Shkëlqejnë ‘legjionarët’, Balaj dopietë në Austri, Lenjani super gol në Zvicër

Bekim Balaj ka dhënë sinjale pozitive për trajnerin Edy Reja, një ditë para grumbullimit në kombëtare. Sulmuesi shtatlart ka shënuar dy gola në kampionatin austriak me ekipin e Strum Graz. Një ndeshje fantastike për Balajn, që gjeti golin e parë në minutën e 30-të të takimit. Pasi mori një asist nga Hierlander, Balaj realizoi me kokë duke kaluar skuadrën e tij në avantazh.

Goli i dytë erdhi në minutën e 95-të të sfidës, kur shkodrani realizoi përsëri me kokë. Me dygolëshin e të dielës, Balaj shkon në kuotën e 3 golave me skuadrën austriake të Strum Graz në vetëm 6 javë kampionat. Gjithashtu, me paraqitjen e tij të mirë, sulmuesi është një garanci dhe për kombëtaren tonë, që do të ketë dy përballje të rëndësishme javën e ardhshme.

Ndërkohë, në Zvicër, Ermir Lenjani i ka siguruar fitoren ekipit të Sion me një gol spektakolar. Mbrojtësi, që tashmë ka ndryshuar rol duke luajtur si sulmues krahu, ka gjetur rrjetën për ekipin e tij në minutën e 17-të.

Ishte një pasim fantastik nga Pajtim Kasami, që nxori të vetëm përballë portierit kundërshtar Lenjanin, i cili i fluturoi topin mbi kokë duke kaluar Sionin në avantazh ndaj Thun. Ky gol ka mjaftuar që Sion të marrë tre pikët e radhës në kampionat, ndërsa Lenjani konfirmon formën e tij të mirë fizike për ekipin kombëtar.

Basha si ministër shpenzonte 3 mijë euro në resortin luksoz në Zvicër

Pas publikimit të disa faturave ku akuzohej Ministrja Etilda Gjonaj për shpenzime të larta gjatë udhëtimeve jashtë vendit, një portal, Lexo.al, publikoi disa ditë më parë faturat kur ish-ministri i PD Aldo Bumçi paguante shuma të larta për të qëndruar në një hotel në SHBA. Pas këtyre faturave, për Aldo Bumçin, ky portal ka publikuar këtë të enjte, faturat e shpenzimeve në kohën kur Lulzim Basha ka qenë ministër. Bëhet fjalë për vitin 2009, dhe konkretisht për periudhën 27 janar deri në 1 shkurt të 2009.

Sipas faturave të publikuara, mësohet se Lulzim Basha, aso kohe Ministër i Jashtëm, ka shpenzuar mbi 3 mijë euro për katër netë qëndrimi në një restor me pesë yje në Zvicër. Konkretisht, lideri i opozitës ka qenë në zonën turistike të Klostersit, në restorin e quajtur “Piz Buin”. Resorti me pesë yje ofron dhoma, siç dëshmon fatura, për një vlerë prej rreth 695 franga zvicerane nata, ose konvertuar, rreth 600 euro nata. Për katër ditë qëndrimi, Basha ka shpenzuar 2500 euro.

Fatura më pas është rrumbullakosur me pije, shërbim në dhomë dhe shërbime të tjera që ofrohen në këtë hotel prestigjioz. Në total, Basha ka shpenzuar plot 3 771 franga zvicerane, më shumë se 3 mijë euro nga parate e taksapaguesve shqiptarë. Një ministër në Shqipëri paguhet rreth 1,7 milionë lekë të vjetra, më pak në vitin 2009, pra një faturë e tillë do të ishte e barazvlefshme me 2 muaj e gjysmë pagë, por që në fakt janë paguar nga buxheti i shtetit.

Shpërthen helikopteri, shuhet familja e artistit anglez

Një aksident i rëndë ajror, që i ka marrë jetën një familje të tërë, ka ndodhur në Alpet e Zvicrës. Helikopteri me të cilën po udhëtonte familja e kompozitorit anglez, Jonathan Goldstein shpërtheu në ajër duke lënë atë, gruan e tij dhe vajzën të vdekur.

Helikopteri tip “Piper PA-28 Arrow” shpërtheu ndërsa familja fluturonte drejt Italisë. Trupat e 3 viktimave u gjetën nga policia zvicerane, ndërkohë nuk dihet se çfarë e ka shkaktuar shpërthimin e helikopterit.

Erdhën nga Zvicra për pushime, 61 vjeçari vret gruan 20 vite më të re

Një ngjarje e rëndë ka ndodhur në qytetin e Prizrenit ku bashkëshorti 61 vjeçar ka qëlluar me armë duke lënë të vdekur në vend gruan e tij 20 vite më të re. Mediat kosovare njoftojnë se ngjarja ka ndodhur ditën e martë rreth orës 23 të mbrëmjes, në lagjen “Hysni Morina” në qytetin e Prizrenit.

Çifti jetonte në Zvicër dhe kishin ardhur në Prizren për të kaluar disa ditë pushimesh. Por pas një sherri mes tyre 61 vjeçari B.V. ka qëlluar më armë gruan e tij 42-vjeçare, vetëm pak metra larg shtëpisë.

Në vendin e ngjarjes policia gjeti 15 gëzhoja të cilat u shkrepën nga revolja me të cilën dyshohet të ketë ndodhur e gjithë ngjarja e rëndë.

Me vendim të prokurorit është bastisur shtëpia e personit të dyshuar dhe policia ka arritur të gjejë armën e tipit revole ZIG M1, të kalibrit 9 mm si dhe 42 fishekë të kësaj armë. Dyshohet se me të njëjtën armë i dyshuari ka kryer veprën penale të ‘vrasjes së rëndë’.

4-vjeçari mbytet në lum, prokuroria akuzon prindërit. Nëna: Ai ishte hiperaktiv

Një ngjarje e rëndë ndodhi dy muaj më parë në Zvicër, ku një fëmijë 4-vjeçar shqiptar u mbyt në lum dhe tani prindërit e tij përveç dhimbjes për humbjen e fëmijës po përballen me akuzat e ngritura nga prokuroria për pakujdesi.

Prokuroria në Aargau ka hapur një padi ndaj prindërve të viktimës, për vrasje nga pakujdesia.

42-vjeçarja Burbuqe M. në një intervistë për mediat, duke bërtitur thotë: “Unë isha një nënë e mirë dhe gjithmonë aty për djalin tim. Nuk jam fajtore. Në atë fatkeqësi, Zeneli luante me fëmijët e tjerë në këndin e lojërave, por papritmas djali është zhdukur. E vura re menjëherë dhe gjeta biçikletën e tij. Por kam kërkuar kudo dhe kot”, tha nëna.

“Ai ishte thjesht hiperaktiv”, thotë ajo. Prokuroria tani mendon se Burbuqja ka shkelur detyrën e saj si nënë për të mbikëqyrur dalin e mitur. Prandaj ka ngritur akuzën për vrasje nga pakujdesia. Zeneli ra në një kanal, ku edhe u mbyt, ngjarje për të cilën kanë shkruar më herët mediat zvicerane.

Seferi dhe tre sezone me Young Boys, por i shtyhet debutimi me kampionët

Futbollisti i kombëtares shqiptare, Taulant Seferi, ka rinovuar kontratën me kampionët e Zvicrës, Young Boys. Kjo është firma e dytë në rinovimin e kontratës për Taulant Seferin, i cili vetëm në fund të vitit të shkuar, zgjati me një vit afatin e bashkëpunimit me skuadrën e Young Boys. Por, mesaduket klubi zviceran ka kuptuar se me çfarë talenti ka të bëj, duke ndryshuar mendje dhe shtyrë dhe për tre zone afatin e bashkëpunimit me lojtarin shqiptar.

Megjithatë, Taulant Seferi do të duhet të presë ende për të luajtur me ekipin e Young Boys, pasi sulmuesi do të jetë i huazuar për gjysmën e sezonit te Xamax, me të drejtë rikthimi në janar te skuadra e tij. “Gjithçka po ecën mirë, çdo gjë u krye. Kontrata e re me Young Boys plus 3 vjet dhe huazimi në Xamax për një sezon me mundësi kthimi në janar. Falënderimi i taon Zotit, familjes dhe gjithë atyre që më përkrahën dhe kishin besim tek unë”, shkruan lojtari në rrjetet sociale.

Gjithsesi lajmi i mirë është fakti se Taulant Seferi do të aktivizohet në Superligën e Zvicrës, aty ku përballë sezonin e ardhshëm do të ketë shumë lojtarë të tjerë të kombëtares shqiptare, si Taulant Xhaka apo Ermir Lenjani. Sezonin e shkuar, Taulant Seferi u aktivizua me ekipin e Winterthur, skuadër që nuk arriti të ngjitej dot në elitën e futbollit helvet. Megjithatë, Taulant Seferi bëri një kampionat mbreslënës, ku shënoi mbi 7 gola dhe dha shumë asiste, duke ndihmuar ekipin në ndeshje deçizive.

Anglia mund Zvicrën për vendin e tretë të Nations League

Pak orë para finales së Nations League, që do të zhvillohet mes Portugalisë dhe Holandës, pasditen e kësaj të diele është zhvilluar ndeshja për të përcaktuar vendin e tretë dhe të katërt. Anglia ka fituar ndaj Zvicrës, duke u renditur në vendin e tretë. Skuadra e drejtuar nga Southgate fitoi pas gjuajtjes së penalltive, pasi koha e rregullt u mbyll në barazim 0-0.

Pjesa e parë e ndeshjes u mbyll pa rrejta të prekura, ndërsa në të dytën skuadra e Southgate shënoi në minutën e 84` me Callum Willson, por goli u anulua për faull. Edhe pse “Tre Luanët” patën dhe disa mundësi të tjera, ata nuk arritën të shkonin brenda rrejtës.

Kështu ekipet shkuan drejt penalltive, ku fati u buzëqeshi skuadrës së Southgate. Ekipi anglez fitoi me rezultatin 6-5 falë pritjes së Pickford. Kështu skuadra angleze fitoi medaljet e bronzit si dhe 8 milionë euro, si shpërblim nga UEFA. Ndërsa Zvicra arkëton 7 milionë euro.

Mbrëmjen e së dielës do të luhet dhe finalja e Nations League, ku Portugalia sfidon Holandën në “Estadio do Dragon” në Porto. Të dyja ekipet synojnë të shpallen fituese të këtij turneu, për të shënuar historinë në edicionin e parë të këtij kompeticioni të krijuar rishtaz nga UEFA.

Taulant Seferi rikthehet te goli në Zvicër

Sulmuesi i Kombëtares shqiptare, Taulant Seferi, është rikthyer te goli mbrëmjen e sotme, duke gjetur rrjetën pas disa javësh mungesë.

Seferi ka shënuar golin e dytë për Winterthur në ndeshjen mdaj Chiasso. Një aksion spektakolar i futbollistëve të Winterthur nga mesfusha e gjen Seferin në pozicion të mirë shënimi.

Sulmuesi kuqezi pasi kalon dy mbrojtësit kundërshtar, niset drejt portës dhe nga brenda zonës e ka të lehtë të dëegoi topin në shtyllën e dytë.

Sakaq futbollisti i kombëtares shqiptare ka dhënë dhe asistin e golit të parë për Winterthur, teksa me realizimin e sotëm, Seferi shkon në kuotën e 9 golave në kampionat.

Kapet me drogë në kufirin zviceran, arrestohet trajneri serb

Pika doganore Diepoldsau në Zvicër ka arrestuar një shtetas serb, i cili ishte edhe trajner, sipas njoftimit të policisë, pasi po tentonte të kalonte me një sasi droge.

27-vjeçari serb po kalonte nga Austria drejt Zvicrës me një sasi droge të lidhur rreth trupit të tij. Droga u kap nga skaneri duke bërë që policia të kryente një kontroll edhe më të imtësishëm.

Droga, e ndarë në disa pako, kapte një sasi prej 2 kilogram heroinë të lidhura rreth trupit.

Shkatërrohet grupi kriminal shqiptar, 14 të arrestuar

Policia zvicerane ka bërë të mundur shkatërrimin e një grupi kriminal shqiptarësh, të cilët merreshin me trafikimin e heroinës në disa pjesë të ndryshme të vendit. Policia arrestoi 14 persona pas një vit që mbaheshin nën hetim.

Grupi kriminal ishte aktiv në zonat e Fribourgut, Bernës, Vaudit dhe Gjenevës. Gjatë aksionit autoritetet sekuestruan 8.5 kg heroinë dhe rreth 10.5 kilogramë materiale prerëse (paracetamol dhe kafeinë), si dhe 50 000 franga (50.000 dollarë).

Droga po të dilte në treg kapte vlerën rreth 1 milion franga (1 milion dollarë).