Kryeministri Edi Rama ka reaguar në lidhje me tërmetet e rëna në Korçë dhe dëmet materiale që janë shkaktuar në disa fshatra të qytetit. Rama ka thënë se pas inventarit të dëmeve do të nisë dëmshpërblimi dhe rindërtimi i të gjitha banesave.
“Të gjitha banesat do të rindërtohen. Dje, në Floq dhe Qafëzezë të Korçës, me banorët e prekur nga tërmeti që goditi këtë rajon, si dhe drejtues të institucioneve qendrore dhe lokale. Pas inventarit të dëmeve, nis shumë shpejt dëmshpërblimi dhe rindërtimi për të gjitha familjet e prekura nga kjo fatkeqësi natyrore!.” shkruan Rama krah një video të publikuar ku shfaqen pamje nga banesat e dëmtuara nga tërmeti.
Korça prej tre ditësh vijon të lëkundet duke detyruar shumë banorë të fënë nëpër çadra apo nëpër makinat e tyre. Sipas të dhënave zyrtare 184 banesa janë të dëmtuara, 95 prej të cilave janë prishur tërësisht.
ERTV Live😊: TE GJITHA BANESAT DO TE RINDERTOHEN🤝 – Dje, në Floq dhe Qafëzezë të Korçës, me banorët e prekur nga tërmeti që goditi këtë rajon, si dhe drejtues të institucioneve qendrore dhe lokale. Pas inventarit të dëmeve, nis shumë shpejt dëmshpërblimi dhe rindërtimi për të gjitha familjet e prekura nga kjo fatkeqësi natyrore!
Në fakultetet e Tiranës ka nisur shpërndarja e
kartave të studentëve përmes të cilave studentët do të përfitojnë ulje në një sërë
shërbimesh.
Fillimisht ata do të përfitojnë ulje në transportin
publik por edhe në 14 shërbime të tjera.
Kryeministri Rama, mëngjesin e së hënës ka
postuar një video përmes të cilës jep informacion për përfitimet që u vijnë studentëve
nga karta e studentit.
“MIRËMËNGJES
dhe me këtë videoinformacion mbi shërbimet e përfituara përmes kartës së studentit, ju uroj një javë të mbarë ”, shkruan Rama.
MIRËMËNGJES 😀dhe me këtë videoinformacion mbi shërbimet e përfituara përmes kartës së studentit, ju uroj një javë të mbarë 👍
Nën sloganin “Bashkia që duam’ kryeministri Rama do të nis sot turin, ose maratonën e 30 qershorit siç e quan ai ndryshe, në qytetin e Lezhës. Ditën e shtunë kryeministri Rama bëri hapjen zyrtare të fushatës elektorale ndërsa më 2 qershor do të vendoset në Lezhë, ku së bashku me kandidatin e PS për bashkinë e qytetit, Pjerin Nderu do të zhvillojnë një takim me qytetarët dhe të prezantojnë programet e tyre.
“Sot 18:00 fushata e 30 qershorit vijon me Lezhën, të cilës bashkë me Pjerinin do t’i japim një hov të ri me rrugën e re turistike Shëngjin/Velipojë e hapjen e një kapitulli të ri zhvillimi turistik e rural për ta vënë atë dhuratë të natyrës në funksion të ekonomisë e punësimit” shkruan Rama në Twitter.
Ndërkohë që Partia Socialiste ka nisu fushatën zgjedhore, opozita e vetëpërjashtuar nga Parlamenti vijon protestat për mosmbajtjen e zgjedhjeve të 30 qershorit. Ajo do të protestojë sërish sot në Tiranë për të kërkuar largimin e kryeministrit Rama.
Sot 18.00 fushata e 30 qershorit vijon me Lezhën, të cilës bashkë me Pjerinin do t’i japim një hov të ri me rrugën e re turistike Shëngjin/Velipojë e hapjen e një kapitulli të ri zhvillimi turistik e rural për ta vënë atë dhuratë të natyrës në funksion të ekonomisë e punësimit🤝
Ashtu siç ishte paralajmëruar edhe më parë nga Realstory.al, Sekretari i Përgjithshëm i NATO-s, Jens Stoltenberg do të zhvillojë një takim disa orësh në Tiranë, përpara se të nis vizitën e tij dy ditore në Maqedoninë e Veriut. Vizita e sotme e Stoltenberg në Tiranës është bërë publike edhe nga faqja zyrtare e NATOS, ku publikohet axhenda e takimeve.
Të dielën më 2 qershor 2019, Sekretari i Përgjithshëm i NATO-s, Jens Stoltenberg do të udhëtojë në Tiranë ku do të ketë takime me Presidentin Ilir Meta, Kryeministrin Edi Rama dhe Ministrin e Mbrojtjes, Olta Xhaçka.
Në orën 15:20 Sekretari i Përgjithshëm i NAto, Stoltenberg do të mbajë edhe një konferencës së përbashkët për shtyp me Kryeministrin Rama.
Vizita e Stoltenberg, sigurisht që do të jetë edhe për t’i dhënë një mesazh të qartë opozitës, që pasditen e së dielës në orë 19:00 do të zhvillojë protestën e saj të shtatë kombëtare. Skenari që opozita do të ndjek nuk dihet ende, por protesta e saj e fundit më 25 maj, ishte e qetë, larg molotovëve dhe konfrontimeve me policinë.
Opozita që prej djegies së mandateve është duke protestuar për largimin e Edi Ramës dhe shtyrjen e zgjedhjeve, ndërsa vetë kryeministri hapin zyrtarisht, pasditen e 1 qershorit, fushatën elektorale për zgjedhjet lokale të 30 qershorit.
Kryeministri Edi Rama ka vlerësuar qëndrimin e ministrit gjerman për Europën, Michael Roth, i cili shkruan në twitter se Evropa duhet të mbështetet në fakte për të vendosur për të ardhmen e Shqipërisë, si dhe t’i shqyrtojë faktet me ndershmëri.
“Ministri i Shtetit për Europën i Gjermanisë,
Michael Roth:
Për Maqedoninë e Veriut dhe Shqipërinë ne duhet të mbeshtetemi në fakte dhe në ndershmëri. BE dhe Gjermania kanë shumë për të humbur”, shkruan Rama në facebook ndërsa poston foton e Roth në twitter.
Ministri gjerman Roth është pro çeljes që në qershor të negociatave mes Shqipërisë dhe BE-së. Ai është shprehur së fundmi se Shqipëria i ka qëndruar zotimit për të bërë progres në reformat e kërkuara, tani është radha e BE-së të mbajë fjalën.
Ministri i Shtetit për Europën i Gjermanisë, Michael Roth: Për Maqedoninë e Veriut dhe Shqipërinë ne duhet të mbeshtetemi në fakte dhe në ndershmëri. BE dhe Gjermania kanë shumë për të humbur.
Në një konferencë për shtyp, ish deputeti i
LSI-së, Petrit Vasili publikoi një video të kryeministrit Rama në vitin 2006
kur kërkonte shtyrjen e zgjedhjeve vendore të 20 janarit 2007.
Në video Rama shfaqet duke deklaruar se: “Kushtetuta
nuk është tabu. Është një qenie e gjallë, mund të ndryshojë kur palët bien
dakord”.
Referuar kësaj deklarate Petrit Vasili u shpreh
në konferencën e së shtunës se në 2019 Rama nuk i shtyn zgjedhjet sepse nuk do
zgjedhje.
“Rama nuk do të bëjë zgjedhje. Modelin e PS që
nuk bën zgjedhje do t’ua imponojë shqiptarëve. Ai ka vetëm një synim. Kërkon që
në Shqipëri të ketë monizëm. Të ketë votime, por jo zgjedhje”, u shpreh Vasili.
Por pse situata nuk është e ngjashme me vitin
2007 dhe pse sot nuk mund të shtyhen zgjedhjet.
Zgjedhjet për organet e qeverisjes vendore të
vitit 2007 u shtynë me afro një muaj nga 20 janari
2007, data e dekretuar fillimisht nga
Presidenti i Republikës, Alfred Moisiu. Pas një periudhe të zgjatur të
përplasjeve politike midis dy poleve kryesore politike, më në fund më 12 janar u
gjet një zgjidhje politike e krizës, që mundësoi të nesërmen miratimin e ndryshimeve
në Kushtetutë dhe Kodin Zgjedhor. Më 14 janar, Presidenti Moisiu rishpalli
datën e zgjedhjeve për më 18 shkurt.
Në atë kohë nuk ishte e përcaktuar në
Kushtetutë periudha zgjedhore. Më vonë me ndryshimet që u miratuan në Kushtetutë
në Shqipëri u përcaktuan dy periudha të qarta zgjedhore. Kështu sipas Kodit
Zgjedhor data e zgjedhjeve në Shqipëri është e përcaktuar në nenin 8 të tij.
Pra zgjedhjet në Shqipëri mund të zhvillohen në dy periudha zgjedhore, konkretisht
nga 15 marsi deri më 30 qershor ose nga 15 shtatori deri më 30 nëntor.
Pra në 2007 megjithëse u shtynë zgjedhje, çdo veprim ishte në përputhje me kushtetutën dhe nuk u shkel asnjë nen i saj. Ndërsa tani, në rast se shtyhen zgjedhjet përtej datës 30 qershor, jo vetëm shkelet kushtetuta por edhe të administrata vendore kthehet në kaos për shkak se të zgjedhurve vendor u përfundon mandati në gusht.
Ndërsa Partia Socialiste nis të shtunën pasdite
zyrtarisht fushatën zgjedhore për zgjedhjet e 30 qershorit, PD bëhet gati për
protestën e së djelës.
Kryetari i PD-së, Lulzim Basha postoi në
facebook një video përmes të cilës fton shqiptarët t’i bashkohen protestës së opozitës.
“Asnjë hap pas për çlirimin e vendit nga e
keqja! Nesër në ora 19:00 të gjithë në
shesh! #2qershor #ShqipëriaSiEuropa”, shkruan Basha, mbi videon ku me shifra
tregon arsyet pse duhet protestuar.
Më herët, kryeministri Rama postoi një letër të
shtatë publike, por këtë herë drejtuar demokratëve dhe jo Bashës.
Në këtë letër kryeministri bënte të ditur se rruga e ndjekur nga lidershipi i PD-së është e gabuar dhe e gjitha vjen vetëm sepse Basha ka frikë nga humbja në zgjedhje dhe nga drejtësia.
Asnjë hap pas për çlirimin e vendit nga e keqja! Nesër në ora 19:00 të gjithë në shesh! #2qershor #ShqipëriaSiEuropa
Gepostet von Lulzim Basha am Samstag, 1. Juni 2019
Letrën e shtatë publike, kryeministri Rama ia kushton demokratëve dhe jo kreut të PD-së. Ndryshe nga herët e tjera, në këtë letër kryeministri zgjedh t’i drejtohet demokratëve dhe t’ua sqarojë atyre sesi qëndron e vërteta. Ai bën të ditur se Basha ka braktisur zgjedhjet sepse ka frikë nga humbja, por edhe nga drejtësia.
Në letrën e gjatë të postuar në facebook kryeministri teksa i drejtohet demokratëve dhe thotë se sot PS nis fushaten zgjedhore, ndersa rruga e nisur nga opozita, dëmton Shqipërinë.
“Fatkeqësisht, jo vetëm për ju po edhe për vendin,
udhëheqja juaj politike ka hyrë në rrugën pa krye të frikës nga zgjedhjet, të
panikut nga drejtësia dhe të kërcënimeve e të orvajtjeve të dëshpëruara, në dëm
të Shqipërisë e të çdo shqiptari të interesuar për paqe sociale, zhvillim
ekonomik, integrim të plotë të vendit në Bashkimin Europian”, shkruan Rama.
Ai më tej sqaron se vetpërjashtimi nga
zgjedhjet i një partie politike, nuk i bën ato jo demokratike, pasi të gjithë
kanë të drejtë të marrin pjesë në zgjedhje, por i tremben sfidës elektorale.
“Udhëheqja juaj nuk do zgjedhje, sepse i
trembet një disfate elektorale të radhës. Ndërsa ne nuk e shkelim dot
detyrimin, sepse duam të zgjidhemi në zgjedhjet e radhës. Kam dëgjuar shpesh
pyetjen: A mund të bëhen zgjedhje demokratike pa opozitën?
Zgjedhje demokratike do të thotë që të gjithë
të gëzojnë të drejtën të zgjidhen. Por nëse përjashtimi në çfarëdo forme i
opozitës nga zgjedhjet i bën ato antidemokratike, vetëpërjashtimi i një partie
kryesore nga zgjedhjet nuk i bën ato jodemokratike”, shkruan Rama.
Ai gjithashtu kujton se prekja e zgjedhjeve,
bllokimi apo dëmtimi i tyre dënohet rëndë në Kodin Penal. Në përfundim kryeministri
thekson sërish se zgjedhjet do të zhvillohen në 30 qershor.
LETER E SHTATE PUBLIKE JO PER LULZIM BASHEN
Bashkëqytetarë demokratë,
sot Partia Socialiste nis zyrtarisht fushatën
e zgjedhjeve të 30 qershorit. Ndërsa partia të cilës ju i përkisni si anëtarë
apo që e keni votuar, si mbështetës ose simpatizantë, nuk merr pjesë në këto
zgjedhje. Fatkeqësisht, jo vetëm për ju po edhe për vendin, udhëheqja juaj
politike ka hyrë në rrugën pa krye të frikës nga zgjedhjet, të panikut nga
drejtësia dhe të kërcënimeve e të orvajtjeve të dëshpëruara, në dëm të
Shqipërisë e të çdo shqiptari të interesuar për paqe sociale, zhvillim
ekonomik, integrim të plotë të vendit në Bashkimin Europian.
Braktisja pa kthim e parlamentit, nxitja e
dhunës, bojkotimi i zgjedhjeve, janë në thelb arratisje nga misioni, funksioni
dhe korniza e vlerave të një partie demokratike. Jam sinqerisht i keqardhur për
këtë.
Unë nuk jam ai që ju doni të shihni në krye të
vendit. Nuk më keni votuar dhe sot nuk ju kërkoj të më votoni, po thjesht
shpresoj të më lexoni.
Kur kemi vendosur të jetojmë në një sistem
shumëpartiak dhe të synojmë bashkimin e Shqipërisë me Europën, kemi sfiduar një
histori të gjatë e aspak bujare në aspektin e traditës demokratike. Hymë në
rrugën krejt të re të demokracisë, pas një gjysëm shekulli diktaturë komuniste
dhe një mënyre jetese të imponuar, ku kundërshtari politik ishte thjesht një
armik për t’u luftuar pa asnjë mëshirë, e për t’u asgjësuar pa asnjë ngurrim.
Sot e gjithë ditën, jeta jonë politike vuan ende nga paaftësia për ta
respektuar kundërshtarin pa e sakatuar publikisht, me sulme që rëndom
tejkalojnë çdo kufi etik dhe kthehen shpesh në dhunë gjuhe të përdalë me
egërsi, deri në farë e në fis. Por sidoqoftë, kemi tejkaluar një fazë të rëndë,
kur kundërshtarët politikë sakatoheshin me dhunë fizike ose kur protestat ishin
të rrezikshme, sepse armët e shtetit përdoreshin për të qëlluar me plumba mbi
protestuesit apo reagimi policor ndaj tyre kthehej në hu masiv. Kësisoj, edhe
pse rikthimi fatkeq i protestave të dhunshme së fundmi ka treguar se ende
s’jemi deprimitivizuar politikisht, kemi bërë sidoqoftë progres të madh në
qasjen e qeverisë e në sjelljen e forcave të policisë ndaj protestuesve.
S’është pak.
Disa mijëra ndër ju, keni marrë pjesë në
protestat partiake të kohëve të fundit dhe shumë të tjerë prej jush, i
mbështesni ato edhe pse, bazuar në anketimet tona, po edhe në çfarë tregojnë
anketimet e pavarura të bëra nga miqtë tanë ndërkombëtarë, shumica e
demokratëve nuk mbështesin as djegien e mandateve, as dhunën e ushtruar në
protesta dhe as bojkotin e zgjedhjeve nga ana e udhëheqjes suaj. Gjithësesi,
juve as ju pyeti kush për këto vendime politike ekstreme dhe politikisht
vetëvrasëse, as nuk është qëllimi im këtu t’ju them çfarë duhet të bëni me
udhëheqjen tuaj, e cila ka humbur shikimin pasi s’di të shohë përtej hundës së
vet.
Askush ndër ju mbase, unë jo e jo, s’e kishte
menduar se do të vinte dita kur partia juaj, e lindur si parti parlamentare nga
zgjedhjet e para pluraliste, as të mos ishte më parlamentare dhe as të mos
futej në zgjedhje. Çudi dhe degradim i madh njëkohësisht! Por sot, me një
vendim sovran të udhëheqjes së asaj partie jemi përpara këtij fakti të kryer
dhe s’kemi, mesa duket, asnjë mundësi ta zhbëjmë një zhvillim kaq negativ.
Zgjedhjet janë një e drejtë e panegociueshme
kushtetuese e të gjithë atyre që duan të zgjedhin dhe një detyrim i
pashmangshëm kushtetues i të gjithë atyre aë duan të zgjidhen.
Udhëheqja juaj nuk do zgjedhje, sepse i
trembet një disfate elektorale të radhës. Ndërsa ne nuk e shkelim dot
detyrimin, sepse duam të zgjidhemi në zgjedhjet e radhës.
Kam dëgjuar shpesh pyetjen: A mund të bëhen
zgjedhje demokratike pa opozitën?
Zgjedhje demokratike do të thotë që të gjithë
të gëzojnë të drejtën të zgjidhen. Por nëse përjashtimi në çfarëdo forme i
opozitës nga zgjedhjet i bën ato antidemokratike, vetëpërjashtimi i një partie
kryesore nga zgjedhjet nuk i bën ato jodemokratike.
Prandaj unë e ngre ndryshe pyetjen: A mundet
që zgjedhjet demokratike të bëhen vetëm nëse do opozita?
Imagjinoni për një moment sikur zhvillimi i
zgjedhjeve në këtë vend të varet nga do apo s’do opozita të bëhen! Mendje të
lehta politike e mediatike, kanë rrahur së fundmi shumë ujë në havan, lidhur me
sa e tmerrshme qenka të bëhen zgjedhjet pa opozitën dhe sa e thjeshtë qenka, që
të shtyhet data e zgjedhjeve meqë s’do opozita!
Sinqerisht ju them, po të ishte kaq e
thjeshtë, do të isha unë i pari që do të merrja flamurin e shtyrjes së
zgjedhjeve, sepse në fund të fundit do të parapëlqeja të përqëndrohesha non
stop tek punët e qeverisë, pa qenë nevoja t’i bija rreth e përqark për fushatë
Shqipërisë. Por jo vetëm pse është e pamundur nga pikëpamja kushtetuese, por
edhe pse është e tmerrshme nga këndvështrimi i bashkëjetesës demokratike, unë
mbetem absolutisht kundër idesë së shtyrjes së zgjedhjeve.
Si mund të vendoset – ku është parë? – ky
rregull i ri i bashkëjetesës demokratike, që zgjedhjet të varen nga dëshira ose
mungesa e dëshirës së një pale për zhvillimin e tyre, në datën e caktuar nga
Kushtetuta. Kjo s’është punë date apo stine, kjo është punë qëndrueshmërie e
themelit të jetës demokratike. Imagjinoni pak sikur të hapej rruga e një marrëzie
të tillë jo vetëm qartësisht antikushtetuese, po edhe thelbësisht
antidemokratike, se çfarë do të ndodhte në zgjedhjet pas këtyre zgjedhjeve, në
ato pas tyre dhe me radhë, kur sipas tekave të opozitës së radhës (apo edhe të
palës tjetër në qeveri pse jo!) data e zgjedhjeve të kthehej, nga një detyrim
kushtetues për ata që duan të zgjidhen, në një lojë politike e kujtdo që nuk do
zgjedhje!
Disa mendje ndër ato të lehtat që lartpërmenda
i bien shkurt: Po ik ti (dmth unë) e pastaj le të bëhen bashkë, andej nga
vjeshta, zgjedhjet vendore e ato të përgjithshme dhe fitoji prapë po deshe, se
po vazhduam kështu vendi do shkojë në përplasje civile! Kjo është një recetë
nga ato që heqin dhimbjen e kokës duke e paralizuar komplet trupin!
Imagjinojeni pak çfarë rruge e tatëpjetë hapet për demokracinë tonë nesër, nëse
sot vendoset precedenti që mjafton të ikësh nga parlamenti, të ushtrosh dhunë e
të kërcënosh me moslejim të zgjedhjeve lokale dhe e përmbys, mu në mes të
mandatit qeverinë e zgjedhur – duke provokuar zgjedhje të reja kur do ti, madje
me kryeministrin që vendos ti! Nuk është e nevojshme besoj të zgjatem në këtë
pikë, sepse s’ka mendje normale që s’e kupton çfarë çorapi do të ishte një jetë
e tillë politike, ku fituesi nuk qeveris dot sipas kontratës me popullin dhe
humbësi i imponohet me dhunë edhe vetë popullit!
Shkurt, çdo zgjidhje anormale në emër të
normalitetit demokratik sot, kthehet në bumerang që prodhon anormalitet
antidemokratik, për vite me radhë nesër.
Edhe dy fjalë për moslejimin e zgjedhjeve.
Eshtë krim dhe ndëshkohet rëndë nga Kodi Penal i Republikës së Shqipërisë,
kushdo që e kryen një krim të tillë. Po jo vetëm kaq, cilido që do të kuturisej
të prekte një hallkë të vetme të procesit zgjedhor dhe do të dënohej më pas për
krime zgjedhore në Shqipëri, nuk do ta kishte më të mundur të shkelte për
gjithë jetën në Shtetet e Bashkuara (do të merrte në qafë edhe familjarët e
afërt sipas ligjit përkatës në SHBA) dhe as do të kalonte dot më, kontrollin e
kufijve të Bashkimit Europian duke u përfshirë në listën e kompjuterizuar të
personave me rekorde kriminale, të cilët nuk hyjnë dot në territorin e Unionit.
A i’a vlejnë të gjitha këto pasoja të rënda
për të shkuar pas berihait? Nuk besoj dhe jam i bindur se nuk do të ketë njerëz
të zakonshëm, që të bëhen pjesë e një marrëzie kaq të jashtëzakonshme.
Në 30 qershor do të votohet në të 61 bashkitë
e vendit. Ne do të bëjmë më të mirën për t’i dhënë Kukësit, Shkodrës, Kamzës,
Lezhës, Devollit, Mallakastrës e me radhë bashkive blu, qeverisjen e munguar
deri më sot, pavarësisht nëse ju do të dilni apo jo në votime. Kudo ku do të
fitojmë aty ku kemi kundërshtarë të regjistruar, njësoj si aty ku s’kemi të
tillë, ne do të jemi në dispozicion të të gjithë qytetarëve pa dallim. Betejën
politike me udhëheqjen tuaj ne e kemi fituar dukshëm e bindshëm, sa për meritën
tonë aq edhe për paaftësinë e asaj udhëheqjeje – ndajeni vetë cila nga të dyja
peshon më shumë. Por betejën e vërtetë, më të vështirën, ne e kemi me plagët e
qyteteve e të fshatrave kudo në Shqipëri, po sidomos aty ku ende era e
ndryshimit të madh urban të katër viteve të fundit, s’ka fryrë sa e si duhet si
pasojë e keqqeverisjes vendore të shumë bashkiakëve demokratë.
Me respekt të plotë për të drejtën tuaj për të
menduar ndryshe prej meje, ju përshëndes e ju uroj çdo të mirë e shëndet në
familjet tuaja.
Edi Rama
1 qershor, 2019
LETER E SHTATE PUBLIKE JO PER LULZIM BASHENBashkëqytetarë demokratë, sot Partia Socialiste nis zyrtarisht fushatën e…
PD dhe LSI kanë akuzuar qeverinë sot për
koncesionin e rrugës Milot-Balldren, duke deklaruar se bëhet fjalë për
korrupsion galopant, që do të ndikojë drejtpërdrejt në mos hapjen e
negociatave, por i menjëhershëm ka qenë edhe reagimi i kryeministrit Rama, i
cili nga foltorja e Kuvendit, deklaroi se opozita i mat metrat e rrugëve si
metra teritali.
Për koncesionin e rrugës Milot-Balldren,
fillimisht ishte LSI, e cila tha se pavarësisht rekomandimit pozitiv të Komisionit
Europian, negociatat për Shqipërinë nuk do të hapen në qershor. Nënkryetari i
LSI-së, Petrit Vasili, tha se një nga shkaqet kryesore është korrupsioni
galopant,epidemik dhe i jashtëzakonshëm që ka pushtuar anembanë vendin. Vasili
e konkretizoi me shembuj konkretë akuzën, kur iu referuar miratimit të dy
koncesioneve nga qeveria në vlerën e 400 miliardë lekëve. “Qeveria shqiptare
miraton dy koncensione për rrugën Milot–Balldren, më shumë se 260 milionë euro
në total dhe 320 miliardë lekë për një rrugë të ngushtë, një rrugë shtesë, nga
Orikumi në Dukat me një vlerë prej 70 milionë euro. Në total i thonë 330
milionë euro, të përkthyera në lekë shqiptare i thonë rreth 400 miliardë lekë”,
deklaroi Vasili.
Në të njëjtën linjë është edhe PD me ish-deputetin,
Agron Shehaj, i cili në një reagim në Facebook deklaroi se kontrata e
koncensionit të rrugës Milot-Balldren është kontratë mashtruese. “Kompania ANK
ka marrë përsipër të paguajë 52 milionë euro nga kapitali i saj, kur ka vetëm 4
milionë euro kapital. Kompania ka premtuar që me ketë kapital minimal do të
marrë edhe 70 milionë euro të tjera kredi nga bankat dhe 19,5 milionë euro
financim nga furnitorët (!). Ose ANK ka fryrë kostot në një skemë tipike
korrupsioni, ose do pastrojë para të pista në këtë projekt, ose të dyja bashkë.
Një gjë është e sigurt: kompania nuk e ka kapitalin për të cilin ka mashtruar
në kontratë dhe ky mashtrim duhet hetuar menjëherë”, deklaroi Shehaj.
Kontrata e koncensionit të rrugës Milot-Balldren është kontratë mashtruese. Kompania ANK ka marrë përsipër të paguajë 52…
Por i menjëhershëm ishte reagimi i kryeministrit
Rama, i cili deklaroi nga Kuvendi se opozita e rrugëve flet për rrugët, sikur metrat
e rrugëve maten si metrat e teritalit. “Sot shpërtheu në rrugën e vijimit
të përditshëm të deformimit të vërtetave lidhur me dy projekte të lajmëruara
kohë më parë dhe tani i kanë ardhur parlamenit. Dy projekte shumë të
rëndësishme për Shqipërinë turistike. Rrugët Balldrem-Milot dhe Orikum-Dukat. Rruga
Milot-Balldren do jetë një rrugë ku nuk do të bashkëpunojnë automjetet me
bagëtitë. Do jetë rrugë e standardit A europian. Do jetë një rrugë që nuk do të
pengojë lëvizjen e banorëve por nuk do t’i lejojë ata të futen në aksin kryesor
që do të thotë se do ketë dy rrugë të tjera anësore. Akoma më e rëndësishme
është se në atë shumë ka 13000 mijë euro për mirëmbajtje. Rruga që meriton një
farë respekti është rruga e Kombit por edhe pse akoma nuk ka mbaruar kërkon
para. Nuk është se garanton atë që ne e detyruam të bëjmë me vendosjen e
pagesave për mirëmbajtjen e saj. Ndërsa kjo garanton mirëmbajtje për 13 vjet.
Shteti paguan vit pas viti. Nuk janë para që jepen menjëherë. Ne duam të bëjmë
rrugë më standarde europiane. Deri dje ata që vinin nga Kosova për të shkuar në
Shëngjin ose Velipojë shikonin goma që të thonin nga duhet të kaloje. Por
ndërkohë është një zonë me një zhvillim ekonomik shumë të madh. Rruga Milot-
Balldren ka dy tunele. Si mund t’i thuhet njerëzve e njëjta gjë në mënyrë të
përsëritur. Nuk mbaj mend që kur kam shërbyer si ministër kulture, një punë që
nuk është bërë shënjestër dhe tabelë qitje. Gjithmonë e njëjta gjë. Nga ana
tjetër nuk gjej një punë që kanë bërë ata që meriton respekt të madh dhe pa
kushte”, tha Rama.
I mbani mend protestat e dhunshme të opozitës për
të mos lejuar ndërtimin e këndit të lojërave te Liqeni Artificial? Këto na i
risjell në kujtesë mëngjesin e së mërkurës kryeministri Rama, i cili ka postuar
një video në facebook.
Në video shfaqen pamje krahasuese. Vetëm pak
vite më parë deputetë dhe militantë të PD-së shfaqen duke u përleshur me
efektivët e policisë dhe duke kundërshtuar ndërtimin e parkut të lojërave.
Madje në video shfaqet ish deputeti i PD-së
Gent Strazimiri me armë në brez.
Ndërsa sot në park sheh çdo ditë qindra fëmijë që luajnë dhe argëtohen duke e kthyer Parkun e liqenit të Tiranës, një nga pikat më atraktive në kryeqytet.
