Humb jetën ushtarakja, Rama e Meta bëhen bashkë në ngushëllim

Ndarja nga jeta në krye të detyrës të ushtarakes shqiptare në Letoi, Zarife Hasanaj ka sjellë reagimin e krerëve të politikës të cilët kanë përçuar ngushëllimet e tyre tek familjarët e saj.

Presidenti i Republikës, Ilir Meta ka shprehur ngushëllimet më të thella familjes se Nëntetares Zarife Hasanaj, si dhe pjesëtarëve të kontingjentit të FA në Letoni.

Meta thotë po ndjek me shqetësim gjendjen e efektivëve të plagosur dhe u shpreh urimet për shërim sa më të shpejtë Major Klodian Tanushi dhe Rreshterit Julian Kapaj.

Edhe kryeministri Rama në një status në Tëitter i ka shprehur ngushëllimet e tij familjarëve të ushtarakes.

“Dhimbje e respekt i thellë për efektivin e Forcave tē Armatosura, Zafire Hasanaj, e cila ra në krye të detyrës gjatë një misioni të NATO-s në Letoni, ku u plagosën dhe dy efektivë të tjerë!Ngushëllime familjes, të afërmve e miqve të Zafires dhe qoftë i përjetshëm kujtimi i saj”, shkruan Kryeministri🙏

Edhe ministrja e Mbrojtjes Olta Xhaçka ka postuar në facebook mesazhin e saj.

“Dhimbje e madhe për humbjen e dëshmores së Forcave të Armatosura, nëntetares Zarife HASANAJ. Në këtë moment të vështirë jemi pranë familjes së vajzës sonë e do të vazhdojmë t’i gjendemi pranë, për të përballuar bashkë humbjen e madhe. Respekt dhe mirënjohje pafund për Zarifen, për sakrificën, guximin dhe vendosmërinë në përballjen me rrezikun gjatë përmbushjes së detyrave të saj. Djemve tanë të plagosur, major Klodian TANUSHI dhe rreshter Julian KAPAJ, u uroj shërim të shpejtë dhe kthim shëndoshë e mirë pranë familjes sonë të Forcave të Armatosura.”, shkruan Xhaçka.

Përfundon takimi në Presidencë, aleatët: Meta pranoi kërkesat tona

Ka zgjatur 1 orë takimi mes krerëve të partive aleate të PD-së dhe presidentit të Republikës, Ilir Meta. Takimi u zhvillua në presidencë, por në të nuk mori pjesë kryetarja e LSI-së, Monika Kryemadhi.

Pas takimit në emër të aleatëve ka folur kryetari i Partisë Republikane, Fatmir Mediu. Ai tha se presidenti ka pranuar kërkesën për të organizuar një tryezë dialogu mes pozitës dhe opozitës për të gjetur një zgjidhje për krizën politike në vend.

“Në emër të të gjithë kolegëve dua të falënderoj presidentin për një diskutim të hapur në raport me kërkesën tonë. Ndajmë të njëjtin shqetësim që situata është problematike dhe duhet të pengojmë mos të shkojmë në një konflikt.

Presidenti ka marrë iniciativa dhe do të vazhdojë në këtë rrugë që të garantojë që zgjedhjet të jenë pluraliste dhe sa më përfshirëse.

Presidenti vlerësoi kërkesën e partive tona. Në vlerësim të kërkesës tonë do të marrë qëndrimet e veta në diskutim edhe me palët e tjera. Presidenti është në të njëjtën valë shqetësimi si gjithë qytetarët shqiptarë, por ka edhe angazhimin që palët të gjejnë zgjidhje për të mos shkuar në dëm të interesave të vendit”, tha kreu i Partisë Republikane Fatmir Mediu.

Aleatët e PD-së kanë hartuar një plafortë me 12 pika që sipas tyre, i jep zgjidhje krizës në vend, ku kryesore është ngritja e një qeverie transitore, dorëheqja e Ramës, ndryshime kushtetuese përsa i përket sistemit zgjedhor, etj.

Aleatët e Bashës, sot në zyrën e Metës për të gjetur zgjidhje

Sot në orën 11, krerët e partive të vogla, aleate të PD-së, do të zhvillojnë një takim me Presidentin Ilir Meta, për të diskutuar për situatën politike në vend dhe rrugët për të gjetur një zgjidhje në mënyrë që koalicioni Opozitar të marrë pjesë në zgjedhje.

Pjesë e këtij takimi me presidentin do të jenë kryetarët e partive: PR, LZHK, PPA, PBDNJ dhe PDK, të cilët nuk janë regjistruar për zgjedhjet e 30 qershorit.

Kushti i Koalicionit Opozitar për të marrë pjesë në zgjedhje është krijimi i një qeverie transitore që do të përgatisë zgjedhjet e lira dhe te ndershme, si dhe dorëheqja e kryeministrit Rama.

Më herët Kreu i Shtetit u ka bërë thirrje partive që të tërhiqen nga sjellja konfliktuale dhe të dialogojnë në mënyrë që të zgjidhet kriza politike e kthyer në pengesë në hapjen e negociatave të integrimit.

Të shohim se si do të shkojë sot ky takim mes palëve.

Meta firmos dekretin. Ja kush është ambasadori i Shqipërisë në Spanjë

Presidenti Ilir Meta ka firmosur sot dekretin për emërimin si ambasador të Shqipërisë në Spanjë të Gazmend Barbullushit.

Njëkohësisht ai do të jetë edhe ambasador i Shqipërisë (jo rezident) në Mbretërinë e Marokut, në Republikën Islamike të Mauritanisë dhe në Principatën e Andorrës.

Me firmosjen e dekretit nga Presidenti Meta, zyrtarizohet emërimi i i ambasadorit Barbullushi.

Meta kritika qeverisë: Ndërtimet pa kriter po shkatërrojnë tokën

Në ditën botërore të Tokës, presidenti Ilir Meta vjen me një mesazh sensibilizues për të gjithë, për të mbrojtur tokën dhe mjedisin, ndërsa ka bërë edhe kritika drejtuar qeverisë, duke thënë se ndërtimet pa kriter po shkatërrojnë kurorat e gjelbra. Ai gjithashtu shkruan se fushatat mediatike për mjedisin nuk janë gjë tjetër veçse propagandë që nuk ndryshon asgjë.

“Për një të ardhme më të shëndetshme të fëmijëve tanë, është detyra jonë ta mbrojmë tokën, shtëpinë tonë të përbashkët, duke treguar një kujdes e vëmendje më të shtuar për mjedisin dhe ekosistemin, ruajtjen e biodiversitetit të pasur dhe pyjeve të bukura të Shqipërisë.

Mbrojtja e tokës dhe e mjedisit, nuk duhet trajtuar si propagandë mediatike! Të gjithë jemi dëshmitarë se si kurorat e gjelbërta, që duhet të ishin mushkëria e pacënueshme e qyteteve tona, fatkeqësisht janë dëmtuar nga ndërtimet pa kritere, një regres që duhet të marrë fund! Ta bëjmë tokën një vend më të mirë për të jetuar! Gëzuar Ditën Ndërkombëtare të Tokës!”, shkruan Meta.

Për një të ardhme më të shëndetshme të fëmijëve tanë, është detyra jonë ta mbrojmë tokën, shtëpinë tonë të përbashkët,…
Publiée par Ilir Meta sur Lundi 22 avril 2019

Rama, mesazh Metës me juntë ushtarake

Presidenti Meta kërkoi informacion se ku mbështet në Kushtetutë vendimi për mbrojtjen e aeroportit me forca ushtarake, por i menjëhershëm ka qenë reagimi i kryeministrit Rama.

Përmes një fotoje në instagram, Rama shkruan se në shumë aeroporte të botës ka prani të forcave ushtarake, ndërsa i cilësoi marrëzira të gjitha deklaratat për shkelje të Kushtetutës dhe juntë ushtarake.

“Forcat ushtarake në aeroportet e Parisit, Venecias, Frankfurtit dhe Amsterdamit, janë vendosur ashtu si në plot vende të tjera të Europës dhe botës demokratike, si reagim ndaj akteve cënuese për sigurinë e infrastrukturave aeroportuale dhe qytetarëve që i përdorin ato. Ndërkohë beretat e kuqe të policisë sonë ushtarake janë vendosur thjesht në ruajtje të perimetrit të jashtëm të sigurisë. Prandaj kush flet për shkelje kushtetute, gjendje lufte, juntë ushtarake e marrëzira të tjera si këto, le të gjejë ndonjë arsye tjetër për të treguar se sa shumë i dhimbsen Kushtetuta dhe standardet demokratike” – shkruan Rama, bashkëngjitur fotos nga forcat e sigurisë në aeroportet ndërkombëtare.

Pak kohë më parë presidenti Ilir Meta deklaroi se ishte gati të sakrifikonte, nga dorëzimi i mandatit si President deri tek “sakrifikimi i jetës si Salvador Alende për të ndaluar instalimin e një junte që mund ta kthente Shqipërinë 30 vite pas”.