Murrizi mbron Ramën duke i rënë vettingut

Nënkryetari i Kuvendit Myslim Murrizi ka sulmuar procesin e vettingut pas shkarkimit të prokurorit Artur Malaj nga Komisioni i Posaçëm i Apelimit. Por nga ana tjetër Murrizi ka mbrojtur në mënyrë të tërthortë kryeministrin Rama duke deklaruar se procesi i Vettingut nuk është i kapur as nga ai siç pretendon PD-ja. Murrizi reagon me një gjuhë të ashpër ndaj PD, kur thotë se gëzon me sukseset e vettingut për shkarkimin e prokurorëve, ndërkohë që nga ana tjetër shprehet se ky proces është i kapur nga Rama. Ai thotë se në fakt vettingu nuk është i kapur as nga Rama, por as nga Basha, por nga një grup njerëzish që janë votuar në parlament si nga PD dhe nga PS.

“Kur shoh hipokritët që gëzojnë dhe quajnë “sukses” të madh vendimin e KPA për shkarkimin e gjyqtarit Artur Malaj, me vjen për të vjellë. Po kur gjykata nuk e quan spiun atë që ka dosje spiuni me pseudonim Venusi dhe që është ish hetues i diktaturës e sot është zgjedhur të emëroj dhe gjykoj prokurorët shqiptarë, pse nuk bilbiloset??

Po ju nga njëra anë thoni që vettingun po e bën Rama, e nga ana tjetër rendisni “sukseset” e vettingut se qenkan shkarkuar gjyqtarët që paskan gjobitur dy individë për shpifje. Quani sukses të madh se është shkarkuar Arturi se i paska prishur dyzenin presidentit?? Po 19 anëtarët e Gjykatës së Lartë dhe 9 anëtarët e Gjykatës Kushtetuese që u zgjodhën nga fytyra apatike deputetesh vemje që u shkarkuan ose u vetëlarguan si hajdut, a ishte sukses i vettingut? I reformës? Apo i shkarkoi Rama???” shkruan Murrizi

Murrizi akuzon se vettingu në fakt është i kapur nga një grup njerëzi prej 27 vetash që janë votuar në parlament nga të dy partitë e mëdha.

“Meqenëse këtë “ tufë” individësh prej 27 vetash e keni votuar të gjithë së bashku me 100 vota pro, kur parlamenti ishte i shpërndarë, a ka mundësi te mos hani fare fare M…. jalte duke share reformën se gjoja qenka e kapur nga Rama??????

Kjo trup vettingu nuk është as e kapur nga Rama e as e kapur nga Basha, por e “e përdhunuar e nënshtruar dhe e lançuar” nga ata qe prej 29 vitesh janë tallur me shqiptarët, dhe e votuar nga 100 deputet të tredhur nga Rama dhe Basha. Më e pakta që duhet të bëni, është që mos hapni gojë farë, sepse qelbni ere të pistë, nga pisllëku që mbani mbi fytyrë” shkruan Murrizi.

Murrizi sulmon aksionin anti-informalitetit, Denaj: Dha rezultat

Deputeti Myslim Murrizi ka ngritur tonet duke i kërkuar llogari ministres së ekonomisë, Anila Denja në lidhje me rezultatet e aksionit anti-informalitet të zhvilluar gjatë muajve të verës. Murrizi e cilësoi këtë aksion si show, ku bizneset dënoheshin për një ujë me gaz pa faturë, ndërsa të tjerëve u faleshin gjoba 100 mijë euro. Murrizi tha se ministrja nuk flet për pyetjet e ngritura po shpalos programin e Ministrisë.

“Shteti nuk duhet të funksionojë me aksione dhe fushata, deri tani kemi parë vetëm show! Mu duke se po shpalos programin e Ministrisë. Pse e ke anuluar gjobën 100 mijë euro? Ju më thoni e keni pezulluar. Arrestuat 23 administratorë me aksion blic dhe i nxori të gjithë një nga një gjykata. Janë të njëjtët që ju vetë u jepni tendera.

Gjoba është e prillit 2019, 100 milion euro. Më thuaj kush e kontrollon? Ju vini gjoba për një faturë për ujë të gazuar, por për këtë jo ”- tha Murrizi

Replikës se Murrizit, Ministrja e Ekonomisë, Denaj tha se ky aksion dha rezultate, edhe pse ato nuk pritet të jenë të menjëhershme. Ministrja theksoi se qarkullimi ekonomik dhe deklarim i xhirove është rritur.

“Kontrollet në biznese janë bazuar te analiza e riskut. Pastaj në maj kemi bërë shumë telefonata për bizneset në bregdet me risk të lartë. Pati edhe një ndërgjegjësim për biznesin dhe më pas u pasua me kontrolle. Në sektorin e Turizmit janë konstatuar mbi 2400 shkelje. Në total janë referuar 19 raste në prokurori për skemat e mashtrimit me TVSH. Për 31 punonjës të Tatimeve dhe 44 të Doganave janë marrë masa. Rezultatet nuk pritet të jenë të menjëhershme, por qarkullimi në disa sektorë të ekonomisë është rritur. Deklarimi i xhirove është rritur. Nuk është luftë anti-informalitet me aksione“. tha Denaj

Këto debate u zhvilluan në seancën e Kuvendit gjatë interpelancës që deputeti Murrizi kërkoi me ministren e Financave dhe Ekonomisë Anila Denaj për aksionin anti-informalitet, politikën fiskale, investimet e huaja, por edhe punësimin.

Sherr mes deputetëve në Komision. Murrizi: Të numërojmë dëshmorët

Numëri i dëshmorëve të rënë gjatë Luftës Anti-Fashiste në vitet 1939-1944, shkaktoi sherr mes deputetëve në Komisionin e Sigurisë Kombëtare. Deputeti Myslim Murrizi kërkoi ngritjen e një komisioni, që do të numërojë varret e dëshmorëve në të gjithë Shqipërinë. Sipas deputetit të opozitës, numri i dëshmorëve të rënë në luftë, por dhe i veteranëve të saj, nuk është real.

Më poshtë pjesë nga debati në Komisionin e Sigurisë Kombëtare.

-Petro Koçi: Janë 56 mijë e 300 e ca dhe kur i rrumbullakosim shifrat themi rreth

56 mijë e 500 individë, të cilëve u është njohur Statusi i veteranit. Tashmë janë rreth 7 mijë persona që janë ende gjallë, që e gëzojnë statusin.

-Myslim Murrizi: Pra, 56 mijë e 300 kanë pasur statusin e veteranit në vitin 1994. 28 mijë thoni që kanë qenë dëshmorë bëjnë 84 mijë. Ndërkohë që në histori kemi mësuar që ushtria nacionalçlirimtare e partizanëve ka pasur 70-75 mijë vetë. Na dalin 9 mijë tepër, nga i keni gjetur?! Çfarë është gënjeshtër këtu: numri i dëshmorëve, numri i partizanëve apo numri i veteranëve? 9 mijë nuk janë pak, nuk na rakordojnë shifrat, del si ajo 7 herë 7. Të kesh qenë partizan, minimalja duhet të kesh datëlindjen në vitin 1928 që të të kapte mosha 16 vjeç në vitin 1944. Sot i bie të jesh 91 vjeç, ta kesh zhvilluar luftën 12 vjeç, të kesh qenë debatikas nga Coli e këtej. Po të kesh qenë më i madh i bie të jesh edhe më i moshuar. Unë si deputet i kam bërë një kërkesë, edhe Sigurimeve Shoqërore, edhe

Komisionit Qendror të Zgjedhjeve për të parë listën e votuesve se sa kemi gjallë në moshën 91, 92 deri te 100 vjeç, i fundit më duket ndërroi jetë para disa ditëve. Përsëri jam shumë skeptik për numrin.

-Petro Koçi: Unë i prisja pyetjet me karakter politik, por jo kërkesën për të parë një dokument. Ky është një fakt që dihet historikisht, më 20 korrik 1957 është krijuar për herë të parë një organizatë… Për sa i përket moskorrespondimit të shifrave, është një pyetje shumë interesante. E para, nuk merr statusin e veteranit patjetër ai që ka qenë me armë në dorë duke luftuar në rreshtat e formacioneve të ushtrisë nacionalçlirimtare, por janë të gjithë ata që në role, rrethana të tjera janë shpallur veteranë të luftës për shkak të kontributit konkret që kanë dhënë gjatë asaj lufte. Në këtë rast dua t’ju shpjegoj që edhe dëshmor i atdheut që i përket kësaj periudhe nuk duhet patjetër të ketë qenë një partizan me armë në dorë, por mund të ketë pasur funksione të tjera: korrier, bazë e luftës e të tjera që në aksionet hakmarrëse, në vendimet e pushtuesve apo të bashkëpunëtorëve të tyre kanë përfunduar me vdekje. Nuk ka lidhje se duhet të korrespondojë patjetër shifra 56 mijë, plus 28 mijë që të dalë numri i atyre që kanë qenë pjesë e formacioneve partizane, i cili është 73 mijë. Është një logjikë, e cila vlen për të ndërtuar një pyetje, por jo për të nxjerrë një konkluzion të pandryshueshëm. Për sa i përket moshës duhet pasur parasysh se veteranë quhen të gjithë ata që deri në maj të vitit 1945 në pozicione të ndryshme dhe jo patjetër partizanë kanë luftuar ose kanë qenë pjesë e veprimtarisë antifashiste nacionalçlirimtare. Ju e dini se një pjesë e formacioneve partizane kanë kaluar edhe kufijtë shtetërorë të Shqipërisë për të çliruar pjesë të territoreve të tjera që ishin pjesë e rajonit të Ballkanit. Unë besoj se Lufta Antifashiste Nacionalçlirimtare duhet të kthehet në një vlerë që na bashkon të gjithë.

–Spartak Braho: Pa dyshim që ky korrigjim, ndonëse i vonuar për caktimin e datës së Organizatës së Veteranëve është një masë e rëndësishme apo një propozim në kohë i qeverisë në kuadër edhe të festimit të 75 -vjetorit të çlirimit të vendit, e plotëson këtë boshllëk. Pra, kemi të bëjmë thjesht me rivendosje apo me piketim të një date, e cila duhet të përkujtohet, jo vetëm nga veteranët, por nga i gjithë populli shqiptar. Sot është dita që ta miratojmë. Madje sot është dita që të mbajmë edhe një minutë heshtje për veteranin 100 vjeçar Rahman Parllaku, por kjo le t’i mbetet seancës plenare, sepse figura e tij është një figurë e ndritur e Luftës Nacionalçlirimtare. Unë mendoj që ta miratojmë këtë ndryshim.

-Myslim Murrizi: Pas njëzet e nëntë vjetësh postkomunizëm nuk kemi pse të tallemi më me shqiptarët. Nuk ka arsye që fëmija im të mësojë nëse kemi pasur shtatëdhjetë mijë partizanë, shtatëdhjetë e tre mijë, shtatëdhjetë e pesë apo tetëdhjetë e katër, sa dalin me shifra. Nuk kam pse shoh me shall të kuq në qafë veteranë lufte që kanë lindur mbas prishjes së kooperativave. Është turp. Ata që kanë qenë në luftë, aq sa të jenë gjallë, por që kanë qenë realisht në luftë, jo ata që u paskan çuar çorape partizanëve, që kanë ngrënë e kanë pirë a ku di unë çfarë kanë bërë, paskan raportuar për të vrarë nga Mustafa Gjinishi e deri në fund, marrkan statusin e veteranit të luftës. Ngrini një komision. Jua thashë: do t’ju sponsorizoj edhe unë, me sa të kem takat, jua lë rrogën gjashtë muaj. Shkoni e numërojini varrezat e dëshmorëve se sa janë! Na thoni ekzakt sa janë, sepse po të jenë vrarë 28 mijë, me 124 gjermanë e 315 italianë, i bie që një nga ata armiq, për të cilët kemi thënë se kanë ikur, të ketë vrarë 70 trima nga këta tanët. Kjo është denigruese. Në qoftë se nga kjo ushtri prej shtatëdhjetë mijë vetash, që thoni ju, janë vrarë njëzet e tetë mijë, pra 40 %, atëherë paska qenë turmë, popull, një popull që ka ikur në ekzil. Prandaj, na e thoni ekzakt, mos ecni me frymën se kështu e ka thënë që nga viti 1945 partia jonë, ajo që kemi qejf ne, dhe kështu do të themi edhe ne. S’ka asgjë të keqe të reduktohet numri, por ama të jetë real numri i veteranëve, numri i dëshmorëve, numri i këtyre që morën shpërblim financiar. S’ka asgjë të keqe.

-Ermonela Felaj: Nuk ka nevojë të përdoret ky ton.

-Myslim Murrizi: Po çfarë toni kërkoni? T’i them Spartakut që gënjen? Nuk i them…

-Ermonela Felaj: Nuk jeni vetëm ju dhe z. Braho në këtë mbledhje. Janë më shumë se kaq njerëz.

-Myslim Murrizi: I thuaj pra, që të mos më ndërhyjë. Se kur ndërhyn ai, unë e trash tonin.

-Ermonela Felaj: Po nuk mundet, sepse është një ngjarje që e kujtojnë të gjithë popujt.

-Myslym Murrizi: Mos ma ndërprit fjalën fare! As më intereson farë se çfarë mendon ti për ngjarjen.

-Ermonela Felaj: Nuk kam ndërmend fare të të tregoj historinë, se nuk kam mbaruar për histori. Por edhe sikur, prapë nuk do ta bëja.

-Myslim Murrizi: Nuk po ta heq njeri enverizmin ë ke në shpirt. Mbaje, ta gëzosh! Vetëm me shifrat mos u tallni! Kaq! Pse po ta heq enverizmin unë ty? Mbaje! Shko më 5 maj atje! Shko te varri i Enverit! Bëj çfarë të kesh qejf! Sepse, në fund të fundit, unë të paktën, për këtë kam luftuar në atë Dhjetor të nëntëdhjetës: që secili të jetë i lirë. Por jo që atë që beson t’i të ma imponosh edhe mua si mashtrim.

Murrizi- “Ngrini një komision. Shkoni e numërojini varrezat e dëshmorëve se sa janë! Na thoni ekzakt sa janë, sepse po të jenë vrarë 28 mijë, me 124 gjermanë e 315 italianë, i bie që një nga ata armiq, për të cilët kemi thënë se kanë ikur, të ketë vrarë 70 trima nga këta tanët”.

Petro Koçi- “Dëshmor i atdheut që i përket kësaj periudhe nuk duhet patjetër të ketë qenë një partizan me armë në dorë, por mund të ketë pasur funksione të tjera: korrier, bazë e luftës e të tjera që në aksionet hakmarrëse, në vendimet e pushtuesve apo të bashkëpunëtorëve të tyre kanë përfunduar me vdekje”.

Debati i plote:

Murrizi shpërthen ndaj Bashës: Berisha ta tha “Nuk bëhesh lider pa fituar zgjedhje”

Më i ashpër së të gjithë zërat e lëvizjes “Basha ik” është deputeti Myslim Murrizi. Përmes një analize të gjatë ku sulmon hapur Bashën dhe vendimet e tij, Murrizi konfirmon atë që realstory e ka shkruar më herët se përtej lëvizjes Basha Ik, ekziston një krisje e marrëdhënieve mes Bashës dhe liderit historik Berisha.

Deputeti i Partisë Demokratike, Myslim Murrizi, i cili refuzoi të djegë mandatin e deputetit ka shpërthyer ashpër kundër Bashës dhe retorikës së tij që shpall PD-në fituese me 85% në zgjedhjet ku nuk mori pjesë.

Përmes një analize të gjatë, me titullin “Boll u talle me demokratët zoti Basha”, Murrizi i publikon Bashës foton me miliarderin Sorros dhe i këshillon që t’i japë fund gënjeshtrave dhe deklaratave tallëse ndaj demokratëve.

Murrizi gjithashtu shkruan se Basha e mori postin e kryetarit të PD-së, me vota të vjedhura dhe tani gënjen çdo ditë demokratët.

“Mos i mashtro më duke i mbajtur me shpresë si laraska me “hallatet” e demit. Foli hapur dhe troç, se halli yt dhe i tufës që të rrethon në verbërinë e servilizmit pragmatist për një kockë pushteti, nuk është i njejtë KURRE me hallin e qytetareve opozitarë të Shqipërisë. I trajton demokratët si figurantë në “ filmat” tuaj të tipit hollivudian, duke i xhiruar para 7 ditësh dhe i shfaq me radhë që t’i shohësh nga plazhet e europës. Z Basha! Së pari dua të kujtoj që nuk je pronar i opozitës e as padrino i PD dhe i demokratëve, por kryetari i 6 në rradhë i Partisë Demokratike prej datës 12 dhjetor 1990.

U zgjodhe kryetar në korrik 2013 pasi PD falë arrogancës dhe hajdutllëkut të atyre 316 vetave që ke emëruar në këshillin kombëtar dhe 30 të tjerëve që mender i quan anëtare kryesie, e rreth 500 individeve anonimë që erdhën nga g… i sëmës pa asnjë kontribut në 15 vite PD”, shkruan Murrizi, i cili e kryqëzon Bashën me akuza duke e cilësuar atë si përgjegjësin kryesor për shkatërrimin e degëve të PD-së.

“Pas zgjedhjeve lokale të vitit 2015, ku të gjitha kandidaturat i vendose Ti, fillove të prishësh degët duke shkarkuar kryetarët që për herë të parë ishin zgjedhur me vote. Bere partinë sipas ndarjes së 61 bashkive të Ramës. Fillove të presësh degën ku ishe ulur vetë duke menduar që dega do bjerë, ndërsa ti do rrish në ajër sepse ajër komplet ke ardhë në krye të PD”, shkruan Murrizi.

Ai akuzon Bashën më tej se ka mbajtur peng reformën zgjedhore për shkak se ka frikë nga vota e shqiptarëve.

“Ti njëlloj si rama nuk e do ndryshimin e sistemit zgjedhor, se ke frikë si dreqi votën e qytetarëve. Kur unë dhe disa kolegë deputetë kërkonim diskutim për sistemin, ti dhe spurdhjakët kopil të reformës zverdheshit sikur ju kapte apendesiti”, shkruan Murrizi.

Ai gjithashtu tall Bashën për fitoren plebishitare prej 85 në zgjedhjet e 30 qershorit.

“Po meqenëse paske fituar Ti mbi 85 përqind më date 30 qershor atëherë për çfarë vjen vërdallë si P…. nëpër brekë duke bërë “ xhirime” që shfaqen nëpër tv si telenovela e Ezelit????

Që lajmi të humbi nga lajmi, menjëherë pasi fale 61 bashki Rames, deklarove se PD nuk ka pushim por do vazhdojmë proçesin e organizimit dhe protesta.

Po për çfarë mund të protestojë një “ fitues” plebishitare me 85%????”, shkruan Murrizi, i cili më tej i bën apel Bashës që të mos gënjejë më demokratët por të nisë punën për ndryshimin e sistemit zgjedhor.

“Prandaj boll mashtrove dhe boll u talle prej 6 vitesh me demokratët. Nuk bëhesh lider pa fituar njëherë zgjedhjet,- të ka thënë Berisha në mbledhje. E unë, por jo vetëm, po të them që: Nuk fitohen zgjedhjet kurrë duke shitur bashkëpunëtoret dhe duke graduar shërbëtorët. Nuk mund të shesësh për tolerancë, kompleksin e frikës që ke ndaj atyre që të kanë sharë me libër shpie non stop, dhe i emërove antarë kryesie, pa patur asnjë votë. Partia Demokratike vjen në pushtet vetëm me lista të hapura dhe sistem mazhoritar”, shkruan Murrizi. Sipas tij nëse Basha nuk i merr këto masa i mbetet vetëm të rrëzojë qeverinë me statuse nga facebooku sepse edhe 15 kryetarët e bashkive që kishte i ikën “një nga një si keca”.

Analiza e Murrizit konfirmon atë që Realstory e ka shkruar më herët që ka një krisje të marrëdhënieve mes Bashës dhe Berishës. Kjo duket edhe në qëndrimet e fundit të ish kryeministrit Berisha i cili ka qëndruar në heshtje dhe nuk është përfshirë duke e lënë Bashën të merret vetë me dështimin e aksionit opozitare. Realstory ka paralajmëruar nisjen në shtator të lëvizjes Basha ik, ku mbetet për t’u parë qëndrimi që do të mbajë Berisha./Realstory.al

Murrizi shpërthen ndaj Bashës: Ti ishe në konvikt, kur unë dilja mes plumbave për PD

Deputeti demokrat, Myslim Murrizi ka shpërndarë një video në rrjetin e tij social, shoqëruar dhe me një tekst të gjatë, ku shpërthen në ofendime ndaj drejtuesve aktual të PD-së. Në videon e Murrizit shfaqet mitingu elektoral i Sali Berishës në Lushnje në vitin 1997, në një klimë tejet të tensionuar mes plumbash. Murrizi sulmon ashpër shumë prej ish-deputetëve të PD-së dhe kreun e saj Lulzim Basha, që u bën pjesë e Partisë Demokratike vite më pas. Ai ngre një pyetje retorike me emër drejtuar shumë drejtuesve aktual të PD-së, që sipas Myslim Murrizit, hiqen si demokratë në studio televizive.

“26 QERSHOR 1997. Ditë e enjte. Berisha vjen në Lushnje për të prezantuar kandidatët për deputet të PD për zgjedhjet e 29 qershorit. Unë isha këtu bashkë me Maksim Cikuli, Ilir Bano dhe Sami Sharka, si kandidat për deputet. Rreth 300 demokratë lushnjarë ishin aty mes plumbave. Ju që lehni si qen të pështirë nëpër studio ku ishit?? Nuk e kam fjalën për ju që keni qenë në kopsht, as për ju mender demokrat që keni ardhur në PD vetëm kur ajo është në pushtet, as për biro e bilbilusha që kanë qenë nëpër konviktet e shkollave të paguar nga Sorrosi, as për bij kopilash komunistë që sot i mbajnë bylykun Bashës, as për mutacionet e pështira të rracës njerëzore që sot janë “emëruar” drejtues PD. Por po ju pyes me emër ju DAUN politikë të pështirë që sot lehni nëpër studio si “demokrat” të mëdhenj: Ti z.Spaho a mban mend ku ishe? Ti z.Paloka? z.Gjata? z.Alibeja? z.Alizoti? z.Ristani, z.Kadilli, z.Bozdo, Dollapi, Rrusho e kompani??”

“Po Imami, Ceka, Islami, Duka, Dule, Idrizi, Monika, Meta, a e mbani mend se ku ishit dhe çfarë bënit në këtë vit të mbrpësht për Shqipërinë dhe fatal për demokratët?? Sa për ju hajdutë të rëndomtë të pushtetit të viteve 2005-2013, nuk ja vlen farë tu pyes se ju keni qenë në P. të sëmës, e disa fërkonin duart se po rrëzohej “maloku” nga froni, disa ikët si të dhjerë me traget, anije apo me këmbë jashtë Shqipërisë, e u kthyer si grabitqarë në vitin 2005, si drejtorë e nëndrejtorë tatimesh, doganash, burgjesh, rrugësh, lojrash fati, zv. Ministra e sekretar të përgjithshëm, që të vidhnit si qen të pangopur e të bënit të njëjtën gjë përsëri në korrik 2013. Prandaj a ka mundësi ta mbyllni atë gojë hale se qelbët dynjanë me erën e pistë, që shpërndani duke lehur me porosi”, shkruan Murrizi.

26 QERSHOR 1997. Dite e ejteBerisha vjen ne Lushnje per te prezantuar kanidatet per deputet te PD per zgjedhjet e 29 qershoritUne isha ketu bashke me Z Maksim Cikuli, Z Ilir Bano, Z Sami Sharka si kanidat per deputetRreth 300 DEMOKRATE LUSHNJARE ishin aty mes plumbaveJu qe lehni si qen te peshtire neper studio ku ishit???Nuk e kam fjalen per ju qe keni qene ne kopesht, as per ju mender demokrat qe keni ardhe ne PD vetem kur ajo eshte ne pushtet, as per biro e bilbilush qe kane qene neper konviktet e shkollave te paguar nga sorrosi, as per bij kopilash komuniste qe sot i mbajne bylykun Bashes, as per mutacionet e peshtira te rraces njerezore qe sot jane “emeruar” drejtues PDPor po ju pyes me emer ju DAUN politik te peshtire qe sot lehni neper studio si “ demokrat” te medhenjTi z Spaho a mban mend se ku ishe?Ti z Paloka? Z Gjata? Z Alibeja?ZAlizoti?z Ristani z Kadilli z Bozdo Dollapi Rrusho e kompani??Po z Imami z Ceka z Islami z Duka z Dule z Idrizi zj Monika e z Meta a e mbani mend se ku ishit dhe çfare benit ne kete vit te mbrapesht per Shqiperine dhe fatal per DEMOKRATET???Se per ju hajdute te rendomte te pushtetit te viteve 2005-2013 nuk ja vlen fare tu pyes se ju keni qene ne P te semes , e disa ferkonin duart se po rrezohej “ maloku” nga froni, disa iket si te dhjere me traget anije apo me kembe jasht Shqiperise e u kthyet si grabitqare ne vitin 2005 si drejtore e nendrejtore tatimesh, doganash, burgjesh , rrugesh, lojrash fati, zv ministra e sekretar te pergjithshem, qe te vidhnit si qen te pa ngopur e te benit te njenjten gje perseri ne korrik 2013Prandaj a ka mundesi ta mbyllni ate goje hale se qelbet dynjane me eren e piste qe shperndani duke lehur me porosi????
Gepostet von Myslim Murrizi am Donnerstag, 11. Juli 2019

Shpërthen Murrizi: Erdhët me brekë doku, tani banjo edhe për macet

Ndërsa në seancën parlamentare diskutohet raporti i ILDKPI për 2018-ën, deputeti Myslym Murrizi ka shpërthyer ashpër ndaj kolegëve deputetë, ndërsa kërkoi hetimin e pasurisë së politikanëve.

Ai bëri një krahasim me vitin 1991 dhe ndryshimet që kanë pësuar në pasuri politikanët shqiptarë në vite.

Ndër të tjera Murrizi ka deklaruar se duhet të fillojnë hetimet për politikanët pasi sipas tij nuk janë më shumë se 500 prej tyre që kanë marrë në qafë Shqipërinë.

“10 faqe për spiunët e shtetit dhe privatit që nuk kanë funksionuar 126 njësi sinjalizues tek sektori publik dhe 426 për sektorin privat. Quani arritje që janë gjobitur disa subjekte. Shqiptarët janë ngopur me spiunë dhe bilbilfryrës. Shqiptareve u ka ardhur ne majën e hundës me spiunët. Vini për të raportuar . Po ishte krahasimi me 2003 dhe 2013 ajo që nuk më pëlqeu. Kjo është një lojë me regjimin komuniste që e krahasonte me 38′. Do doja që të përgatisim një ligj për objektin e punës. Miliona pasuri kanë banorët e kësaj salle. Që kanë ardhur me brekë doku ndërsa sot vijnë me Armani, dikur kishin banjo te fiku tani kanë hale edhe për macet. Unë prapë shoh shumë ata që kanë marrë vendin në qafë nuk i kalojnë 500. Këto që kanë qenë këtu dhe këta që janë këtu. Ata nuk i justifikojnë. A ka verifikim . Ka zyrtarë që kanë aksione në supermarketet e Serbisë dhe që blejnë vila në Firenze. Për vitin 2018…pse nuk i keni me emra deputete, drejtoret, ish ministrat? Pra duke bërë thirrje koha ka ardhur për të bërë një ligj konkret”, tha Murrizi.