Panik në Paris, sulm me thikë pranë “Charlie Hebdo”, plagosen 4 persona

Një person i armatosur me thikë ka sulmuar disa persona mëngjesin e së premtes në vendin ku më parë ndodheshin zyrat e gazetës satirike “Charlie Hebdo” e cila 5 vjet më për ishte objekt i një sulmi terrorist.

Mediat lokale franceze raportojnë se janë plagosur 4 persona të cilët janë dërguar me urgjencë në spital. Arsyet e këtij sulmi janë ende të panjohura ndërkohë që efektivë të shumtë kanë nisur një operacion të gjerë për gjetjen e autorit, i cili është larguar nga vendi i ngjarjes.

Policia me anë të një postimi në Tëitter i bën thirrje qytetarve të qëndrojnë larg zonës.

Së fundmi një tjetër kërcënim është bërë nga Al Kaeda ndaj gazetës “Charlie Hebdo”, pasi kjo e fundit vendosi të ripublikojë karikaturat e profetit Muhamed.

Granata në dasëm, plagosen 20 afganë

Së paku 20 persona janë plagosur në një ceremoni martese në provincën Kost të Afganistanit, pasi disa persona hodhën granata.

Autoritetet thanë se hetimet janë duke vazhduar dhe se motivi i sulmit nuk dihet ende. Deri më tash, askush nuk ka marrë përgjegjësinë për sulmin e 25 janarit.

Ndërkohë, një person ka mbetur i vdekur dhe katër të tjerë të plagosur pasi një veturë e policisë kishte goditur një pajisje të improvizuar me eksplozivë në Kabul, raportuan autoritetet të dielën.

Askush nuk ka marrë përgjegjësinë për sulmin, por talibanët shpesh kanë për cak të sulmeve forcat afgane të sigurisë./REL/

Sulm me armë në Gjermani, dyshohet për 6 të vdekur

Të paktën 6 persona raportohet se mbetën të vdekur në Gjermani, pas një sulmi me armë zjarri.

Sipas medias gjermane RTL, ngjarja ndodhi në rajonin e Baden-Wurttemberg në Gjermani. Policia lokale njoftoi për vdekje të mundshme, por nuk dha një shifër të saktë.

Ndërkohë, raportohet se disa persona të tjerë mbetën të plagosur rëndë. Autori i dyshuar i ngjarjes është ndaluar nga policia.

Ende nuk dihet nëse është një sulm terrorist apo ngjarje që lidhet me rrethana të tjera.

“Sulm me molotov”, plagosen 5 efektivë të FNSH dhe 7 banorë tek Astiri

Policia e Tiranës dha informacion zyrtar për përplasjet me banorët në zonën e Astirit, ku IKMT nisi aksionin për prishjen e 33 objekteve, që i hapin rrugë zbatimit të projektit të “Unazës së Re”. Sipas policisë, një grup banorësh kundërshtuan me dhunë punonjësit e IKMT-së dhe punonjësit e policisë.

“Banorët kanë sulmuar me gurë, sende të forta dhe bomba moltov punonjësit e Policisë, të cilit ishin planizuar me shërbim. Si pasojë e sulmit mbi Policinë janë plagosur 5 punonjës të Policisë nga FNSH-ja, Shqiponjat dhe Patrullat e Përgjithshme, të cilët u dërguan për ndihmë mjekësore në spitalin ushtarak”, shkruhet në deklaratën e policisë.

Sipas policisë janë plagosur dhe 7 banorë, të cilët po marrin ndihmë mjekësore dhe janë jashtë rrezikut për jetën.

“Gjithashtu edhe 7 banorë janë lënduar e po marrin ndihmë mjekësore jashtë rrezikut për jetën. Policia e Shtetit u bën thirrje banorëve të distancohen nga dhuna dhe të mos bien pre e provokimeve, pasi do përballen me pasojat ligjore. Gjithashtu, Policia e Shtetit u bën thirrje qytetarëve që janë prezent tek Unaza e Re, të mos nxisin banorët për të sulmuar forcat e Policisë dhe të shmangin deklaratat disinformuese”, thuhet në njoftim.

Ndërkohë, policia e Tiranës nuk jep të dhëna nëse janë shoqëruar apo jo banorë të cilët kanë përdorur dhunë kundër punonjësve të policisë apo atyre të IKMT. Megjithatë, Policia Rrugore e Tiranës ka bllokuar përkohësisht lëvizjen në të dy krahët e Unazës së Re, deri në përfundim të aksionit të IKMT-së për shembjen e disa objekteve, që do t’i hapin rrugë projektit të ri.

Sulm gjatë festës së “Halloween”, 3 të vdekur dhe 9 të plagosur

Një sulm me armë ka ndodhur në një shtëpi, ku me dhjetëra njerëz ishin mbledhur për të festuar “Halloween”. Disa persona hynë të armatosur në një shtëpi në Long Beach në Kaliforni ku zhvillohej festa dhe hapën zjarr ndaj të pranishmëve. Nga sulmi 3 persona humbën jetën në vendin e ngjarjes dhe 9 të tjerë mbetëm të plagosur.

Njerëzit ishin mbledhur për të festuar “Halloween”, por duket se nata u kthye në tragjedi. Autorët janë larguar, ndërsa policia nuk jep detaje për shkaqet e sulmit apo pistat e hetimit që po ndjek.

Sulm në zemër, humb jetën futbollisti i Kastriotit

Klubi i Kastriotit në Krujë njoftoi të shtunën në mbrëmje një lajm të trishtë. Një futbollist i ri, ish-pjesë e ekipeve të mosha të skuadrës krutane, është ndarë nga jeta. Bëhet fjalë për të riun Erion Ruçi, i cili gjeti vdekjen pas një sulmi në zemër.

“Sot humbëm Erjonin, një i ri që dha kontribut të madh te moshat e Kastriotit, për vite me radhë. Sezonin aktual, Erjoni, vendosi që të ndiqte tjetër rrugë, dhe jo futbollin, e kjo për arsye personale”.

“Mbrëmë në një rast gëzimi, Erjoni mori një goditje në zemër, që për fatin e tij të keq nuk mundi që t’i mbjetojë. Klubi i “Kastriotit” i shpreh ngushëllimet më të sinqerta familjes Ruci, dhe të afërmve për këtë humbje të parakoshme. Prehu në paqe Erjon!”, shkruan klubi i Kastriotit në një njoftim.

Pagoi hotelin 700 euro nata, Gjonaj: Sulm dashakeq, ja e vërteta e faturave

Pas akuzave se “Ministrja e Drejtësisë Etilda Gjonaj kishte fjetur në hotele që kushtonin deri në 700 euro nata, gjatë udhëtimeve zyrtare jashtë vendit”, ka ardhur dhe reagimi i Gjonajt. Me anë të një deklarate bërë në rrjetin e saj social Facebook, Gjonaj ka treguar së parëi, se faturat që u publikuan në media, janë vënë në dispozicion të portalit që po investigonte shpenzimet e ministres, nga vetë dikasteri që ajo drejton, duke respektuar të drejtën e informimit për qytetarët. “Më lejoni që në këtë reagim publik timin, të shpreh para së gjithash se personalisht unë dhe stafi i Ministrisë së Drejtësisë, kemi qenë tejet transparent në respekt të të drejtës së medias për t’i ofruar informacionin e kërkuar, ashtu siç është trajtuar çdo kërkesë e çdo qytetari në respekt të transparencës për çdo veprim financiar të Ministrisë së Drejtësisë”, shkruan Gjonaj.

Duke u bërë ftesë mediave dhe jo vetëm, për të hetuar punën e saj si ministre, Etilda Gjonaj zbardh edhe të vërtetën rreth lajmit të publikuar në media, për shpenzimet e kripura gjatë udhëtimeve jashtë shtetit. Së pari, Gjonaj saktëson se media që ka publikuar faturat, ka bërë interpretime spekulative dhe dashakeqe. “Besoj se më të njëjtën transparencë që Ministria e Drejtësisë ka vepruar duke i ofruar të dhënat e kërkuara, të njëjtën transparencë dhe profesionalizëm do të duhej të kishte dëshmuar edhe media për të kryer verifikimet e duhura dhe për t’i paraqitur ato me vërtetësi jashtë interpretimeve dashakeqe dhe spekulative”, shprehet Gjonaj.

Më tej, Minisrja e Drejtësisë shpjegon se “faturat nuk përmbajnë vetëm shpenzimet e mia, por të gjithë delegacionit që udhëton me të në takime zyrtare”. Në këto kushte, Gjonaj tregon se hotelet ku akomodohen stafet gjatë udhëtimeve jashtë vendit, përzgjidhen kryesisht nga vendi pritës për shkak të sigurisë. “Nëse media do të verifikonte dhe do të kërkonte shpjegim, do të arrinte të kuptonte që fatura me shumën e hotelit në Itali nuk është vetëm për 1 natë siç është përcjellë në mënyrë spekulative, por është fjetje për dy net. Për të shtuar, që faturat e publikuara nuk përmbajnë vetëm shpenzimet e mia, por përmbajnë shpenzimet e të gjithë delegacionit që merrte pjesë në këto aktivitete, ku në shumicën e rasteve hotelet për shkak të sigurisë për të gjitha delegacionet përcaktohen nga organizatorët apo ftuesit, që shpenzimet e fjetjes apo të biletave në shumë raste janë në varësi edhe të periudhës së kërkuar që mund të përkojë me një fluks të pronotimeve në ato vende apo për shkak të kohës së shkurtër në të cilën kanë ardhur ftesat apo axhendës së diktuar nga pala pritëse”, thotë ministrja.

Ajo tregon gjithashtu se gjatë udhëtimeve të saj jashtë vendit, ka pasur raste që ka udhëtuar dhe me tren, apo është kthyer brenda ditës duke mos shpenzuar para për hotelin, ndërkohë që ka sqaruar se për udhëtimet jashtë vendit nuk kujdeset ajo për faturat, por stafi. “Nëse media do të verifikonte, do të konstatonte që si ministre gjatë vizitave zyrtare jashtë vendit kam udhëtuar edhe me tren si një qytetare e zakonshme për të arritur në kohë dhe më me pak kosto për vizitat e punës. Ashtu siç do të verifikonte që si ministre kam kryer vizitat zyrtare brenda të njëjtës ditë duke shpenzuar 0 lek për hotelin, apo raste të tjera ku shpenzimet mbulohen nga organizatorët e huaj. Askush nuk e publikoi këtë për t’ju treguar shqiptarëve të vërtetën siç është dhe jo siç duan t’ia imponojnë. Në këtë pikë, portali që mori përsipër ta bënte këtë “transparencë” do duhej të publikonte dhe të analizonte edhe informacionin që i është dhënë edhe për udhëtime pune të tjera”, ka shkruar Gjonaj.

Në këto kushte, Gjonaj thotë se ka hapur një audit të brendshëm në ministri, nga ku ka rezultuar se “nuk ka pasur shkelje të procedurave të prokurimit publik për blerjen e faturave”, ndërsa shton, se për shkak të transparencës, do të kërkojë dhe nga institucione të tjera të pavarura nga ministria që drejton, për të hetuar dhe kontrolluar ligjshmërinë e veprimeve dhe procedurave të prokurimit për biletat e avionit apo hoteleve ku është akomoduar gjatë udhëtimeve jashtë vendit. Në fund, Etilda Gjonaj shton se ky është një tjetër sulm që i bëhet asaj si grua në politikë, duke shprehur keqardhjen, por dhe vendosmërinë për t`i shkuar deri në fund luftës kundër paligjshmërisë.

Pas sulmit ndaj SHBA, Manjani kërkon shkrirjen e Ministrisë së Brendshme!

Ish ministri i Drejtësisë, Ylli Manjani ka propozuar shkrirjen e ministrisë së Brendshme dhe kalimin e policisë nën varësinë e prokurorisë. Përmes një statusi në facebook ish ministri i LSI-së, që mbështetet hapur nga presidenti Meta i cili shpeshherë i bën repost mesazheve të tij, veçanërisht atyre që lidhen me sulmet ndaj ambasadës së SHBA-së dhe Reformës në Drejtësi; shkruan të hënën se ministria e brendshme duhet të shkrihet pasi prodhon vetëm anti-kushtetutshmëri. Ai propozon që të ngrihet një ministri Rendi, por edhe në këtë rast sugjeron që policia të mos bëjë hetime dhe kontrolle në banesa, por të jetë e varur nga prokuroria.

“Reforma tjetër themelore që duhet të eleminojë menjëherë shkeljen masive të lirive dhe të drejtave Kushtetuese në vend, duhet të jetë shkrirja e Ministrisë së Brendshme.

Edhe si strukturë por edhe si mentalitet duhet shkulur ky çiban që prodhon vetëm anti-kushtetutshmëri.

Ministria e Brendshme në Shqipëri ka emër dhe traditë shumë të keqe sepse ajo lehtësisht shndërrohet si mjeti kryesor i dhunës politike në vend.

Një ministri përgjegjëse politikisht për rendin publik do mjafton, shumë e vogël në numër dhe me detyra thjesht drejtimi civil dhe auditi performance do mjaftonte.

Kjo çon menjëherë tek nevoja për transformimin e thellë, por të thellë fare të policisë së Shtetit. Ajo duhet të jetë thjesht një ruajtëse e rendit publik dhe e gjitha e varur nga Prokuroria e Shtetit për gjurmimin dhe hetimin e çështjeve.

Policia nuk mund të hetojë e aq më pak të proçedojë penalisht siç njofton çdo ditë! Kjo praktikë nuk ka lidhje me Kushtetutën e zbatimit korrekt të Lirive themelore.

Sigurisht i gjithë ky tranformim rrënjësor do të duhet të shoqërohet me ndryshime ligjore domethënëse ku me përparësi do të duhet të: përmbysen ligjet e arrestimit pa prova, ndalimit të policisë të bëjë hetime në kuptimin proçediral penal dhe, kufizimin e të drejtës së shoqërimit në polici.

Pa harruar procedurën e ekzekutimit të masave të sigurisë dhe të ndalimit të dhunimit të banesës natën.

Pra, pikpamja ime është një Ministri Rendi që kryen detyrat civile dhe politike por që nuk ka asnjë rol mbi Policinë. Kjo e fundit ruan rendin nga çdo kërcënim dhe vihet e gjitha nën hyqmin funksional të Prokurorisë.

Prokuroria ka përgjegjësinë kushtetuese para publikut për të luftuar krimin. Edhe zëdhënien në publik e bën Prokuroria dhe jo policia. Kështu siç është sot ka qenë dhe në rregjimin komunist!”, shkruan Manjani.

Kohët e fundit ai është shprehur në facebook kundër aksionit të qeverisë ndaj informalitetit duke shkruar më herët se “ku i gjen ligjet pushteti që urdhëron policinë të pastrojë plazhet, të nxjerrë njerëz nga shtëpitë e tyre, të bllokojë biznese, të urdhërojë sekuestro llogarish bankare, të mos njohë akte zyrtare e noteriale?!”, duke dalë në këtë mënyrë kundër nismës së qeverisë për të respektuar ligjet.

Manjani gjithashtu është një nga zërat më të ashpër kundër reformës në drejtësi. Madje ai ka gjetur edhe mbështetjen e presidentit Meta i cili i bëri repost një mesazhi të tij në facebook, mesazh në të cilin Manjani shkruante se SHBA ia fuste kot duke mbështetur Raportin Paraprak të zgjedhjeve nga OSBE-ODIHR.

Por edhe propozimi për shkrirjen e ministrisë së Brendshme dhe heqjen e të drejtës së policisë për të mos bërë hetime dhe kontrolle në banesa bie kryekëput ndesh me propozimet e ndërkombëtarëve për reformën në drejtësi. Një nga kompetencat kryesore të SPAK do të jetë hetimi, kontrolli i banesës dhe arrestimi i deputetëve dhe zyrtarëve të lartë pa përfshirë këtu kërkesën e prokurorit të përgjithshëm. Pra ndërkombëtarët kërkojnë hetime, arrestime dhe ashpërsim të luftës kundër korrupsionit, nga ana tjetër ish ministri i LSI-së kërkon shkrirje të ministrisë së Brendshme dhe zhvlerësim të kompetencave të policisë.

META MENDON SI MANJANI: SHBA JA KA FUTUR KOT GJITHMONË

Sulmoi policët dhe KZAZ-në në Kavajë, kapet 26-vjeçari në kërkim

Të gjitha sulmet ndaj KZAZ përbëjnë krim elektoral dhe si të tilla dënohen me ligj ndaj dhe policia ka arrestuar këto ditë të gjithë ata persona që janë kapur duke sulmuar KZAZ-të dhe duke kryer akte të dhunshme. Policia e Kavajës ka ndaluar të martën një ndër personat e shpallur në kërkim, i dyshuar kryesor, për sulmin ndaj KZAZ-së nr.42 dhe ndaj punonjësve të Policisë.

“E. Gj., 26 vjeç, banues në Kavajë, për veprat penale “Dëmtimi me dashje i materialit zgjedhor”, i mbetur në tentativë, “Organizimi dhe pjesëmarrja në grumbullimee manifestime të paligjshme”, “Kundërshtimi i punonjësit të policisë së rendit publik” dhe “Shkatërrimi i pronës”- njofton policia.

Gjatë gjithë këtyre ditëve janë ndaluar persona për sulmet në KZAZ të ndryshme, si në Shkodër, Kamëz dhe qytete të tjera.

NJOFTIMI

Specialistët për Hetimin e Krimit në Komisariatin e Policisë Kavajë, bazuar në prova filmike, raporte shërbimi dhe prova të tjera të grumbulluara në lidhje me aktet e dhunës ndaj punonjësve të Policisë dhe KZAZ-së nr 42 Kavajë në protestën e datës 19 Qershor 2019, bënë kapjen dhe ndalimin e shtetasit:

E. Gj., 26 vjeç, banues në Kavajë, për veprat penale “Dëmtimi me dashje i materialit zgjedhor”, i mbetur në tentativë, “Organizimi dhe pjesëmarrja në grumbullimee manifestime të paligjshme”, “Kundërshtimi i punonjësit të policisë së rendit publik” dhe “Shkatërrimi i pronës”

Ky shtetas në datë 19.06.2019, gjatë zhvillimit të protestës para KZAZ nr 42 Kavajë, duke tentuar të hyjë me forcë në ambjentet e KZAZ-së ka qëlluar me sende të forta, mjete piroteknike dhe shishe molotov punonjësit e Policisë të dislokuar në shërbim pranë kësaj KZAZ-je.

Po punohet për identifikimin dhe kapjen e personave të tjerë të dyshuar, të përfshirë në këto veprime të kundraligjshme.

Materialet iu dërguan Prokurorisë së Rrethit Gjyqësor Kavajë, për veprime të mëtejshme.

Grekët kopjojnë shqiptarët, sulmojnë me bojë rezidencën e ambasadorit

Ashtu sikurse ndodhi disa ditë më parë në Tiranë, ku një grup protestuesish shkruan fjalë në murin e rezidencës së ambasadorit të OSBE-së, e njëjta gjë ka ndodhur edhe në Greqi.

Një grup protestuesish anarkistë të grupit “Ruvikona” kanë sulmuar me bojë të zezë rezidencën e ambasadorit amerikan në Athinë.

Anarkistët në fjalë po zhvillojnë protesta dhe kërkojnë që terroristi Dhimitris Kufondindas të dalë me leje nga burgu, ku kryen dënimin për një sërë aktesh terroriste.

Pas sulmit me bojë, ka ardhur edhe reagimi i ambasadorit amerikan në Athinë, Jeffrey Pyatt. Ai e ka konsideruar këtë një sulm vandalësh që duhen dënuar sipas ligjit.

“Mirëmëngjes. Mëngjesi të zgjon me një tjetër vandalizëm fëminor jashtë shtëpisë sime. Unë do të vazhdoj të punoj me autoritetet greke për t’i ndëshkuar ata që janë përgjegjës ashtu siç parashihet me ligj. Shkatërrimi i pronës nuk është një protestë paqësore”, shkroi ambasadori amerikan Jeffrey Paith në Twitter.