4 vajzat jetime bëhen me shtëpi, Rama nxjerr fotot

Duket se jeta do të nis të buzëqesh për 4 vajzat e mbetura jetime në Peshkopi. Pas ngjarjes tragjike ku dy prindërit e tyre, Gentian dhe Klodiana Karazajmi, humbën jetën në një aksident pak muaj më parë, 4 vajzat e mbetura jetime janë bërë me një shtëpi të re dhe me kushte moderne. Vajzat jetonin me dy gjyshërit e tyre në kushte të vështira ekonomike.

Qeveria u solidarizua me rastin, ku ministrja e Mbrojtjes Olta Xhaçka, deputete e zonës së Peshkopisë, është kujdesur për kopshtin shkollën , kujdesin mjekësor dhe shumë shërbime të tjera në mënyrë që tu sigurojë fëmijë një jetë të qetë dhe normale, me të gjitha kushtet.

Ka qenë vetë kryeministri Rama që ka bërë publike foto e shtëpisë së re dhe lumturisë së fëmijëve të vegjël kur shohin ambientet e reja ku do të jetojnë.

“A ju kujtohet fatkeqësia tronditëse e 4 vajzave të mbetura jetime në fshatin e vogël të Peshkopisë? Ato tanimë janë bërë me shtëpinë e tyre, falë solidaritetit me “Fundjavën Ndryshe” dhe Olta si deputete e zonës, është përkujdesur posaçërisht gjatë tërë kësaj kohe për kopshtin, shkollën, kujdesin mjekësor, pushimet e verës…”shkruan Rama në Facebook.

A ju kujtohet fatkeqësia tronditëse e 4 vajzave të mbetura jetime në fshatin e vogël të Peshkopisë? Ato tanimë janë…
Gepostet von Edi Rama am Dienstag, 3. September 2019

Mijëra vende pune? Rama: 2000 ekselentë!

Kryeministri Edi Rama ka bërë publike thirrjen drejtuar studentëve ekselentë që të aplikojnë për vende të lira pune në administratën shtetërore.

Me anë të një videoje në Facebook, kryeministri thotë se të gjithë studentët ekselentë që zotërojnë një diplomë që nga viti 2015, duhet të aplikojë në “punëtëmbarë.al dhe dap.gov.al” për t’u punësuar në administratë.

Rama bën të ditur se në administratë janë 2019 pozicione pune vakante dhe aplikimet janë të hapura deri më 20 shtator.

“THIRRJA E DYTE për punësimin e ekselentëve u çel sot

Një tjetër mundësi për më të mirët, që të punojnë në administratën shtetërore, vetëm në bazë të meritës Pas rezultatit pozitiv shumë inkurajues të Thirrjes së Parë, gati për një tjetër prurje të re në administratë dhe këtë herë duke e shtrirë rrezen deri tek ekselentët e vitit 2015”, shkruan kryeministri.

THIRRJA E DYTE për punësimin e ekselentëve u çel sot😊 Një tjetër mundësi për më të mirët, që të punojnë në administratën shtetërore, vetëm në bazë të meritës👍 Pas rezultatit pozitiv shumë inkurajues të Thirrjes së Parë, gati për një tjetër prurje të re në administratë dhe këtë herë duke e shtrirë rrezen deri tek ekselentët e vitit 2015😉#PaktipërUniversitetin🤝#ShqipëriaqëDuam☀️🇦🇱
Gepostet von Edi Rama am Dienstag, 3. September 2019

Rama prezanton punimet e “Rrugës së Arbrit”: Për hipokritët që nuk dinë ç’janë PPP-të

Rruga e premtuar e Arbrit duket se më në fund do të bëhet realitet dhe kjo falë një bashkëpunimi të shtetin me sekretin privat. Kryeministri Rama ka publikuar një video ku duket kantieri i punimeve të kësaj rruge që do iu shërbejë jo vetëm dibranëve, por gjithë shqiptarëve dhe fluksit të turistëve. Rama sqaron se kjo vepër më në fund po bëhet realit falë Partneritetit Publik Privat dhe sqaron për të gjithë shqiptarët që janë keqinformuar nga “gojët e shthururat politikanëve, hipokritëve dhe smirëzinjtë” se në fakt kjo nuk është gjë tjetër veçse investimi i kapitalit të privatit në një vepër publike dhe shlyerja e shteti me këste brenda një 10-vjeçari.

Rama sqaron se buxheti i shteti nuk e ka dot mundësinë për të investuar kaq shumë para vetëm në një rrugë, prandaj në ndihmë vjen privati, që shteti e shlyen atë me këste përgjatë disa viteve.

“Rruga e arbrit do të kërkonte 13 vite nga shteti, por fal PPP-ve ajo do të ngrihet në 3 vite.” shkruan Rama ndër të tjera.

“Shtrirja e gjurmës së Rrugës së Arbrit, përgjatë të cilës do të shpaloset jo vetëm për dibranët, po për të gjithë shqiptarët dhe flukset e turistëve që kjo rrugë do të tërheqë drejt mrekullive natyrore të Dibër, një tjetër pjesë e panjohur e trupit të mahnitshëm të Shqipërisë që duam.Rruga e Arbrit është një vepër inxhinierike komplekse, e cila po bëhet realitet pas dhjetëra e dhjetëra vitesh pritje e premtime, falë një Partneriteti Publik Privat, ku kompania investon kapital privat për realizimin e saj, BRENDA VITIT 2021, ndërsa shteti e shlyen kompaninë, BRENDA VITIT 2031.

Ata që nuk dinë ç’janë PPP-të dhe hutohen e çoroditen nga gojët e shthurura të politikanëve e komentatorëve parazitë, hipokritë e smirëzinj, ja ku e kanë një shembull të thjeshtë:

Atë që shteti mund ta bënte për 13 vjet (sepse ka edhe shume e shumë gjëra të tjera për të bërë dhe s’mund t’i hedhë tërë ato fonde në gjë të vetme), investimi i kapitalit privat e bën për 3 vjet, në marrëveshje me shtetin, që garanton shlyerjen e investimit“, shkruan Rama

VIJON… shtrirja e gjurmës së Rrugës së Arbërit, përgjatë të cilës do të shpaloset jo vetëm për dibranët, po për të gjithë shqiptarët dhe flukset e turistëve që kjo rrugë do të tërheqë drejt mrekullive natyrore të Dibrës, një tjetër pjesë e panjohur e trupit të mahnitshëm të Shqipërisë që duam☀️🇦🇱Rruga e Arbërit është një vepër inxhinierike komplekse, e cila po bëhet realitet pas dhjetra e dhjetra vitesh pritje e premtime, falë një Partneriteti Publik Privat, ku kompania investon kapital privat për realizimin e saj, BRENDA VITIT 2021, ndërsa shteti e shlyen kompaninë, BRENDA VITIT 2031😊 (Ata që nuk dinë ç’janë PPP-të dhe hutohen e çoroditen nga gojët e shthurrura të politikanëve e komentatorëve parazitë, hipokritë e cmirëzinj, ja ku e kanë një shembull të thjeshtë👆: Atë që shteti mund ta bënte për 13 vjet (sepse ka edhe shume e shumë gjëra të tjera për të bërë dhe s’’mund t’i hedhë tërë ato fonde në gjë të vetme), investimi i kapitalit privat e bën për 3 vjet, në marrëveshje me shtetin, që garanton shlyerjen e investimit🤝
Gepostet von Edi Rama am Samstag, 31. August 2019

Kriza, Meta takon gjermanen e CDU-CSU, insiston te 13 tetori

Pas dhënies së sinjalit të Bashës se Gjermania mund të jetë negociatorja mes opozitës dhe qeverisë për të ulur palët në dialog duket se e kanë vënë presidentin Meta në punë duke iu rikujtuar palëve se zgjidhja e vetme nuk vjen nga jashtë, por ajo është 13 tetori, zgjidhje që e kanë pasur gjithmonë para syve. Duke mos dashur të largohet nga roli i protagonistit dhe i negociatorit “që do të sjell sërish paqen dhe qetësinë në vend” Meta vijon të këmbëngul se 13 tetori është alternativa e vetme dhe më e mira për palët, për zgjidhjen e krizës.

Këtë deklaratë ai e bëri gjatë takimit që pati me Zëvendës Kryetaren e Grupit Parlamentar të CDU/CSU, deputeten gjermane Katja Leikert. Meta bën sërish thirrje që 13 tetori të zbatohet, përndryshe kriza do të thellohet edhe më shumë në vend. “Nëse politikanët vendas e kanë të pamundur të mësojnë nga vendet me përvojë të konsoliduar demokratike se si zgjidhen krizat, kanë rastin të mësojnë nga një shtet i ri si Kosova se si u jepet mundësia qytetarëve të thonë fjalën e tyre përmes zgjedhjeve të parakohshme për të ardhmen e institucioneve qeverisëse”, – tha Meta

Zëvendës Kryetarja e Grupit Parlamentar të CDU/CSU, Katja Leikert, u takua një ditë më herët me kryedemokratin Basha dhe kryeministrin Rama, takime që lanë të kuptohet se është folur për një mënyrë për të zgjidhur krizën politike dhe palët të ulen në tryezën e dialogut. Takime që kurrsesi nuk mund të priten mirë nga Meta, i cili ka gjatë gjithë sezonit veror “që bërtet me statuse në facebook” për të treguar se ai është personi i vetëm që mund të jap zgjidhjen e krizës dhe se roli i negociatorit i takon atij, pasi është në krye të shtetit.

13 tetorit është njohur vetëm nga ish partia e tij, LSI dhe disa aleatë të vegjël të opozitës, që vendosën të regjistroheshin në këto zgjedhje, ndërsa për PD, ajo shihet si data e vetme kushtetuese për zgjedhjet vendore, por që Basha sërish vendosi të mos regjistrohet, pasi deklaroi se “nuk do të marrë pjesë në asnjë palë zgjedhje me Ramën kryeministër.”

Duke e ndjerë veten të lënë mënjanë si nga zgjidhja e krizës, të cilin e thelloi edhe më shumë e dekretin për anulimin e 30 qershorit, ashtu edhe nga vetë aleatët dhe bashkëpunëtorët e tij, Basha e Berisha, që nuk e përkrahën për13 tetorin, kanë bërë që Meta të shfrytëzojë takimet me ato pak ndërkombëtarë, të cilat më së shumit janë takime kortezie apo përfundimi të mandatit të tyre në Tiranë, për t’u bërë protagonist edhe ën sytë e ndërkombëtarëve dhe të tregojë se ai vërtet kërkon zgjidhjen e krizës në vend.

PD i kërkon dorëheqjen, Rama: Do të jem në 2020 dhe … përtej

Kryeministri Rama ka gjetur një mënyrë origjinale për t’i kthyer përgjigje kërkesave pa fund të opozitës që ai të japë dorëheqjen. Gjatë ditës së shtunë shumë media e portale publikuan një shkrim të bazuar në një portal lokal grek, sipas të cilit kryeministri shqiptar ishte duke kaluar pushimet në Greqi. Mbrëmjen e së shtunës ka reaguar Rama. Ai shkruan se është urdhër politik që jo vetëm ai, por të gjithë ministrat e qeverisë së tij, pushimet t’i bëjnë brenda kufijve të Shqipërisë.

Rama jep garanci se nuk ka bërë pushime jashtë Shqipërisë që nga vera e vitit 2013 (kur mori pushtetin) dhe nuk do të bëjë të tilla pushime deri në 2020 (kur i mbaron mandati) dhe X, duke e lënë të panjohur vitin se sa ai do të vijojë të qëndrojë si kryeministër.

Pasi kjo varet nga zgjedhjet e vitit 2020. Përmes kësaj deklarate kryeministri jo vetëm që i kthen përgjigje opozitës që prej shumë muajsh kërkon dorëheqjen e tij, por i kthen përgjigje edhe presidentit Meta që ka caktuar datën 13 tetor për zgjedhje vendore dhe të përgjithshme. Rama tregon se maxhoranca nuk do të pranojë asnjë kërkesë për zgjedhje të parakohshme parlamentare. Sipas Ramës mandati i qeverisë aktuale mbaron në 2020 dhe zgjedhjet parlamentare do të zhvillohen pikërisht në atë vit. Madje ai shpreson se do të fitojë një mandat të 3-të qeverisës, të paktën kjo mendohet se fshihet pas X të panjohur.

Rama prezanton Mirditën e re: Ndryshimi s’ka nevojë për koment

Kryeministri Rama, i larguar prej kohësh nga deklaratat politike, ka vendosur të fokusohet vetëm në shndërrimin e Shqipërisë në një vend të bukur, të rregullt dhe të pastër. Të shtunën Rama ka prezantuar një tjetër projekt të qeverisë, atë të transformimit të qytetit të Mirditës, si pjesë e Programit Kombëtar të Rilindjes Urbane.

Përmes fotove të shpërndara në Facebook, Rama tregon ndryshimin e qartë të rrugëve, shkollave, ndërtesave dhe qendrës së qytetit të Mirditës.

“3D LIVE nga Bashkia e Mirditës, ku Programi Kombëtar i Rilindjes Urbane dhe puna e palodhur e kryebashkiakut socialist, kanë sjellë një transformim që s’ka nevojë për komente.” – shkruan Rama

Mirdita i është bashkuar kështu projekteve të tjera të qeverisë për transformimin urban si Shiroka, Thethi, Puka, Maliqi, Elbasani e shumë projekte të tjera që kryeministri i ka bërë publike gjatë gjithë muajit gusht.

Duket se Rama në vend që të merret me akuzat politike që opozita bën çdo ditë në drejtim të qeverisë, është fokusuar në një punë edhe më të mirë për qytetarët, atë të transformimit të qyteteve dhe zonave turistike të Shqipërisë.

3D LIVE😁 nga Bashkia e Mirditës, ku Programi Kombëtar i Rilindjes Urbane dhe puna e palodhur e kryebashkiakut socialist,…
Gepostet von Edi Rama am Samstag, 24. August 2019

700 euro nata, Rama reagon për faturat “e kripura” të Gjonajt: Gjellë e prishur

Media pranë opozitës kanë publikuar një artikull përmes të cilit akuzojnë ministren e Drejtësisë Etilda Gjonaj se ka shpenzuar shifra të çmendura për të paguar dhomat në hotelet luksoze të europës ku ka shkuar vizita pune.

Pas këtyre akuzave ka ardhur reagimi i kryeministrit Edi Rama. Është një komentues në Facebook, ai i cili ka detyruar kryeministrin të japë qëndrimin e tij. Ndërsa sipas Ramës, komentuesi e ka gabim punën e hoteleve të shtrenjta.

Rama e ka cilësuar këtë lajm si “gjellë e prishur” e dalë nga kazani, term me të cilin kreu i qeverisë u referohet medieve që publikojnë lajme të sajuara për interesa të caktuara politike.

“Edi Rama kur do ta shkarkosh nga detyra Etilda Gjonajn? Po e shkarkove këtë do te shtrosh edhe shumë rrugë të tjera. Sepse një natë e saj nē hotel, popullit i kushtoka 1 km asfalt. Bëju burrë njëherë e mirë e çoje në shtëpi”, i shkruan komentuesi Ramës.

I menjëhershëm është reagimi i kryeministrit i cili sqaron se ky lajm është i pavërtetë.

“Ta marrësh vesh ti, e ke gabim krejt këtë punën e kilometrave hotele dhe çka ke ngrënë në atë kazan ku e ke gjetur, është gjellë e prishur”, shkruan Rama.

Mediat pranë opozitës, kanë shkruar se Ministrja e Drejtësisë Etilda Gjonaj duhet të japë dorëheqjen, pasi shifrat që ajo ka harxhuar për të paguar hotele të shtrenjta nëpër Europë, përbëjnë skandal.

Vrasja e 26-vjeçarit, Rama: Janë arrestuar 4 kafshë!

Kryeministri Edi Rama ka replikuar me komentuesit në facebook, të cilët i kanë shkruar në lidhje me vrasjen e 26-vjeçarit Indrit Çelaj në Tiranë. Ndërsa kryeministri ka bërë të ditur se policia e shtetit ka vepruar menjëherë duke zbardhur ngjarjen dhe duke arrestuar 4 “kafshë” shkruan ai, ndërkohë që vijon punën për kapjen e dy autorëve të krimit.

“Patjetër që është përgjegjësia e Policisë së Shtetit, e cila sa për dijeninë tënde e ka zbuluar vrasjen dhe ka arrestuar katër kafshë deri tani! Sa për çfarë kam marrë unë përsiper, ti mos u mërzit, madje merr edhe ti përsipër ndonjë gjë, për shembull mos i hidh plehrat përtokë”, shkruan Rama.

I riu 26-vjeçar, Indrit Çelaj u vra me plumb në kokë ndërsa ishte duke rregulluar një kondicioner në një vilë tre katëshe në rrugën Myslym Shyri në Tiranë. Policia zbardhi ngjarjen dhe zbuloi se i riu u vra nga djemtë e vilës, Griseldo dhe Alban Kusi, që të dy të dënuar më parë për vrasje dhe plagosje. Policia ka vënë në pranga 4 persona për ngjarjen të cilët tentuan të fshihnin të vërtetën dhe nuk bashkëpunuan me policinë, mes tyre dhe babain e djemve Bujar Kusi. Aktualisht policia ka shpallur në kërkim dy autorët e krimit dhe po vijon punën për kapjen e tyre.

Zvarritën qytetarin prej 15 vitesh, shkarkohen punonjësit e Hipotekës në Berat

Kryeministri Edi Rama ka njoftuar të shtunën se janë shkarkuar nga puna disa punonjës në zyrën e Hipotekës së Beratit.

Sipas Ramës këta punonjës kanë zvarritur prej 15 vitesh qytetarin Jani Daja, një ish-ushtarak e më pas emigrant që pasi mblodhi një shumë të caktuar parash, zgjodhi të rikthehej në vendin e tij.

Ndonëse kishte marrë truallin me dokumentet e duhura, punonjësit e hipotekës e kanë zvarritur prej vitesh për të marrë legalizimin.

“Me rastin e Jani Dajës, i cili duke u drejtuar në Platformën e Bashkëqeverisjes shqiperiaqeduam.al, pas më shumë se 15 vite zvarritjesh mori më në fund hipotekën e shtëpisë dhe u bë shkas që kush e pengonte të largohej nga zyra e shtetit, ju uroj një fundjavë të mbarë”, shkruan Rama.

Përmes platformës “Shqipëria që duam”, qindra qytetarë kanë marrë zgjidhje për problemet e tyre dhe herë pas herë vetë kryeministri është i angazhuar në bërjen publike të tyre.

.
MIRËMËNGJES 😀dhe me rastin e Jani Dajës, i cili duke u drejtuar në Platformën e Bashkëqeverisjes shqiperiaqeduam.al, pas më shumë se 15 vite zvarritjesh mori më në fund hipotekën e shtëpisë dhe u bë shkas që kush e pengonte të largohej nga zyra e shtetit, ju uroj një fundjavë të mbarë 🌹
Gepostet von Edi Rama am Freitag, 23. August 2019

Nga Lalëzi “i ngjalave”, Meta shpreson se Rama “do zbutet”

Presidenti Ilir Meta e ka nisur të shtunën me një foto nga gjiri i Lalëzit dhe me një mesazh të koduar që tingëllon se i drejtohet kryeministrit Rama. Kjo për faktin se Gjiri i Lalëzit na sjell në mendje, darkën e famshme të ngjalave mes Ramës e Metës që solli në krijimin e koalicionit mes PS-LSI.

“Mirëmëngjes nga Lalëzi! Edhe pse deti është zgjuar nervoz sot, shpresojmë të reflektojë dhe qetësohet më vonë”, shkruan Meta.

Duket se presidenti ende ka shpresa se Rama do ta pranojë atë si kryenegociator dhe se mund të “zbutet” dhe të pranojë një marrëveshje politike; çka do të thotë se Rama do të pranonte edhe 13 tetorin e Metës por edhe sulmet e tij kundër reformës në drejtësi dhe SHBA-së.

Pra duket disi e pamundur që kjo të arrihet. Rama e ka bërë të qartë se 13 tetori është një ditë si gjithë të tjerat duke mos e njohur dekretin e Metës, ashtu sikurse nuk njohu as të parin për anulimin e 30 qershorit. Ai e ka theksuar në shumë raste se është gati për dialog por “reforma në drejtësi nuk diskutohet, vetëm zbatohet”. Ndërsa sulmet e Metës ndaj “armiqve të huaj” i ka ironizuar.

Maxhoranca dhe kreu i saj janë të vendosur, në shtator do të shkarkojnë presidentin për shkelje të rëndë të Kushtetutës dhe presidenti Meta e di shumë mirë këtë, pavarësisht mesazheve që dërgon nga Lalëzi i “ngjalave”./Realstory.al