Një aksident i rëndë me pasojë plagosjen e dy personave ka ndodhur në rrugën e Plazhit të Vjetër në Vlorë.
Dy automjete janë përplasur ‘kokë më kokë’ duke lënë të plagosur drejtuesit e tyre. Të rinjtë janë dërguar në spital dhe ndodhen jashtë rrezikut për jetën.
Dyshohet se shkaku i përplasjes është shpejtësia e madhe, ndërkohë vijojnë hetimet për zbardhjen e plotë të aksidentit.
Një ngjarje e rëndë ka ndodhur të martën në mesditë në fshatin Babicë të Vlorës ku burri ka masakruar gruan me sëpatë dhe thikë.
Viktima është 44 vjeçe dhe quhet Laureta Sulo. Mësohet se burri Lavdosh Sulo 56 vjeç, pasi e ka goditur gruan disa herë me sëpatë në kokë dhe pjesët e tjera të trupit e ka qëlluar me thikë në fyt duke e lënë të vdekur në vend.
Më pas ka qenë vetë burri-vrasës ai që ka njoftuar policinë. Policia ka shkuar në vendngjarje dhe ka vënë në pranga autorin e krimit. Mësohet se vrasja ka ndodhur për shkak të xhelozisë. Më herët, në vitin 2012, Lavdosh Sulo rezulton se ka qenë proceduar për dhunë në familje.
Një javë më parë policia arrestoi kunatin e viktimës, pasi ka tentuar të vrasë kushëririn e tij me armë gjahu, pasi dyshonte se ai kishte lidhje jashtëmartesore me 44 vjeçaren. Ngjarja ka ndodhur në vendin e quajtur “Alikokë” Babicë e Madhe, ndërsa kunati i viktimës A. Sulo., 44 vjeç është arrestuar nga policia për “Vrasje me dashje, e mbetur në tentativë”.
Dy të rinj kanë rënë në prangat e policisë së Vlorës, pasi akuzohen si prodhim dhe shitje të lëndëve narkotike. Përkatësisht në Himarë arrestohet në flagrancë i riun me inicialet R.V., 21 vjeç, banues në Tiranë. Kapja dhe arrestimi i tij u bë në një lokal pasi gjatë kontrollit fizik këtij shtetasi iu gjetën në çantën e dorës 82 kokrra të dyshuara drogë stimuluese e llojit ekstazi.
Gjithashtu është arrestuar edhe një 19-vjeçar me iniciale E. A.,banues në fshatin Lapardha, pasi gjatë kontrollit në banesë iu gjetën 220 gramë lëndë narkotike e dyshuar e llojit cannabis sattiva.
Materialet e secilit iu referuan Prokurorisë për veprën penale “Prodhimi dhe shitja e narkotikëve”.
Policia e Vlorës ka vënë në pranga kryeplakun e fshatit Penkovë në Selenicë, së bashku me të birin, pasi akuzohen për kultivim të lëndëve narkotike. Në pranga kanë rënë shtetasit A. N. 57 vjeç, kryeplak i fshatit Penkovë dhe djalin e tij V. N. 23 vjeç.
Nga informacionet e marra, policia ka kryer një kontroll në banesën e kryeplakut ku ju gjet një sasi e kultivuar bime narkotike dhe fidanë kanabis përreth banesës.
Materialet iu referuan Prokurorisë për veprën penale “Kultivimi i bimëve narkotike” e kryer në bashkëpunim dhe “Shpërdorimi i detyrës”.
Është përcjellë për në banesën e fundit trupi i pajetë i parodistit të Vlorës, Muhamet Liko. Qindra qytetarë të Vlorës kanë marrë pjesë në homazhet në nder të tij që janë zhvilluar të martën në hollin e teatrit “Petro Marko”.
Familjarë, miq, kolegë dhe shumë qytetarë i kanë dhënë lamtumirën mes lotëve aktorit të humorit.
Një kurorë me lule në shenjë mirënjohje për Metin u dërgua në Vlorë edhe nga kryeministri i Shqipërisë Edi Rama. Për të gjithë Muhamet Liko do të mbahet mend, jo vetëm si parodisti i Vlorës, por i gjithë Shqipërisë
Ministrja e Infrastrukturës dhe Energjisë, Belinda Balluku ka parë nga afër punimet në terminalin e ri në Portin e Vlorës, ndërsa ka thënë se ai do të ofrojë shërbime më cilësore për turistët dhe do të jetë gati në nisje të sezonit turistik.
Ndërtimi i terminalit të ri, do të bëjë të mundur shtimin e kapaciteteve të përpunimit, ndërkohë që instalimi edhe i dy skanerëve për kontrollin e pasagjerëve dhe bagazheve do të shkurtojë ndjeshëm kohën e pritjes në këtë pikë kufitare.
Ministrja Balluku duke e cilësuar investimin e bërë në Portin e Vlorës si pjesë të strategjisë së Qeverisë Shqiptare për zhvillimin e transportit, theksoi se përmes këtyre investimeve synohet ofrimi i shërbimeve në një kohë më shpejtë dhe më me cilësi për të gjithë udhëtarët dhe turistët të cilët vizitojnë Shqipërinë.
“Investimet në Portin e Vlorës janë pjesë e strategjisë së zhvillimit të transportit të Qeverisë Shqiptare dhe ky terminal që ndodhet këtu, tashmë gati për t’u dorëzuar dhe gati për të nisur operacionet në fillim të sezonit, është tregues i qartë i të gjitha vendimmarrjeve që ne kemi bërë. Projektet të tjera si zgjerimi i kalatave apo edhe thellimi i portit të Vlorës do të shërbejnë për të rritur numrin e pasagjerëve përmes kapaciteteve të reja përpunuese që ky port do ketë. Shpresojmë që gjithçka të përmbyllet sipas afateve dhe Vlora dhe gjithë zona e jugut, e cila meriton një vëmendje të veçantë përsa i përket zhvillimit të turizmit, t’i përgjigjet kësaj kërkese ashtu siç duhet, siç e kërkon një vend europian”, nënvizoi Balluku.
Ndërtimi i kalatës lindore në portin e Vlorës, është një tjetër investim, i cili aktualisht është në fazë studimi dhe që pritet të jetë gati vitin e ardhshëm, çka do të përmirësojnë edhe më infrastrukturën në këtë pikë kufitare.
Ministrja e Infrastrukturës dhe Energjisë garantoi se me investimet e kryera dhe projektet të cilat janë planifikuar për t’u realizuar synohet që Porti i Vlorës të kthehet në një port me parametrat e duhur për t’u përpunuar si anijet turistike ashtu edhe ato të mallrave.
“Porti i Vlorës është një port ndërkombëtar, këtë fakt nuk duhet ta harrojmë, dhe absolutisht mund të destinohet për anijet turistike, pasi kjo është një zonë e cila ka si destinacion turizmin dhe është porta për të aksesuar jugun e Shqipërisë. Megjithatë ky është një port ndërkombëtar të cilin ne do ta sjellim sipas parametrave të duhur për të operuar të gjitha anijet, qofshin këto edhe anijet e mallrave, qofshin këto edhe anije turistike”, theksoi ministrja Belinda Balluku.
Porti i Vlorës është përcaktuar si Porti kryesor për nisjen e anijeve turistike me turistë vendas dhe të huaj, me destinacion Gadishullin e Karaburunit dhe ishullin e Sazanit. Numri i operatorëve turistik të cilët operojnë me anije në këto destiancione ka ardhur duke u rritur, nga 8 anije që kanë operuar në vitin 2018, për këtë sezon kanë paraqitur kërkesë 13 operatorë.
Nga atentati i mbrëmshëm në fshatin Poro në Vlorë, mbeti i vdekur 22 vjeçari Sotiraq Mëhilli dhe është plagosur Eno Mata që dyshohet, sipas policisë se ka qenë shënjestër e atentatit. Por Mata ka folur për News 24 dhe ka thënë se ai nuk ka bërë asnjë vrasje në Greqi, por vetëm ka grabitur një bankë, krim për të cilin ka vuajtur dënimin. Mata thotë se atë e kanë ngatërruar me një anëtar bande në Greqi, ndaj edhe e kanë qëlluar.
“Unë nuk kam bërë asnjë vrasje, vetëm kamë bërë vjedhje në bankë. Jam dënuar për këtë punë. Atje më kanë ngatërruar me një anëtar të një bande. Prandaj më kanë qëlluar” është shprehur Eno Mata.
Më pas ai ka thënë se autorët që kanë qëlluar në drejtim të tij dhe shokut të tij kanë dalë nga një ferrë ku ishin fshehur.
Dyshohet se vrasja e mbetur në tentativë e Matës është porositur në shtetin fqinj, Greqia, pasi ai dyshohet për vrasjen e avokatit grek Mihalesi Zafeiropoulos. Një krim të cilin vetë Mata e ka mohuar.
Një atentat me breshëri kallashi ka ndodhur natën e mbrëmshme në fshatin Poro të Vlorës, ku ka mbetur i vdekur një i ri 22 vjeç dhe një tjetër 32 vjeç është plagosur rëndë.
Mësohet se nga atentati ka mbetur i vdekur 22 vjeçari, Sotiraq Mëhilli dhe është plagosur Eno Mata 32-vjeç.
Ngjarja ka ndodhur rreth orës 1 të natës, kur të dy personat janë qëlluar me breshëri teksa ishin duke udhëtuar me motorr.
Autorët e krimit kanë djegur automjetin vetëm disa kilometra larg vendit ku lanë të vrarë 22-vjeçarin dhe plagosën 32-vjeçarin tjetër.
Policia bën të ditur se ka gjetur të djegur një automjet tip ‘ Mercedes Benz’ në Bishan, si dhe ka sekuestruar dy kallashnikovë me të cilët autorët kanë hapur zjarr.
Makina rezulton e vjedhur gjithashtu edhe targat e këtij automjeti rezultojnë të jenë të vjedhura.
Në vendin e ngjarjes kanë mbërritur edhe forca të FNSH, të cilat kanë nisur krehjen e zonës për gjetjen e autorëve. Sipas policisë personi i plagosur Eno Mataj që dyshohet të jetë edhe shenjestra e atentatit kishte pak më shumë se 6 muaj i kthyer nga Greqia ku edhe ishte i dyshuar e dënuar për grabitje.
Ndërsa 22 vjeçari që gjeti vdekjen ishte një person pa probleme dhe pa precedent sipas policisë.
Njoftimi i policisë:
Më datë 27.05.2019, rreth orës 01:10, në fshatin Poro (rrugë) në rrethana ende të paqarta është qëlluar me armë në drejtim të shtetasve E.M dhe S.M të cilët po udhëtonin me motorr.Si pasojë të dy shtetasit janë plagosur, ku rrugës për në spital ka ndërruar jetë 22 vjeçari S.M, ndërsa shtetasi E.M, 32 vjeç, ndodhet në gjendje të rëndë shëndetësore.
Forca të shumta të Policisë Vlorë dhe FNSH-së po krehin zonën, ku në fshatin Bishan është konstatuar duke u djegur një automjet tip Mercedes Benz, i cili dyshohet të jetë përdorur nga autori/rët.
Është ngritur një grup i posaçëm hetimor i cili vijon punën për zbardhjen e ngjarjes, identifikimin dhe kapjen e autorit/ëve.
Dy operacione të suksesshme ka realizuar policia në Fier dhe në Vlorë duke goditur trafikun e lëndëve narkotike dhe duke vënë në pranga disa shtetas. Në Vlorë është arrestuar në flagrancë një shtetas 23 vjeçar ndërsa janë sekuestruar 2 dy armë zjarri me silenciator dhe 240 doza kokainë.
Ndërsa në Fier janë arrestuar 3 shtetas, si dhe është shpallur në kërkim një tjetër, si bashkëpunëtor në këtë veprimtari kriminale.
Janë sekuestruar 1,4 Kg Heroinë dhe 1 Kg Kokainë.
Gjithashtu në cilësinë e provës materiale u sekuestrua dhe 1 armë gjahu pa leje.
“Në përfundim të veprimeve hetimore, u bë arrestimi në flagrancë i shtetasve:
I. T., 47 vjeç, banues në Bishanak, Fier (i dënuar më parë për grabitje me dhunë).
G. T., 22 vjeç (djali i I. T), banues në Bishanak, Fier.
T. T, 51 vjeçe (kunata e I. T), banuese në Bishanak, Fier.
U proceduan penalisht në gjendje të lirë 2 shtetas të tjerë dhe vijojnë hetimet për të parë implikimin e tyre në këtë veprimtari kriminale.
Gjithashtu u shpall në kërkim dhe po punohet për kapjen e shtetasit Z. T., 55 vjeç, i dyshuar si bashkëpunëtor i shtetasve të arrestuar për këtë veprimtari kriminale”, njofton policia e shtetit.
Materialet procedurale i kaluan Prokurorisë pranë Gjykatës së Shkallës së Parë Fier për veprime të mëtejshme hetimore, për veprat penale “Prodhimi dhe shitja e lëndëve narkotike”, “Nxitja për përdorimin e drogës” dhe “Mbajtja pa leje e armëve të gjuetisë dhe sportive”.
33 vjeçari Romario Alliraj nga Vlora i ka shpëtuar për mrekulli një atentati me armë zjarri dje në Vlorë.
Atentati ndaj tij është kryer pasditen e djeshme, rreth orës 18:30, në afërsi të urës së Mifolit, në autostradën Levan-Vlorë.
Romario Alliraj nga Vlora ishte duke udhëtuar me automjetin e tij, kur një tjetër mjet i ka zënë rrugën dhe në drejtim të tij është lëshuar një breshëri plumbash kallashnikovi. Fatmirësisht, Romario Alliraj u ka shpëtuar plumbave dhe ka marrë vetëm lëndime të lehta nga përplasja e mjetit.
Policia njofton se janë gjeti më shumë se 20 gëzhoja plumbash në vendngjarje, ndërkohë që ende nuk ka një pistë hetimi lidhur me ngjarjen.
Ndërkohë, Alliraj raportohet të ketë punuar në një piceri, si shpërndarës picash me motor.
Informacion paraprak i policisë
Në vendin e quajtur “Ura e Mifolit” Novoselë, në rrethana ende të paqarta është qëlluar me armë zjarri në drejtim të automjetit që drejtohej nga shtetasi R.A., 33 vjeç, banues në Vlorë, i cili ka humbur kontrollin e mjetit dhe ka dalë nga rruga duke pësuar lëndime të lehta.
Nuk ka të lënduar me armë zjarri.
Grupi hetimor ndodhet në vendin e ngjarjes dhe po kryen hetimet në lidhje me zbardhjen dhe sqarimin e rrethanave.
Po punohet nëpërmjet kontrollit të territorit dhe veprimeve të tjera hetimore për identifikimin dhe kapjen e autorit/ëve.