Ngjela: SHBA na mbron. SPAK do eleminojë politikanët e korruptuar

Në studion e “Real Story”, avokat Ngjela u shpreh se mos hapja e negociatave me Bashkimin Europian, tregoi se Shqipëria është një vend i rëndëisshëm. Ai e argumentoi këtë me faktin se vetëm tre orë pas mos pasjes së vendimit nga Këshilli Europian, reaguan Shtetet e Bashkuara të Amerikës, ndërsa pak ditë më pas, doli përpara Senatit kandidatja për ambasadore e SHBA në Tiranë, Yuri Kim.

“Ngjarja po tregon që po ecën në këtë prizëm. A ka një inters të kundërshtarëve perëndimor. Po ka. Ajo që i dha impuls profilit shqiptar, është se SHBA foli pas tre orësh dhe priste hapjen e negociatave. E gjitha kjo që ndodhi është në favorin tonë. Së pari, e kuptuam që jemi një vend i rëndësishëm. Menjëherë pas kësaj doli ambasadorja që vjen e SHBA dhe foli për investime amerikane në Shqipëri. Të gjitha këto, u kanë dhënë shpresë shqiptarëve. Kriza jonë, është krizë intelekti”, tha Ngjela.

Gjatë fjalës së tij, Spartak Ngjela shtoi se Reforma në Drejtësi, do të largojë klasën e korruptuar politike në vend. “Nuk më duhet fare mua të analizojë se sa vlerë kanë lidershipët shqiptarë. Këtu gjithçka është arritur me forcë. Kemi një shpresë që kemi reformën në drejtësi. Sipas kushtetutës shqiptare, reforma në drejtësi është eliminimi i klasës së korruptuar politike. Ne po presim SPAK dhe Gjykatën Speciale dhe aty do shohim”.

Spartak Ngjela beson se Shqipëria është nën mbrojtjen e fortë të boshtit Uanshginton-Berlin-Bruksel. “Ka një trinitet që është SHBA-Berlini dhe Brukseli. Të treja këto mua më japin forcën e arsyes që ne jemi në Evropë. Kundërshtarët që janë këtu në zonë, mendojnë që me një veto kundër të krijojnë… Po të hapeshin negociatat, do fliste Rusia? Shqipëria është e pambrojtur brenda, por ka tre mbrotje të mëdha”, tha Ngjela. /Realstory.al/

Ngjela në Real Story: Veto e Macron, mbështet politikën ruse në Ballkan

I ftuar në studion e “Real Story” të gazetarit Sokol Balla, avokat Spartak Ngjela u shpreh se Rusia çdo gjë e ka zgjidhur me forcë, ndërsa tani që nuk ka forcën ajo do vuajë. Sipas Ngjelës, fakti që Franca vendosi veton për negociatat ndaj Shqipërisë, i jep mbështetje politikës së Rusisë në Ballkanin Perëndimor. “E kanë zgjidhur gjithçka me forcë, tani s`kanë forcë dhe do vujanë. Në një emision më kanë pyetur se çfarë është veto franceze? U thash që është përkrahja e politikës ruse në Ballkan. Është kundër Amerikës. Fakti që Macron nuk e argumentoi veton, tregon që fsheh këtë gjë”, tha Ngjela.

Më tej, ai u shpreh se edhe Schengeni Ballkanik, është një ide e Rusisë. Sipas Ngjelës, tre muaj përpara se Rama-Vuçiç dhe Zaev të takoheshin për krijimin e këtij mini-Schengeni, idenë e hodhi ministri i jashtëm rusë. “Tre muaj përpara se të bëhej Schengeni Ballkanin, e ka kërkuar politika ruse me ministrin e jashtëm. Ka ardhur koha të bëjmë Schengen Ballkanin. Ata janë të interesuar të ndërhynin”, tha Ngjela.

Më tej, ai foli edhe për një tjetër interes të Rusisë në Shqipëri. Sipas Ngjelës, Rusia mund të shfrytëzojë faktin që Shqipëria është në krizë ekonomike, për të plotësuar këtë boshllëk. “Mos hapja e negociatave, mos harrojmë se Shqipëria është në krizë financiare. Dhe ky i thotë hajdeni këtu te ne. Fakti që jeni në krizë, ne ju shpëtojmë. Problemi qëndron se ata nuk janë krejtësisht të painformuar. Kanë frikë nga reforma në drejtësi, se ata janë mbajtur me korrupsion. Të shohim do flasi kryeministri shqiptar”, tha Ngjela.

Ndërkohë, analisti Roland Lami u shpreh se veto e Francës krijoi boshllëk në Ballkanin Perëndimor, por sipas tij, politika shqiptare nuk është treguar e aftë të përfitojë ekonomikisht nga aktorë të tjerë. “Unë bie dakord me avokatin që ‘jo’ e Francës la një boshllëk, dhe influenca të mëdha tentojnë ta kapin këtë boshllëk. Ky është lajmi i mirë se tregon që jemi një vend që përbën interes. Mirë që ne e konstatojmë këtë fakt, por elita politike shqiptare di ta shfrytëzojnë këtë konkurencë? Unë e kam rezervë ta them këtë. Greqia ka përfituar ekonomikisht nga Kina, por s`mund të them që Greqia rrezikon anarshi. Ku është shteti shqiptar. A jemi ne në gjendje të shfrytëzojmë disa mundësi që na jepen? Këtu shof unë hezitimin e liderëve të politikës shqiptare”, tha Lami. /Realstory.al/

Njela: Drejtësia, do çlirojë Shqipërinë nga korrupsioni

Nga Spartak Ngjela

Korrupsioni i lartë shtetëror është energjia e errët e shoqërisë shqiptare në njëqind vjet. Korrupsioni ka qenë motivi kryesor i pushtetit në Shqipëri, por sot po i vjen fundi… Ky, në fakt, ka qenë dhe mbetet një fenomen shqiptar. Reforma në Drejtësi besohet se do ta eliminojë më në fund energjinë e errët në gjirin e shoqërisë shqiptare.

Ja cila është gjendja sot, kur Refotma në Drejtësi sapo ka nisur

Në Shqipëri sot konstatohet:

Një qeveri që nuk kuptohet se me çfarë skeme po punon në drejtimin politik dhe ekonomik të Shqipërisë. Një opozitë e dalë jashtë parlamentit për të destabilizuar Shqipërinë. Një kryeministër në hall, që po flet jashtë sensit normal në trajtimin e gjëndjes shoqërore në Shqipëri.

Por, ka edhe një kërcënim amerikan antikorrupsion, dhe një humbje të toruas politike në funksion të së ardhmes që vjen shpejt. Kuptohet qartë se të gjithë janë të kërcënuar nga ajo që pritet të ndodhë. Jemi në një pikë historikë sot, ku tragjedia e të korruptuarve është e mira maksimale e shqiptarëve. Por kjo tragjedi e ndierë nga korrupsioni i lartë shtetëror, në pushtet apo në opozitë, krijon, për çdo ditë e më shumë, reaksion antireformë në Shqipëri. Kjo, në fakt, e ka sjellë vonesën në ecurinë e likuidimin të energjisë së errët shqiptare.

ll.

Çfarë është energjia e errët shqiptare?

Përderisa ka një energji të errët (dark energy) në univers, ne mund ta huazojmë si koncept për të thënë se ka një energjia të errët edhe në shoqëri. Ne na duhet të themi se kjo ndodh edhe në një shoqëri sepse, edhe aty, brenda saj, ka një energji të errët e cila krijon ligësinë njerëzore si psikologji, dhe korrupsionin e lartë shoqëror si krim.

Energjia e errët e universit zgjeron universin, kurse energjia e errët e shoqërisë zmadhon të keqen njerëzore nëpërmjet motivit për pushtet. Pasurohu dhe krijo mjerim kombëtar: kjo është shtysa e energjisë së errët për afër tridhjetë vjet në Shqipëri. Izolo Shqipërinë dhe krijo mjerim kombëtar për pushtetin tënd: kjo ka qenë energjia e errët e Enver Hoxhës. Just the same. Reforma në Drejtësi do ta eliminojë dhe bllokojë energjinë e errët të shoqërisë shqiptare.

lll.

Çfarë ka krijuar energjia e errët në shoqërinë shqiptare? Dhe, si do të mund ta mbyllë përfundimisht Reforma në Drejtësi këtë fenomen që vjen nga ligësia njerëzore? Energjia e errët ka krijuar në historinë njëqindvjeçare të shtetit shqiptar pushtetarë të korruptuar dhe kryeministra që, për interesin e vet material dhe atë të pushtetit, kanë shitur interesin kombëtar tek pushuesit e Shqipërisë natyrore, duke goditur mjaft rëndë etninë shqiptare në Ballkanin Perëndimor.

Ky korrupsioni enorm dhe shitja e interesit kombëtar kanë krijuar varfërinë shqiptare, por edhe përçarjen shoqërore të etnisë shqiptare në njëqind vjet rresht. Luftë klase, i tha Enver Hoxha të gjithë tragjedisë që krijoi terrorin shtetëror shqiptar, izolimin tërësor të Shqipërisë dhe braktisjen tërësore të etnisë shqiptare në Ballkanin Perëndimor.

Integrim me Bashkimin Evropian, e quajti mjerimin shqiptar korrupsioni i lartë shtetëror në tridhjetë vjetët e paskomunizmit në Shqipëri. Kjo është gjendja, dhe këtë gjendje e eliminon vetëm zbatimi i ligjit. Ligji është monarku absolut që do të krijojë Reforma në Drejtësi dhe, ky monark, do ta çlirojë shoqërinë shqiptare nga një e keqe shekullore.

Domethënë, shpresa e shqiptarëve është funksionimi i ligjit si goditje penale antikorrupsion dhe, respektimi i ligjit, si mbarëvajtje shoqërisë në të gjitha aspektet e jetës shoqërore. Kjo do të krijojë realisht në Shqipëri drejtësinë e munguar. Këtë kërkon të krijojë Reforma në Drejtësi, tanimë e nisur dhe e kompletuara ligjërisht. Është një kushtetutë e miratuar me konsensus të të gjitha palëve, dhe janë rreth 12 ligje organikë që rrjedhin nga kërkesat e kushtetutës për të krijuar pemën institucionale të vetë reformës.

Shqipëria më në fund po ndodhet në pragun e ndryshimet të madh, për të kaluar në moralitetin e drejtimit shtetëror. Po, a ka një forcë reale që e garanton këtë? Po, ka. Politika amerikane i është zotuar shqiptarëve botërisht për këtë garanci, dhe po shihet qartë që ajo po ua jep shqiptarëve të vuajtur këtë garanci. Madje me forcë…

“8 milionë shqiptarë janë pro SHBA. Franca besoi përrallat serbe”

Nga Spartak Ngjela

Cilën politikë përkrahu akti francez me votën kundër Shqipërisë për çeljen e negociatave të saj me Bashkimin Evropian?

Gjithçka, me votë kundër Shqipërisë, Franca e bëri që shqiptarët të mbeten të vetëm dhe të orientohen nga Lindja. Kurse politika amerikane e do Shqipërinë në BE.

Asnjëherë serbët nuk janë njohur për brilancë mendjesh politike.

Presidenti francez, si përherë edhe kësaj radhe, besoi në përrallat serbe dhe ia dha mundësinë Serbisë dhe Rusisë për të qenë kundër Amerikës në Ballkanin Perëndimor. Kurse Uashingtoni u ndie i fyer: ai po kërkon me ngulm që Shqipëria dhe Maqedonia e Veriut të jenë anëtare të Bashkimit Evropian.

Ky duhet të ketë qenë shkaku kryesor, sepse, për afrimin e jashtëzakonshëm që po ka politika amerikane me Shqipërinë, Franca, Spanja dhe Holanda ndihen shumë keq. Një botë shqiptare në Ballkanin Perëndimor, 97 përqind proamerikane, i shqetëson këto vende për të ardhmen e afërt: asnjë francez nacionalist i vjetër nuk e pranon dot fuqinë amerikane në shkencë, në ligj dhe në ide. Kurse, në aleancë me Shqipërinë, të tre këta vende, e shohin Amerikën në Mesdhe.

Por, a mund ta mundin dot këta politikën amerikane në lidhje me Shqipërinë dhe botën shqiptare në Ballkanin Perëndimor? Asnjëherë!

Tetë milionë shqiptarë në Ballkanin Perëndimor, janë me politikën amerikane.Të dy shtetet shqiptarë janë me baza ushtarake amerikane. Atëherë, pse shpreson për të kundërtën politika ruse, politika serbe, dhe, tani së fundmi, edhe kjo francezja?

Të gjithë këta kuptohet se e kanë shpresën te korrupsioni i lartë shtetëror shqiptar që, në njëqind vjet, ka shitur interesin kombëtar. Por sot, korrupsioni i lartë shtetëror shqiptar është i izoluar, dhe shumë i trembur nga kërcënimi amerikan. Gjithashtu, çifti patriotik Kurti-Osmani, që do të qeverisë tani në Kosovën, ka sjellë shqetësim maksimal te të shiturit e Tiranës.

ll.

E patë si u gëzua opozita jashtëparlamentare për moshapjen e negociatave për Shqipërinë? Janë fëminorë në politikë: me Beogradin do ta mundin këta politikën amerikane në Shqipëri?!

Në fakt, janë të falimentuar dhe po shkojnë drejt shpronësimit për pasuritë e paligjshme që kanë vënë duke qenë në pushtet, por janë ndërkohë edhe drejt akuzës penale, prandaj shpresojnë. Realisht, janë të trembur.

I tremburi nuk sheh dot larg këmbëve të tija. Kjo është arsyeja fëminore e gëzimit opozitar. Jeta është e shkurtër për të gjithë, por, për të tremburin, ankthi është absolut.

Të gjithë këta të gëzuar me aktin francez kundër Shqipërisë, janë të pushtuar nga ankthi i likuidimit për korrupsion.

Në fakt, për amerikanët që e kanë vëzhguar frikën e opozitës jashtëparlamentare, kjo nuk është një gjë e re, se i njohin me fakte, por këtë herë u habit edhe intelektualizmi shqiptar me ta.

Gjithsesi, kjo është gjendja. Të tremburit duan të shesin interesin kombëtar. Por tani, në një kohë proshqiptare, këtë gjë e kanë krejt të pamundur.

Ngjela: Shqipëria shpëton me shkarkimin e Metës

Nga Spartak Ngjela

Venecia konfirmoi mendimin juridik shqiptar: Meta ka shkelur kushtetutën.

Që në fillim duhet thënë se mendimi i specializuar i Komisionit të Venecias e ndihmon realisht Shqipërinë në ecurinë e saj në luftën kundër korrupsionit.

Shqipëria është në prag të ndryshimit të madh. Edhe Kosova po ashtu. Por Shqipëria është në situatën më delikate: kushtetuta dhe ligjet e miratuara sipas saj në këta tre vjetët e fundit, e eliminojnë të gjithë klasën politike të korruptuar.

Por, kjo klasë po bën rezistencë, sepse nuk po pranon që të ngrihen institucionet e reja antikorrupsion.

Pikërisht këtu ka nisur konflikti amerikan me klasën e korruptuar shqiptare, në Kosovë dhe në Shqipëri, sepse kjo shtresë kërkon ta shkëpusë nga tutela amerikane Shqipërinë dhe Kosovën.

Duhet të theksojmë se, edhe elita e korruptuar që sapo u rrëzua në Kosovë, në heshtje, ishte kundër politikës amerikane në Ballkanin Perëndimor.

Ka një sëmundje të njohur në politikën shqiptare: krerët e shtetit, për të mbajtur pushtetin apo për të ardhur në pushtet, bashkëpunojnë me pushtuesit njëqindvjeçarë të Shqipërisë: me rusët dhe me serbët.

Amerika, për të eliminuar këtë klasë politike të korruptuar në Shqipëri, gjithçka e ka arritur në Tiranë me forcë dhe jo me arsye. Në fakt nuk kishte rrugë tjetër.

Një i tillë ishte edhe konflikti i politikës amerikane me Ilir Metën dhe me lëvizjen e dhunshme të Berishës dhe Bashës.

Nga lufta antikorrupsion rrezikohen sot të gjithë liderët e të dy krahëve të politikës. Por, pyetjet që ngrihen tani janë këto:

Çdo të bëjë mazhoranca, a do ta çojë luftën deri në fund? A do ta shkarkojë Kuvendi i Shqipërisë Ilir Metën?

Nuk ka rrugë tjetër, do apo nuk do kjo mazhorancë, Meta ka shkelur kushtetutën, dhe shkarkimi i tij, që është një nga krerët e korrupsionit Shqiptar, i hap mundësitë e besimit të Shqipërisë kundrejt Bashkimit Europian.

Komisioni profesional i Venecias e shprehu qartë: Presidenti i Shqipërisë ka shkelur kushtetutën. Por, gjykimin, tha ajo, e ka në dorë Gjykata Kushtetuese e Shqipërisë.

Saktë. Komisioni i Venecias nuk është gjykatë, por vetëm një komision profesionistësh.

Shqiptarët janë të lodhur nga një bandë pushtuesish, e cila ka afër tre dekada që po i detyron të lënë vendin e tyre si pasojë e varfërisë.

Shkarkimi i Ilir Metës nga posti i presidentit të Republikës është një hap i madh përpara në luftën kundër korrupsionit.

Rasti Meta, me anulimin e datës së zgjedhjeve, realisht ka qenë ndihma e madhe juridike që presidenti shqiptar donte t’iu jepte forcave antishtet të Partisë Demokratike.

Liderët e Partisë Demokratike ishin hedhur në sulm të dhunshëm për të shpërbërë shtetin shqiptar. Donin që ta dhunonin shtetit institucionalisht dhe, në anarkinë e ardhur, të mund të shpëtonin veten dhe pronat e paligjshme, duke shkatërruar Shqipërinë. Ishte forca e politikës amerikane që i shkatërroi plotësisht.

Por, a do të vijojë kjo politikë force amerikane, deri në përfundimin real të Reformës antikorrupsion?

Sigurisht që do të vijojë.

Në fakt, edhe revoltat antishtet Berisha-Basha, edhe zhdektetimi zgjedhjeve të 30 qershorit nga presidenti Meta, kanë qenë lëvizje antiamerikane.

Po, ku konsiston antiamerikanizni i tyre?

Duhet të kuptohemi: antiamerikanizmi Berisha-Meta-Basha, nuk është një lëvizje doktrinare kundër Amerikës, por një aspekt i veçantë që lidhet me Reformën antikorrupsion që po drejtojnë amerikanët këtu, në Shqipëri.

Por, ama, kjo është arsyeja që janë të mundur. Nuk kanë më asnjë shpresë.

Kurse, po ta shohësh në një prizëm historik, shkarkimi i Ilir Metës, është në fakt, hapi i parë drejt shpëtimit të Shqipërisë.

Ngjela: Ilir Meta si Enver Hoxha. Po gjen armiq të jashtëm

Avokati dhe analisti Spartak Ngjela, shkruan se “shkarkimi i Ilir Metës”, është “fillimi i procesit goditës anti-korrupsion në Shqipëri”. Duke komentuar fondet që BE do t`i japë Shqipërisë (42 milionë euro për Reformën në Drejtësi), Ngjela shprehet se amerikanët duan arrestimin e të korruptuarve të mëdhenj. “Në të njëjtën kohë politika amerikane po kërkon me ngulm fillimin e reformës dhe arrestimin e të korruptuarve të mëdhenj. Të korruptuarit janë trembur dhe janë të bashkuar kundër reformës. Presidenti i korruptuar shqiptar po shkon drejt shkarkimit, dhe sigurisht që, nga ndërkombëtarët, shkarkimi i Ilir Metës konceptohet si fillimi i procesit goditës antikorrupsion në Shqipëri, kurse, vetë Meta deklaron se “ndërkombëtarët duan të shkatërrojnë Shqipërinë”. Po cilët janë këta ndërkombëtarë? Amerikanët dhe gjermanët janë, por Meta ka frikë t’i përmendë”, shkruan Ngjela.

Më tej, Ngjela shprehet se gjithçka që bëjnë amerikanët dhe gjermanët, është kundër korrupsionit të lartë shtetëror. “Por shqiptarët pyesin: amerikanët dhe gjermanët duan të shkatërrojnë Shqipërinë, apo duan të shkatërrojnë korrupsionin shtetëror shqiptar? Në fakt, tani, të gjithë e dinë se gjithçka është ngritur kundër korrupsionit të lartë shtetëror. Ja kjo është çështja. Por këtu na duhet të shtjellojmë edhe faktin se përse Meta shkatërrimin e korrupsionit shtetëror shqiptar e quan si shkatërrim të Shqipërisë? Në fakt, kështu ka ndodhur me të gjithë abuzuesit e shtetit shqiptar, kur këta janë ndodhur përballë ndëshkimit për abuzim me pushtetin. Të gjithë bëjnë sikur “merakosen” për fatin e Shqipërisë”, shkruan Ngjela.

Ngjela bën një paralelizëm të Ilir Metës dhe Enver Hoxhës, në lidhje me atë që ai e quan “merakosje” për fatin e Shqipërisë. “Pse, a nuk i u tha Enver Hoxha shqiptarëve se Hrushovi kërkon të shkatërrojë Shqipërinë, kur ky i tha Hoxhës se ” ti Enver Hoxha duhet të largohesh nga pushteti se ke bërë krime të karakterit stalinian”? Po pse, a nuk na tha Ramiz Alia në vitin 1990 se “amerikanët po duan të marrin pushtetin për të shpërbërë Shqipërinë”? Dhe, në fund: A nuk e kanë dërmuar tërësisht Shqipërinë këta vjedhës abuzues që tani, me lotë krokodili, po qajnë për varfërinë e shqiptarëve, autorë të së cilës janë pikërisht këta të korruptuar të lartë që kanë 30 vjet që abuzojnë me pushtetin politik në Shqipëri? E pra, kjo është esenca e kohës sonë në pragun e goditjes penale kundër korrupsionit të lartë, që realisht është abuzues barbar me pushtetin shtetëror në Shqipëri”, shkruan Ngjela.

Ngjela: Pas shkarkimit, vjen dënimi i Metës

Avokat Spartak Ngjela beson se pas shkarkimit të Presidentit, do të vijë dhe dënimi ndaj Ilir Metës. Në një koment në rrjetet sociale, Ngjela shkruan se “shkarkimi i Presidentit” është rasti i parë në historinë e Shqipërisë, ndërsa sipas tij, mund të vijë dhe dënimi penal nga Gjykata Kushtetuese.

“Sot Shqipëria hyri në pragun e një epoke të re. Komisioni i Venecias dërgoi dje vendimin paraprak me gjykimin e shkeljes së kushtetutës nga Presidenti i Republikës, Ilir Meta. Shqiptarët panë në këtë rast se historia e tyre po hyn në rrjedhën e ligjit dhe të ndëshkimit të figurave politike. Është shkarkimi i Presidentit të Republikës. Rasti i parë në historinë e Shqipërisë. Por mund të vijë edhe dënimi penal i këtij Presidenti nga Gjykata Kushtetuese”, shkruan Ngjela.

Më tej, Avokat Spartak Ngjela e cilëson “si rast historik”, raportin e Komisionit të Venecias: “Duhet të theksohet se, për shqiptarët, në 100 vjet, ky është rasti i parë historik i penalizimit të një presidenti në detyrë, i cili pati cilësim dhe analizë juridike nga një institucion juridik prestigjoz ndërkombëtar. Pikërisht për këtë fakt, na duhet të pranojmë se, në këto çaste historike, vetë historia e shtetit shqiptar hyri në pragun e një epoke të re: në kohën e ndëshkimit të keqbërësve të shtetit shqiptar dhe të vetë shqiptarëve”.

Ndërsa, në fund, Ngjela shprehet se tashmë ka nisur “çlirimi i shqiptarëve”. “Ky prag do të quhet: kalimi, nga ndëshkimi i Gjykatës së re Kushtetuese kundër Presidentit të Republikës, Ilir Meta, në hetimin dhe në akuzat që do të fillojnë të ngrihen kundër korrupsionit të lartë politik dhe të krimit të organizuar në Shqipëri. Sot duhet të themi që çlirimi i shqiptarëve ka filluar si proces që do të vijojë”, përfundon Ngjela.

Ngjela pas Venecias: Të ikë Meta… dhe këshilltarët

Avokati Spartak Ngjela ka deklaruar e ai nuk kishte dyshim se Meta kishte shkelur Kushtetutën dhe se këtë e vërtetoi edhe raporti i Komisionit të Venecias. Ngjela e cilësoi këtë raport si një të mirë që u bëhet shqiptarëve dhe se koha është në favor të tyre dhe kundër korrupsionit të lartë shtetëror. Megjithatë Ngjela nge i shqetësuar një pyetje se çfarë ndodhi me këshilltarët juridik të Metës që lejuan këtë shkelje të rëndë?

Për avokat Ngjelën kjo ose ka ardhur si pasojë e imponimit të Metës për të vendosur mbi gjithçka, ose janë treguar servil të president duke cenuar Kushtetutën e vendit të tyre, ose ia kanë hedhur atij. Cilado të jetë, për Ngjela thekson se e rëndësishme është që Venecias vendosi pro popullit shqiptar dhe kundër presidentit.

“Komisioni i Venecias e shkarkoi Metën. Nuk kish si të ishte ndryshe. “Nuk ka kompetencë kushtetuese Presidenti, dhe në asnjë ligj, që të ndryshojë datën e zgjedhjeve”, thotë Komisioni. Këtë thashë edhe unë kur shpjegova pavlefshmërinë absolute të aktit administrativ. Është pika e parë e ligjit në të dy kodet: edhe në Kodin Civil, edhe në Kodin e Procedurës Administrativë kjo që shpreh Komisioni i Venecias.

Por pyetja që duhet ngritur këtu është kjo: Çfarë ka ndodhur në stafin juridik të këtij Presidenti? Është forca e arbitrarizmit të tij që i është imponuar juristëve të tij të flisnin si qytetarë të thjeshtë, apo ata janë servile të Metës deri në lakeizëm? Ore, apo ia kanë hedhur juristët e stafit këtij njeriu mediokër?

Koha do ta tregojë…

Gjithsesi… koha po ecën vijimisht në favor të shqiptarëve dhe kundër korrupsionit të lartë shtetëror…

Kjo është kryesorja e këtij çasti juridik që sot u hodh kundër presidentit shqiptar…” shkruan Ngjela

Ngjela: Me ndryshimin e sistemit zgjedhor humb si Rama dhe Basha

Avokati Spartak Ngjela ka bërë një deklaratë të fortë nga studio e emisionit “Real Story” në lidhje me reformën zgjedhore dhe ndryshimin e sistemit elektoral duke thënë se këtë as Rama dhe as Basha nuk e dëshiron, pasi dalin të dy të humbur. Një ndryshim i sistemit zgjedhor nuk nxjerr dot as Ramën dhe as Bashën deputet, prandaj për avokatin Ngjela ato zvarrisin çështjen sikur nuk duan të ulen në tryezën e dialogut.

‘Me ndryshimin e sistemit zgjedhor as Basha dhe as Rama nuk dalin dot deputet deh e pësojnë si Ramiz Alia. Këtë ta garantoj unë. Dy të mëdhenjtë nuk e ndryshojnë sistemin dhe e vetmja shpresë që ajo të bëhet është opozita parlamentare. Edhe të mos duan më ato, nuk i lë opozita parlamentare. Opozita në parlament e ka vënë kusht ndryshimin e sistemit dhe prandaj shpresa e perëndimorëve është tek opozita e re” tha Ngjela në Real Story.

Gjatë emisionit Real Story, Ngjela tha se vetë ndërkombëtarët duan ndryshimin e sistemit dhe prandaj po bëjnë presion për një tryezë për diskutimin e saj.

Opozita e re është shprehur e qartë se kërkon ndryshim të sistemit dhe nuk do të lejojë asnjë marrëveshje të re Rama –Basha në lidhje me të. Madje ata kanë shprehur veton se nuk do të lejojnë të kalojë asnjë marrëveshje në kuvend që nuk parashikon ndryshimin tërësor të sistemit elektoral. Kjo është mbështetur edhe nga ndërkombëtarët, të cilët përveçse e kanë njohur zyrtarisht si legjitime këtë opozitë, e cilësojnë edhe si një faktor real për ndryshimin e sistemit. Kjo vërehet dhe në vizitat që zyrtarët e huaj zhvillojnë në Tiranë, gjithmonë kanë përfshirë takime me Rudina Hajdarin, që duket se është ‘e preferuara’ e re e tyre. / Real Story

Ngjela në Real Story: Nuk kemi shtet, po na e bëjnë aleatët

Për avokatin Spartak Ngjela, Shqipëria nuk ka dhe nuk ka pasur kurrë shtet, por ajo po krijohet nga ndërkombëtarët falë Reformës në Drejtësi. Gjatë replikave të tij të ashpra me kreun e PR-së, Fatmir Mediu në emisionin Real Story, Ngjela u shpreh se reforma në drejtësi është e vetmja shpresë që ky vend do të bëhet. Sipas avokat Ngjelës me këtë drejtësi të re nuk ka më rëndësi se kush është gjyqtari, por kush është ligji dhe kushtetuta, pasi atë do të zbatojnë.

“Reforma në Drejtësi është e vetmja shpresë, shtetin tonë po e bëjnë aleatët, pasi ne nuk mundemi dot ta bëjmë. Drejtësia është e vetmja shpresë e jona që do të eliminojë korrupsionin në nivele të larta qeverisëse. Nuk ka rëndësi se kush janë gjyqtarët, por kush është ligji dhe kushtetuta dhe për fatin tonë ky ligj po bëhet nga aleatët. Nuk ka zgjedhje të lira pas pushtet gjyqësor dhe asnjë sektor tjetër.” tha Ngjela

Reforma në Drejtësi është një nga reformat më të vlerësuara dhe të rëndësishme nga ndërkombëtarët dhe ajo është vazhdimisht nën monitorimin e SHBA që të krijohet siç duhet. Kjo drejtësi e re që pritet të vendoset sa më parë në zbatim me krijimin e strukturave të reja do të luftojë krimin dhe korrupsionin në nivele të larta qeverisës. Falë kësaj reforme të thellë, Shqipëria ka shpresa që t’i hapen negociata më 18 tetor, por dhe ka tmerruar kreun e shtetin dhe disa opozitarë dukë vënë në zbatim planin e tyre “për djegien e vendi’ dhe sulmimin e saj në mënyrë të vazhdueshme. / Real Story