguire do të jetë dhe një fitore “derby” e United ndaj rivalëve të Cityt, pasi skuadra e Guardiolës ka qenë e intersuar për shërbimet e mbrojtësit. Megjithatë, Leicester rezistoi duke mos pranuar ofertën e Manchester Cityt prej 70 milionë stërlinash. Pasi United e shtoi ofertën me 10 milionë, Leicester, duket se tashmë është dorëzuar duke lejuar mbrojtësin që të kalojë te skuadra e Solskjaer.

Champions apo Premier League? Klopp-Guardiola thumbojnë njëri-tjetrin

Jurgen Klopp ka folur për spanjollen “AS” gjatë ditës së sotme, duke thumbuar rivalin e tij në bankinën e Manchester City, Pep Guardiola. Ky i fundit pati deklaruar më herët se “të fitosh Premier League është më e rëndësishme se sa të fitosh Champions League”, duke thumbuar trajnerin e Liverpool, që nuk arriti të triumfonte në kampionat me vetëm një pikë më pak se City.

“Pep e ka thënë këtë sepse ka një kohë të gjatë që nuk është në një finale të Champions League”, është shprehur Jurgen Klopp, duke i kthyer reston trajnerit të Manchester City. “Ai është një trajner i shkëlqyer dhe meriton komplimentet për ato që ka fituar, ne u përpoqëm ta fitojmë Premier League këtë sezon”, është shprehur Klopp.

Manchester City u shpall Kampion i Anglisë në javën e fundit të Premier League, pasi mundi Brigton. Ndërsa Liverpool, edhe pse fitoi në ndeshjen e fundit të kampionatit, nuk arriti të shkonte më shumë se vendi i dytë në Premier League me vetëm një pikë më pak se kampionët.

Megjithatë, Jurgen Klopp dhe të tijët arritën të shkonin në finalen e Champions League, duke pasur shansin për ta mbyllur sezonin me një trofe të rëndësishëm.

Sakaq, Jurgen Klopp ka folur edhe për mungesat dhe lojtarët që do të ketë në dispozicion në finalen e Champions League ndaj Tottenham. Gjermani ka thënë se Naby Keita nuk do të jetë në finale, ndërsa konfirmon rikthimin Roberto Firmino.

Guardiola trajner i Juventusit ishte Fake News, ja e vërteta!

Gjatë ditës së djeshme, një gazetar italian bëri një twitter, ku shkruante se Pep Guardiola kishte rënë dakord për të trajnuar Juventusin në sezonin e ardhshëm. Lajmi bëri xhiron e mediave ndërkombëtare, duke zënë vend në faqet kryesore të tyre.

Lajmi i publikuar nga gazetari italian Adriano Del Monte, ku shkruhej se ishte arritur marrëveshja mes Pep Guardiolës dhe Juventusit!

Mirëpo duket se gjithçka ka qenë një “Fake News”, pasi drejtuesit e Manchester City-t e kanë përgënjeshtruar këtë lajm. Anëtari i bordit të drejtorëve te Manchester City, Alberto Galassi ka folur sot për mediat duke mohuar një marrëveshje të mundshme mes Juventus-it dhe Pep Guardiola-s.

“Fola me Nedved (drejtor i Juves) dhe kemi pasur një të qeshur të madhe. Pep do të qëndroje me ne, ai është një profesionist serioz. Ne jemi vërtet qesharak. U befasova shumë kur lexova një lajm me titull të madh. Trajneri dëshiron të qëndrojë dhe ka ende dy vjet të tjera kontratë”.

“Për më tepër, çdo klub, dhe Juve është një klub i strukturuara, i organizuar dhe mirë menaxhuar, kurrë nuk do të kishte lejuar dhënien e një lajmi të tillë. Gjëja e parë që bën një klub serioz është të kontaktojë klubin tjetër, pasi Guardiola është nën kontratë. Manchester City nuk mund të jetë në errësirë, gjithçka ishte tërësisht e pabazë”, ka thënë drejtuesi i Qytetarëve.

Skip to toolbar