Vrau gruan në Memaliaj, burri del në gjyq: E vrara se më tradhtonte

“E vrava se më tradhtonte”. Kështu është shprehur në seancën e sotme gjyqësore, Skënder Hoxha, 63-vjeçari nga Memaliaj i cili tre ditë më parë vrau gruan e tij, Antoneta Hoxha.

Për të gjykata dha sot masën e arrestit me burg, ndërkohë që ka dëgjuar versionin e tij të ngjarjes. Hoxha ka treguar se ditën kur ndodhi ngjarja e rëndë në momentin kur është futur në banesë i dashuri i saj ka dalë nga dritarja.

Në seancën gjyqësore autorit të vrasjes iu caktua nja avokat nga shteti, ndërkohë që ka qenë i vetëm pasi është braktisur edhe nga familjarët.

Me ndryshimet e reja në Kodin Penal, Hoxha pritet të dënohet me burgim të përjetshëm, por ndërkohë do t’i nënshtrohet ekspertizës për të verifikuar nëse vuan nga probleme mendore.

Ngjarja e rëndë ndodhi tre ditë më parë në fshatin Vagalat, 25 km larg nga Memaliaj, ku autori goditi gruan e tij Antoneta Hoxha me levën që shërbente për kazanin e rakisë, në dhomën e tyre të gjumit.

Kushërinjtë në Laç u vranë për një foto në Facebook

Mund të duket e çuditshme por kjo ndodh në Shqipëri: dy kushërinjtë në Laç u vranë për një foto në Facebook.

Kështu kanë dëshmuar autorët e vrasjes në polici.

Vëllezërit Markel dhe Manuel Bushi, si dhe një person tjetër janë penduar që situata agravoi deri në vrasjen e dy kushërinjve Jushi.

Nga hetimet rezulton se sherri ka ndodhur në ambientet e një lokali në qendër të qytetit verior dhe pasi kanë dalë nga lokali sherri ka vijuar dhe ka çuar deri në përdorimin e armëve.

Ata ishin të njohur me njëri tjetrin dhe sherri ka filluar pas një fotoje në mediat sociale.

Mësohet se autorët e arrestuar për krimin kanë thënë para policisë: “Nuk deshëm t’i vrisnim kushërinjtë Jushi. Gjithçka ndodhi në gjaknxehtësi e sipër!”

Vrasja e kushërinjve në Laç, dorëzohen vetë në polici autorët e krimit

Janë dorëzuar në polici dy nga autorët e dyshuar për vrasjen e dy kushërinjve Mikel dhe Jani Jushi në Laç.

Policia bën të ditur se dorëzimi i tyre erdhi si rezultat i negociatave të policisë me familjarët e tyre. Ngjarja ndodhi vetëm pak ditë më parë në qytetin e Laçit. Të rinjtë u qëlluan me armë pas një sherri banal në një lokal.

Njoftimi i policisë:

Në vijim të veprimeve për zbardhjen e ngjarjes së ndodhur në lagjen nr. 1 Laç, Kurbin, ku pas një konflikti për motive të dobëta u plagosën me armë zjarri dy shtetas të cilët më pas gjetën vdekjen në një nga spitalet private në Tiranë ju informojmë se:

Si rezultat i punës hetimore të kryer nga grupi i posaçëm hetimor nën drejtimin e Prokurorisë së Rrethit Gjyqësor Kurbin u bë e mundur identifikimi dhe shpallja në kërkim e autorëve të dyshuar të kësaj ngjarje.

Policia në vijim dhe pa ndërprerë ushtroi kontrolle të shumta dhe përdori metodat speciale të hetimit për të bërë të mundur kapjen e autorëve.

Njëkohësisht Grupi i posaçëm hetimor negocioi me familjarët e autorëve të dyshuar që ata të dorëzoheshin organeve të drejtësisë.

Dy nga autorët e dyshuar, shtetasit M. B., 25 vjeç dhe V. B., 28 vjeç, të dy lindur e banues në Kurbin, pas negociatave me familjarët, janë vetë dorëzuar në Polici.

Grupi i posaçëm hetimor nën drejtimin e Prokurorisë po vijon punën për dokumentin e plotë të kësaj ngjarje.

Materialet iu referuan Prokurorisë pranë Gjykatës së Shkallës së Pare Kurbin, për veprime te mëtejshme hetimore, për veprat penale “Vrasja në rrethana të tjera të cilësuara, në bashkëpunim” dhe “Mbajtja pa leje e armëve dhe municioneve luftarake”, parashikuar nga nenet 79/dh, 25 dhe 278/1 të Kodit Penal.

Vrasja në Memaliaj, flet dëshmitari: Gruaja ishte e çarë në kokë

Mëngjesin e sotëm është gjetur e pajetë një grua në fshatin Vagalat të Memaliajt. Gruaja është 53 vjeçarja Antoneta Hoxha, nënë e katër fëmijëve. Kryeplaku i fshatit Hodo Hoxha tregon për Report Tv se ka shkuar në orën 04:00 të mëngjesit të sotëm në banesën e çiftit bashkë me fqinjët e tjerë ku ka parë gruan të mbuluar me gjak. Bashkëshorti i saj i ka thënë fqinjëve të mos e prekin s’e e kanë vrarë.

“U ngritëm shkuam dhe e pamë, e kishte mbuluar gjaku. Mos e kapni me dorë,- tha (burri) se e kanë vrarë. Nuk e di a e ka vrarë ai. Nuk kishin probleme më parë. Kemi hyrje dalje, ishin të qetë.

Çifti ka një djalë dhe tre vajza, të cilat i ka martuar, dy janë në Greqi dhe njëra në Tiranë. Kur erdha unë në orën 04:00 ishte mbuluar në gjak, e çarë në kokë”, bëri të ditur kryeplaku Hoxha.

Policia ka nisur hetimet dhe ka shoqëruar bashkëshortin e viktimës, të cilin e ka marrë në pyetje për të zbuluar ngjarjen.

Tragjike, goditet në kokë, vdes gruaja

Një grua është gjetur e pajetë mëngjesin e sotëm në fshatin Vagalat të Memaliajt. Viktima është Antoneta Hoxha 53 vjeç.

Mësohet se gruaja kishte dëmtime në kokë dhe në krahun e majtë.

Policia ka mbërritur në vendin e ngjarjes dhe ka nisur hetimet. Burimet bëjnë të ditur se policia dyshon se gruaja mund të jetë vrarë nga bashkëshorti, Skënder Hoxha, i cili është shqoëruar dhe po merret në pyetje nga grupi hetimor.

Pse u vranë kushërinjtë në Laç? Ja çfarë thotë policia

Policia e Lezhës ka zbardhur ngjarjen e mbrëmshme në Laç ku mbetën të vrarë dy kushërinjtë Mikel Jushi, 35 vjeç, dhe Jani Jushi, 30 vjeç.

Policia bën të ditur se motivi i vrasjes ka ndodhur pas një konflikti të çastit mes 5 personave të cilët kanë qenë duke biseduar në lokal. Për zbardhjen e rrethanave të krimit, policia shoqëroi 23 persona në cilësinë e dëshmitarit.

“Në lidhje me ngjarjen e ndodhur mbrëmjen e djeshme në lagjen nr. 1 Laç, Kurbin, ku pas një konflikti për motive të dobëta u plagosën me armë zjarri dy shtetas të cilët më pas gjetën vdekjen në një nga spitalet private në Tiranë, Policia ngriti një grup të posaçëm hetimor nën drejtimin e Prokurorisë së Rrethit Gjyqësor Kurbin për zbardhjen e kësaj ngjarjeje.

Menjëherë sa është marrë njoftimi, në vendngjarje kanë shkuar shërbimet e Policisë së Kurbinit si dhe grupi hetimor. Në vijim janë ngritur pika kontrolli në të gjitha rrugët që lidhen me qytetin e Laçit si dhe disa pika kontrolli në akset kryesore rrugore, Milot -Lezhë, Milot -Kurbin -Tiranë.

Me mbështetjen e FNSH, janë kryer një sërë kontrollesh në banesa e vende të dyshimta ku mund të ishin fshehur autorët, si dhe janë shoqëruar në Komisariatin e Policisë, 23 persona të cilët u pyetën në lidhje me ngjarjen.

Nga tërësia e veprimeve hetimore të kryera nga grupi i posaçëm hetimor, rezultoi se ngjarja ka ndodhur për motive të dobëta, pas një konflikti të çastit, dhe se autorët e dyshuar të vrasjes janë shtetasit: M. B., 25 vjeç, M. B., 23 vjeç dhe V. B., 28 vjeç, të tre lindur e banues në Kurbin.

Policia e Kurbinit vijon kontrollet intensive për gjetjen dhe kapjen e autorëve të dyshuar. Materialet iu referuan Prokurorisë Kurbin, për veprime te mëtejshme hetimore, për veprat penale “Vrasja në rrethana të tjera të cilësuara, në bashkëpunim” dhe “Mbajtja pa leje e armëve dhe municioneve luftarake”, thuhet në njoftimin zyrtar.

Vrasja e kushërinjve në Laç, policia identifikon autorët

Policia e Kurbinit njofton se ka identifikuar autorët e vrasjes së dy kushërinjve mbrëmë në qytetin e Laçit.

Mësohet se policia është vënë në kërkim të Markel Gjonbushit 25 vjeç dhe Vinçens Pali (Bushi).

Dy autorët në fjalë dyshohet se kanë vrarë mbrëmë në qytetin e Laçit dy kushërinjtë, Mikel Jushi dhe Jani Jushi dhe ma pas janë larguar nga vendngjarja.

Sherri ka nisur në një lokal në qendër të qytetit mes dy palëve, të cilët më pas kanë dalë jashtë për t’u sqaruar. Autorët kishin armë me vete. Dy kushërinjtë Mikel Jushi dhe Jani Jushi janë larguar me vrap, por autorët i kanë ndjekur dhe qëlluar. Sipas dëshmitarëve, kushërinjtë Jushi njiheshin si njerëz të qetë, ndërsa lokali frekuentohej nga persona me precedent.

Policia po punon për kapjen e autorëve të krimit.

Vritet gaztarja në protestat e Iralndës së Veriut

Londonderry – Një hetim për vrasje ka nisur pasi një grua e re në moshë u vra gjatë natës së protestave në Londoderry, në Irlandën e Veriut.

Policia e përshkruan si një “incident terrorist“. Disa raportime, ende të pakonfirmuara, japin detaje duke bërë të ditur se 29 vjeçarja ishte gazetare dhe po mbulonte ngjarjet e protestave të dhunshme.

Të shtëna me armë zjarri dhe bomba molotov raportohet të jenë përdorur gjatë orëve të protestës në Creggan, një zonë e qytetit që nacionalistet preferojnë ta quajnë “Derry”. Tensionet janë rritur në prag të Pashkëve, dhe shumë irlandezë po përkujtjnë kryengritjen e armatosur kundër rregullit Britanik të vitit 1916, që u bë I njohur si Kryengritja e Pashkëve.

Gazetarja Leona O’Neill gjatë një postimit në tëitter u shpreh se kish qenë në krahë të viktimës kur ajo u rrëzua dhe kishte lajmëruar menjëherë ambulancë, edhe pse gruaja e re nuk arriti të mbijetonte, duke humbur jetën në spital. “Vetëm 29 vjeçare. Nuk mund ta kapërdijë”, u shpreh ajo.

Zëvendës shefi i forcave policore të këtij rajoni konfirmoi vdekjen e gruas së re në moshë, duke theksuar se çështjen po e trajtojnë si një incident terrorist dhe për këtë ka nisur një çështje hetimore.

Ngjarja është kritikuar në mjedisin e përcarë politik. Disidentët Republikanë po akuzohen për valën e dhunshme të protestave, të cilat paralajmërojnë një mundësi të madhe destabiliteit gjatë kremtimit të Pashkëve.

Në Janar një autobombë shpërtheu pranë godinës së drejtësisë në Londonberry, por fatmirësisht nuk pati viktima. Një grup i vetëquajtur “IRA“, mori përsipër vendosjen dhe shpërthimin e autobombës.

Disa grupe vijojnë kundërshtimin e procesit të paqes edhe pas 21 vitesh prejt marrëveshjes së të Premtes së Mirë.

Shqiptari viktimë e sherrit në burg

Një 27 vjeçar shqiptar dhe një 33 vjeçar grek kanë mbetur viktima të një sherri super masiv që ka ndodhur në burgun e Karidhalos në Greqi.

Kanë qenë me dhjetëra të burgosur që kanë gjuajtur me sende të forta, por nuk dihet ende nëse dhuna ka qenë kundrejt dy viktimave apo mes të gjithë të burgosurve që ndodheshin aty.

Shqiptari dhe shtetasi grek humbën jetën në spital si pasojë e plagëve të marra.