Tag: Tottenham

Real vijon pazarin në Premier League, pritet firma me yllin e Tottenham!

Ardhja e Zidane në Madrid riktheu shpresën për tifozët “Los Blancos”, për rikthimin te sukseset e dekadës së fundit të arritura në drejtimin e trajneri francez. Nëse ky sezon dështoi për shumë arsye, “Galaktikët” s’mund t’ia lejojnë vetes një tjetër sezon të dëshuar vitin e ardhshëm.

Për këtë arsye presidenti Perez dhe trajneri Zidane kanë nisur planet e merkatos, duke piketuar lojtarët që do të afrohen gjatë verës në “Santiago Bernabeu”. Dy emrat e parë, që sipas mediave spanjolle janë të sigurt se do të firmosin me Realin, janë ai i Eden Hazard he Paul Pogba.

Megjithatë, mediat kanë zbuliar dhe një emër të tretë që pritet të bashkohet me 12 herë fituesit e Ligës së Kampionëve gjatë verës. Bëhet fjalë për Christian Eriksen, që nuk ka rinovuar kontratën me Tottenham.

Për këtë aryse skuadra finaliste e Champions League këtë sezon, e ka nxjerrë në shitje lojtarin për të mos e humbur me parametra zero. Reali pritet të shpenzojë rreth 80 milionë euro për danezin.

De Ligt: E pabesueshme që s’jemi në finale, pasi shënuam dy herë!

Ajax u eleminua mbrëmjen e së mërkurës nga Tottenham, duke humbur shansin për të shkuar në finalen e madhe të Champions League. Pavarësisht të gjithave, largimi i Ajax ishte me nder, duke parë se këtë sezon të Champions League, skuadra holandeze ka bërë gjëra të mëdha.

Lojtarët e Ajax kanë pasur emocione të trazuara las ndeshjes së djeshme dhe eleminimit zhgënjyes. Matthijs de Ligt, që shënoi golin e parë të takimit të djeshëm, ka folur pas ndeshjes duke komentuar atë që ndodhi.

“Po të shihni gjithë lojën, ne nuk e meritonim të eliminoheshim. Ne shënuam dy herë në pjesën e parë, por jemi jashtë gjithsesi. Është e pabesueshme. Është një ëndërr që na shkërmoqet. Do të kisha dashur të luaja finalen, por nuk ndodh. Jam i ngushëlluar nga mënyra se si tifozët tanë na brohoritën pas “bilbilit” përfundimtar”.

“Është e vështirë të thuhet tani, por duhet të ecim përpara. Ne duhet të luajmë ende dy ndeshje për të fituar titullin në Holandë. Kjo është më e rëndësishmja tani”.

Pochettino i lotuar: Lojtarët e mi janë heronj!

Nuk e ka përmbatjur dot veten Mauricio Pochettino, pasi arbitri i ra bilbilit dhe makthi mori fund në “Johan Cruyff Arena”, ku Tottenham përmbysi Ajax dhe shkoi në finalen e Champions League.

Trajneri argjentinas i “Spurs”, ka folur pas ndeshjes, duke u shprehur se për të ishte shumë e vështirë të komentonte atë që ndodhi, duke mos i mbajtur dot as lotët.

“E kam shumë të vështirë të flas. Emocioni është i mrekullueshëm, faleminderit futboll. Lojtarët e mi janë heronj, kam një vit që i them të gjithëve që kam një grup heronjsh”.

“Faleminderit futboll, ky emocion nuk është i mundur pa futbollin. Faleminderit të gjithëve që kishit besim te ne. Është e vështirë të përshkruaj me një fjalë se çfarë ndjej”.

“Po flisnim përpara ndeshjes se kur punon dhe kur ndjen dashuri nuk është stres, por pasion. Treguam se e duam sportin e futbollit”.

“Është e vështirë të konkurrosh në këtë nivel. Jam shumë mirënjohës që jam trajner. Të jem pjesë e futbollit dhe të marr pjesë në një mbrëmje të tillë. Të gjithë janë heronj por Moura ishte superhero”.

“Nuk dua të harroj familjen time, kjo është edhe për ta. Duhet të jemi gati për ndeshjen e radhës të dielën dhe më pas do të përgatitemi për finalen”.

Moura e Tottenham përmbysin Ajax-in, derbi anglez në finalen e Champions-it (video)

Tottenham ka përmbysur në mënyrë spektakolare Ajax, jo vetëm rezultatin e ndeshjes së parë 0-1 në Angli, por edhe avantazhin 2-0 të ndeshjes së sotme në “Joan Cruyff Arena” në Holandë.

Ndeshja e sotme u mbyll 2-3 në favor të Tottenham, me Lucas Moura që ka qenë heroi i kualifikimit të ekipit të tij me tre golat e shënuar në pjesën e dytë.

Mbështetja elektrizuese e tifozëve të tyre, ka bërë që Ajax të shënoj golin e avntazhit që në minutën e 5′ me De Ligt. Tottenham mundohet të reagojë por gabon shumë në 30 metrat e fundit.

Sakaq vendasit kanë shënuar dhe golin e dytë në minutën e 35′, këtë herë me Ziyech, që ka realizuar me një goditje të bukur nga brenda zonës, duke shkuar në pushim të ndeshjes me avantazhin e dyfishtë.

Megjithatë, në pjesën e dytë ndryshon gjithçka, teksa Pochetino duket se i ka motivuar mjaftushëm të tijët në në dhomat e zhveshjes. Lucas Moura ngushton diferencën në minutën e 55′, pas një aksioni të bukur të Spurs.

Një rrëmujë në zonë dhe shpërqëndrim i mbrojtjes vendase, ka bërë që Moura të rrëmbejë topin dhe të barazojë takimin tre minuta pas golit të parë të Tottenham.

Ndeshja pas këtij mometi bëhet më interesante, pasi skuadrat luajnë gjithçka për gjithçka, teksa dy shtylla, një për Tottenham dhe një për Ajax, mban të pandryshuar rezultatin deri në sekondat e fundit të kohës shtesë.

Lucas Moura ka shënuar përsëri nga brenda zonës duke i dhënë fitoren dhe kualifikimin Tottenham, që tani do të përballet me Liverpool në finalen e madhe të Champions League.

Ajax mund Tottenham, holandezët drejt finales së Championsit (video)

“Nipat e Cruyff” nuk kanë të ndalur në rrugën drejt finales së Champions League, teksa kanë mundur 1-0 Tottenham në ndeshjen e parë gjysmëfinale në shtëpinë e “Spurs”.

Ky rezultat favorizon shumë Ajax për të shkuar në finale, pasi ndeshjen e kthimit ndaj anglezve e luajnë në shtëpinë e tyre.

Miqtë kanë dominuar ndeshjen, duke krijuar presion që në minutat e para me një gjuajtje drejt portës, teksa holandezët kishin epërsi në kontrollin e topit.

Kështu, goli i vetëm dhe i fitores për Ajax nuk ka vonuar me Van de Beek, që ka shkundur rrjetën e Hugo Lloris në minutën e 15′, duke kaluar ekipin e tij në avantazh.

Kjo ishte ndeshja e nëntë radhazi që Ajax shënon në Champions League, duke vendosur një rekord. Rezultati nuk ndryshon në pjesën e parë, por Tottenham humb Jan Vertoghen i cili lë fushën i dëmtuar pas një përplasje në fushë.

Në pjesën e dytë Tottenham përpiqet të bëjë diçka, me Pochettinon që ndryshon dhe skemën e lojës, por skuadra e tij e ka të pamundur të krijojë rrezikun e duhur

Kane kthehet për finalen e Champions-it, nëse Tottenham kalon Ajax-in!

Ky sezon nuk ka qenë shumë pozitiv për yllin e Tottenham dhe të Anglisë, Harry Kane. Sulmuesi i “Spurs”, ka pasur disa lëndime, që e kanë mbajtur për shumë kohë jashtë fushe.

I fundit ishte ai i shkaktuar në çerekfinalen e parë të Champions League në shtëpi ndaj Manchester Cityt, ku Kane u detyrua të largohet nga fusha e lojës me baterica.

Megjithatë, trajneri i Tottenham, Mauricio Pochettino beson se Kane do të kthehet të luajë së shpejti. Sipas Pochettinos, sulmuesi kryesor i ekipit do të jetë gati për finalen e Champions League, nëse Tottenham kalon Ajaxin në gjysmëfinale.

“Nëse më pyetni sot, zemra më thotë se Kane mund të jetë në dispozicion për finalen e Champions-it, – tha Pochettino. – E njoh mirë Harry, vendosmërinë e tij për të punuar dhe për t’u fokusuar, për t’u riaftësuar sa më parë. Sidoqoftë, nuk jam mjek. Kjo është vetëm ndjesia ime”.

“Mendoj se po bën mirë, por sot nuk mund të parashikoj gjithçka me saktësi. Rikuperimi po ecën shpejt, por gjithnjë momenti i fundit është situata më e vështirë, kur duhet të marrësh vendimin për të luajtur apo jo”.

City hakmerret ndaj Tottenham, Foden futet në histori (video)

Ka ardhur “hakmarrja” e Manchester Citit ndaj Tottenham, për eleminimin nga Champions League. Ekipi i Guardiolës ka fituar përballjen në kampipnat mesditën e sotme ndaj Cityt, duke marrë dhe kreun e Premier League.

Phil Foden ka mjaftuar me golin e tij për tre pikët e Cityt, me rrjetën e prekur gjatë pjesës së parë të ndeshjes. Ashtu siç pritej ndeshja ka nisur me emocione që në fillim, pasi të besuarit e Guardiolës kanë kërkuar të fshijnë turpin, që ‘Spurs’ i shkaktuan në çerekfinalen e Championsit.

Ishte i riu Phil Foden që shënoi në minutën 5’, pas një pasimi me kokë nga Aguero. Ky gol e ka futur 18-vjeçarin në historinë e kampionatit anglez, pasi bëhet lojtari më i ri që shënon.

Ndërsa në minutën 38’ ishte Kevin De Bruyne që la fushën pas një dëmtimi në gju. Një sezon i shkuar dëm për belgun që më shumë ka qëndruar jashtë fushe i dëmtuar.

Rezultati mbeti i pandryshuar në 45 minutat e dyta, teksa City dominoi në qarkullim topi dhe pati edhe disa mundësi shënimi, por nuk u treguan të saktë në finalizimin e aksioneve të tyre.

Me këtë fitore Manchester City ngjitet në vend të parë me 86 pikë, 1 më shumë se Liverpool, që luan të dielën ndaj Cardiff. Ndërkohë Tottenham mbetet në vend të tretë me 67 pikë, 1 më shumë se Arsenal dhe Chelsea.

Ikën City dhe Guardiola, Tottenham shkon në gjysmëfinale (video)!

Manchester City dhe Tottenham kanë dhuruar spektakël në ndeshjen e kthimit çerekfinale të Champions League, e cila është mbyllur me fitoren e të besuarve të Guardiolës, me rezultatin 4-3.

Ka mjaftuar ky rezultat për t`i dhënë Tottenham një biletë për në turin gjysmëfinal të kompeticionit më të rëndësishëm evropian për klube.

Sterling ka kaluar Cityn në avantazh  në minutën e 4` të takimit, ndërsa tre minuta më vonë vjen reagimi i Spurs. Është Son Heung-Min që shënon dhe vendos barazpeshën në fushë, ndërsa në minutën e 10` të sfidës koreani shënon përsëri duke kaluar Tottenham në avantazh.

Mirëpo një minutë më vonë Silva shënon golin e barazimit për Manchester Cityn duke vendosur përsëri barazpeshën në fushë me rezultatin 2-2.  Dhjetë minuta më vonë Sterling kalon përsëri Cityn në avantazh, duke bërë që pjesa e parë të mbyllej me shifrat 3-2.

Pjesa e dytë është sërish me ritëm të lartë teksa Aguero thellon diferencën për Cityn në minutën e 59` duke i çuar shifrat në 4-2.

Të besuarit e Pochettinos nuk e pranojnë rezultatin dhe luftojnë për të ngushtuar shifrat. Kështu vjen goli i Llorente në minutën e 73`, që realizoi brenda zonës, teksa në pamje të parë u duk sikur topi ishte prekur me dorë.

Me ndërhyrjen e VAR arbitri kryesor vërtetoi se goli i rregullt, ndërsa  shifrat ngushtohen në 4-3, dhe rezultati i përgjithshëm i dy takimeve shkon 4-4. Minutat e mbetura bëhen dhe më të nxehta me të dyja ekipet që luajnë vetëm në sulm, teksa Cityt i anulohet një gol i parregullt në kohën shtesë. Kjo bëri që rezultati të mbetet i pandryshuar deri në fund, dhe Tottenham të shkojë në gjysmënfinalen e Champions League.

“Strakosha ka personalitet për të luajtur në Londër”

Ish-shoku i skuadrës thotë fjalë të mëdha për portierin shqiptar

Loja është hapur, merkato ende jo, Hugo Lloris po shkon drejt pensionit, Tottenham kërkon të jetë fitues i Premier League vitet e ardhshme. Në fakt duket se të gjitha këto shkojnë në kahe të kundërta me njëra-tjetrën, por diçka pritet të ketë një pikëtakim të përbashkët.

Bëhet fjalë për të ardhmen e Thomas Strakoshës, i cili çdo ditë  e më shumë po kthehet në vëmendjen e Spurs, të cilët kërkojnë një pasardhës të denj për Hugo Lloris. Një ditë më parë, “Soccer Souls”, e sponsorizonte transferimin e portierit të kombëtares shqiptare drej veriut të Londrës, ndërsa sot është dikush tjetër që i bënë reklamë këtij transferimi të mundshëm.

Felipe Anderson, sulmues anësor që aktualisht luan për West Ham United në Angli, ka qenë ish-shok skuadre me Thomas Strakoshën te Lazio një sezon më parë. Ylli i West Ham ka folur për median “Soccer AM”, duke komentuar lajmet e merkatos rreth transferimit të ish-shokut të tij të skuadrës te Tottenham.  

“Para së gjithash, ai është i ri, po rritet dhe përmirësohet shumë dhe mendoj se do të shkojë shumë larg në karrierën e tij. Unë mendoj se, Strakosha, do të arrijë majat, sepse veç cilësive të tij, që punon për t`i përmirësuar çdo ditë, ai ka një përgjegjësi të madhe për të luajtur në një skuadër dhe qytet të tillë të vështirë. Ai ka personalitet të madh dhe gjithashtu luan mirë me këmbët e tij. Më pëlqen ky lloj portieri”, ka thënë Anderson për Strakoshën.

Felipe Anderson e njeh mirë Thomas Strakoshën, pasi e ka pasur shokë skuadre te Lazio. 25-vjeçari u largua verën e vitit të kaluar nga kryeqyteti italian drejt Premier Ligës, duke u bashkuar me West Ham United, ekip me të cilin ka bërë sezon të mirë deri më tani.

Tottenham mposht Manchester City-n (video)

Tottenham ka mundur Machester City-n në shtëpi 1-0, në ndeshjen e parë çerekfinale të Champions League.

Ishte koreani Son Heung-Min ai që i dha fitoren skuadrës së Pochettinos përball skuadrës së Pep Guardiolës.

Në minutën e 78` të takimit, koreani Son futet në zonën kundërshtare, teksa në pamje të parë duket në pozicion jashtë loje, gjytari vijon lojën.

Sulmuesi i Tottenham kontrollon topin si duhet dhe pasi krijon hapësirën e nevojshme mposht Ederson duke i kaluar topin poshtë këmbëve.

Vendasit kanë pasur fat në këtë përballje, pasi në minutën e 13` të pjesës së parë, Aguero gaboi nga pika e penalltisë, duke humbur shansin për të kaluar Cityn në avantazh.

Ndërkohë Tottenham vuajti në pjesën e dytë mungesën e Harry Kane, i cili doli nga fusha i dëmtuar, çka duket se do të mungojë për një kohë të gjatë, pasi sulmuesi anglez shfaqi dhimbje të mëdha në këmbë.

Me fitoren e sotme, Tottenham hedhë një hap të rëndësishëm drejt kualifikimit, paçka se do të duhet të luhet dhe ndeshja e kthimit.

Skip to toolbar