Tag: red bull

Verstappen mposht Bottas-Hamilton, rrëmben ‘polet’ në Hungari

Max Verstappen është renditur i pari në provat zyrtare të Çmimit të Madh të Hungarisë për botërorin e Formula 1. Piloti i Red Bull ka bërë paraqitje të mirë në provat zyrtare, duke arritur të lërë pas Valtteri Bottas me dhe Lewis Hamilton me Mercedes. Ndërkohë, zhgënjim në pistën e Hungaroringut ka qenë Ferrari me dy pilotët e tij, Charles Leclerc dhe Sebastian Vettel. Verrstappen ishte vetëm 0.9 sekonda më i shpejtë se shoku i tij i skuadrës Pierre Gasly, që u rendit i gjashti.

Kaq ka mjaftuar, që piloti i Red Bull të lërë pas dyshen e Mercedec, që aktualisht kryesojnë botërorin e Formula 1. Pas provave, Verstappen u shpreh i lumtur duke treguar se “makina ishte e jashtëzakonshme, pasi ne e dimë gjithmonë se Mercedes ka pak më shumë fuqi”. Valtteri Bottas u rendit i dyti, ai bëri paraqitje shumë të mirë në xhiron e fundit, por nuk mjaftoi për t`i rrëmbyer Verstappen ‘polet’.

Ndërsa Hamilton u rendit në vendin e tretë, pasi ishte 0.197 sekonda nga kryesuesi, por pas provave, piloti britanik u shpreh optimist për garën e së dielës. Ndërkohë, Ferrari nuk ka qenë në ritmin e duhur në Hungari.

Leclerc u përplas në sezonionin e parë të provave me bordurën e pistës, duke dëmtuar pjesën e pasme të makinës së tij. Megjithatë piltoi debutues i Ferrarit arriti të rikthehet në pistë dhe të mbyll kualifikimin në vendin e katërt, duke lënë pas shokun e tij të skuadrës Sebastian Vettel, që përsëri i mungoi forca në makinën e tij.

AKU kthen pas lëngjet serbe dhe “Red Bullin” rumun, e pëson dhe kripa Gjermane

Autoriteti Kombëtar i Ushqimit, në një aksion të orëve të fundit, ka bërë bllokimin e disa tonelatave produkte ushqimore në disa pika doganore të vendit. Sipas një njoftimit të vetë AKU, mësohet se nga kontrollet e kryera në pikat doganore të Morinës, Hani Hotit dhe Durrës, janë bllokuar katër ngarkes produktesh: lëngje frutash, pije energjike dhe kripë.

Kështu, AKU njofton se ka bllokuar në total rreth 23 ton kripë, e importuar nga Gjermania dhe Maqedonia, e cila do të përdorej për konsum human në vendin tonë. Sipas AKU, kjo sasi kripe e ardhur nga dy vende të ndryshme në vendin tonë, ka pasur mungesë dokumentacioni, çka ka detyruar Autoritetin Kombëtar të Ushqimit që të bëjë kthimin në vendin e orgjinës për ngarkesën.

Gjithashtu, në një tjetër kontroll të praktikës së importit, është bërë ndalimi dhe kthimi në vendin e orgjinës për një sasi prej 20.4 ton lëngje frutash që vinte nga Serbia me destinacion tregun shqiptar. Ky produkt, sipas AKU-së, kishte afat përdorimi më pak se gjysmën e jetëgjatësisë, për rrjedhojë është ndaluar të futet në vendin tonë, duke e rikthyer përsëri në vendin e orgjinës.

Në pikën kufitare të Hanit të Hotit është bërë ndalimi i një tjetër ngarkese prej 4043 kg pije energjike “Red Bull”, që importohej nga Rumania nga Bracen Distriubtion shpk. Sipas AKU-së, ky produkt kishte mangësi në dokumentacion. Pas bllokimit të ngarkesës dhe lënies së një afati kohor për plotësimin e mangësive në dokumentacion, në kushtet kur subjekti nuk paraqiti dokumentacionin e nevojshëm për të garantuar sigurinë e produktit, AKU urdhëroi “Kthimin në vendin e origjinës” të produktit.

Skip to toolbar